صباح الامل والاحلام الوردية 💕
لا أحد سيحاول من أجلك جميعهم ينتظرون خطأ صغير منك لينقلبوا ضدك 🥷🔥♥️
نجمة : صعدت الغرفتي واني اقنع نفسي محمد يحبني اليه
وهو تحمل كل شي علمود اصير زوجته
ولازم اخلي محمد يحبني اضعاف حبه اليه
ومااخلي تبارك تأثر علية
دخلت للحمام سبحت بغسول هو يحبه
وشسورت شعري وفكيته على طوله
ولبست سيت نوم لون ماروني
خليت مكياج وحمرة لون ماروني
اباوع على نفسي بالمرايا
اللون الماروني بين لون بشرتي
وصرت بيضه ثلج
رتبت غرفتي وفرشت فرشه من جهاز العرس
وعندي شموع شعلتهن
طلعت من الثلاجة الي بغرفتي حلويات ونساتل وعصاير
وسويت جو بالغرفه كلش حلو ورومانسي
ردت محمد بس يدخل يتفاجئ
حتى الحمام حضرته وملابسه جهزتهن
اريد اعيش ويا السعادة
كعدت على الجربايه انتظر يدخل
دقايق ودخل للغرفه
بس من فتح الباب فتحها بغضب
وسد الباب بقوة وغضب وقفلها بعصبيه
تفاجئت من تصرفه
باوعت عليه
هو صارت عينه عليه
ومااحسيت غير لازمني من شعري ويسحلني
من الجربايه للكاع
تكطع شعري بيدة
ركعني بالكاع قوي
وكعت من الجربايه للكاع على خاصرتي
متت وجع اريد افهم شكو وشصار ماافهمت شي
ولا فهمت ليش كاعد يضربني
الي فهمته الراشديات الي جانت تجيني من عندة على وجهي
واكتشفت بهذا اليوم انو راشديات امي ولا شي بالنسبه الراشديات محمد
وقوة ضرب الرجال تكون مضاعفه عن قوة ضرب المرأة
بحيث الراشدي من ايد محمد تعادل 10 راشديات من ايد امي
ملخني تملخ حتى شعري كطعه يجر بي بقووة وغضب
ومااكتفى بهذا الضرب
رجع شمرني بالكاع
ونزع الحزام من خصرة
وطبكه بيدة
وكام يضرب بيه
حسيت جسمي نصلخ كمت اعيط بكل قوتي
اريد اخلص من ضرباته
اريد واحد ينقذني من عندة
وكل مااينزل الحزام على جسمي اني اعيط بقوة
اريد يسمعون اهله
وسمعوا اهلة
وكاموا ايدكون بالباب قوي
وعمتي تعيط علية
ام محمد : لك محمد افتح الباب البنيه راح تموت بيدك
بنين : محمد عليك بداعت عمي افتح الباب
البنيه ممسويه شي
ميثم : لك غبي افتح الباب وعووووف البنيه لااتموت بيدك
نجمة : كومة كلام يحجون ويااا ويعيطون عليه وهو مثل الفاقد
بس يضرب ويغلط عليه
اضعاف غلط وفشار امي
مااخلى كلمة ماكالها كان بنت شارع كدامه ويغلط عليها
بالاخير لزم الحزام من نهايته وضربني بالحديدة مالته
اسفل ظهري
وراها مااحسيت بكل شي فقدت عن الوعي
وماادري شكد ضليت فاقدة عن الوعي
فتحت عيني لكيت روحي بالحمام
مجردة من الملابس
وعمتي وبنين يحاولون يكوموني ويغسلولي
ام محمد : يمه بس عينيني حركي جسمج
بنين : الله لاينطي السبب
عمه باعي جسمها مصلوخ صلخ
ام محمد : الله لاوفقهن ولا عاافاهن
هذا حيموت مرته ويدخل للسجن واني اموت ورى
يريدن يهجمن بيتي الله يهجم بيوتهن
بنين : نجمة اروحلج فدوة حركي جسمج
خلي نطلعج من الحمام
نجمة : يطلبون مني احرك جسمي وهما ماايعرفون اني ماا احس بي من الاساس
من كثر الضرب جسمي شلون الخدر مااحس بي
ولا احس بالوجع
ومااكدر اصلاً احركه
اكول يمكن اني نشليت وكمت مااحس بجسمي
طلعوني بالكوة عمتي وبنين
وغيرولي ملابسي
وعمتي لمت شعري
وبنين نظفت الغرفه
ام محمد : هااي محاسه بجسمها
هسه بس تحس تكوم تركع راسها من الوجع شلون بيه
بنين : راح اروح اجيبلها مسكن اوجاع ومنوم وعلمود بعد متحس
