مساء الامل والتفائل 🎀💓
نجمة : بعد ماخلصت صلاتي سمعت يصيحون عليه
نزعت ايزار الصلاة ولبست شالي ونزلت
دخلت للمطبخ وشفت عمتي والبنات مخبوصات
خير شكو
ام محمد : تعالي بنتي ساعدينه
نجمة : وكفت اسوي وياهن العشه بس ماافهمت
ليش كل هذا العشا
لحم وتمن وشعريه
والمقبلات والعصاير واللبن
والخضورات
بنين شكو ليش كل هذا الاكل
بنين : راح يجون العمام ياكلون يمنه
نجمة :ليش يجون
بنين : ايي غير علمود سالفه تبارك
نجمة : كل هذا علمود تبارك
بنين :اسكتي نجمة بعدين افهمج لا شلعين گلبي
نجمة :صبينا العشا وسوينه الجايات
من خلصوا الاكل بدت اصوات الزلم تنسمع
والي فهمته عمام محمد كلهم جايين علمود سالفه تبارك
يريدون يعرفون شراح يسون بيها
والي تفاجئت بي خوف الكل من هاي الكعدة
حتى ام تبارك جانت كاعدة وتبجي وتدعي علينه كلنا
واني اولهم رغم اني البريئه بس لازم تحجي عليه
وتدعي ابداً مااخلصت منها
تبارك جانت بعدها حابسيها بالغرفه وكل ماايطلع صوتها
او تضرب بالباب يصعد مراد يكسرها من الكتل ويقفل الباب وينزل
اذكرت نفسي من كتلني محمد واغتصبني
وجنت متوجعه اريد بس واحد ينطيني مسكن للرجع
جنت هم اعيط واضرب بالباب
يعني جانوا الكل يسمع صوتي ومحد يساعدني مثل هسه الي كاعد يصير ويا تبارك
بس بااختلاف اني جنت مظلومة وبريئه
وهي الظالمة الي اتهمتني بااعز شي عندي
هو شرفي
تعاالت الاصوات وكلهم يكولون لازم تكتلها
لازم نغسل عارنه
لازم نروح نهد على بيت الشايب الي جانت مصادقته تبارك
الاقتراحات جانت كلها صعبه على الانسان يتحملها
وخصوصاً الشباب
الي يريدون يكتلون تبارك باابشع الطرق لان لوثت سمعتهم
اذكرت كلام نورس من كالتلي ايي عمام وايي خوال كاعدة تحجين عنهم
عزة لو تجي نورس واشوف كلام عمام محمد و ولدهم جان حتى تلفون بطلت تلزمة
استوقفني كلام عم محمد الوسطاني الي اصغر من عمي
عم محمد : اسمعوا زين نروح احنا عمام العار البيت الشايب ونكله احنا عرفنا ونحقه بكعده
ابو محمد : بس هيج راح نفضح البنيه
والعيبه تجي علينه كلنا
عم محمد : لا نطلب من عندة يجيب بس اخوته
وهو مو غبي علمود يفضح نفسه
ابن عم محمد : واذا مااوصلنا النتيجه شلون
عم محمد : لا تخاف اكيد هذا العار عندة اطفال ويخاف عليهم
مراد : عمي ترى الشايب حتى احفاد عنده
كاااعد اكلكم بكبر جدي انتو ليش مكاعدين تفهمون
ابو محمد : هذا احسن قرار انروح ونفهم من عنده واكيد نوصل الحل
ابن عم محمد : زين ليش نوصلها للشايب
ونفضح نفسنا خلينه احنا نربيها ونذبحها
وكان شي لم يكن
عم محمد : ييي واحد منكم لازم يدخل السجن
واذا مكلناله انخاف يفضحها بالصور الي عنده
بهاي الحاله شنسوي
ابن عم محمد : الله ينتقم منج ياااعار
نجمة : ضلوا عمام محمد الوقت متأخر
والي توصلوله باجر يروحون البيت الشايب
يحجون ويا
وام تبارك من سمعت هذا القرار كامت ادك وتلطم
حتى شعرها كطعته
ومحد منهم تقرب منها او منعها من الي كاعدة اسوي
بالعكس لكيتهم كلهم يغلطون عليها
باابشع الكلمات
من كلامهم صعدت الغرفه بنتها
وتبجي يم باب غرفتها هي وتبارك
ماانكر واكول كلبي ماانكسر عليهم
لاا انكسر وانقهرت كلش من شفت منظر ام تبارك وبجيها على بنتها
تمنيت امي مثلها
دخلت الغرفتي
والاول مرة اصير قاسيه الگلب
قفلت باب غرفتي مااردت اشوف ولا اسمع صوت محمد
الي من صار الموقف وطلعت برائتي هو مااحجه ويا احد
حتى بكعدة العمام مااسمعت صوته
دخلت الغرفتي وغيرت ملابسي ونمت على الجربايه
واني الراحة الي زارت كلبي مستحيل انطيها الاحد
ربع ساعه وشفت يدة الباب تريد تنفتح
