صباح الحب والعافية 🎀
بارت مفاجئه 🎈
نجمة : ضليت محبوسه بالغرفه
محد حجه ويايه
ولا سألوا عليه
والباب الغرفة ابداً مانفتحت
صارت الدنيا ليل ومحد فتح الباب
واني لا اكل ولا شرب من البارحه الظهر
حتى اكل وشرب مالي نفس
القهر خلاني اشبع ونفسي تنسد
ضليت كاعدة بالغرفه وحدي
لحد مصارت الساعه 12 بالليل
انفتحت الباب ودخل محمد
ضليت كاعدة بمكاني مااحجيت ولا باوعت عليه
قرب الكرسي من الجربايه
وكعد كبالي يباوعلي
وماحجه شي بس يباوع
ويباوع عليه من فوك ليجوة
اني مااحركت ساكن ضليت اباوع السكف الغرفه
تعدت دقايق تنعد على الاصابع وبدأ يحجي
محمد : بشنو قصرت وياج
شنو الشي السويته علمود هيج اجازيني
احجيلي
نجمة : من اعرف اني شسويت عود احجيلك
محمد : كل هذا السويتي وسوين نفسج متعرفين
نجمة : الي اعرفه اني انضرب وانهان واتعرض للاغتصاب بوحشيه بدون سبب
محمد : لااا تكولين اغتصاب
اني ممغتصبج
نجمة : غلطان انت كاعد تغتصبني بوحشيه
محمد : اني اكرهج واموت منج
ومتندم على اليوم الي زوجتج وخليتج على ذمتي
نجمة : واني هم اكرهك
محمد : شكد شايف ناس صلفه وماعدهم مستحه
بس مثلج مشايف
انتي مثل امج
نجمة : دامك تعرف اني مثل امي
ليش ازوجتني
محمد : لان جنت معمي على عيوني
ولو عليه هسه اذبحج
نجمة : ههه ضربتني ضرب الحيوان ميتحمله
جويتني وحركت جسمي وشوهته
اغتصبتني بطريقه بشعه
خليت اليسوى والمايسوى يحجي عليه
ويذمني ويهيني كدامك ومااسوي شي لا تحجي ولا ادافعلي
بقت على الذبح
يلا اذبحني وخلصني
محمد : شكلج حبيتي الضرب والاهانه وعلى كولتج اغتصاب
نجمة : ماكو انسانه تحب تتعرض للي اني تعرضتله من قبلك
محمد : راح اخليج خدامة امج متريدج
نجمة : هههه هو اني من اول مدخلت للبيت كلتلي انتي خدامة
وهاي عود انت وعدتني وكلتلي اخليج ملكة
وفيت بوعدك
ضربني راشدي قوي على حلكي
محمد : الخدم يبقون خدم
عبالي تستاهلين اصيرين ملكة
طلعتي تحبين تعيشين دور الخدامة
ومن باجر راح تبدين تخدمين البيت
نجمة : كال كلامة وطلع من الغرفه وقفلها
خليت ايدي على حلكي
ترطبت ايدي
شفت دم نازل منها
ضحكت بطريقه مااكدر شلون اصنفها
هي ضحكة وهي بجيه
يريدني خدامة
هوو اني نخلقت علمود اصير خدامة
عشت طفولتي واني خدامة الزوجات خوالي
وعشت صبايه ومراهقتي خدامة الامي
ومن ازوجت عشت خدامة
ردت اخلص من امي وضيمها
وكعد بضيم وقهر ومصايب محمد
شوكت اخلص مو والله تعبت
ضليت ابجي واشهك
ونمت من التعب والشهكات تطلع من كل كلبي
كعدت على صياح محمد
محمد : يلااا كومي مو حلالتلج الكعدة
نجمة : كعدت بفزة من عياطه
باوعت على الساعه
جانت الساعه 6
محمد :كووومي يلاا حضريلي الحمام
نجمة: كمت حضرت الحمام
هو دخل يسبح
واني حضرتله ملابسه علمود لا يعيط علية
طلع من الحمام
بدل وخلص
ضليت اباوع عليه
محمد : شعندج تباوعين روحي ولي انزلي
سويلي ريووك اليه والاهلي يلااا
نجمة : نزلت غسلت وجهي
وكمت اسويلهم ريوك
نزل مراد وميثم
و ورى محمد
وعمي وعمتي طلعوا من الغرفه
واني حضرت كل شي
كلهم صبحوا عليه الا عمي مااباوع عليه
تعودت عليه وعلى سوالفه
مراد : صباح الخير نجمة
نجمة : صباح النور
ميثم : تعالي اكلي ويانه
نجمة : ردت اكعد علمود اكل وياهم
لان ميته جوع
محمد : لاا متاكل ويانه
روحي من نخلص عود اكلي
مراد : شبيك محمد
محمد : كتلكم معليكم بيه
مراد : حررررام عليك والله حرام
وراح تنتدم
محمد : على شنوو اتندم هااا على سوالفها
مراد : طبك مرض خليها تااكل البنيه صارلها
يومين مماكل شنو كافرة كدامك
لو انت كافر
محمد : كلتلك لااا تدخل
ميثم : حررام عليك محمد
انت صاير لا تحترم ولا تقدر
