صباح الحب والسعادة والامل 💕
بعد بُكائي خاطبتني النجوم قائلة:طالما اعتبرناكِ فرداً من عائلتنا اتنطفئين الان؟.💕
نجمة :لازمه دفتر ذكرياتي واباوع على اخر ورقه مكتوب بي
واتلمس كل حرف وكل كلمه كتبتها واني ايام سعيدة وفرحانه وايام تعيسه والدمعه بعيني
حياتي صارت مثل قصص دزني واميرات القصص
وقصتي مشابهه القصه سندريلا
تعبت وبجيت وانقهرت وانظلمت
وعشت حياة مستحيل على بنيه بعمري تكدر تعيشها
وعشت صدمات صعبه علية
لكن رب العالمين دزلي امير يطلعني من الظلمات الي عايشتها
امير عيشني ببيته مثل الاميرة
محمد الرجال الصح الي القدر اختارلي ياا
صح عشت اوقات وايام ويا صعبه
بس بعدين صار كل اهلي وكل ناسي
عوضني عن كل يوم عشته صعب وحزين
فزيت من صفنتي على ضربه ابطني ضحكتني
تلمست بطني وحجيت
هاا ماما شوكت تجي للدنيا وتنور حياتي مثل ماا اخوك نورها
رجع ضربني بطني ضحكت
ماما شكلك راح تطلع وكح وتلعب بينا جوبي
هو انت بعدك ابطني ولعبت بيه وبابوك جوبي وهجع هم
محمد : شبيها حبيبت الروح كاعدة تحجي ويا نفسها
نجمة : اباوع على محمد واكف يباوعي وشايل ايهم دعيت ربي يحفظهم
هههههه هذا ابنك اليوم بس ايدفر بيه موتني
محمد : لا تتبلين على ابني اصلاً عاقل مو بابا
نجمة :محمد خلى ايدة على بنطني
وحس بي من ضربتي رجعت ضحكت
هاا عاقل موو
محمد :عوفي يلعب براحته
نجمة :شكو عليك انت فرحان
محمد : طبعاً افرح واشكر ربي الف مره
الله رزقني باانسانه تسوى الدنيا واهلها
و وجهال ثنين ومرتاح بحياتي
بعد شريد
نجمة : اباوعله وعيونه من يحجي اصير بيهن لمعه تجذب الناظر الهن
كلش احب لمعه عيونه
رجعت بذاكرتي اليوم الي اجتي بي بشرى تطلب السماح
وراها تمرضت وصار عندي نحول كلش قوي
وكل شي اكله او اشربه استفرغه
الكل عبالهم لان مقهورة من سالفه بشرى
واني صدكت هذا الموضوع
اسبوع كامل واني متخربطه
ومااكدر اشيل نفسي
وخطيه محمد سوده عليه هو الي حار بيه وباايهم
خصوصاً اني كمت ماكدر اداري ايهم
وهو تكفل بكل شي
وبهاي الايام ايهم تعلق كلش بمحمد
واول كلمه كالها ايهومي بابا
ويرفض يحجي ايي كلمه غير كلمه بابا
خاابصنا خبص بالبيت يعيط بكل قوته ويكول بابا
بيوم الي سائت حالتي اخذني محمد للدكتورة
وطلبت اسوي تحليل حمل
اني استغربت وضعي ابداً مو مال حامل
ولا الاعراض الي عندي نفسها صارتلي بحملي باايهم
اخذت التحاليل ودخلت للدكتورة
باوعت على التحاليل
الدكتورة :مبروك ماما انتي حامل
نجمة : انصدمت من كالتلي حامل
دكتورة انتي متأكدة
الدكتورة :طبعاً هذا تحليل الدم ماايخطة
نجمة : بس اني ماعندي اعراض حمل
بابني ماا جانت عندي هيج اعراض
الدكتورة :كل طفل وكل حمل يختلف عن الاخر
مرات بالحمل الاول تتنسين وتلعب نفسج
