مساء الحب والسعادة والراحة ❤️
نجمة : حياتي جداً هادئه
وجميله الى ابعد الحدود
عايشه بسعادة ويا محمد وابني ايهم
الي يوم عن يوم يصير احلى واحلى
وكل ماايكبر اخدودة تكبر ويا
والبيت كله متخبل عليه
اما محمد هذا حادث والى حرج
اول ميدخل للبيت يصيح بااسم ايهم
ومن اول ميدخل لحد ميطلع مخلي ايهم بحضنه
ويحجي ويا
اشكال يشتريله ملابس واللعاب وحلويات
وابداً ميشبع من عنده
يكعده بالساعات ياخذله صور
حاير باايهم
واني سعيده لان اشوف محمد هيج مهتم باايهم
ومهتم بيه
صارت حياه محمد جداً منتظمه
من الشغل للبيت للكوفي
ومرات ميطلع للكوفي ياخذنا ويطلعنه
اكتشفت محمد هو عوض رب العالمين اليه
عوض ربي عن كل وجع عشته
وكل الم وكل حسرة وكل دمعه
جانت حسرة عليه الاكل والنستله
هسه محمد يطب جايب اكل ونساتل ويطلع جايب اكل ونساتل
كمت اني اكله لا جيب عدنا هواي
جانت حسرة عليه الملابس والاغراض
هسه كل ماايطلع يجيبلي ملابس واغراض ويكلي من شفتهن صرتي كدامي
الملابس كومه صارن عندي
ومن احجي ويا واكله شسوي بيهن اني نادراً ماا اطلع
يكلي حتى لو اريد كنتورج مثل كنتور الاميرات كل شي بي
حتى مرات يجيبلي هدايه ومفاجئات بدون ايي مناسبة
ومن اسأله
يكلي كل يوم وانتي موجودة بحياتي اعتبرة مناسبة
من اسمع كلامة واشوف شلون صرت ماابحاجة الشي
اباوع للسما واشكر ربي على السعادة الي اني بيها
زوج يحبني ومراعي الله بيه
وابن مااكو بجماله بالدنيا كلها
بس اكو سالفه منغصه حياتي
الي هي كل ماا اخابر ملاك انقهر وانهضم عليها
لحد ماا فديوم خابرتها
وسألت عليها
شلونه بارق وياج
ملاك : مثل مااهو ماكو كل تغير
نجمة : ملاك راح يصيرلكم اربع اشهر مزوجين
وانتي لحد الان بنيه
شنو موضوعج
ملاك : موضوعي خليها سكته
نجمة : احجيلي ملاك اني اخيتج
ملاك :لعد اسمعي
بارق ورى شهر من الزواج طلع مو رجال ومايكدر يتمم العلاقه الي بيناتنه
وبناته شادات ويايه مشوفاتني نجوم الظهر
شغل البيت كله عليه
واذا مااشتغل يخبثن عليه ويخلن بارق يضربني
نجمة : ليش يضربج وليش يخبثن عليج
ملاك : عبالهن راح اخذ مكان امهن
و ولد بارق حتى لو يشوفون خواتهم يضربوني ماايحجون
هذاك اليوم خبثن عليه وخلن بارق ياخذني للبستان مالته
احش الزرع واحلب البقر
اني ادمرت نفسيتي من ورى هاي الزواجة الكشرة
نجمة : ضلت اسولفلي اهواي مواقف
خلتني اموت قهر عليها
وقررت افاتح محمد بالموضوع
يومين من ورى مكالمه ملاك مااكدرت احجي لو افتح موضوعها ويا محمد
لان عمة مريض وملتهين بي
وراها كلت لازم اليوم احجي وافتح الموضوع ويا محمد
نظفت الغرفه وجهزت نفسي
ونيمت ايهم من وكت علمود لا يخبصنا
وحضرت فلم رومانسي وجهزت الحبشكلات
وضليت انتظره
دخل للغرفه ساعه وحده بالليل
جان يم بيت عمه
محمد : هاي شنو حبيبي
شهل اجواء الحلوة شهل جمال
كل هذا اليه
نجمة : رحت يمه وحضنته طبعاً الك
ليش هو اكو واحد يستاهل اسويله هاي الاجواء غيرك
محمد : اروح فدوة الهذا اللسان الي ماايطلع منا بس الكلام الحلو
نجمة : اليوم عاجبني اشوف اني وياك فلم حلو
محمد : انشوف ليش لا بس خلي اسبح
نجمة : والحمام جاهز
دخل محمد للحمام يسبح
واني حظرتله ملابسه
ربع ساعه وطلع بدل ملابسه وضلينا نتابع الفلم
محمد طبيعته يندمج ويا الفلم ويروح بعالم ثاني
