صباح الحب والورد 🎈❤️
نجمة : بعد ماا محمد ذلني بابشع الطرق
وبابشع الكلمات
عافني واني بالحمام بحاله يرثى لها
مستحيل على ايي بنيه بعمري
تكدر تتحمل الي سوى
واني كل هذا الضرب والغلط والفشار
والاغتصاب والحرك والتعذيب
مااعرف السبب الي يخلي محمد هيج يصرف ويايه
وكفت على رجليه والامي كلها هاجت عليه
ضليت ابجي من الوجع الي صارلي
خطيت كم خطوة وفتحت على الدوش
وردت روحي تسكن من الالم
لكن لاجدوة
لكيت روحي ويا كل قطرة مي تنزل على جسمي
تهيج اوجاعي
سبحت واني كاعدة مااكدر اكوم من الوجع
رجعت وكفت على رجليه وتحملت الوجع
لفيت نفسي بالخاولي وطلعت من الحمام
شفت محمد نايم على الجربايه
ويدخن بالجكارة ويكلب بالتلفون
وكفت كدامة وحجيت ويا
والاول مرة بعمري اصير جريئه واحجي
ليش
محمد :شكلتي
نجمة :ليش
محمد : شنو الليش
نجمة : ليش كاعد تنتقم مني بالبشع الطرق
محمد : لو عليه احركج بس هيج احسلي
نجمة :ليش احسلك
محمد : لان اريد اتفنن بتعذيبج
نجمة : ليش
محمد : تريدين تعرفين
نجمة : يي اريد اعرف
محمد : يي ادللي
نجمة : وكف كدامي وفتح تلفونه وصار كبالي
محمد : شووفي شكله عجبج الوضع مثل امج
نجمة :خلى التلفون كبالي وجان التلفون مفتوح على صورة اليه مال اليوم
شهكت واني اشوف ياسين حاضني وكاعد يضحك
لالالا محمد لاصدك الصورة
محمد : يي مااصدكها بس لا زم اصدكج مو
نجمة : والله ماادري بي
محمد : عجبج حضن الك... اذا تريدين حضن جااان كلتيلي
لوو صار حضني ميعجبج
نجمة :وداعت ابويه ماادري بي
محمد :عووووفج من الحلفااان عوووفج
انتي حتى بالصور ماادفعتي ولاااا سويتي شي
ولاااا حتى كلتيلي
وحتى مااااعبرتيني
انت حقيرة ونذله وحده ماعدها شرف
نجمة : بسسسسس انت اكثر انسااان تعرف اني شنوو
محمد : جنت غلطان
من كالولي انتي مثل امج مااصدكتهم
وراح اندمج على كل ساعه ودقيقه قررتي تخونيني بيها
نجمة : خلاني بصدمة من كلامه خيانه شنو
عافني وراح واني مصدومة
هسه طلعت اني الخاينه الموشريفه
حسبي الله عليهم كلهم
لبست ملابسي. ووكفت على سجادة الصلاة
ودعيت من رب العالمين يطلع حوبتي بيهم
ضليت اناجي رب العالمين وابجي واشهك
بيومها محمد مااصعد للغرفه ضل للفجر واني انتظرة
وماادخل للغرفه
لبست الشال ونزلت اشوفه وين
البيت جان فارغ
والكل نايم
دخلت للاستقبال
شفته نايم
كمت امشي اتجاهه بخطوات بطيئه و وموجوعه
كعت يمه هو محاس بية
خليت ايدي على وجهه هو بسرعه فز
محمد :استغفر الله شتريدين
نجمة : كمت ابجي واحجي
والله محمد مااخنتك وروح ابويه ماخنتك
محمد : كومي اطلعي برى نجمة
نجمة : اسمعني ابوس ايدك والله مااخنتك
والله اني مو مثل امي
محمد :وشلون تريديني اصدكج واني شفت بعيوني الصور
نجمة : الصور مو مثل ماانت شايفهن
محمد : نجمة الصور حقيقه والعار حضنج لااا جذبين
نجمة : خفت اكله ايي
محمد : حضنج مووو احجييي
كوليلي جذب
نجمة: لااا مو جذب
اني كلت لا واني اراشدي اجاني بقوة
محمد : وتكوليها بووجهي ومتخافين انتي شكد صلفه
نجمة : لزمت ايدة قوي وشمرت نفسي وحضنته وهو نايم
ابوس ايدك اسمعني ولا تكول عليه خاينه
اني مااعندي غيرك
محمد لا تعذبني
والله تعبت
محمد : احجي
نجمة : والله تبارك
محمد : ييي راح اذبيها براس تبارك وتبارك هي الي كالتلج خلي العار يحضنج
لو تبارك هي الي كالتلج لا تسمعين كلامي وروحي البيت عمي
لاااا جذبين لااااا جذبين
لاتخليني اسب اليوم الي حبيتج بي
نجمة : لالا محمد بس اسمعني
محمد :هااي كاعد اسمعج وانتي كاعدة اجذبين
نجمة : والله مكاعدة اجذب وروح ابويه وداعتك مااجذب
محمد : يلااا احجي خلي اسمع
نجمة : محمد والنبي رحت البيت عمج لان اخاف ابقى وحدي بالبيت وعمتي هي الي صعدتلي وكالتلي تعالي ويانه وروح ابويه
محمد : ييي اعرف هذا الشي غيره شعندج
نجمة : والله محمد ضليت كاعدة يم عمتي مااتحركت من مكاني واذا تريد اسألها والله مااكمت من يمها
محمد : يي مصدكج والدليل العار حضنج وانتي بصف امي
رجعتيييي تكذبين
نجمة : بس اسمعني والله ماااكذب والنبي
من صار وقت العشا كالوا البنات خلي نروح
نحضر الاكل للشباب علمود يشون
وعمتي هي الي كالتلي روحي
محمد : ييي امي هي الي كالتلج روحي خلي العار يحضنج
لوو ولا اكلج انتي اكيتيها فرصه علمود تركضين للعار علمود يحضنج دامج حضني ممكفيج
نجمة : لالالا وروح ابويه مو هيج
رحت ويا البنات وساعدتهم من طلعوا البنات اجتي عليه تبارك وكالتلي الزمي عباتي اريد اروح للحمام
واني لزمتلهيا وضليت واكفه بمكاني
مااحسيت غير يا..
