صباح التفائل والامل ☘️
اذا فضحهم الله أمامك وأسقطهم من عينك واسقط اقنعتهم واحدا تلو الاخر .. فاعلم ان الله يحبك ..
نجمة :فتحت عيوني بغواش مااكدر اركز
قاومت نفسي ورجعت فتحتها
لكيت نفسي بالمستشفى
والاوكسجين الي يدخل صدري يأذيني
باوعت منو ويايه
لكيت امي كاعدة على الكرسي وبيديها التلفون
شلت ايدي لكيتها بيها كانونه
رجعت غمضت عيني مااريد اشوفها
ولا اريد اسمع صوتها
تمنين روحي ميته وخلصانه
اذكرت الي صارت وكلامها
وكلام معاذ
والدمعه نزلت من عيني بهدوء
ماادري شلون اذكرت بابا
ردته يمي هسه
ردت يجي يشوف امي شكاعدة اسوي ورى
يشوف احنا صار بينه من بعدة
جنت ابجي بهدوء وسمعت صوت خالي مهدي
مهدي : هااا بشرى شبيها نجمة
بشرى : شبيها عرج ميطكها
مهدي: شو مخليها على الاوكسجين
بشرى : ييي الدكتور خلالها
نجمة : كاعدين يكملون نقاشهم التافه
ودخل الدكتور
كعدني علمود يحجي ويايه
الدكتور : ها نجمة شلون صرتي
نجمة : زينه
الدكتور : دام انتي زينه صرتي
كوليلي منو خنكج
نجمة : باوعت بسرعه على امي
لكيتها تأشرلي باصبعها على ركبتها
بمعنى اذبحج
من خوفي بسرعة جاوبت
لالالا محد خنكني اني انتحرت
الدكتور : با ركبتج مابيها اثار انتحار
بيها طبع اصابع
نجمة : رجعت باوعت على امي لكيتها تأشرلي بالتلفون
وقصدها تخابر معاذ
اني هم كلتله للدكتور
لا دكتور اني خنكت نفسي ردت اموت
الدكتور : اني ممصدك كلامج بس راح اعوفج على راحتج
واذا تريدين تشتكين بس كوليلي ولا تخافين
ماعندج غير العافيه
نجمة :الله يعافيك
طلع الدكتور ورى طلع خالي مهدي
بس انسدت الباب اجتي امي يمي
خلت ايدها على الاوكسجين
وكامت تحجي
بشرى : زين كمتي تسمعين الكلام
ومتعاندين
تمنيت ميته على ايد حبيبي
بس خفت تموتين وحبيبي يدخل للسجن
نجمة : انتي ظالمة ورب العالمين راح يحاسبج
ويعاقبج
وعقابج راح يكون كلش قاسي
بشرى : يي انتظر هذا العقاب
نجمة :درت وجهي على الجهه الثانيه مااريد اشوفها
اني اكره هاي الانسانه اموت منها
من درت وجهي على الجهه الثانيه هي رجعت
كعدت على الكرسي
دقايق ودخل خالو مهدي
مهدي : بشرى منو خانك نجمة
بشرى : اني عندك اعتراض
مهدي : لا ماعندي عسى ما تذبحيها
بس ليش خنكتيها
بشرى : متسمع كلامي وتستاهل عساها ميته وخلصانه منها
مهدي : اذا انتي هيج كارهتها دزيها يم عمامها
بشرى : لا والله لعد منو يخدمني
مهدي : حرت وياج بشرى
لا انتي الي تخليها تروح العمامها وتخلصين
ولا انتي الحابتها وماتأذيها
وتالي ويا هاي البنيه
بشرى : تبقى يمي خدامه لحد مااشوفلها واحد ياخذها
وينطيني فلوس
مهدي : شسألفه شياخذ منها قابل هيه لعابه ترى شرفها من شرفج
بشرى : انعل ابوها لابو شرفها
اريد ازوجها الواحد عنده فلوس
بس ماكو
شكو حافي يجي عليه
نجمة: كلبي ماتحمل كلامهم
يحسسوني نكرة وشي تافه ويحاولون يتخلصون مني
ضليت نايمه بالمستشفى الثاني يوم طلعت
شويه احسن اكدر امشي
اول مدخلنا للبيت
خواتي اجني يركضن يحضنني ويمشني
دخلت للاستقبال
وامي لكيتها مادة رجليها وتشكي منها
بشرى : اخخ رجلي
اخخ يابة
تعالي لج نجمة افركي رجلي
الله لاينطيج رجلي راحت من وراح
عليمن صافنه
على ابوج المسلوك
نجمة : ترى بعدني مريضه
بشرى : مو مشكلتي عساج ميته
نورس : هاي شبيج البنيه هسه اجتي من المستشفو خفي عليها لا تموت من وراج
بشرى : انتي انجبي وروحي كولي المرتضى ينطيج فلوس علمود تنطيني ياهن ماعندي مصرف
نورس : انتي صدك تحجين اني مااطلب من عندة فلس واحد
ومشكلتج هاي مااعندج فلوس
خففي من المرطبات والمكياج
والملابس
والارصدة الي بين يوم ويوم رصيد
بشرى : حااسدتني بنت النعال
نورس : محاسدتج على شنو احسدج
بس فلوس مااطلب من مرتضى لو نموت جوع
نجمة : ضلت امي تغلط وتفشر وتدعي على نورس
والله دعاويها لو يستجيب رب العالمين عليها
جان نورس ميته من زمها
اني هم تمشيت على كيفي وصعدت للغرفه نمت