ماايقبل احد يشوش عليه
لو يقاطعه ويحجي
ضليت ساكته واني فكري كله يم ملاك وموضوعها
اباوع على التلفزيون بس فكري مو يمي
ساعتين وخلص الفلم
واني مامنتبهه خلص
انتبهت من محمد حضني قوي وخلى راسي على صدرة
محمد : ممكن اعرف شبيج
نجمة : مابيه شي
محمد : لا فكرج وعقلج مو يمي
نجمة : يي صح
محمد : احجي شبيح
نجمة : ملاك
محمد: شبيها ملاك
نجمة : كاسره خاطري لو شوفها شلون من تحجي ويايه تخلي كلبي ينقسم نصين من ورى كلامها
محمد : ليش هي شبيها
نجمة : محمد ملاك لحد الان بعدها بنيه
وبنات زوجها كاعدات يخبثن عليها
وكل يوم مكتوله
حتى ولد زوجها مكاعدين يدافعولها
وعادي عدهم تنضرب يوميه
حتى ماخذها للبستان ومخليها تحش زرع وتحلب مبقر
وهاي ملاك ما تتحمل كل هذا
اختي واعرفها
حتى جانت مااتغسل ماعون
ملابسها مااتغسلهن كله اني
شلون هسه عايشه حالها حال الخدامة
محمد : كل هذا صاير بيها
شعجب ابو احمد هيج يصرف وياها
نجمة : تكول بناته يحشن براسه وهو يجي عليه يموتني كتل
محمد : باعي حبيبت الروح
اني ماعندي مانع ادخل بموضوع ملاك
واطلكها من زوجها
واجيبها هنا تعيش معززة مكرمه حالها حال مرام ومنار
نجمة : صدك حبيبي
محمد :يي والله ملاك اختي وانشاالله مااقصر وياها
نجمة : يعني تكدر اطلكها
محمد :هي مو متريده
نجمة :يي متريده
محمد :خلص خابريها وكوليلها محمد راح يطلكج وتجين تعيشين هنا يمنه حالج حال البنات
نجمة : من فرحتي ردت اخابرها بنفس اللحضه واكللها
بس محمد مااقبل كال هسه زوجها يمها
انتظرت لحد ميطلع الصبح
دكيت عليها ماكو
دزيتلها مسج
وانتظرها تخابرني
ومخابرتني لحد الظهر ويا جيه محمد
دخل محمد كعد يمي
واني فتحت الخط عليها
الو حبيبتي ملاك
ملاك :هلاو نجمة شخبارج
نجمة : اني زينه الحمدلله
اكلج انتي شلونج
ملاك :يعني شلوني حال الضيم حالي
نجمة : ردت محمد يسمع شلون ملاك متعذبه
فتحت سبيكر علمود يسمعها
ليش اصاير
ملاك : البارحة عرفت بارق يروح الملاهي بغداد
ويطلع بنات للبيت
نجمة : يا بيت لا تكوليلي البيتج
ملاك : لا عنده بيت بغداد وهناك يروح يتونس وياهن
واني من اكله شسوي رايح البغداد يكلي شغل
ومو بس هذا
نجمة : بعد شنو
ملاك : طلع يشرب مخدرات ويسكر هم
نجمة : لطمت على صدري
صدك تحجين
ملاك : حموت اني شوكت اخلص من عنده
منين ماا اجيبها سوده مصخمه
نجمة : كمت ادك على صدري
محمد بسرعه لزم ايدي يمنع ضرب صدري
وخزرني
ملاك : كل السوالف التعبانه طلعت بي
نجمة : اكلج ليش ماتطلكين من عنده
ملاك : يي وين اروح بعد ماااطلك
نجمة : تعالي يمي كلت لمحمد وكال خليها تجي تعيش ويانه حالها حال البنات
ملاك : لا مااريد ازحمكم
نجمة : اطلكي من عنده وتعالي عيشي يمي وارجعي الدوامج
ومحمد يساعدج تتعينين
وتنسين الشايب العايب
ملاك : ماادري والله نجمة
اخاف اطلك من عنده وبشرى ماتتركني بحالي
نجمة : لاتخافين من بشرى هي زوجتج علمود تخلص منج
واصلاً تكيف اذا تطلكين وتعيشين يمي
ملاك: مادري حرت بهذا الموضوع
نجمة : فكري بالموضوع ورديلي الخبر
ملاك : تمام حبيبتي
نجمة :يلا حبيبتي اني راح اروح
ملاك : اوك قلبي باي
نجمة : سديت الخط من ملاك
وباوعت على محمد
شفت شلون خطيه متعذبه ويا
طلع يشرب وياخذ مخدرات ويروح ملاهي
ويطلع بنات شفت شلون ملاك متعذبه
سوده عليه حبيبتي
