صباح ورد الكاردنيا 🌷
انتشل نفسَك من خيبة الهزيمة.. أنت لست ضعيفًا لأنك مهزوم بل قوياً لأنك واجهت .
نجمة :دخلت الغرفه نورس لكيتها منهارة وتعيط وتكسر بالاغراض
الزمها مدفعني بقوى
ضلت تعيط وتكسر لحد ماتعبت وكعدت ترجف
اباوع على ايديها تنخض من الاعصاب
كعدت يمها لزمت ايديها وحجيت وياها كامت تحجي بتعب
لج بس فهميني شبيج
نورس : الحقير طلع مزوج
نجمة : منو
نورس : منو غيرة منذر
نجمة : عززة منو كلج
نورس : الحارس الشخصي خابرني وكلي
نجمة : يي خلي يولي هو الخسر
نورس : لا نجمة اني الي خسرت
نجمة : شخصرتي لاتخوفيني سوالج شي
نورس : خسرت نفسي
نجمة : شفتي مو نصحتج مااخذتي بنصيحتي
نورس : اريد اعرف امي جانت تدري بي لو لا
نجمة : واذا عرفتي امي وتعرفيها
نورس : الله ينتقم منها
نجمة : لازم تكطعين علاقتج بي نورس لازم
نورس : كون امي مااتخلي يتمادة
نجمة : حتى لو امي ماقبلت
نورس : نجمة عوفيني اريد انام
نجمة : نامي حبيبتي الله يهدي گلبي وينتقم من الي جان السبب
غطيتها وطفيت الضوة ونزلت اعصابي محتركة
لكيت امي كاعدة على القنفه وصبغ اضافيرها ولا هامها عياط بنتها وبجيها الي يكسر الخاطر
كعدت مقابيلها باوعت عليه ورجعت تصبغ اضافيرها
حركت اعصابي
نجمة : يمه شو ماسألتي على نورس
بشرى : شبيها نورس
نجمة : كل هذا العياط والبجي مااسمعتي
بشرى : سمعته شسويلها
نجمة : يمة ترى منذر طلع مزوج
بشرى : علمود هاي تبجي وتكسر الطايحة الحظ
نجمة : ليش هاي السالفه قليله
بشرى :ابوها جان مزوج عليه وعادي خلفتكم كلكم
نجمة : بس منذر ممفاتح نورس بالزواج
بشرى : يي خليها ويا تاخذ فلوس من عنده
نجمة :الله واكبر يعني انتي كل الي هامج الفلوس
انتي تعرفين شنوو مقابل هاي الفلوس لو مااتعرفين
بشرى : لج ساق..ة عليمن تكبرين علية لو شنو
واذا على البوس والحضن تاخذ فلوس شكو بيها
نجمة : انتي شنوووو فهميني هاااي بنتج بنتج بنتج
مووو وحده من الشارع
بشرى : شو كاعدة تعلين صوتج عليه
نجمة : اجيت اجاوبها بس مالحكت كامت مسحت بيه الكاع
ملخت شعري تملخ
من تعبت يلا عافتني
بشرى : بنت ابراهيم الكو..د جايه تعلي صوتها عليه
مو زين مني ملفيتج
نجمة : سحلت روحي علمود مانكتل بعد
ابوية اشرف منج
رادت تكوملي
وصعدت للدرج اركض
بشرى :منوو اشرف مني هاا
الي جان يجيب زوجته الداي..ة لفراشي وينام وياها
لوو الي جان حارمني من الفلوس
حتى خيرة لحد ممات مامستفادة منه شي
نجمة : يبقى احسن منج
انتي كاعدة تبيعين بناتج علمود تحصلين فلوس
بشرى :ييي و وحده وحده راح ابيعها وانتي اولهن
نجمة : عافتني وراحت
تحسبت عليها بما في الكفاية
لكن شسوي تبقى امي
بس يااا ام هاي
استغفر الله
ضليت كاعدة اباوع على نورس وهي نايمة
والشهكه تطلع منها
حلوة اختي
بيضه وعيونها صغار وشعرها الاسود الي لامته شلون مجان
ملاك : نقهرت عليها
نجمة : شنسوي هذا حظها
ملاك : تتوقعين منذر راح يسكت
نجمة : مادري والله
ملاك: امج واكفه ويا
نجمة : هذا الي مخوفني
ملاك : الله ينتقم منها الحقيرة
نجمة : بعدج تكرهيها
ملاك : وليش احبها
نجمة : اباوع على ملاك عيونها كامت تلمع وتعلن نزول دموعها
بس كامت وطلعت من الغرفه
اخخ يايمه كل وحده من عدنا عفتيلها جرح
نزلت نظفت البيت وطبخت العشا
رحت اسبح طلعت ملابسي لكيت البرمودة مالتي مشكوكة
فطلعت ادواد الخياطة وكعدت مقابيل التلفزيون
اباوع مسلسل تركي
ومندمجة ويا الابطال ورايحه بغير عالم
خلصت تخيط البرمودة وبقت الابرة بيدي
فزيت على عياط بشرى عليه
من فزتي وكعدت الابرة من ايدي بالكاع
وساعه السودة الي وكعت بيها الابرة
مااسمع ومااحس غير على عياط وضرب بشرى بيه
بشرى: بنت الك..ب بنت الكو...د
تريدين حسن يجي والابرة تدخل برجلي
اليوم ابوج الم...ل ماايخلصج مني
تريدين الغالي يتأذة
نجمة : غلط وضرب وفشار وسب