محمد : هذا الراشدي علمود بعد مااتنطقين اسمه
وعلمود تتعلمين من اكول كلمه مااتخالفيها
وهسه كومي ولي منا
نجمة : ماااااكوووم ماااكووم
انيي مو خاينه والله موو خاينه
ولا اني مثل امي
ولا حتى فكرت احب لا واحد قبلك ولا واحد بعدك
حررام عليك بالي كاعد اسوي بيه
اني يتيمة وحوبي اذا طلعت راح تأذيكم كلكم
محمد : خلصتي اصعدي فوك يلاا
نجمة : انقهرت على نفسي واني كاعدة ابرر الشخص اذاني وغذبتي ومراضي حتى يسمعني
عفته وكمت صعدت للغرفه
من هذا اليوم محمد عاافني بطل يضربني ولا يتقربلي
ولا حتى يسأل عليه
يدخل للغرفه يلاكي كل شي جاهز ملابسه واكله
يدخل يسبح ويطلع يلعب بالتلفون ينام
ويكعد الصبح يروح للشغل ويرجع يتغدة يبدل ويطلع ويا جماعته مايرجع لليل
ماا يحجي ويايه حرف واحد
حسيته يريد يعاقبني بااسلوب التجاهل
بس هو ماايعرف بهذا اسلوبه يخليني مرتاحة
لان بعدت عن الوجع والعذاب
صارت حياتي مثل الخدامة بيت
اكعد الصبح اسويلهم ريوك للكل
يطلعون للشغل الشباب وعمي ارجع انظف البيت كله
من فوك ليجوة
عمتي مجانت تخليني اطبخ ابداً هي الي جانت تطبخ واني اساعدها بالاشياء الي هي تطلبها
اغسل اماعين الغدة اصعد للغرفه انزل العصر
ابدي بسوالف العصرونيات ويلحكها العشا ومواعين العشا
والتنظيف ورى العشا
كله اني ولا وحدة منهم اساعدني بس بنين مجانت تقبل انظف وحدي بس مااجنت اخليها تنظف
وكل هذا وتبارك وامها وشهد معايفاتني
ابشع الكلام اسمعه منهن هاي ما عدى خباثتهن الي مااتخلص
مرات اكول هذني مستحيل ادميات وعدهن گلب ومشاعر وانسانيه
مستحيل هذني يكونن عدهن احسااس ويتأذن
على ابسط الاشياء يخبثن
اقل شي مثلاً يصبن الجاي ويبرد وبعدين يديرنا بالسنك ويعوفن السنك والكلاصات بدون غسل
ولازم اني اغسلهن
لو يذبن المي بالكاع واني امسح
لو يوصخن
واني لو الحايط يحجي اني مااحجي
اسكت واعدي واتحمل واكول يجي يوم وتفرج
بكل هذا مااجنت اتأذه واكول هذا واجبي
بس الي جان يأذيني من يحجن عليه ويصخرني كدام محمد وهو ماايحجي
بيوم جنا مسويت سمج على الغدة واني ويا عمتي كلشي جهزنا وصبينا الاكل
وكلهم كعدوا ياكلون
اني اخر وحده كعدت
هستوني كاعده اكلك
تبارك :نجمة كومي جيبيلي مي
نجمة : باوعت عليهم كلهم رفعوا راسهم يباوعون عليه شراح اسوي
اني باوعت على محمد اصلاً مارفع راسه
رحت بهدوء جبتلها مي
وقدمته الها
رجعت اريد اكل مرة ثانيه
وهم حجت
تبارك : نجمة كومي جيبيلي ملح الاكل فاهي
ام محمد: الاكل زين مو فاهي
تبارك : لا عمة هاي انتي عندج هبوط بالضغط
مراد : دام الاكل فاهي كومي انتي جيبي النفسج مملحة
تبارك : هاي شبيك مراد هسه واذا خليت نجمة تكوم اجيبلي
مراد : خلي البنيه تاكل
ميثم : ييي تبارك اذا تريدين مملحة كومي انتي جيبي التفسج شنو نجمة خدامة يمج
تبارك : ييي خدامة محمد هو هيج كال
نجمة : من كالت هيج باوعت على محمد وعيوني دمعت بس واحد يطخني تنزل دمعتي
لكيته نفس مكانه ومااحرك سااكن ولا حتى حجه
ابو محمد : هااي شبيكم عليها
تبارك : يي عمو كوللهم
ابو محمد : يلا نجمة روحي جيبي ملح التبارك