محمد : مرتي هي
ميثم : واذا مرتك
اذا هي مرتك احنا اخوانها
نجمة : من كال احنا اخوانها
سجينه ونبتت بصدري
خلت دموعي تزل
طلعت من المطبخ ابجي على هاي الكلمة
احنا اخوانها
الغربه يكولون احنا اخوانها
واخويه ماسأل عني ولا خابرني وكلي شلونج
واني شهرين صارلي مزوجة
ضليت ابجي بغرفه عمتي واشهك
حتى عيوني ورمت
حسيت ايد على جتفي
ام محمد : كومي يمة اكلي
نجمة : عمه والله ممسويه شي
ام محمد :كومي اكلي بنتي
وخلي عينج بعين الله
نجمة : كمت ويا عمتي للمطبخ
لكيتهم طالعين
والاكل مثل ماهو
عمة شنو ماكلوا
ام محمد : لا يمة مااكلوا
نجمة : ليش
ام محمد : من انتي دخلتي كاموا مراد وميثم
طلعوا من البيت
وراهم كام محمد وطلع
وعمج اكل كم لكمة علمود السكر
وطلع وراهم
تعالي شعليج بيهم
خلينا ناكل هما ياكلون بالشغل
لاتخافين عليهم
نجمة : كعدت اكل بس اكل بشراهه يومين مماكل شي
ضليت اكل
وعمتي اسولف ويايه
نزلت بنين بوستني
بنين:والنبي اني وميثم بالنا يمج
نجمة :مابيه شي تعالي اكلي ويانه
بنين : ييي والله جوعانه
نجمة : كعدت بنين تاكل ويانه وضلينا نسولف ونضحك
واني اعرف الضحكة متلوكلي
دخلت ام تبارك وخربت عليه الضحكة بسمها
احسها مثل الحيه تلدغ
ام تبارك :ييي على الخير مخلين الخدامة تاكل وياكم
ام محمد: مااكو خدامة يمنه شنو ام تبارك بطلتي اشوفين
ام تبارك : وهاي الي كاعدة تاكل وياكم منوو
ام محمد : هاي جنتي مرت محمد
ام تبارك : هههههه كلتيلي مرت محمد
وهو محمد بنفسه كال عليهاا خدامة
ام محمد : حجي لسان
نجمة تبقة مرته وانشاالله اصير ام اطفاله
ام تبارك : اني اعرفج من يومج حيه وتموتين من عدنا
فوك شين مرت ابنج الخدامة جايه ادافعليها
شووو مااشاالله جنتج صايرة من حضن الحضن
نجمة : دكيت على صدري يعني هما يعرفون بسالفه ياسين
يارب انفضحت بينهم
ضليت ابجي
ام محمد :من حضن الحضن ابني قابل بيها اني شعليه
ام تبارك : انتي شنوو من مرة تعرفين الحقيقه وتحرفيها
مو كدامج مرادها وخابر على امها ومرادتها
وبقها بالبيت علمود تخدمة وتخدمنه
ام محمد : ييي من يطلعها من بيتنا ويكول بعد ماريدها وراح اطلكها بهذاك الوقت مااستضيفها بيتي
هاي مو انتي سويتي عليه تهيمه شكبرها
علمود ابو محمد يطلكني ويزوجج
وابو محمد جان فطن وسبع و واثق من عندي
وخلاني على عصمته وطلع الحقيقه
بس ابني اغبر ويجي يوم ويعرف الحقيقه
ام تبارك : اشوف بيج يوم يا حقيرة
نجمة : طلعت ام تبارك من المطبخ واني ميته قهر ودموعي تنزل
كلهم طلعوا يعرفون بسالفه ياسين
الله ينتقم من الجان السبب
بيومها انظف ودموعي تنزل
مااعندي غير البجي الي يريحني
اسبوع واني صرت صدك خدامة
انظف تنظيف مال عشر نسوان
بيت مااشاالله جبير وعائله جبيرة
يحتاجلها اكثر من وحده يالا ينظف
بس محمد حلف الكل محد تنظف غيري
جان عقابه يهد حيلي ويتعب صحتي
هاي ماعدى الرزايل والغلط الي يجيني من محمد كدام الكل
ومرة رزلني محمد كدام تبارك وشهد
قهرني كلش خلاني انهضم وادموعي نزلت من ورى
وصعدت الغرفتي ابجي
دقيق واندكت الباب ودخلت بنين
بنين : راح اضلين تبجين
نجمة : فهميني شنو الي بيدي اسوي
بنين : المفروض منج تعرفين محمد ليش هيج كرهج
نجمة :من ورى العار ياسين
بنين: مو بس هاي نجمة
نجمة: لعد شنو بعد
بنين : راح اكلج بس احلف بااعز شي عندج متكولين الاحد اني كلتلج
نجمة :وداعت عافيتي وروح ابويه مااكول الاحد
بنين : لعد اسمعي
————————
هلاو كيكاتي
هل مرة عجبني اخبث
ولازم تتحملوني
اريد اعرف توقعاتكم شنو هي
وهاا نسيت نجمة كاعدة تابع تعليقاتكم
وادزلكم سلامها وبوساتها
احبكم كومات ❤️😌
