صباح العافيه والحب ✨🌱
نجمة : ضليت ايام واني كلبي مثل النار على ملاك
مااكدر اخلي الكمه بحلكي
كل ماااخليها تجي على بالي واغص بالاكل
اخابر عليها مااكو تلفونها مغلق
احجي ويا نورس تكول ماارحت البيت اهلي مرتضى ميخليني
وهي هم ضل بالها على ملاك
تخابر على ام مهدي مجاوب
وتخابر على بشرى تكللها اني مو بالبيت
احجي ويا حسين يكول كل مااخابر امي تكلي ملاك نايمه
لو طالعه ويا صديقاتها
وماايكدر يجي للفلوجه لان بالشغل مينطوا اجازة
ضلينه اكثر من شهر احنا متخبلين على ملاك
راحت نورس البيت اهلي بشرى طردتها وكالتلها ملاك طالعه ويا صديقاتها
ومااخلتها اصلاً تدخل للبيت
اني صارت روحي بالتلفون
ليل ونهار ادك على رقم ملاك
وكله مغلق
ايد الايهم والمحمد وايد للتلفون
صارت بيه حاله نفسيه خلال هذا الشهر
حتى صرت اعصاب ماا اطيق الكلمه من احد
محمد عايفني على راحتي
حتى مرات من ايهم يلج او يضل يبجي
واني اصير اعصاب اضل ابجي اني وياا
ياخذه محمد ويطلع بي
عقلي قفل على ملاك
لحد ماا صار شهر و10 ايام من غيبه ملاك
دكيت على رقمها دك التلفون
كلبي كام يفرفح
ضليت ادك اكثر من 5 مرات
بلاخير جاوبتني اخيتي
الو ملاك حبيبتي وينج
ملاك : هلو نجمة
نجمة : تفاجئت ابرود الرد من ملاك
ملاك وين انتي وليش مختفيه
ملاك : عايشه
نجمة : ملاك شبيج ليش هيج كاعدة تحجين
ملاك : مابيه شي
نجمة : بروح ابويه احجي شبيج
اني حلفت ملاك بابويه وهي ضلت تعيط
ملاك : لااا تخليني اسب ابوج واسب اليوم الي اجيت بي للدنيا
الله لاايوفقهم
الله لاينطيهم
دمروني
مووتوني
عذبوني
دمروا مستقبلي
كوون حوبتي تطلع بيهم
ناااار ويحتركون بيهم
حتى ابووووج الله ينتقم منه
دمررررني
وين يروحون من الله
اني متبرايه منهم
اني مااااعندي اهل ماااريد احد
عوووفوني
ارحموووني
نجمة : ملاك تعيط وتبجي وتشهك
واني وياها ابجي واشهك
اريد اعرف شبيها
ورى مااخلصت اعياط وسب ودعاوي
بدأت ترتاح
حجيت وياها
شبيج اخيتي احجي
ملاك : اني ملاك البنيه الثانيه الابراهيم
اني الوسطانيه قبلي نورس و ورايه نجمة
اني منبوذة من يوم ولادتي
اول ماا فتحت عيني على الدنيا ماالكيت لا ام ولا اب
نحرمت من كلمه بابا
ونحرمت من كلمه ماما
مااذكر شي من ابويه وامي غير القسوة والانانيه والحرمان
ابويه شالني واني بعدني لحمه حمرة وشمرني على بيبيتي
وامي ماهتمت ولا رفلها حاجب لان اني بنيه استغنت عني
ولو بيدها جان ذبتني بدور الايتام
اني انسانه مااعندي لا منفعه ولا مضره الاحد
عايشه حياتي للدراسه
اريد اصير مترجمة لغات واعيش حياتي
رغم جمالي والكل جان يتمناني
وكومه اجوني خطابه بس مااجنت اهتم
اني اكثر وحده من خواتي اجوني خطابه وطبعاً القرار مو بيدي لان بشرى هي الي اشوف هذا مناسب الها مادياً او مناسب الها بالمنصب وينفعها بيوم من الايام