ام محمد : ييي كومي جيبيلها
بنين : راح اكوم
نجمة : اجتي بنين وانطتني دوة ونمت بعد محسيت بكل شي
نمت بعمق وماادري وراها شصار
كعدت ثاني يوم على وجع كلش قووي
كمت ابجي من الوجع خصوصاً الضربه الي بنهايه ظهري
مااكدر حتى الزم مكان الضربه لان بس اخلي ايدي على مكانها اتووجع
كمت على كيفي دخلت للحمام
اكو مرايا بالحمام على طول الجسم
نزعت ملابسي كدام المرايا
اول مجردت من ملابسي واجتي عيني على جسمي
شهكت شهكه حسيت بلعومي اجرح
جسمي كله مشطب من الحزام
واثار الحزام صايرة لون احمر على زراك
انداريت اشوف ظهري
وياريتني منداريت
ظهري عبارة عن كله مصلوخ ومشطب مااكو مكان سليم
ونهاية ظهري مكان الضربه صايرة زرركة ومنفوخة
مبينه مورمة
بجيت ودعيت بس شسوي شنو الي بيدي اسوي
غير البجي واناجي رب العالمين
سبحت وغيرت ملابسي
ردت اطلع من الغرفه
اريد افتح الباب مااتنفتح
عرفت قافلها عليه
فتحت الثلاجه ماالكيت بيها لا نساتل ولا فاكهه ولا كل شي
غير بس بطل المي
ضليت كاعدة بالغرفه ساعه ابجي
وساعه اتخيل منظر جسمي
وساعة اذكر شكل محمد شلون جان يضربني
وساعه اجر ساعة واني على نفس كعدتي
صار المغرب واني محد سأل عليه ولا نفتحت الباب
واني من كثر الجوع بطني كامت توجعني
كمت ابجي من الجوع
منا الم جسمي ومنا الم معدتي
اجيت اتخبل
كمت على الباب وضليت افتح باليدة مالتها بقوة
واضرب برجلي اريد يفتحوها
اعصابي تلفت اريد الوجع يخف عني اريد ارجع انام
اريد ارتااح
ضليت كاعدة ورى الباب واضرب راسي بي وابجي
بنين : نجمة حبيبتي شلونج
نجمة : بنين متوجعه وجوعانه
بنين : سودة عليه حبيبتي
نجمة : عليج الله بنين انطيني دوة اريد انام
مكاعدة اكدر انام من الوجع
بنين : بس شلون وانتي مماكله شي
نجمة : ماريد اكل اريد بس انام
بنين : دقيقه هسه راجعه
نجمة : راحت بنين وراها باوعت شريط مال دوة اندفع من جوة الباب
بنين : نجمة هذا الدوة اخذي بس حبايه وحدة
نجمة : اخذت الشريط ورحت للثلاجة طلعت بطل المي
وبلعت الحبايه
نمت على الجربايه
السكون الي اجاني جان اول مرة يجيني
مثل الانسان الي يلوب وروحه راح تطلع
وفجئه كل شي يهدأ
هذا جان احساسي
غطيت نفسي وضليت اباوع على السكف
حتى تفكير ماافكرت
عقلي فرغ من كل شي
وكلبي بطلت احس حتى بدكاته
مااعرف شصارلي
مااعرف شكد فات عليه من وقت السكون
ونفتحت باب الغرفه
من عجزي حتى ماا باوعت اتجاهه الباب ضلت عيوني تباوع على سكف الغرفه
محمد : كوووومي لج حضريلي ملابسييي يلاااا
نجمة : ضليت ساكته مااحجيت ولاا تحركت
محمد : مطيه ويااامن كاعد احجي لو عاجبج تنكتلين مثل البارحة
نجمة : بدون كل كلام كمت على كيفي
واني ويا كل حركة مني وجع يصلب جسمي
حضرتله الحمام وملابسه
هو دخل للحمام واني رجعت نمت على الجربايه وطفيت الضوة
اقل الربع ساعه
طلع من الحمام
احس بحركاته داخل الغرفه
وفتحه البيبان الكنتور
اخذ دوشك ومخدة وبطانيه وركع الباب ورى ونزل من الغرفه
اختلاف بين البارحة واليوم ساعات ينعدن على الاصابع
بس بااختلاف مشااعر
البارحة جنت كتله من المشاعر بيها حب ولهفه وغيرة
واهتمام
واليوم مجردة من كل مشاعري مثل مجردت من ملابسي
نمت وعيوني غمضتهن
ومااعرف باجر شنو ضاملي
كعدت على عياط محمد
محمد : كووومي لج ك...