محمد : اختج كذابه
نجمة : تفاجئت من نبرى صوت محمد
شنو
محمد : اختج كذابه اعيدها مره ثالثه
اختج جذابه
نجمة : ليش تكول عليها كذابه
محمد : انتي الى متى تبقين بهذا عقلج
وبهذا كلبج الفطير فهميني
نجمة : ليش كاعد تحجي عليه
محمد : اختج لحد الان بنيه موو
نجمة : ايي
محمد : والسبب شنوو
نجمة : زوجها ماايكدر
ومو رجال
محمد : خاايبه انجبي انتي واختج
نجمة : هااي شنوو
محمد : مو رجال ومخلف درزن جهال ولو رجال جان شكد خلف
نجمة : اني هم كتلها بس كالت هاي من جان شاب
محمد : والله اختج شكتني شك بالشاب
شلون مو رجال وهو يروح للملاهي
شيسوي هنااك يصلي بيهم صلاة الليل فهميني
شلون مو رجال ويطلع بنات ليل للبيت
شيسوي بيهن مطلع بنات يهديهن للدين وللايمان
اختج جذابه بابا
نجمة : لعد ليش لحد الان ملاك بنيه
محمد : ومنو يكول هي لحد الان بنيه
انتي متأكده من كلامها لو كشفتي عليها وعرفتي لحد الان ملصومه
نجمة : زين والمخدرات والشرب
محمد : والله من كالت اختج على هذا الموضوع كرهتها
نجمة :ليش كرهتها
محمد : لان رجال شكبرة شعرضه والدنيا كلها تحترمه
ومعروف بالفلوجة كلها
والعالم تجي اشورى وتاخذ النصيحه منه
هيج هوغبي ويشوه سمعته بالمخدرات والشرب والملاهي
وحتى لو نفرض كلامها صح اختج الهل درجه فقيرة ومتمسكه بيتها ورجلها ومتروح تبلغ عليه
وتكول هذا يتعاطى مخدرات او يتاجر بيها
نجمة : كلام محمد كله منطقي
بس هي ليش هيج كاعده تكذب عليه
محمد : شووفي شنو بعقلها
لو هي من الاساس مريضه نفسيه
وكاعده تتخيل اشياء بعقلها
نجمة : معقوله ملاك هيج تتصرف ويايه
محمد : مو كل العالم كلبها طيب مثلج
ولا كل العالم اصدك وتوثف بسرعه مثلج
ولا النسوان مااعدهن كيد مثلج
انتي مثل الطينه البيضه
القادر اني اصنعها مثل مااريد
بابا لاتثقين بشخص ولا صدكين بااحد
ومن هسه اكلج سالفه ملاك اني ماادخل بيها ابداً
انوب ادخل واتووط ويا العالم
نجمة : والله حقك
محمد : والله اختج داهيه
مطلعه الرجال مااكو
والله اذا سمع هذا الكلام الاا يشكها كدامنا كلنا
نجمة : عززززة
محمد : ههههههههههه واالله انتوا النسوان ينخاف منكم
اذا ماايعجبكم شخص طلعتوا مو رجال
ولعبتن بي لعد
وهاي اختج طايحه الحظ كاعدة اشوهه سمعه زوجها
زين سؤال بله
نجمة : جواب
محمد : نورس تدري بسالفه ملاك
نجمة : لا متدري
اني كلت هيج ومحمد غص من الضحك
محمد : طبعاً متدري هي غير نورس داهيه
لو ساامعه هذا الكلام من ملاك جان فصختها تفصيخ
هذا الكلام يمشي على نجمة
بس ماايمشي على نورس المصيبه
نجمة : يعني ملاك كاعده تضحك عليه
محمد : ييي حبيبتي
نجمة : والنبي انقهرت
محمد : مو بعيده بعد كم يوم تسمعين ملاك حامل
ووشلون حبلتي ملاك
والله زوجي اغتصبني
وتكعد نجمة تبجي وتدعي عليه لان اغتصب اختها
هههههههههههه والله السالفه اضحك من صدك
نجمة : طلع محمد من الغرفه وهو خربان ضحك
نزلت ورى دخلت للمطبخ شفتهم كلهم كاعدين
وايهم بحضن خاله
ومحمد كل شويه وضاحك بصوت عالي
ومن يسألوا
يكللهم اذا اكللهم اكو عرض عالم يطشر
ويضل يضحك
هو يضحك واني ميته قهر من ورى اختي ملاك
———————————-
هلاو كيكاتي
طبعاً لازم البارت ينزل البارحه
بس والله واني كاعده اكتبه نمت
لاتنسون النجمة والتعليقات الحلوة
احبكم كومات ❤️
