صباح الحب والعافية 🧡
إحترق وتألم وحدك ولا تنتظر من أحد مساعدتك لكي
لا يقول لك غدا هل تتذكر عندما ساعدتك . .
نجمة : كعدت من نومتي المتعلعلة
واني اباوع على ايدي المحروكة
جلد ايدي كله محترك
وشكلها مو حلو
اكيد ايدي اشوهت
ضليت ابجي واشهك واباوع على ايدي
حسيت على خواتي يحضنني
نورس : لج كافي مو كطعتي گلبي
نجمة : شوفي ايدي اشوهت
نورس : لاا مشوهت الصيدلاني البارحة كلي
اكو كريم يوخر التشوهات
نجمة : اكيد غالي هذا الكريم
منين نجيب فلوس علمود اشتري
وايدي متشوهه
جنت احجي وابجي واشهك من كل گلبي
نورس : نخابر على محمد ونكله
احتركتي بالطباخ
نجمة : نورس ايديه مبينه مال واحد حاركها
حموووت قهرر يااارب موتني وخلصني
ملاك : معليكم اني اجيب الكريم
نورس : منيلج فلوس
ملاك : عندي فلوس ضامتهن اني اليوم اروح
اجيبه من الصيدليه
نجمة : خواتي ضلن يمي يواسن بيه
ويضحكني
واني الضحكة كووة تطلع بوجهي
احس كبرت قبل عمري بالف سنه
القهر والضيم والهضم يكبرون الانسان
واني قهر امي وضيمها كبرني
ضليت بغرفتي ابداً ماانزلت
وامي من تعيط عليه علمود انزل اشتغل
ملاك ونورس هما يجاوبوها
ويسكتوها لو ينزلون يشتغلون ابدالي
للعصر يلاا باوعت على التلفون
وشفت 53 مكالمه من محمد
مالي خلك احجي ويا
واذا حجيت ويا شگله
اكله امي حركت ايدي لان لزمت قبر ابوية
لو اكله البارحة الليل كله كاعدة ماانمت من الوجع
شسوي انطي باامي علمود يشوفني بالعين الصغيرة
تبقى امي لو مهما اسوي
التلفون بيدي ودك محمد ( العافيه واهلها )
فتحت الخط واجاني صوته اليرعد
محمد :طااايحة الحظ ازمااااله
وين جنتييييييييييي من البارحة لحد الان اني ادك عليج
متكووووولين اكوووو حيواان يدك عليج
انتيييييييييي ماااتنطييين عينن
حقيرة يلاااا ولي
نجمة : سد الخط واني مااحجيت ولا حرف
حتى الالو مااكلته
وعبالك جان نااقصني ضيم على مود محمد يكملة
اخخخ يااگلبي شكد تتحمل هموم
بالليل ملاك جابتلي الكريم
وكمت اخلي من عنده الايدي
علمها الصيدلاني شلون اخلي
واني اسبوع كامل حابسه نفسي بالغرفه
ومكابله ايدي واخلي بالكريم
صارت عندي شلون الرد فعل
اريد ايدي اطيب بسرعه
اريدها مااتشوهه
مجنت افكر بشي ولا يخطر على بالي شي
غير ايدي
وصدك الكريم جان مفعوله قوي
خلى ايدي اشويه يخف اثار الحرك
كلش فرحانه لان الاثار شبه خفت
جنت لازمة ايدي واباوع عليها واضحك
نورس : اسم الله تخبلتي اكيد
نجمة : ههههه لج لا شوفي ايدي الاثار بدت تروح
نورس : ييي الحمدلله
هسه عوفج من ايدج
محمد بالربعه يريدج
نجمة : يا محمد
نورس : لااا اكيد الحرك اثر على عقلج
محمد محمد خطيبج
العافية واهلها
نجمة: جمدت بمكاني ماادري ليش
يمكن لان عيط عليه وصارله اسبوع محاجي ويايه
او يمكن تفكيري بيدي خلاني انسى اني مخطوبة
بهذا اليوم مثل الاحساس الجديد
عبالك اول مرة راح اشوفه
غيرت ملابسي
ونزلت على كيفي
وكفت يم باب الربعه
واسمع صوت امي تحجي ويا محمد وتضحك
كرهت حتى ضحكتها
ولا هامها شي
فتحت الباب ودخلت
السلام عليكم
محمد : وعليكم السلام
بشرى : تعالي حبيبتي نجومة
صدقه الوجهج
نجمة : ضليت اباوع عليها بشمئزاز
وكره وحقد
عود شنو تريد تبين لمحمد هي تحبني
عفتها ورحت كعدت مقابيل محمد
هي حست
بشرى : يلاا اني طالعه اخذوا راحتكم
محمد : تسلمين
نجمة : طلعت امي واني ضليت على نفس كعدتي
مدنكة راسي وايديه وحده لازمة الثانيه
محمد : اسبوع كامل عفتج
كلت بلكي تخابر تسأل
تكول خطيبي خلي اسأل علية
سد التلفون وراح وهو معصب
خلي اخابرة وامتص عصبيته
بس مااكو وجودي بحياتج وعدمه واحد
يمكن اعرف انتي مجبورة عليه
او متأكد مجبورة عليه
بس اني مااذيتج ولا قهرتج
وكاعد اتعامل وياج بحب
واكول يجي يوم وتحبني
