صباح الحب والسعادة 🌹
نجمة : عشت اصعب ايام
ايام بيها وجع وقهر وظلم
اذا اضحك يوم ابجي ايام
شنو ذنبي ماا اعرف ولحد هاي اللحظه اني مااعرف
بعد الي صار محمد صارلي اهل
وصارلي سند
وكف ويايه
اهتمامة وحبه ونظرة الخوف بعيونه جانن واضحات
بقيت بالمستشفى يومين
ميقبلون يدخلون ايي شخص
لان قسم الحروق لازم يكون دائماً معقم
ومحمد خطيه
جان يتوسل بالممرضات يدخل يمي
10 دقايق ويطلع
كل ماصيرله فرصه يدخل للغرفه
من طلعت من المستشفى
ورحت للبيت
عيالي مااعبالهم هيج درجه الحرق عندي
دخلت للمطبخ ومحمد لازم ايدي
واني اسحل روحي سحل
ام محمد : عزززة بعيني وصخام الصخمني
هاااي شنووو
بنين : هاااي شصااير بيها
محمد : مابيها غير العافيه
مراد : مااااكو هيج كح.. وسااق...
لكم هااااي حرام بيها تعيش
ميثم : من كل عقلها هيج مسويه بنجمة
مراد :كلشي ترقع من الك..
محمد : تعالي حبيبتي اكعدي هناا
نجمة : كعدني محمد وهما ضلوا يتناقشون ويغلطون على ام تبارك
مراد : وانت راح تسكتلها
محمد : خلي ارتاح واني اعرف شسوي بيها
ميثم : مانريد مشاكل
خلي نشوف وين تصفى ويا زوج الدا..
محمد : اصار وياكم
مراد : يريد يسويها كعده مال عشاير
محمد : على ياا اساس
مراد : على اساس احنا الي وكعنا الاميرة ديانا
وخلينه الامير هااري يموت
ام محمد : ههههههههه ولا جوز من سوالفك
مراد :هو رجليه بالكبر وفالح يخلف وهو حتى حفاد احفادة شايفهم
ماايموت شعندة بااقي
بنين: انوب يموت وتجي تبارك يمنه تعيش
مراد :علمود اهجم البيت فوك راسها
الحقيرة
يمه مااايغثج غير بكل عين صلفه وهي طالعه من الموت الي مااخذها
تكول هماا الي وكعوني وكلولي مانخليج تفرحين بطفلج
وهي كالت هيج وابو زيد الهلالي سحب سيفه علينا
وانوب يحجي كله بالفصل
ميثم : على حجي عمي ناصر يكول يريد يشتري بيت التبارك من فلوسنا
مراد : انطيهم نعالات مو فلوس
هو احنا شلناها ووديناها للمستشفى
والطريق كله اسب وتغلط
ميثم : لااذكرني لعبت نفسي
شلتها وملابسي كلها صارت دمايه منها
مراد : زين من عندك شلت وحيد القرن
هو يرادلها كلابي يشيلها
ميثم : يمعود خفت لا يصفى دمها وتموت
مراد : شاايفلك عار مات
هااي كلشي ماابيها اول مكعدت رادت معلاك
وهذا الشايب جلطني
شتكله تبارك يهز براسه
مثل المطي
ام محمد : هيج واصله الحاله عنده
مراد : يمه يعني اذا تكله اشمر نفسك من الشط وموت انشاالله يموت يروح يركض
بنين : عمه مشفتيها شلون تكول امشيتهم مستقيم
ام محمد : مصيبه هاي البنيه
مراد : اجن ضرايرها للمستشفى يشوفنها
سوت عليهن فلم
ام محمد : عززة فلميش
مراد : تكله للشايب جايات يشمتن بيه
وهذا المطي نزل غلط وفشار عليهن
خلاهن يطلعن من المستشفى وهنا مكسورات الخاطر
ميثم : سالفه تبارك والشايب
مثل سالفه الطفل والمصاصه
ام مراد : شلون يعني
ميثم : الشايب رجليه بالكبر ويحس بروحه عنده نقص
خصوصاً بعض الاشخاص الكبار بالسن من يدخلون مرحله اليأس
واهم سالفه هي العلاقه الزوجيه
يتخبلون يريدون يرجعون شباب
علمود يمارسون هاي العلاقه
يسوون كل شي ومستعدين يخصرون كل شي علمود هاي العلاقه
هذا الشايب كذالك دخل بفترة اليأس الي بصعوبه يكدر يمارس هاي العلاقه
اجتي تبارك الي تعشق المال
تقربت من عنده وهو ماصدك طفل وانطوا مصاصه
ضل مجلب بيها
وعنده استعداد يخسر حتى ولده علمودها
انت ماانتبهت شلون يتباهه بكلامة
مراد : شلون يعني
ميثم : شفت شلون يعيط بالمستشفى ويكول خليتووا مرررتي تتطرح
مووتوا ابني الي ماااجه للدنيا