نجمة : ضربتي بيدة قوي على وجهي
فزيت
اباوع عليه
محمد : يلااا كومي انتي من اليوم صرتي خدامه اليه والامي
يلااا بسرعه انزلي نظفي البيت
نجمة : اباوع على الساعه لكيت الساعة 7 ونص
غيرت ملابسي
ونزلت لكيتهم كاعدين
بس عمي وعمتي ومحمد وميثم
محمد : يلااا سوي الريوك بسررعه مطيه
نجمة : باوعت عليه
محمد : يلااا لج لو اكوملج امسح بيج البيت
نجمة : عمتي اباوع عليها مراضيه على تصرفاته
رحت سويتلهم ريوك
وطلعوا للشغل بقى بس محمد
غسلت الماعين وهو كاعد بالمطبخ
وكل شويه غالط عليه
ويريد يكوم يضربني بس عمتي مااتخلي
كعدوا البنات
وعمتي مقسمه شغل البيت
علينا كلنا
من بداً البنات يشتغلن
هو ضل يعيط
محمد : محد تشتغل عجل اني ليش جبت خدامه للبيت
بنين : محمد شبيك
محمد :الي تشتغل وساعدها احطها واكتلها
محد تشتغل غيرها
بنين : بس هذا ميصير والبيت جبير ولازم نتعاون وياها
محمد :بنين لاااتخلينا نزاعل اني وياج وصير مو حلوة
كلت محد تشتغل يعني محد تشتغل غيرها
نجمة : اباوع على بتول وامها كاعدات ويضحكن
ومخليات رجل على رجل
وعمتي معجبها الوضع دخلت الغرفتها وسدت الباب
والبنات هم مرام ومنار دخلن الغرفتهن
وبنين صعدت فوك
بقت بس بتول وشهد
كاعدات يباوعن عليه ويشمرن بالكلام
اني مااهتيت
كمت امسح البيت
خلصت مسح البيت كله بقى المطبخ
دخلت للمطبخ لكيتهن كاعدات
مسحت من يم ميز الطعام هنا جانن ماعدات على الكراسي
خلصت مسح يم الميز
بتول لزمت وذبت الجاي على الكاع
مااهتميت رجعت مسحت الجاي
من خلصت هم رجعت ذبت الجاي
ورجعت هم مسحته
من خلصت مسحه
ثالث مرة رجعت ذبت الجاي
كمت اعيط عليها لان الي كاعدة اسوي استحقار واهانه
ليششششش كااعدة اذبين الجاااي
تبارك : انتي خدامة ولازم تنظفين
نجمة : انتي الخدامة مووو اني
تبارك : والله الخدامه هم طلعلها لسان وكامت احجي الطماعه الماديه
نجمة :والله محد غيرج خدامة وطماعه وماديه وحقيرة
اني كلت اخر كلمه
مااحسيت غير ايد صارت على راسي سحبت شعري والشال
انداريت وشفت محمد
اول مااشفته اجاني راشدي من قوه هذا الراشدي
اذاني صار بيها صوت
وعيوني نضرها صار اسود الثواني
وهو راشدي هي سحله على الغرفه
مااعرف شلون صعدت الدرجه واني شعري بيد محمد
واسمع بس صوت الحقيرات تبارك وشهد
تبارك : محمد عووفها خطيه اني مسامحتها
شهد : عوفها محمد بعدها طفله ماتفهم
نجمة :اول ماادخلني للغرفه
محمد تحول الي وحش بشري
_______________________
هلاو كيكاتي شخباركم
اكيد مشتاقيلي اعرفكم
على كيفكم بالتعليقات اليوم لاتعصبون
ولاتنسون النجمة والتعليقات الحلوة
احبكم كوومات ❤️
