صرخة مظلوم

الثالث عشر

دخل رماح المنزل برفقة آسر الذي يبتسم باتساع وفرحة  وهو يثرثر مع رماح الذي يبتسم له بحنان وداخله قد شعر بسعادة وراحة هائلة عندما أدخل السعادة لقلب آسر

كان آسر يبدو كطفل صغير يخرج اول مرة كان كل شيء غريب بالنسبة له

معاناته مع عائلته وحرمانه من عيش حياة طبيعية ومنعه من ممارسة أقل حقوقه جعلته شخص يفرحه أي شيء واي نزهة او ماشابه

هتف بسعادة كبيرة : شفت الجو كان حلو اوي حتى الحديقة اللي اخدتني عليها كانت روعة بجد والعصير كان طيب اوي حتى الشبيس طيب أوي

رمقه رماح بابتسامة وهو يشعر بحزن داخله على آسر لأنه أخذه إلى مكان عادي جداً ليس كما يصفه هتف بهدوء :  المهم تكون انبسطت

آسر بفرحة : اوي اوي متشكر ليك

ضربه رماح بخفة على راسه هاتفاً بحنية : مفيش داعي تشكرني ياحبيبي انا سبق وقلتلك أنك أخويا

اقترب آسر يضمه بقوة ثم هتف بدموع : انت أحلى اخ

بادله رماح الحضن بحنان  ثم هتف بغيظ : ليه الدموع

ابتعد آسر يمسح دموعه هاتفاً: مش عارف دموعي بتنزل لحالها

ضحك رماح ثم هتف بابتسامة : يلا روح نام دلوقتي

آسر بتردد : ب بس

رماح بهدوء : قلي يا آسر

آسر بتوتر : بس مبتعصبش

رماح بابتسامة : مش هعصب

آسر بارتباك : م متاكد

جز رماح على أسنانه ثم هتف بغيظ : اخلص يا آسر

آسر بضحكة متوترة : حاسس انك هتعصب

رماح بنفاذ صبر : آااسر

آسر بعصبية : شفت أنك عصبت

رمقه رماح بغضب ثم هتف : عمرك متتكلمش عيل غبي

كاد أن يذهب رماح لكن أمسكه آسر هاتفاً بحزن : أرجوك سامح تيم هو ندم وزعلان اوي ع بعدك دا كان فاكر أنك بتكرهه

أغمض رماح عينيه بوجع ثم فتحهما هاتفاً بهدوء : انا مقلتلكش مش حابب اتكلم بالموضوع دا

آسر بجدية : بس يارماح كده مش صح أنت هتخسر أخوك ببعدك عنه كفاية عليه بلاش تكون قاسي

رماح بصدمة : قاسي أنا يا آسر قاسي

آسر بحزن وندم : مش قصدي بالعكس أنت مفيش احن منك بس أخوك

قاطعه رماح بصراخ :  أخويا أخويا هو اللي قسي عليا وجرحني هو اللي خان ثقتي بيه هو اللي خسرت كل حاجة بسببه

أخويا هو اللي كسرني هو اللي دمرني كفاااية يا آسر كفاية مش عاوز اتكلم كفااية

رمقه آسر بحزن ووجع ثم اقترب يمسك يد رماح هاتفاً بدموع : ارجوك اهدأ خلص مش هتكلم