مراد : ييي مثل الكح.. من تعيط جان يعيط
ميثم : ييي هي هاي خلاصه الكلام
يتباهه انو هو بعد يكدر يمارس العلاقه الزوجيه
ومزوج وحده بكد احفادة
وخلاها اصير حامل
هاااي سالفه الشايب
وعبالك من يريد يسوي هاي الكعده علمود الفلوس
لا طبعاً
مراد : لعد علمود شنو
ميثم : هههههه علمود يثبت للعشيرة هو رجال ويكدر يمارس العلاقه الزوجيه
ام محمد : مااكو هيج رجال صدك عايب ومخرف
بنين : زين حبيبي وتبارك
ميثم : تبارك طايحه الحظ
رادت فلوس وطلعات وملابس واغراض
كالتلج خلي اضحك على هذا الشايب
مااعبالها يوصل ضحكها للزواج منه
بنين : زين شلون حبلت من عنده
اكيد ماعدها عقل
نجمة : هي كالتلي
محمد : شكاالتلج
نجمة : قبل متوكع نفسها كالتلي
اريد انتقم منكم كلكم لان زوجتوني هذا الشايب
وخليتوني تلعب نفسي من الزواج
ميثم : طبعاً تلعب نفسها من الزواج
لان السالفه مو هينه ابداً
بنين : يعني شلون مو هينه
ميثم : العلاقه الزوجيه هي مو بس تفريغ شهوات
العلاقه الزوجيه شي مقدس وكلش جميل وراقي
هي اختلاط روحين
وهاي الروحين من يختلطون راح رب العالمين
يخلق بينهم المودة والحب والرحمة
وينتج بينهم الذريه الصالحه
تبارك مامستقبلتة تماماً وما راغبته ولا رايدته
والشايب يشوف تبارك جهاز تفريغ شهوات
نتج طفل منبوذ
بنين : شلون منبوذ
ميثم : طفل منبوذ لا الام تريده ولا الاب يريدة
والدليل كلام نجمة
نجمة : يي ام تبارك كالتلي من كل عقله الشايب اخلي بنتي تحبل منه
ميثم : وبعد مراح تحبل وراح تاخذ حجه الاسقاط حجه
مراد : والله لو الشايب عنده املاك جان تبارك كامت تخلف بالجمله
ميثم : حتى لو عنده املاك
عنده درزن جهال شيطلعلها الورث
يطلعلها تفاليس
ترى لا تبارك غبيه ولا ام تبارك غبيه
وهذني راح يضلن يحومن ورى الشايب لحد ميشتريلهن بيت
لو يسجل بيت من بيوته بااسمهن
ام محمد : هذا حق باطل
ميثم : القانون لا يحمل مغفلين
نجمة : كلام ميثم جداً. عقلاني ويفسر الامور من باب العقل
بس يعجبني اكعد ويا واسمع كلامه
انسان متحظر وهادئ قليل مانشوفه معصب
لو متعارك ويا بنين ويعيط
عكس محمد ومراد تماماً
محمد : كومي حبيبتي اصعدج للغرفه ترتاحين
نجمة : كومني محمد وصعدت الدرج خطوه خطوة
دخلت الغرفتي
محمد غيرلي ملابسي
لبسني دشداشه قصيرة
وضفر شعري
ونيمني على الجربايه
وكعد يمي يباوع عليه ويتلمس وجهي
شبيك
محمد : انتي اجمل امرأة بالعالم كله
نجمة : هههه رحمه الله والديك
محمد : ليش تكولين هيج
نجمة : لان اعرفك كاعد اجاملني
محمد : وليش اجاملج
نجمة : جنت حلوة
هسه شوفني شصاير بيه
تعرف محمد
لو اعرف كل هذا راح يصير بيه
من ازوج جان بقيت يم امي
وتحملت ضيمها وقهرها ولا زوجت
محمد : واذا جبرتج شسوين
نجمة : هههه جان رحت يم عمامي
جان قبلت اصير خدامه
ولا الوجع الي شفته من الزوجت لليوم
محمد : نامي حبيبتي ولا شيلين هم
نجمة : غمضت عيوني ومن التعب نمت
محمد : اباوع عليها شلون نامت
مثل الطفل الصغير يغمض عيونه بهدوء وينام
كلامها جان يوجع گلبي وروحي
وحقها بكل كلمه تكولها
ومااالومها ابداً
تعذبت ويايه
جنت اريد ازوجها علمود اعيشقها ملكه
واني ازوجتها وعيشتها باابشع عيشه
ضرب واهلين واتهام وسلب برائه وحرق
ماابقى شي مااصار بيها من ورايه
مااجنت مصور ولو واحد بالميه راح اعيش
انسانه حبيتها وكلبي رادها هيج عيشه
اعرف نفسي اني انسان ماابين مشاعري وماابين عواطفي
بس بداخلي اعرف اني اموت عليها النجمة
واعشق التراب الي تمشي عليه
اتمنى يرجع بيه الزمن اليوم عرسنا
