صباح السعادة والورد الاصفر 🌻🌼
'الكراهية تنبع من القلب، والاحتقار من العقل، وكلاهما خارج عن إرادتنا.
نجمة : من بعد ما محمد ضربني الراشدي
استهضمت نفسي كلش
وضلت الشهكات مكتومه بگلبي وبلعومي
مااكدر اطلع هاي الشهكات
كمت من مكاني
ورحت للحمام
وضليت ابجي واشهك
واكول هاي اول يوم اليه ويا وضربني ومااهتم
دار وجهه ونام
اني راح اضل انهان وانضرب
والله تعبت
مااا كفتني الدموع الشهكات بعدها
وگلبي مكاعد يرتاح من ابجي
فتحت الدوش وكعدت باارضيه الحمام
اني وملابسي
وضليت ابجي والمي ينزل عليه
ردت ابرد گلبي
بس مستحيل يبرد گلبي
سمعت ركع مال باب الحمام
مبينه كاعد يركع الباب برجله
محمد :اطلعي لا اطيح حظج
نجمة : اني من ورى الشهكة مااكدر حتى احجي
عبالك بلعومي مجلغ
محمد : انييييييي ويااااامن احجي
نجمة : بالكوة طلعت مني كلنه ايي
محمد : دقايق واطلعي واذا مطلعتي
متعرفين شيصير بيج
نجمة : سديت المي ونزعت ملابسي
ولبست البرنص وطلعت
لكيته كاعدة على الجربايه وماد رجليه
ويباوعلي وهو اعصاب
مااهتميت
رحت للكنتور اخذت ملابسي ورجعت للحمام
بدلت وطلعت لكيته على نفس كعدته
طفيت الضوة ورحت على جهه مالتي تمددت
غمضت عيني وغطيت نفسي
اني صرت مثل الخشبه ابداً مااتحركت
وهو بس يتحرك
مثل الواحد الي روحه تلوب
كااعد يحترك بس مكاعد يكدر يبر الحرك
ضل يتكلب بالفراش
بالاخير طفح الكيل
حسيت علية خلى راسه بركبتي
وعضهاا قوي
اني من قهرتي من عنده مااحسيت بالعضه
رجع عضني مرة ثانيه من ركبتي وسحب جلد ركبتي بين اسنانه
واني لو الحايط حجه اني مااحجي
اخر شي شااف ما عندب استجابه
ضل يبوس بيه واني ماادري شصار بيه
فقدت سيطرتي على جسمي
وبطني كامت توجعني احس داخل بطني مثل الفراشات
الي يطيرن ويدغدغاً
رجفه جسمي ويا لمساته
مثل الي انطوا الضوة الاخضر
واخذني ويااا للمكان الي هو يحبه
من كمل ردت ابعد عنه
لكن مااخلاني سحبني الصدرة
حاولت ابعد عن صدرة بس ضعف جسمي وقوة جسمه مااكدر ابعد عنه
محمد : اعرف بيج ضايجه
نجمة : عفيه وخر انت مو اخذت سالفتك
محمد : لااتخليني ارجع اضربج
نجمة : هسه شتريد مني
محمد : من ضربتج اني مجان بقصدي اأذيج
جان قصدي اخليج تذكرين لاتتجاهليني ولا تعلين صوتج عليه
نجمة : ماريدك تضربني
محمد : امشي عدل ويايه مااضربج
نجمة : سحبني الحضنه ونام
بس اني عيوني مااجاها النوم بسبب محمد
من هذا اليوم اسببلي نوع من انواع الخوف من محمد
مشابه الخوف امي
امي جنت اخاف احجي وياها لا تكسرني وتتفق عليه ويا معاذ
ومحمد اخاف احجي او اصرف تصرف غلط ويضربني
الكل بالبيت يحبني اخوان محمد مراد وميثم
وخوات محمد منار ومرام
وحتى عمتي جانت كلش حنينه ويايه وتحبني مثل بناتها
وزوجة ميثم بنين صارت صديقتي
بس عمي جانت تصرفاته تقهرني
لان لايباوع عليه ولا يحجي ويايه
وحتى ميصخرني
يحسسني اصلاً ماموجودة
عكس تصرفاته ويا البقيه
منار ومرام وبنين وشهد
يصرف وياهم كل بحب ودلال
ويسألهم من يطلع شتحتاجون ويجيبلهم كل شي
حتى من يرجع من الشغل مخصص الكل وحده علاكة مال نساتل وعصاير وجباسه
واني مايذكرني بنستله
هي مو قصه نستله
ولا عيني فارغة الله شاهد
بس حلو الاهتمام الي يهتمه بيهن
وحاولت بكل الطرق اخلي يعتبرني موجودة ويحجي ويايه مااكو
جنت كاعدة اسويلهم كيكة العصر وجان عمي مطالع للشغل اليوم
رايح ابداله مراد
هو كاعد بالاستقبال الداخلي
