صباح التفائل والحب ☘️
الحياة إختبرت صبري بطريقة قاسية جدا
لكن لا يهم فأنا مع ذلك لم انحني
نجمة : امي خلت بگلب كل واحد بينه غصة
محد سلم من عدها
كل واحد جرحت مكان بگلبة
واني اكثر وحدة
بسبب فضولي المستمر بحياة امي
تسببلي بهواي اشياء
واولهم الخوف والهلع
بيوم جنت واكفه بالمطبخ اسوي عشة ودخلت امي
لابسه عبايه وبوشيه وجر النفس بالكوة
خفت من منظرها
ضليت صافنه عليها
شعجب اليوم لابسه بوشيه
وليش هيج اجر النفس
وعيت من صفنتي على عياطها
بشرى : بنت القندرة روحي حظريلي الحمام بسرعه
لا اركع النعال بوجهج اصحيح
نجمة :دخلت اركض احظر الحمام
بس والله ايدي مكاعده تاخذ على الشغل
بسببها
تفكيري كله بيها
وشكاعده اسوي
احس من وراها راح تجينه مصايب الها اول مالها تالي
دخلت للحمام تسبح
واني دخلت مثل عادتي اسحب الغرفتها علمود اعرف شسوت اليوم من مصيبه
شفت التلفون على الميز
وبسرعه اخذته
ولكيت مسجات كومه من معاذ
قريت المسجات واني صدمات تجيني مو بس صدمه
بيومها لعبت نفسي من عدها وكرهتها كره العمى
هي مو امي بس اني هيج ام مااريد
جان محتوى المسجات عبارة عن زنا وحقارة ونذاله
معاذ : لج انتي شنوو بنت العشرين ماا تونسني مثلج
بشرى : وانت هم ابن العشرين ميلحكك بالراحه
معاذ : همزين جنتي جايبه بوشيه جان نفضحنا
بشرى : حياتي مااخذه احتياطي بكل شي لاتخاف
ماادام اني وياك لاتفكر بشي
معاذ :مو من شي حبيتج
نجمة : كاعدة اكمل المحادثه وماحسيت غير صفكة راشدي اجتي على اذاني
اقسم باالله من قوته اذاني صفرت
بشرى : بنت الكو... شجنتي اشوفين بالتلفون
نجمة : من خوفي كمت امتمت بالكلام
مااا شفت شي ماا شفت شي
بشرى : مااشفتي شي موو انتظري عليه
اذا مااخليتج تمشي وتخافين من خيالج مااكون اني بشرى
نجمة : تحجي ويايه ولازمه اذاني قوي حسيت اذاني راح تنشال من مكانها
وتجرجر بيه توديني منا وجيبني مناا
وهي لازمه اذاني
بالاخير مااحسيت غير خشمي طك دم
بس معافتني
ضلت تصفك بيه راشديات
و واحد اقوى من الثاني
واذاني كمت مااحس بيهن من الوجع
فقدت جوى ايدها
ومااحسيت غير نورس وملاك يرشن على وجهي مي
كمزت من ممكاني واني اصيح
مااشفت شي مااشفت شي
نورس : لج شبيج شنو الي مااشفتي
ملاك :احجي شبيج لكينات فاقدة بغرفه امج
وامج نايمه مااحاسه بالدنيا
نورس : وهاي شبيها اذانج
وليش هيج وجهج مورم عبالك مااخذتلج كم بوكسي
نجمة : خواتي يحجون واني ارجف
وافكر بكلمتها
( انتظري عليه اذا مخليتج تمشي وتخافين من خيالج )
هاي الجملة ضلت اسبوع كامل طابعه بعقلي وبالي
اسبوع كامل ماتنزل هاي الكلمه من لساني
صارت مثل اسمي
بهذا الاسبوع امي مااطلعت من البيت
واني اخاف حتى اباوع عليها لو اتقرب منها
احسها ضامتلي مصيبه
وجان احساسي صح ومصيبتها مااكو ام بالدنيا كلها تكدر اسويها البنتها
خلص الاسبوع وامي طلعت ورجعت بالليل
وهم دخلت وراها اشوف المسجات
وبيومها جسمي وعقلي وكل ذرة بيه ماتحملت الكلام الموجود بالمسجات
معاذ : تريدين تخلصين من نجمة
بشرى : ييي والله اريد اخلص منها
لان متأكده شافت الي كاعد يصير بيناتنا
معاذ :خلص لاتخافين حبيبتي
راح ادز ابني معتز يكسرها وياخذ شرفها
وانتي كومي هدديها اذا حجت شي انتي هم كولي عليها مو بنيه وبايعه شرفها
بشرى : والله خوش سالفه
شوف ابنك يقبل ويايوم يجي علمود اضبط الوضع
معاذ : تمام حياتي لاتخافين
نجمة : طلعت اركض من كلامهم وصعدت للسطح ابجي