وبالحمل الثاني ماكو ايي اعراض
ومرات العكس
نجمة :زين اريد اعرف شكد صارلي حامل
الدكتورة : كومي اخذلج سونار
نجمة : اخذتلي الدكتورة سونار واني بعدني بصدمه
الدكتورة : حسب الي كاعدة اشوفه خلصتي الشهر الثاني ودخلتي بالثالث
نجمة : سجلتلي الدكتورة فيتامين وادويه وطلعت اباوع لمحمد كاعد بالسيارة ينتظرني
صعدت بالسيارة
وهو باوع عليه
محمد: هاا بشري شكالت
نجمة : كالتلي انتي حامل بشهر الثالث
اني كلت هيج وفزيت من عيطت محمد
محمد : عليييييييييج الله
نجمة : يي. الله
محمد : احمدك واشكررك يااااارب
نجمة :يعيط وفرحان ويضحك وجرني قووي الحضنه
على فرحته فرحت من كل كلبي
شغل السيارة والطريق كله لازم ايدي ويبوس بيها
نزل يم ابو حلويات واشترة حلويات وصعد
والفرحه جانت اكبر من دخلنا للبيت ومحمد يعيط من كل عقله وخلى كل الي بالبيت يجون عليه
محمد : نجمة حاااااامل مررتي حاااامل
راح يصيررر عندي منهااا بنيه حلوووة مثلها
نجمة : شعور كلش حلو تحسى المرأة من اشوف زوجها وابو بيتها فرحان هيج فرحه لان يحبها ويريد منها اطفال
بيومها محمد عزم الكل والضحك والركص والاغاني واصل النهايه الفلوجة
وهاي الفرحه سارت وكبرت من عرفت اني حامل ببنيه
ومحمد طار من الفرحه كام يطلع ويطب يشتريلها اغراض وملابس ولهفته على البنيه اضعاف مضاعفه عن لهفتي
رغم حبه للبنات بس ايهم متربع بنص كلبه
وقرر محمد يسمي البنيه (رهف)
حامل 7اشهر ورحت للدكتورة
واخذت سونار
وتحولت رهف الى رهيف
طلع بيه ولد
بيومها متت ضحك على محمد
مكابل كنتور رهف ويباوع عليه
محمد :يعني هسه شكو بيها لو طلع بنيه
نجمة : الحمدلله ولد لو بنيه
محمد : : اعرف واشكر ربي الف مرة
بس هذني الاغراض وين نوديهن
نجمة :هههههه غير انت استعجلت وكمت اجهز اغراض بنات
محمد : غصباً عليه يلبس ملابس بناات ماااشتري ملابس ولد بعد هاااي هي
نجمة : ياااا من كل عقلك تحجي
محمد : اييي من كل عقلي احجي
يلعب علينه خما يلعب علينه
اشهر مسوي نفسه بنيه وفرحانين بي
بعدين يطلع ولد الطايح الحظ
نجمة : هههههههههههه حموت
محمد : لااا ضحكين وتعصبيني
نجمة : بالكوة سكتت
ومحمد من كل عقله ضاايج
ضل ايام مطنكر يطب ويطلع يباوع على الكنتور الي بي ملابس واغراض رهف
ويكعد يعد ويصف
واني بس اضحك رب العالمين ذب عليه كل الضحك
من دخلت شهر الثامن ستقبل الوضع وتخلى كدام امر الواقع وكام يطلع يشتري ملابس ولد
وعلى كلامه
محمد : اني اعلمه بس يجي
اني محمد يخليني كدام امر الواقع ويخدعني
نجمة : وضال محمد يطب يذب كلمه ويطلع يذب كلمه
نزلت من غرفتي على كيف
واسمع اعياط ايهم بكل قوته
دخلت للربعه
واشوف عمي كاعد ومخلي ايهم بالكاع
وعمتي يمه
وايهم يصفك ويعيط بابا بابا
نجمة : كول ماما يلاا ايهم كول ماما