من جانت ترفض هي الخطابه
اكول احسن اجتي منها
لان جان هدفي واحد ومصيري واحد هو اكمل دراستي
وانجح واوصل واعوف اهلي واعيش حياتي
بس كل احلامي وكل امنياتي نهدمت من ورى انسانه انانيه متسلطه متحب احد غير نفسها
حاقدة وضالمة
وللاسف هاي الانسانه هي امي
جنت كاعدة مرتاحه لان اليوم اخر يوم امتحانات بكلوريا سادس اعدادي
فرحانه لان خلص كلها ايام واحقق احلامي
اباوع على حياتي وفرحانه
واتخيل شكلي شلون من راح ادخل الكليه
وشراح اصير
وشلون راح اصرف
وشلون راح احجي
وشلون اللبس
نفتحت باب الغرفه
لاا انفتحت عليه باب الجحيم
ودخلت عليه شيطانه بهيه انسان
بشرى : خلصتي امتحانات
ملاك : ايي خلصت
بشرى : يي وهسه مااعندج عذر
ملاك : عذر على شنو
بشرى : جايج عريس واني وافقت عليه
ملاك :كمت مفزوعه من مكاني وعطت
شنوووو
بشرى : لاا تعيطين لا اركعج بالنعال
ملاك: زواج مااازوج لووو تذبحيني فهمتي لوو لا
بشرى : لا راح تزوجين ورجلج فوك ركبتج
وغصباً عليج
ملاك : والله اشتكي عليك واكللهم هاي الانسانه تريد ازوجني غصب عني
بشرى : هههههههه باعي مثل ماا زوجت نجمة وزوجت نورس راح ازوجج واخلص منج
والمتقدملج راح يعيشج ويعيشني حياه سعيدة
وينطيني فلوس
ملاك : ليشش انتي معتازة فلوووس املاك زوجج كلها يمج
واحد مااا محصلين منها شي
بشرى : اريد بعد فلوس اريد وين ماا اروح اشوف فلوس
ملاك : واني شعليه طبج مرض روحي جيبي فلوس
بشرى : انتي تكليلي طبج مرض
اني هسه راح اشوفج المرض على اصوله
ملاك : لزمتني موتتني كتل شعري كطعته بيديها
كل راشدي من عدها احس عيوني تغوش من قوته وافقد البصر الثواني وارجع اركز
حتى عض عضتني
بالاخير لزمت راسي وركعته بالحايط
طك خشمي دم وراسي كام يخر دم
فقدت من شفت الدم بسرعه وكعت بالكاع
ام مهدي : كاافي عوفيها حتموت بين ايدج
بشرى : وموتتهم جلبه وماتت
اني تكلي طبج مرض والله الا ازوجها
ام مهدي :بيبي ملاك ازوجي واخلصي هو رجال جبير
كلها ايام ويموت وانتي تورثين املاكة
هاي مو نجمة شوفيها بنص العزز
عمن اختيار امج
ملاك : هااااااي موووو امي
تريدووون ازوجونييي رجال جبيررر
لو اموووت مااازوجه
بشرى : عوووفيهااا حالها حال نجمة هم كاامت تعيط ومتقبل تزوج وهذيج هي شاافت الرجال وكعدت ونجبت
ام مهدي : بيبي ازوجي الرجال ستر للبنيه
ملاك :ً حتى انتي بيبي هيج تحجين هاي عود انتي الي مربيتني والي اعتبرج امي
بس انتو كلكم حيوانات
وحرام احنا عايشين ويااكم
اني كلت هيج وبشرى ضلت تضرب بيه برجليها على كل جسمي دفرات
لحد ما ستفرغت
بشرى : اطلعي يمه خلي اشوفها العيشه ويا الحيوانات
ملاك : طلعت بشرى وام مهدي وقفلت عليه الباب
وبدت الحرب النفسيه والجسديه
من قبل بشرى
بشرى جربت بيه كل انواع التعذيب