عرفت هذا محمد
بس مااسويت شي ولا حجيت شي
غير كمت طفيت الضوة الغرفه ورجعت المكاني
وهو ترك يدة الباب وراح
نمت بيومها نومه مريحه
واحلامي جانت احلام كلش حلوة وكلها فرح
ويكلك الي ينام على فرح يكعد على فرح
واني هيج صار ويايه
نمت بمعمق وراحة كعدت ساعه 1 الظهر
وجانت اول مرة بحياتي كلها اكعد هيج وقت
غسلت وبدلت فتحت باب غرفتي
شفت ام تبارك نايمة يم باب غرفه تبارك
وحالتها يصعب على الكافر
عفتها ونزلت للمطبخ
وهم لكيت اكو هوسه بالبيت والعمام رايحين الاهل الشايب
وكايللهم باجر العصر اني يمكم
ويحجون ويعيطون ويفشرون على تبارك
شفت بنين كاعدة تشرب جاي بالمطبخ
صباح الخير
بنين : قصدج مساء الخير
نجمة : مادري شلون هيج اخذتني النومة
بنين : بالعافيه حبيبتي
نجمة :الله يعافيج
اكلج شصار ليش العمام يعيطون
بنين : الله ينتقم منها التبارك هي وامها
نجمة : ليش
بنين : اليوم راحوا البيت الشايب
وطلع صدك اسم على مسمى شايب
نجمة : يعني شنو
بنين : يعني طلع اكبر من عمي
نجمة :عزه بعينها
بنين : ييي والعمام ميتين قهر يكولون حتى احفادة مزوجهم
وهي بكد اصغر حفيد عندة
حجينه ويا
وكايللهم شسويلكم انتو مااعرفتوا تربون
نجمة : شكد عيب
فوك شينه كوات عينه
بنين : يابه غير الصوج من العرمة الي عدنا
لاعبه شاطي باطي ويا
ولج يكللهم اي حق الفلوس الج جنت انطيهيا قابل
جانت تونسني بلاش
ومخليه عمام يتعاركون ويعيطون
نجمة : الله لاوفقها
بنين : يكولون همزين مرايحين الشباب جان صارت مذابح
بالاخير كايللهم باجر اجي الديوانكم ونتفاهم والي تريدون يصير
نجمة : زين هو مزوج
بنين : يي مزوج ثنين وثنيناتهن مجننات
نجمة : عزة العزاها
اشافت من عندة
بنين : شافت جيبه وضلت ويا يصرف عليها
وهذولي الشباب المساكين كاتلهم القهر
لوشوفين ميثم سودة عليه
البارحة الليل كل منامة بس يتكلب ويصيح شلون
نجمة : الله يسهلها يارب
اليوم كله كاعدين العمام والشباب بالديوان
وكل شويه معيطين ويريدون يذبحوها التبارك
واحنا كل شويه مااخذين هبطه من وراهم
بالليل صعدت الغرفتي بدلت وسبحت
وقفلت الباب
ومثل البارحة هم اجة محمد يريد يفتح الباب
واني طفيت الضوة ورحت
ماايحجي حرف ولا اني احجي حرف
واصلاً مااشفته بعد الي صار
احساس كلش غريب صابني اتجاه محمد
واسأل نفسي هم راح يعتذر
هم راح يكلي اني اسف ظلمتج
زين واني شنو راح يكون موقفي
راح اسامحه بسرعه
راح ارجع احبه مثل ما جنت احبه بفترة الخطوبه
جنت اسأل نفسي اهواي اسأله وماالكيت النفسي جواب واحد
من كثر التفكير نمت
وكعدت ثاني يوم من وكت
ولكيت البيت يبلغ ويغط من النسوان
لان الكعدة اليوم
وكلهم مخلين ايدهم على كلبهم
وكل وحدة خايفه على زوجها واولادها
خاصتاً عمتي
تمشي وتقرأ ايات وتدعي
تخاف لا يصير شي على زوجها و ولدها
وصارت الكعدة
والزلم اجوي علمود يتفاهمون ويحلون سالفه تبارك
واحنا واكفين على اعصابنه من الخوف
فاتت ساعه وساعتين وتلاثه واربعه
وهما على نفس السالفه ساعه يعيطون وساعه يهدون
بالاخير مااسمعنه غير عيطه ام تبارك ودعاويها على عمام محمد وابو محمد
والغلط والافشار عليهم
وحتى على نسوان عمام محمد كامت تغلط وتدعي
باوعنا طلعوا اهل الشايب
يعني فضت السالفه
ودخلوا العمام للربعه
واحنا هم دخلنا نريد نفهم شصار
ام محمد : كولولي شراح يصير
ابو محمد : استغفرالله
شنكول غير هي طيحت حظها بيدها
ام محمد : رحمه الابوك كلي شصار مو تعبت
ابو محمد :تبارك راح تزوج الشايب
الكل :شنوووو
ابو محمد : ليش اكو غير هذا الحل
هو معند يكول بنتكم الصوج بيها مو بيه