نجمة : كمت من مكاني ورحت للمطبخ ودموعي نزلت
من صدك انقهرت على نفسي
ونهضمت هاي تاليتني انذل واصير خدامة التبارك
ولا عود مزوجة ولازم زوجي يدافعلي
كلهم دافعولي الا هوو
حسبي الله ونعم الوكيل
وديتلها المملحة وصعدت الغرفتي
حتى غدة متغديت
ضليت ابجي واشهك لحد ما راسي كام يوجعني
ونمت من وجع راسي
كعدت على صوت سدة الباب
شفت الساعة ب 5 العصر
نزلت للمطبخ لكيتهن كاعدات
واني بطني من الجوع توجعني
كعدت يمهم جانوا مسوين كعك وجاي ويسولفون
واني صبيت الي كوب جاي وكعدت وياهم
سوالف عمتي كلش حلوة وشلون تذكر سوالفها ويا عمي وتضحك
لان عمي يحبها ويسميها العزيزة
ام تبارك : ييي على شنو يسميج العزيزة الله يرحم
يما جان رايد يزوجني
ام محمد : ههههههههه والله ضحكتيني
خلي السوالف مضمومه ومانريد نحجي بيها كدام البنات
ام تبارك : قابل كذبت
ام محمد : لااا عيني شكذبتي بس من صدك ضحكتيني
ام تبارك : انتي حاقدة من يومج
ام محمد : على شنو حاقدة
ام تبارك : حاقدة عليه لان ابو محمد راد يزوجني
ومااكفاج حقدج عليه لا حتى على بنتي
ام محمد : اني حاقدة على تبارك
ام تبارك : ييي
ام محمد : وليش كاعدة احقد على بنيه بكد بناتي
ام تبارك : اول شي ميثم راد يزوجها ومااقبلتي
وبعدين رادها مراد وهم مااقبلتي
وحتى محمد رادها ومااقبلتي
على شنو ترفضين ماادري
ام محمد : انتي شنو تعرفين السالفه وتحرفيها
ميثم العشيرة كلها تعرف هو مجان رايد يزوج كرايب
لا عشيرة ابوو ولا عشيرة امه
وذبحت نفسي على يزوج كرايب ومااقبل
وراح دخل كليه وحب بنين وزوجها اني شعليه
بنين : وشنو عمه تقارنيني بتبارك
يكفي اني اخذت ميثم
ام محمد : مو وكتج اسكتي
بنين : حاضر
ام محمد : ومراد هذا الثاني ابو محمد هو الي شافها وهي بنت صديقه وكال المراد ومراد وافق عليها
اني شعليه
ام تبارك : ومحمد هاا مو جان رايدها والحجي كال تبارك لمحمد
بس انتي عارضتي
ام محمد : الله اكبر لا عارضت ولا شي اني شعليه
محمد شاف نجمة وذبح روحة عليها ايام وليالي يتوسل بيه علمود بس اشوفها
وشفتها وهو شافها
وكال لو هي لو ماازوج
وكلكم تعرفوا انطرد من البيت علمودها
اني شعليه
قابل هما بنات واجبرهم يزوجون
ام تبارك : ييي من السحورة خلته يزوجها
ام محمد : يااا سحورة هي غير صارلها شهرين مزوجه حتى بيت اهلها مرايحتله وتلفون ماعدها تخابر اهلها
اتقي الله ام تبارك باجر نموت ومحد يوكفلنا غير اعمالنا
ام تبارك : ييي عاد انتي من تحبين الشخص اطلعي نبي
ام محمد : والله انتي ماايفيد وياج الكلام اعرفج
عندك گلب حوت يوسع المشاكل
نجمة : عمتي عافتنه ودخلت الغرفتها وام تبارك كامت صعدت فوك
واني ضليت صافنه حاسداتني على محمد الي صارله شهرين مابقى سالفه مااسواها
صافنه باافكاري
وسمعت همس يم اذني
تبارك : بعدج مااشفتي شي مني والله الا اخلي محمد يكول مااريدها
نجمة :من كالت هذا الحجي بطني كامت توجعني وكلبي قبضني
ورددت
( اللهم اجعل كيدهم في نحورهم )
لان اني مو كد كيد تبارك وامها
وكلام تبارك تنفذ ....
__________________________
هلاو كيكاتي
لاتنسون النجمة والتعليقات الحلوة 🎈❤️