شهر كامل هي تعذب بيه
منعت عني الاكل والشرب
بس بالليل كلش تفتح الباب تنطيني نص كرصه خبر وكلاص مي وترجع تقفل الباب
من اعيط واصيح واضل ادك بالباب
تدخل تموتني كتل متخلي بيه عضمه سليمه
حتى بالعوده تضربني تكسرني تكسر
التلفون اخذته مني علمود ماا اتصل بااحد ينقذني منها
شعري جان وير ركبه رجلي
لزمته وكصته
مااخلت شي مااسوته
حتى حرك حركتني
جسمي شووهته
ماعدها ذرة حنيه على اطفالها
من كثر التعذيب الي تعذبته على ايد بشرى توصل بيه المرحله من الوجع افقد الوعي ومااحس على نفسي
لحد ماا تعبت وجسمي تعب وعقلي تعب
مااريد بعد اتعذب
دخلت عليه ورى هذا الشهر
بشرى : خلي شي على راسج وتعالي ورايه
ملاك : بدون كل كلام اخذت شال وخليته على راسي
ونزلت من الدرج
نزلت من غرفتي بعد شهر من الحبس
وكففتني ورى باب الربعه
ودخلت هي شويه وطلعت
وكفت ورايه
وسمعت شخص يحجي ويقرأ قرآن
وختم كلامة
بسؤال
الشيخ : ملاك بنت ابراهيم هل تقبلين الزواج من براق ابن احمد زوج لك
اذا موافقه قولي نعم وانت وكيلي
ملاك : من سمعت كلامه ادموعي نزلت من عيني
وبشرى ورايه كرصتني من خاصرتي
حسيت روحي طلعت من الوجع
رجع الشيخ عاد كلامة
الشيخ : ملاك بنت ابراهيم هل تقبلين الزواج من براق ابن احمد زوج لك
اذا موافقه قولي نعم وانت وكيلي
ملاك : انطيت موافقتي واني انسانه ميته مجوده من كل شي
من روحي ومن كلبي ومن عقلي
ردت ارجع السجني
اباوع على بشرى الابتسامه على وجهه
راح يجي يوم وتتوسلين بيه اسامحج ومراح اسامحج
خلي هذا كلامي بعقلج
عفتها وصعدت
ثاني يوم نايمه على جربايتي
واباوع للسكف
وانفتحت الباب بس مااكمت ولا باوعت ولا اهتميت
بشرى : زوجج يكول ماا اريد اسوي عرس واروح للمحكمه
هو راح ياخذ عقد السيد ويصدقه بالمحكمة
اجه حجه ويايه كال خاف عدكم اشكال بهذا الموضوع
واني كلتله لا ماعدنا اشكال
بالعكس كيفت كلت اخاف الشيطان يوزج وترفضين الزواج كدام القاضي او اسويلنه مصيبه
ملاك : انتي الشيطان
بشرى : اتحمل كلامج لان صرتي عروسه
المهم بعد يومين يجي بارق وياخذج
وانطاني فلوس كال جهزيها
وطبعاً اني راح اجهزج
ملاك : سم بفادج و كل فلس تصرفي من حقي
كون تصرفي على الدكاترة
بشرى : يي عود كلتلج اتحملج لان عروس
ملاك : طلعت وسدت الباب
وضلت هاي اليومين ساري العقوبه
اكل مااكو شرب ماكو اذا احجي تصعد تكتلني
لحد مخلصن هذني اليومين وصار موعد طلعتي من البيت
دخلت عليه بشرى من الصبح
جايبه وياها قفطان ابيض
وغصبتني البسه
وعدلت شعري لان من كصته مااكصته عدل لا
وين ماا يجي المكص تكص
لزمت عدلت شعري وخلتلي مكياج بسيط
واني مثل اللعابه تحركها منا وجيبها منا
من خلصت مني
نزلتني دخلتني للربعه
وجان اول مره اشوف بيها بارق الي هو زوجي
من شفته مااكدر اكول انصدمت