اريد اعيش وياها من يوم عرسنا
اريد امحي كل هااي الايام
اريد انسى وانسيها هاي الايام
بس شلون نكدر ننسى او نتناسه هاي الايام البشعه
اباوع على عيونها وهي نايمه
دمعه صغيرة واكفة بطرف عينها
ارموشها مقيده نزول هاي الدمعه
وهاي الدمعه حركتني حرك
نزلت اركض على مراد
شفته كااعدة بالاستقبال
مشغل الاغاني ويطك اصبع
ومغمض عينه
ورايح مسلطن وعايش الجو
من سديت الباب قوي
هو فتح عيونه وباوعلي
مراد : خير شعندك
محمد : اريد اروح اتعارك
مراد : ويامن وليش
محمد : ويا ام تبارك
وليش علمود اخذ حق نجمة
مراد : يلا امشينه
محمد : يعني موافق
مراد : انت شتكول
محمد : اشوف موافق
طلعنا اني مراد من البيت ورحنا البيت اهل ام تبارك
اهلها ناس محترمين وعايشين حياتهم
صح ناس بسيطه ومدخولهم اليومي جداً بسيط
بس ناس يخافون الله وماايحبون الاذيه الاحد
استقبلونه اني ومراد
واخوها قام براجبنا
ابو كرار : شعجب الحجي مااجه وياكم
مراد : لان الحجي زعلان وحتى بهاي جيتنا ماايدري
ابو كرار : عفى منو مزعله والله تخسى على شاربه للي يدناله للحجي ويزعله
محمد : ااخيتك ام تبارك هي الي زعلته
ابو كرار : شنو القصه سولفولي
لان شغلتوا بالي
محمد : اسمع حجي
انت بمقام والدي الله يشهد
بس الي سوته اختك طلعتنا من ماعونه
واني جاي اليوم اريد اخذ حقي
ابو كرار: اذا يمنا حقك تاخذه من عيونا احجي
محمد : ام تبارك من باعت البيت احنا استقبلناها بيتنه صح لو غلط
ابو كرار : صح
محمد : دخلت البيتنه هي وبنتها كلبوا بيتنا جحيم الله وكيلك
خلتني اشك بمرتي
ولفقت على مرتي تهيمه تهز العرش
وردت ادخل بخطيتها المرتي
لو ما الله يحبها وينصرها ويبين حقها
وزوجنا بنت عمنا
واختك اجتي يمكم
مااكتفت بهاي
اجتي قبل يومين بنت عمنا حامل
وكعت نفسها من الدرج وتهمت مرتي ودخلتنا بمشكله ويا زوجها الها اول مالها تالي
واحنا وداعت الحجي لا متقربين منها ولا ماذيها
اجتي اختك ام تبارك
البيتنه واستغلت غيابنه عن البيت
لان ملتهين ويا بنتها
وادخل البيته واحركي مرتي واطلعي
وهاي احنا صارلنا يومين بالمستشفى
واليوم يلا طلعتها
الله يرضاها بالي سوته اختك
مراد : احنا ردنا نشتكي عليها
واخذنا تقارير من المستشفى
وصورنا بالكامرات شلون دخلت للبيت وشلون طلعت
وردنا نروح المركز الشرطه ونسجنها
بتهمه محاوله قتل
بس الحجي مااقبل
ولا احنا رايحين
ابو كرار : كل هذا يطلع من اختي
مراد : واكثر والله واكثر
اني خلتني اطلك مرتي الي احبه بالثلاثه
وهسه اريد ارجعها بس يكولولي الا محرم
واني شلون نفسيتي تتقبل مرتي تزوج محرم
محمد : هسه يا عمي تاخلنا حقنا لو احنا ناخذه بيدينه
ابو كرار : حقكم من هاي الركبه تاخذوها
وخلكم موجودين هنا
وحقكم راح يوصلكم
محمد : طلع ابو كرار واني باوعت على مراد
شوكت احنا سوينا تقرير بحاله نجمة
وشوكت احنا عدنا كامرات
وشوكت انت ردت ترجع شهد
وشوكت انت من الاساس تحب شهد
يما قبل شويه مشغل اغاني واطك اصبع
مراد : هااي بهارات علمود الحق ينجاب مربع
محمد : ردت اجاوبه
وسمعت عياط ام تبارك الي اخذ البيت كله
واسمعها تكول لااا تحركني
عرفت ابو كرار راح يحرق ام تبارك
كمت اني مراد
وطلعنا من البيت
اكتفين اني بحق نجمة هيج
راح اذوك العذاب الي تعذبته نجمة
دخلت للبيت
وصعدت اركض الغرفتي
شفتها نايمه
نفس نومتها
نزعت اهدومي ونمت بصفها
قربتها اليه
شميت عطرها
وسحبت شعرها خليته على وجهي ونمت
نمت واني مرتاح
————————
هلاو كيكاتي
لاتنسون النجمة والتعليقات الحلوة
احبكم كومات ❤️