نجمة : ياريت تسمع مني قبل متحكم عليه
محمد : شسمع وانتي افعالج كاعدة تثبتلي
اني مرايدتني
نجمة : كتلك اسمع مني
محمد : مااريد اسمع اسبوع كامل
جان خابرتيني وخليتيني اسمع مو هسه
تريديني اسمع
نجمة : الاول مرة احس روحي مظلومة ومقهورة
يمكن لان محمد انسان غريب
حسيت هذا الاحساس
دموعي كامت اصب
وكمت اشهك
وهو مصمم على كلامة ومطلعني غلطانه
من الشهكة طلعت قويه من صدري وياها صوت ودموع
وكف على كلامة وتحولت طريقه كلامه من العصبي للهادئ
محمد : شبيج نجمة ليش هيج تبجين
نجمة : ضليت ابجي بقووة وصوت
تقرب مني ورفع راسي باايدي وشاف شكلي
اباوع عليه بسرعه نعكدت حواجبه ويباوع عليه بطريقه واحد مستغرب
محمد : شبيج نجمتي ليش هيج مهضومة
والله مااقصدي اهضمج
نجمة : انت متحس بيه
محمد : احجي الي بكلبج
نجمة : خابرتني تعيط وتغلط عليه وسديت الخط بوجهي واني مااا حجيت حرف
وهسه جاي اطلعني غلطانه
وهم مااسمعت مني حرف
اسمعني واحكم
هاااك شوووف ايدي مرراح احجي
محمد : هااااي شبيهااا ايدج
نجمة : جنت لازم اجذب عليه
من رجعنه اني وياك وكفت اسوي العشا الاهلي
وحتركت بالطباخ
وللصبح اني منايمه من الوجع
واذا مصدك اسأل خواتي
ضلوا سهرانين وياية
محمد : وليش مكلتيلي جان جبتلج دوة
نجمة : نورس جابتلي بالليل وملاك ثاني يوم هم راح جابتلي دوة
محمد : ليش مطلعتني من حياتج
جان اني جبتلج واجيت وديتج للدكتور
نجمة : من الوجع مااجنت افكر غير بس بيدي
محمد :واني اجيت زدتها عليج
نجمة : كعد بصفي وسحب راسي خلى على صدرة
جان الاحساس كلش كلش حلو
الحلو مو لان خطيبي او شي
لالا الحلو حسيت اكو فد نوع من الامان
نوع من الحب والسند
لكيت روحي بسرعه غمضت عيوني
جنت محتاجه هذا الاحساس كلش محتاجته
هذا الاحساس خلى عضلات جسمي كلها ترخى
وگلبي دكاته صارت منتظمة
من باسني من راسي
ولعب بشعري ماادري اصار بيه
حسيت روحي اريد انام
لان جسمي رخى
وصدك نمت
ومااحسيت بشي
وماحسيت بالوقت
فتحت عيوني اني نايمة ومتغطايه
واكو مخدة جوة راسي
ومحد موجود بالربعه
ضليت صافنه شنوو اني جنت احلم
لالا مو حلم
هااي ريحته بعدها موجودة بالربعه وبملابسي
ضليت نايمة وافكر بي
دك تلفوني
العافيه واهلها
الو
محمد : ياا احلى من يكول الو
شلونج حبيبتي
نجمة : زينه الحمدلله انت شلونك
محمد : بخير دامج انتي زينه
نجمة :احمم محمد سؤال
محمد : جواب
نجمة : هو شصار
محمد : ههههههههه مصار شي حبيبتي
اني حضنتج منا انتي نمتي مناا
نجمة :عود صدك
محمد : عود ايي
نجمة : يعني مصار شي
محمد :لج شيصيرر
نجمة : مو اني ماحسيت على نفسي
اني كلت هيج واسمع صوت ضحكاته
خلتني اضحك على ضحكته
محمد : انتي مصيبه
هاي كلشي ممسوي ونمتي مااحسيتي بشي
لعد لو اسوي شيصير بيج
نجمة :اني شبه افهم اسوالف المزوجين
بس ماافهم كل شي
يعني مثل الي يكول رؤوس اقلام
وجنت جداً متخوفه من يوم العرس وليله العرس
محمد : وين رحتي حبيبتي
نجمة :موجودة وياك
محمد: اسمعي حبيبه الروح
باجر راح نروح للمدينه السياحيه
تجين ويايه
نجمة : منو يروح
محمد :اهلي وخالاتي تعالي ويايه تتونسين
نجمة :مشايفتها للمدينه السياحيه
محمد :صدك
نجمة : ييي والله ابداً مشايفتها
محمد : خلص لعد باجر اجي اخذج ونروح للمدينه نتونس ونغير جو وتتعرفين على اهلي
نجمة :تمام حبيبي
جانت كلمة حبيبي اول مرة انطقها بعمري كله
ومن اهتمام محمد بيه
طلعت هاي الكلمه لا ارادياً
محمد : شكلتي
نجمة : شكلت
محمد : نجمة احجي
نجمة : اممم كلت حبيبي
محمد : يروحلج فدوة حبيبج
ياريت اضلين تكوليلي هيج كلام
نجمة : انشاالله
محمد : احبج كومة يا نجمتي
وحبيبه الروح ❤️
______________
هلاوو كيكاتي
لاتنسون النجمة والتعليقات الحلوة الي ترد الروح
احبكم كومات ❤️