واني بالمطبخ
والاستقبال الداخلي قريب على المطبخ فااسمع الصوت
بيومها عمتي اخذت مرام ومنار للسوك تشتريلهن ملابس
ومراد من طلع للشغل اخذ ويا شهد البيت اهلها
بقيت بالبيت بس اني وبنين
بنين صعدت الغرفتها
سمعت صوت عمي
ابو محمد : بنين
بنين وينج
نجمة : عفت الكيكة ورحت اركض عليه
هاا عمو تريد شي
ابو محمد : بنيييين
نجمة : اني موجودة عموو شتريد اسويلك
ابو محمد : يمعودة بنيييييييين وينج
نجمة : عمو بنين فووك بغرفتها
اذا تريد اني موجودة
ابو محمد: بنييييييييييييين
نجمة : اصلاً من احجي ويا ميباوعلي
كانما شبح واكف يمه
كام من مكانه وراح ابتجاه الدرج
وهو يمشي واني امشي ورى
وكف يم الدرج
ابو محمد : بنييييين
بنييين
بنين : هاا عمو جيتك
ابو محمد : تعالي بنتي بسرعة
بنين :جايتك عمو
نجمة : عافني ورجع للاستقبال واني بهذا تصرفه
كانما دموع الدنيا كلها صارت بعيني
دخلت للمطبخ ابجي وابجي واشهك كانما مااتلي عزيز
واكول اني ليش هيج حضي
طكيت من البجي
واسمع كلام بنين وعمي
بنين : امرني عمو
ابو محمد : بنتي خابرتي على عمتج شوكت تجي
بنين : يي عمو خابرتها وكالت بالطريق
ابو محمد : اذا هيج لعد اني راح اطلع
محتاجه شي حبيبتي
بنين : مااريد غير سلامتك
ابو محمد : الله يسلمج بنيتي
يلا اني طالع
بنين : الله وياك
نجمة : طلع من يمي
وحتى مااسألني ولا نطق حرف واحد
انهضمت من موقفه
صعدت اركض للغرفه
سديت الباب وضليت ابجي
وادعي على امي من كل كلبي
كله بسببها هي الي خلت العالم اشوفنه بالعين الصغيرة
كله من وراها خلت الناس يعتبرونه طماعين مثلها ونحب الفلوس
الله لايوفقها
لو ميته ابدال ابوية جان هسه احنا بخير
جان ابويه هسه برته اقل شي عميد بالجيش
وهو طبع ابويه العالم كلها تحبه وتريد بس تخدمة
الله يسامحك بابا عفتنا بيد وحدة ضالمة وانانيه
ماادري شكد بجيت
ومااحسيت بالوقت غير على صوت محمد
محمد : خيرج حبيبت الروح ليش هذا البجي
نجمة : مقهوورة محمد مقهورة
محمد : اسم الله عليج من شنو مقهورة
نجمة :احجي وابجي والشهكة تطلع من گلبي
اريد اعرف اني شمسوية علمود هيج يعاملني
محمد : منو هو فهميني شبيج
نجمة : عمي والله اني احبه بس ليش هيج يعاملني
محمد : ليش صار شي وراية
نجمة : محمد يباوع عليه ولا ينطق حرف
اليوم يصيح على بنين واني اجيت يمه اكله عموو امرني شتريد
ميباووع عليه يحسسني اني اصلاً مموجودة
عبالك شبح واكفة كدامه
خلاني احجي ويا روحي
ليش هيج يصرف ويايه
والله اني احبه واموت عليه
والنبي معتبرته ابدال ابوية
محمد : استغفر الله هسه بطلي بجي عيونج راحت
نجمة : محمد والله مقهورة من عندة يحير شيسوي للبنات ويدللهن ويضحك وياهن ويسولف وياهن
واني اصلاً ماايذكرني حتى بنستله لو بكلمة حلوة
محمد : حبيبتي ليش اني مقصر وياج شو شتحتاجين اجيبلج
نجمة : والله مووو على الغراض افهمني عليك الله
قصدي شلون يحبهن ويهتم بيهن واني لااا
والله انقهر
اني شمسووية كلي محمد
والله مغلطانه بحقه واريد بس يرضه عليه ويعاملني مثل ميعامل البنات
محمد : حبيبني اني كلتلج على سبب تعامل ابوية وياج من البدايه
من اول خطوبتنا كلتلج
نجمة : بس انيييييييي مو مثل اميييي
انيييي ماااريد فلوووس
انيييي اريد عائله احبهم ويحبوني
محمد : نجمة لااااا تعيطين بوجهي لا اهفج براشدي افر راسج بي
وبعدين الايام كفيلة تغير نظرته عليج