واشهك وارجف مااعرف بهذا اليوم شنو الصار ويايه
لو شنو شعوري
لو بشنو افكر
لو شلون احمي نفسي واحافظ عليها
ومن منو احافظ عليها من امي
امي الي جابتني للدنيا
الي لازم هي تحميمي من الذئاب البشريه
لا امي تقدمني الهم
بكل برود تتفق تكسرني
بلا ضمير توافق على تحطيم مستقبلي
زين مااتفكر اني شيريد يصير بيه من افقد شرفي
منو يااخذني بعدين واني مااعندي شرف
شتريد اسوي بيه
وليش هيج تريد تنتقم مني
ضليت احجي ويا نفسي واناجي رب العالمين
واحسب عليها
واطلب من ربي يحميني منها ومن مكرها
من بعد هذا اليوم كمت اتجنب امي هواي
ابعد عنها ومااتنافش وياها اصلا اني مجنت اتناقش وياها
بس كمت امااحجي
حتى من تعيط عليه وتضربني مااحجي ولا اعيط
صرت مثل الجماد
سويتلهم جاي بالليل وصعدت فوك احضر ملابسي علمود اسبح
نزلت دخلت للحمام اسبح
دقايق من دخولي طفه الضوة
واني اخاف من الظلمة كمت اعيط بخبال
اشوف حتى ضوة الممر مطفي
والباب مقفوله من برى
اريد افتح الباب ماتنفتح
كمت اعيط
نوورس ملاك حسن بيبي
تعاااالو طلعوني عليكم الله
اخااااف من الظلمه
عليكم الله طلعوووني
يمه وينج تعاااي طلعيني
عليج الله
نورس : نجمة لااتخافين اني يمج ورى الباب
نجمة : نورس عليج الله طلعيني الله عليج طلعيني
نورس : هااااي الظالمة الله ينتقم منها قافله الباب ومنزله السرك مال الكهرباء ومااتخلينا نرفعه
نجمة : ميته خوووف نورس حمووت
ملاك : الله عليها والله ينتقم منها
شتريد اسوي بعد مو خبلتنا كلنا
نجمة : ملاك خاايفه عفيه خليها تفتح الباب
ضليت ارجف من الخوف
بهذا خوفي ترددت كلمتها على مسمعي
انتظري اذا ماخليتج تمشين وتخافين من خيالج
يييي خلتني اخاف
كمت اتلفت وافتر بالحمام
مااعرف شأسوي
اسمع بس اعياط ملاك ونورس ويا امي
يريدوها تفتح الباب
وعيطون وياها
واسمعها تكللهم خلوها خلي تتربة وتعرف بعد مااتدخل بااشياء ماتخصها
من سمعت كلامها عرفت مراح تفتحلي الباب
تقربت من الباب كلش
وكعدت كرفصت روحي
وخليت راسي بين رجليه
وضليت اردد يارب
جنت اعرف ميصير نذكر اسم رب العالمين
بمكان مو طاهر
والحمام مكان مو طاهر
بس اني بهذا اليوم
جان مااعندي غير رب العالمين
يسكن خوفي ويخليني ماااخاف
ومن ذكرت رب العالمين هدأت روحي
وصار جسمي بارد
حسيت روحي صرت خفيفه
مكمت احس بشي
سكون زار كلبي بشكل مو طبيعي
حسيت روحي بردت وكلبي ثلج
وارتخت اعصابي
وبعد مااحسيت بااي شي
غير واني نايمه على جربايتي
وكاعدات يمي
نورس وملاك
فتحت عيني بتعب
شفتهن يبجن عليه
شبيجن
ملاك : شلون صرتي
نجمة : ليش اني شبيه
جنت احلم حلم مخيف
نورس : نجمة لاتخوفينه عليج
نجمة: ليش شصار
نورس : الي جنتي اشوفي مو حلم
نجمة : يعني شنوو
نورس : امي صدك حبستج بالحمام
وطفت عليج الضوة
نجمة: يعني مو حلم
نورس : لاا
نجمة : تمنيت الي صار ويايه حلم
وانزل اركض واشمر نفسي بحضن امي
واكللها على الي شفته
وهي تكلي لا تخافين
اني يمج منو يكدر يأذيج
واني موجودة
اتمنيت تاخذني بحضنها
اتمنيت تسحب خوفي وتمسح على شعري
اتمنيت عندي ام مثل بقيه البنات
بس الي كتشفته
مو كلشي نتمنى لازم نحققه لو نكدر نوصله
بس اني مااتمنيت شي صعب او بعيد او تحقيقه معجزة
الي تمنيت عندي ام مثل الامهات
لكن
( ليس كل مايتمنى المرء يدركة )
:::::::::::::::::::::::::::::::::::::
شكلي نهايه القصة ادخل اربعه ارهاب ببشرى
لاتنسون النجمة والتعليقات الحلوة حبيباتي
احبكم كومات ❤️
