ရူးရူးမူးမူး ရင်ထဲကဦး
အပိုင်း(10)
"ဟိုင်း!! "
ဝင်လာတဲ့ ကောင်မလေးကြောင့်
ယူနစ်အံ့သြစွာ နားမှာကပ်ထားတဲ့ဖုန်းကို ချလိုက်ပြီး မတ်တပ်ထရပ်လိုက်၏။
"မင်း?..."
မိုင်းက ယူနစ်ရဲ့အလုပ်စားပွဲပေါ်သို့ လက်ထောက်လိုက်ပြီး ယူနစ်အားမော့ကြည့်၍
"Eum Hum?"
ခေါင်းလေးစောင်းရင်း နှုတ်ခမ်းမဖွင့်သောအသံလေးနှင့်။
ယူနစ် သူမမျက်နှာကနေအကြည့်လွှဲလိုက်ပြီး
"မင်းဘယ်လိုရောက်လာတာလဲ"
"ဘယ်လိုလာရမလဲ Taxiနဲ့လာတာပေါ့"
မိုင်းက ပြောလည်းပြော ယူနစ်စားပွဲပေါ်က ဖောင်တိန်ထည့်ထားသော ခွက်ထဲကဖောင်တိန်တွေကိုတစ်ချောင်းချင်းထုတ်ကြည့်လိုက် စာရွက်နှင့် အခြားဖိုင်တွေအားလည်း လှန်ကြည့်သည့်အခါ
"မင်းလက်ငြိမ်ငြိမ်နေ !"
ယူနစ် စာရွက်တွေကိုဖိရင်း သူမလက်သေးသေးလေးကိုပါ ဖိထားမိလိုက်သည်။
"လျှောက်မဖွနဲ့ ငါက အမှတ်နဲ့ထားတာ "
"စာရွက်တွေတင်မဟုတ်ဘဲ မိုင်း လက်ကိုရော မှတ်ထားမလို့လား "
ယူနစ်က မိုင်းကိုပြန်ငုံ့ကြည့်လိုက်သဖြင့်
မိုင်းက စားပွဲပေါ်သို့မေးဆက်ပြလိုက်လျှင်
ယူနစ် စာရွက်တွေနဲ့ရောပြီး သူမလက်ကလေးအား အပေါ်ကနေ အုပ်ဖိထားမိ၏။
"အဟင်း !"
ဖယ်ပေးလိုက်၍
"ငါမေးတာ မင်း ဘာလာလုပ်တာလဲဆိုတာ!"
"ဦးပြောခဲ့တယ်လေ "
မိုင်းပြောလည်းပြော ယူနစ်ရဲ့အလုပ်စားပွဲပေါ် တင်ပါးလေး လွှဲထိုင်လိုက်သဖြင့်
"ဟိတ် ခုံမှာထိုင်လေ ဘာလို့စားပွဲပေါ်တက်ထိုင်တာလဲ"
"ဦးနဲ့အနီးဆုံးက စားပွဲပဲရှိတာလေ "
သူမက မလျော့တဲ့အပြင် စားပွဲပေါ်မှာ ကျကျနန ခြေဆင်းထိုင်လိုက်ရာယူနစ် ဆံပင်တွေကိုထိုးသပ်ရင်း သက်ပြင်းချလိုက်သည်။
KAMU SEDANG MEMBACA
ရူးရူးမူးမူး ရင်ထဲကဦး (Completed) OC
RomansaAge is just number အသက်ဆိုတာ နံပါတ်တစ်ခုပါ ဦးရာ... ပြောတော့ ခင်ဗျားပြောသမျှက မိုင်းအတွက်ဆို ဒါတွေကို မိုင်းတောင် ဂရုမစိုက်တာ ခေါက်ထားလိုက်စမ်းပါ ဒါမှမဟုတ် ခင်ဗျားရဲ့အချစ်ဦး...မဟုတ်သေးဘူး မိုင်းရဲ့အမေကိုမမေ့နိုင်သေးတာလား... နောက်ဆုံးပြောမယ်ဦးယူနစ် မိ...