لان هما من الاساس كالولي هو رجال جبير بالعمر
بس محافظ على نفسه
لابس دشداشه بيضه وبيشت اسود
وعكال لون ابيض
والسبحه يفرها منا ويجيبها منا
مااعنده لحيه بس شوارب
وشواربه مبينات صابغهن
لان الي بعمره مستحيل ما مشيب
بشرى : هاي عروستك دير بالك عليها وخليها بعيونك
بارق : لا توصين حريص ام حسين
هاي الغاليه
بشرى :متعرف شلون كلبي متكطع لان راح تعوفني
هاي الي بقت خواتها ثنيناتهن ازوجن
وهاي ملوكه هم راح تعوفني
بارق : هاي سنه الحياه وشوكت متريدين اشوفيها بس خابريني اني اجيبها بنفسي
ملاك : ماادري اضحك على كلامهم لو اضحك على نفسي
لزم ايدي نترتها بسرعه
بارق : ههههه شكلها العروسه خافت
بشرى : هي نازكه وترفه تخاف من خيالها
بارق : خلي نروح للبيت امشينا يالغاليه
ملاك : مشيت لان اختنكت من الكذب الي كاعده تكذبه هاي الانسانه
لااا هاي حربايه مو انسانه
طلعت ويا بارق وصعدت بالسيارة
وهو الطريق كله يحجي
بس مااعرف بشنو يحجي
ولا حتى اذكر بشنو جان يحجي
صافنه اني بالفراغ وماا اسمع كل صوت
وصلت البيت بارق واني كلشي مااعرف عنه مزوج مطلك عنده اطفال ماعنده منو بالبيت ويا
شيحب شيكره
كلشي مااعرف
نزلت من السيارة اباوع على البيت
البيت مو بيت قصر
والسيارات الي بي كلها حديثه
والحديقه كلش جبيرة
البيت كلش حلو
ديكورة وتصميمه قمه بالجمال
امشي واباوع على المرمر مال الكراج المطل على الحديقه
والبايات ومال الحديقه
والسقيفه
والديوان الشكبرة مبين ابن عشاير من الديوان مالته
بارق : هذا راح يصير بيتج من اليوم
ملاك : ماانطيت ايي رد فعل
دخلت للبيت وهو ويايه
استقبلني بنات ثنين
و ولد اربعه
البنات اكبر مني مبينات والولد هم
بارق : اعرفج ملاك
هذا ابني احمد الجبير
وهذا ابني مصطفى الوسطاني
وهذا ابني جسار الصغير
وهاي بنتي حنين الجبيرة
وهاي بنتي كوثر الصغيرة
وهاي ملاك مرتي
ملاك : اباوع عليهم كلهم اكبر مني
اجتي بنيه وياها طفل
اشر عليها
بارق : وهاي ميادة زوجة احمد
وهذا الولدي الحليوة حفيدي
بارق على اسمي
ملاك :اباوع عليهم وهما يباوعون عليه
واضح عليهم عدم قبولهم بالزواج
ومامستقبليني بحياتهم ولا بحياه ابوهم
الكل : اهلا بيج
بارق : وهسه تعالي اشوفج غرفتج
ملاك : جان تصميم البيت
الطابق الارضي عبارة عن استقبال داخلي جبير وربعه خارجيه جبيرة
وغرفه للطعام
ومطبخ داخلي ومطلخ خارجي
وبي غرفه وحده
والطابق الثاني كله غرف نوم
وغرف النوم عبارة عن سويت
كل واحد من العائله عنده سويت خاص بي
صعدت للغرفه مالتي
جانت عبارة عن قطعه فنيه
كله ديكورات حديثه
والغرفه مصريه بيجي وذهبي
كلش حلوة الغرفه
بس هل اني راح احب هاي الغرفه ؟
هل اني واح احب صاحب هاي الغرفه ؟
—————————
هلاو كيكاتي
لاتنسون النجمة والتعليقات الحلوة
احبكم كوومات ❤️