ايهم : بابا بابا بابا
نجمة : لاااا كول ماما ماما
ايهم : بابا بابا بابا
نجمة : يعيط من كل كلبه ويصفك ويصيح بابا
ليش ماااتقبل تكول ماما
يلااا ايهم حبيبي كول ماما
ايهم : بابا بابا
نجمة : والله اذا متكول ماما بعد ولا احبك يلاااا
كول ماما
يعاندني ويعيط
ايهم : بااااباااا باااااباااا
محمد : لج عووفي راح صوته
نجمة : ليش ميكول ماما
محمد : اعناد بيج
نجمة :لكككك ايهممممم كووول مامااا
ايهم : بااااااباااا باااابااا
محمد :خررب غيرتج لج صووته راح
تعال بابا معليك بيها
دادا مااما دادا
ايهم : بابا بابا
نجمة : مجلب على بابا مثل المسجل من يلزززك
محمد :ههههههههه وانتي مخليه عقلج وياا
نجمة : مااايقبل يكول ماما
انوب يعيط عليه من اعيط عليه
محمد : يي ليش تعيطين عليه
نجمة :ليش ميكلي ماما
نزلت دمعه من عيني
محمد:هااي تحجين صدك
حبيبت الروح ايهم بعدة طفل
ومامصدك روحه كاعد يحجي
ومايعرف غير كلمه بابا
ولازك بيها على كولتج مثل المسجل
نجمة :يعني راح يكلي ماما
محمد : غصباً عليه يكلج ماما
هو غير هنياله عنده هيج ام اجنن
نجمة وتلمع بالسما
ومميزه عن كل النجوم
ضواها ساطع يجذب الانظار
نجمة : حبيبي الله لا يحرمني منك
محمد :ولا يحرمني منج ياا حبيبت الروح ❤️
نجمة : اني نجمه بطله القصه حبيت أوثق قصتي ويه محمد بهذا البرنامج من خلال الكاتبة نوويرةة والها جزيل الشكر عالإبداع الي صار بالقصه واحداثها هواي تعبت اني وياها أثناء تحضير القصه مالتنه ❤مثلي مثل اي بنيه تحب تطلع وتتونس وتلبس وتكشخ بس كل هذا ونحرمت منه بسبب بشرى هواي هواي انضلمت منهه ومحمد جنت اكرهه حالي حال كل بنيه من تنجبر على شي اكيد تكرهه بس أدركت الا بعد ماعشت ويا وعرفت عنه كلشي شوكت ينام وشوكت يكعد واكله وشربه وكلشي يحبه من جنه مخطوبين ماعرفت عنه كلشي بعد معاشرني ويا ايام وأشهر والي زاد قوه علاقتنه هوه ايهم حب محمد ماكو حب يعادله بالنسبة الي صار الي أب وأم وأخ وأخت وصديق وزوج مافديوم حسيت حبه نقص بمقدار ذره أكدر اكول اني اتربيت ع ايد محمد مثل ما ايهم اتربه ع ايده يمكن فرق العمر الي بينه صار محمد أب الي الله عوضني بحنانه عن حنان ابوي الي فقدته واني ماواعيه على الدنيا بالنهايه احب اشكر رب العالمين على اجمل هدايا الي والي همه محمد وايهم وليدي الي جاي بالطريق احبكم هواي احب اشكركم كلهم على كلامكم ودعائكم الي ول محمد
———————————————————
هلاو كيكاتي
االيوم جان ختام قصه نجمتنا الحلوة
اطيب وانقى انسانه شفتها بحياتي
شايله قلب طفله صغيرة
ضحكها وشقاهه نابع عن عفويتها
تحملت متاعب الحياه وهي بعمر صغير
تنرفع لها القبعه على صبرها وطاقه تحملها
نجمتنا الجميلة احبج كومات
واحبكم كيكاتي كومات ❤️