الف مرة طردتها ومنعتها مني بس هي مجلبه تريدني
وهي الي عرضت نفسها عليه
واني رجال وكلت امتع نفسي بيها
حجينه ويا على الصور يكول يابه اني رجال جبير ماادور فضح اعراض
واني دامني ماادور فضح اعراض اريد ازوجها
شتريدينه انكله
ام تبارك : جااان كلتوله طفله بكد احفادك شلون تريد تزوجها
عم محمد : جااان بنتج كااالت النفسها وماافضحتنه ونزلت راسنه بالكااع
ام تبارك : الله يااخذ حق بنتي منكم
اعرفكم كلكم تكرهوها
عم محمد : لو نكرها جان ذبحناها وخلصنا من عاارها
وهسه دعاوييج وكلامج ميوكل خبز
اليوم ثلاثاء الجمعه يريد تبارك يمة
يعني حضريها
وخلينا نفتك منج منها
ابو محمد :اسمعي ام تبارك
اني سنين مامقصر لا وياج ولا ويا بنتج
واكول اتحمل الخاطر اخوك
اشتريتلج بيت ودكيتي رجل الا بااسمي وكلت تمون والخاطر اخويه
دكيتي رجل وكلتي اريد راتب شهري ضخم
وكلت مااشي
وعيشتج انتي وينتج وماافد يوم كلتلكم لاا
بعتي البيت وصفيتي بالشارع
وكلت ويا نفسي شلون تشمر لحم اخوك بالشارع
وجبتج البيتي واني اعرف كلش زين
اسوالف وخبثج
ولزمت ام محمد وكتلها شتحجي مااا جادليها بحرف
ولزم ولدي وبناتي وكتلهم لااا تحجون ويا تبارك
واعتبروها اختكم
وشتريد نفذووا
وتجين بالاخير انتي وبنتج ادمرون حياه ابني
وتخلوا يشك بمرته
ولو غير رجال جان ذبحها وخسرت ابني
كل هذا اني ماايهمني
الي يهمني ليش هيج سويتي
اريد افهم
ام تبارك : لان خلفتوا بالامانه
ابو محمد : ياا امانه
ام تبارك : عمي كلك الك زوج محمد التبارك وانت رفضت
ابو محمد : راح نزجع النفس الموضوع
مووو حلفت كلام الله وطبيت قرآن ابويه كلي اذا متكدر ازوجها محمد خلي عينك عليها وراعي الله بيها
وهذا محمد ازوج وراح
يعني شنو اجبرج غصباً عليك تاخذ تبارك
ام تبارك: انتو تكرهونا
ابو محمد : نكرهج ومعيشيج احسن عيشه
حرام عليج خلي الله بين عيونج
صارلج شهرين يمنا ماشلتي كلاص المي
هذا كره احد يفهمني
الي يحترم انسان ويشيله فوك راسه معنى يكرهه
عم محمد: معليك اخويه الكلام وياهم هباباً
عووفها واهتم بروحك كلها يومين وتولي البيت زوجها
نجمة : فضت الكعدة وام تبارك مافضت
اجيب وتدعي
والنبي لو دعواتها تنسمع جان احنا من زمان ميتين
وبشرط ميتين بابشع طريقه
صعدت الغرفتي بعد مااساعدت البنات بتنظيف البيت
فتحت باب الغرفه لكيت محمد كاعدة على الجربايه ويباوعلي
ضليت واكفه بمكاني مااحجيت شي
محمد: اسف
نجمة : خليت ايدي مقابيله
وكلتلك لاتحجي ولا كلمة
اطلع برة
محمد : نجمة اني اعتذر منج
ماادري شلون ماافكرت
نجمة : واني مااريدك تحجي
اطلع برة
محمد : حقج بكل شي اسوي
بس سامحيني
نجمة : شكله عجبتك الغرفه
اني راح اطلع من الغرفه
دخلت اخذ غراضي وهو لزمني من ايدي
يبوس بيها
محمد : سامحيني بداعت حبنه
نجمة : ههههههههه والله ضحكتني حبنا يااا حب هذا
مااريد احجي محمد عوووفني واطلع مااريد اشوووووفك
اطلعععع انيييي اكرررهك
محمد : خلص طالع لا تعلين صوتج
نجمة : طلع وعافني
واني ماادري شصار بيه
اريد بس اعيط واريد اغلط
وافشر واريد اضرب
بلحضتها صرت هجومية
كمت اكسر اغراض الغرفه واعيط عليه
واغلط
يكليييييييييي الخااااطر حبنااااااا
يااااااااا حب هذاااااا
فهمنيييييي ياااا حب
هذاااااااا موووو حب هذاااااا دماااار
هذاااا سجن
هذاااا تعذيببببب
من كثر مااعيطت وصيحت
صوتي طبك
من هديت
لملمت الغرفه وشمرت نفسي على الجرباية
ونمت
نمت واني افكر شراح يصير بعلاقتي ويا محمد
____________________
هلاو كيكاتي
لاتنسون الجمة والتعليقات الحلوة
احبكم كومات ❤️