واني الابرة راحت اختفت اريد الكيها مااكو
بشرى : هسه تلكيها بسرررعه قبل ميجي حسن
نجمة : كمت اتلمس بالكاع
وعيد عندي من لكيت الابرة
هاااااااااي لكيتهااا
كااافي اضربين انسطررت
بشرى : انتظريلي الااا ازوجج وافتك منج
نجمة: الله يخلصني منج
عفتها وصعدت ابجي واشهك
راح اضل انضرب راح اضل اتعذب
هو هذا سبب جبير يخليني انضرب عليه
شوكت اخلص من بشرى يااارب خلصني منها
فاتت يومين والبيت شبه الهادي لان مستحيل يهدأ وبشرى بي
ومثل ميكول المثل الهدوء الذي يسبق العاطفه
بالليل وكعدنا على ركع الباب قوي
وعياط
طلعنا للطرمة نركض
وامي فتحت الباب
لكينه منذر مثل الاعصار الهايج
بشرى : خيررر شبيك
منذر :نورس وييين
بشرى : نكبرت للمكبرة
منذر : بشرى لاااااا تلعبين وياايه
نورس وييين
بشرى : شسوي بيها روح المرتك والجهالك
منذر : شنو انتي شكاعده تحجين
نجمة : بينت على منذر علامة الصدمه وعقد حاجبه ويباوع على امي بكل اعصاب
بشرى : عبالك مااندري يلا توكل منا
منذر : نورسس اريدهاااااا
نجمة :كااام يعيط بكل صوته بااسم نورس
ماحسيت غير اندفعت من يم الباب وطلعت نورس
بكل قوتها تحجي
نورس : شتريد منذر
منذر : ليش ضاربتني بلوك
نورس : وليش مااضربك
على كذبك لو على سوالفك
لو جنت بالنسبه الك جسم وتفرغ بي شهواتك
منذر : شهل كلام نورس
اني حبيتج والله احبج وروحي بيج
نورس : روح المرتك والاطفالك محتاجيك اكثر مني
منذر : مااااعوفك فهمتيييي مااعوفج
نورس : لاااااا تعوفني وراح اشووووف اضراري عليك
منذر : شنوووو تهدديني
نورس : يييييي اهددك
اندليت بيت اهلك ومكان زوجتك واهلها
منذر :واذااا ندليتيهم شراح اسوييين
نورس : اخذذ كل الصورررر الي تجمعني بيك وافضحك واشتكي عليك الشيخ عشيرتكم واخليهم يلعبون بيك طوبه
عوووووووفني
منذر : هذا اخر كلام
نورس : يييي
منذر : خلص راح اعوفج ومن هاي اللحضه بعد ماريدج
نجمة : عافنه وركب السيارة وشحطها من يمنه
كاعدين ندخل للبيت وستوقفنه كلام امي
بشرى : هسه منين نصرف
هذا منذر بعد مينطينا فلوس
نورس : الله ينتقم منج
نجمة : نورس كالت هاي الكلمة ودخلت للبيت
وهاي بشرى مثل العادة غلط وعياط وفشار
على شلون راح نعيش وشلون نورس تدعي عليه
وشلون وشلون
ولازم ابويه يجي بالطاري وينسب
تجي ايام وتروح ايام واحنا على نفس الكلام ونفس الاسلوب
لكن الي تغير بالموضوع هو نورس
نجحت ودخلت كليه
ومتعرفه على عسكري يوكف مقابيل كليتها
نورس : حياتي صارت شبه رماديه من ورى منذر
مانكر حبه وغيرته وكلامة واسلوبه واهتمامه
جان معوضني عن الحرمان
وحسيت بهذا الشي من راح عني
صارت حياتي فارغه مابيها احد
خاويه من كل شي
ردت حضن افرغ بي وجعي ماالكيت
ردت ام اطبطب على ضهري مالكيت
ذبيت كل طاقتي بالدراسه ونجحت
من دخلت للكلية
عالم ثاني وحياه ثانيه
ومستقبل ثاني
وتفكير ثاني
لالالا مو تفكير ثاني
تفكيري بقى مثل ماهو مااتغير
حياتي صار يطبق عليها الايه القرأنية الكريمة
( وما ظلمناهم ولكن كانوا أنفسهم يظلمون )
صدق الله العظيم
اني الي ظلمت نفسي محد ظلمني
جانت اكو سيطرة كدام الكلية مالتنه
يوكف عسري بيها
جان حلو طويل واسمر وصاحب شوارب
والبنات ميتات عليه
ميتات على شكله طبعاً
واني جنت كل ماافوت من يم السيطرة
هذا العسكري يسمعني كلام
وكله غزل وحب
اكذب اذا كلت هذا الكلام ميرضي غروري
جان بعقلي اني اييي شخص اكدر اغرري واخلي يجي العندي
بعقلي عبالي الكل تكدر تحبني وتموت عليه وميأذوني
المهم كامت تمشي الايام واني كل يوم ادخل من يم السيطرة واسمع الكلام مال العسكري
لحد مايوم انطاني رقمه واني اخذته
من رجعت للبيت اتصلت عليه وبدينا نسولف
وهنا ظلمت نفسي ••••
~~~~~~~~~~~~~~~~~~~~
كيكاتي الجميلات لاتنسون النجمة والتعليقات الحلوة
واحبكم كوووومة كوومة كوومة
خصوصاً الكيكات الي كل يوم يدخلون ويسألون عليه
❤️❤️❤️❤️❤️