نجمة : شوووكت كلي شووكت
محمد : حبيبتي ترى بعدج مصارلج 10 ايام من مزوجة
حتى ماالحك يفهمج شسالفه
وبعدين وين اكو عروس هيج نكديه
كومي غسلي وجهج وخلي نطلع نتعشى بالمطعم
نجمة : كمت غسلت وجهي واني ماانشاف
اباوع على وجهي بالمرايا
عيوني من كثر البجي شلون الملتهبات ومورمات
صايرات حمر ومنفوخات
وخشمي شكبرة صاير
ووجهي مطعون احمر
غسلت شلون مجان
ولبست عباتي وطلعنا اني ومحمد
حاول محمد بكل الطرق يغير من نفسيتي
بس اني مثل الانسان التعبان والمجهد يريد بس يرتاح
فتحت شباك السيارة
ونزلت شويه الكشن ونمت
رغم الجو حار والرطوبة اتموت
لان المعروف شهر السابع يحرك الاخضر واليابس
بس نمت من التعب
حتى للمطعم ماانزلت ولا ادري شصار ولا افتهمت شي
خطيه محمد من شافني نايمة
نزل للمطعم جايب سفري
ورجعني للبيت
حسيت عليه من كعدني علمود انزل اكمل نومتي بالبيت
سارت الايام وعمي نفس مااهو
واني احاول اشعله العشرة شمع
اريدة بس يحجي وياية
اريد بس يعرف اني مو مثل امي
مرات اكول اروح واجبرة يحجي ويايه
واحلفله اني مو مثل امي
بس اكول مااستفاد شي لان هو من الاساس ماايسمع مني حرف
الي جان يهوني عليه ضيم عمي
وقهر عمي
محمد
من يشوفني مقهورة لو مبين عليه باجيه
يااخذني ويطلع
حتى البغداد وداني
ويحب يشتريلي كل شي
مثل عالم سمسم
من يكول افتح ياسمسم ابوابك نحن الاطفال
اني طفلة ومحمد سمسم
بس اطلب طلب قبل مااكمل الطلب الاكي يمي
يحاول يخفف عليه ضغط عمي
ومو بس ضغط عمي للاسف
وضغط زوجة مراد شهد
هااي من اول يوم دخولي للبيت
هي شانه الحرب علية
وعلى شنو هم مااعرف
من انكون كاعدين كلنا
تتلوك العمي وتحاول تخليني اغار لو اضوج
لو تفتح مواضيع الناس الماديه والي تحب الفلوس
لو تخبث عليه من ناحيه التنظيف
مااجنت اهتملها ابداً
لان لو مهما تكون داهيه وكيدها عظيم
مااتجي الربع داهيه وكيد بشرى
واني عايشه جنت ويا بشرى
ومتحمله ضيم بشرى
اعتبر سوالف شهد مثل المقبلات بالنسبه اليه
ومن اضوج من تصرفاتها
اقنع نفسي واكول نجمة انتي جنتي عاايشه بضيم امج معقولة ماتتحملين شهد
20 يوم من زواجي
جنت كاعدة بالغرفه مالتي دنيا جانت ليل حوالي ساعه 8 بالليل
تقسيم الطابق الثاني
هي عبارة عن اربع غرف
وجايات غرفه بصف غرفه
اول شي غرفه ميثم
بعدين غرفه مراد
ويالا غرفتنا
والغرفه الرابعه مسويها مثل المخزن بالاخير صايرة قريبة على باب السطح
جنت كاعدة
ومااسمع غير صياااح كلش عاااالي
وتكسير غراض
خليت الشال على راسي وطلعت اركض
ويا طلعتي طلعت بنين وميثم من غرفتهم
واحد يسأل الثاني شنو هذا العياط
مصدر العياط من غرفه مراد وشهد
هو يعيط وهي تعيط وتدعي علية
رحنا اني وبنين ادك الباب وعمتي صعدت هم ادك ويانه
وميثم واكف على جهه يباوع علينا
واحنا مانفهم شي بس صوت التكسير
وصوت بنين تدعي
ودعائها يخلي الجسم يكزبر
واكفين اندك بالباب يجي بالربع ساعه
بالاخير انفتحت الباب
وطلعت شهد لابسه عبايه
بس وجهه مزورك
دفعتني قوي من دفعتها وكعت بالكاع
مراد :روحة بلااا ردة انشاالله
شهد : انتظر وشوف شراح اسوي بيك
وخليك ادافع للك ..
مراد : ماكو غيرج كح..
شهد : اعلمك شلون تغلط عليه
نجمة : نزلت من الدرج وطلعت من البيت
واحنا نريد نعرف منو هاي الي يدافعلها مراد
والي تغلط وتدعي عليها شهد
~~~~~~~~~~~~~~~~~~~~~~~~
هلاو كيكاتي
لاتنسون النجمة والتعليقات الحلوة
احبكم كوومات ❤️
