مساء الورد الاصفر 🌻🌻
€€€€€€€
مـا نعاتب بس ترى الخـاطر يشيل!🖤🔥
€€€€€€€€€€€
بشرى : كان خبر وفاة ابراهيم مثل الصاعقه علينا كلنا
مااجنت فد يوم افكر ولو بمخيلتي ابراهيم يموت
عشت بصدمه بس مااعرف شنو نوع الصدمه الي صابتني
صدمه شلون راح اعيش وحدي
لو صدمة شلون راح اربي اربع اطفال
لو شنو رد فعل اعيالي من وجودي ابيتهم
لو شلون ارجع البيت اهلي وهما حالتهم الماديه صارت بالنازل ويادوب مكفين عيشتهم
وساعات افكر ابراهيم جثته وين ؟
راح وحتى ذكرى مااخلالنا
زين من يكبرون جهالي ويسألون على ابوهم شكللهم
كومة اسأله جانت تجي على بالي
ابراهيم دخل الحياتي وطلع منها واني مشايفه من عنده
شي حلو
وكتشفت جنت اركض ورى سراب ورى احلام
وهذا السراب هو الفلوس
وهاي الاحلام هي الفلوس وحب الفلوس
جنت اشوف ابراهيم عبارة عن فلوس اريد امتلك فلوس ابراهيم
وهاي هسه راح ابراهيم وراحت فلوسه
جان خبر قتل ابراهيم مو بس صاعقه عليه لا
جان على الكل مثل الصاعقه واولهم عمتي ام ابراهيم
الي اول مسمعت قتل ابراهيم وكعت بالكاع وشالوها اخوان ابراهيم و ودوها للمستشفى وصار عدها جلطه
وعمي وكع وتوفى بنفس الدقيقة
لكن اخوان ابراهيم و ولد عمه ماسكتوا
ضلوا يدورون على جثه ابراهيم
مااخلوا مكان ماادوروا بي
ورى 4 اشهر لكوا جثته مدفونه بالنجف
بمقبرة وادي السلام
وتعرفوا على الجثه من خلال المحفظه
جان مخلي بمحفظته صورته وصورة حسن
واني طول فترة ال 4 اشهر جنت يم اعيالي بس من عرفوا مكان ابراهيم
كالولي بعد منريدج تبقين يمنا
اخو ابراهيم : اسمعي بشرى
ابوية ومات
واخوية ومات و امي وكعد جلطه وخواتي كاعدات يدارنها
انتي اخذي جهالج وروحي البيت اهلج احنا بعد ماملزومين بيج
بشرى : والجهال شلون
اخو ابراهيم : اخذيهم وياج هذولي جهالج
بشرى : اخذوا البنات واني اخذ حسن
اخو ابراهيم : لا ناخذ البنات ولا ناخذ الولد اخذيهم واطلعي من البيت
بشرى : ومصرف الجهال شلون
اخو ابراهيم : انتي اصرفي عليهم كافي علينا مصرف امي
بشرى : اخذت جهالي ورحت البيت اهلي
اول ايام جانوا اهلي زينين ويايه
بس بعدين حملي وحمل جهالي ثكل عليهم
خصوصاً اخويه الصغير
جان هسه داخل كليه عسكرية
يستلم الراتب وينطي بيدي علمود اوكل جهالي
وامي بعدها تشتغل بلف الكبه وكامت تخبز هم علمود توفر مصاريف جهالي بس الى متى اضل هيج ••
نجمة : راح ابدي اني احجيلكم بقية القصة
امي بقت نفس ماهي ماتغيرت بس باختلاف جانت تريد فلوس ابوية هسه صارت تريد فلوس خالي جاسم
جان خالي اول ماينزل تاخذ فلوسه وتخليله بس فلوس الكروة
وجانت دائماً تخلينه شماعه تشمع عليها
على جهالي يحتاجلهم مصاريف واكل
اباوع على بيبي تكسر الخاطر تكعد ساعات تلف كبة وتخلص الكبه تروح تخبز
وامي مساعدها بس كاعدة بالبيت ومكعده حسن بحضنها
كبرنا وصرنا نفهم وامي ماتغيرت بالعكس ازيد للاسوء
ازيد انانيتها
وتفكيرها بنفسها
حتى مااذكر فد يوم اخذتنا الحضنها
هذا الشي بس للبنات
بحكم نورس جبيرة وكامت تفهم تصرفات امي وتنفر منها
وملاك هي اصلاً مشايفه امي حتى متكوللها ماما
واني جان ذنبي لان ابويه جان يحبني واشبه اميرة مرته الثانيه
واني لا شايفه مرته الثانيه ولا شايفه ابوية ولا حاسه بحبه
