صباح الحب والصحه 🎈💕
نجمة : اباوع على مراد الشرار يطلع من عينه
والعصبيه تتناثر من عنده
لو بيدة يحرك الدنيا
بس مكاعدين نفهم شبي
ميثم : هسه كلنا موجودين احجي شبيك
ابو محمد : والله العظيم اذا ماا طلع سبب يسوى
اخليك تتمنى الموت لان ضربت مرتك
مراد : لعد اسمعوا واحكموا
بس قبل مااحجي شي
تعالي نجمة
نجمة : شنو
مراد : تعالي اكعدي هناا
نجمة : رحت كعدت على القنفه واني مستغربه
مراد : وانت محمد كلتلك راح تتندم
وهاي اجه اليوم الي راح تتندم عليه
محمد : احجي وفضها
مراد : راح احجي واسمعوني كلش زين
من يوم الي بدأ يضرب محمد نجمة بدون سبب او بسبب تافهه الي هو يسمع كلام تبارك وعمتي ام تبارك
واني كلت الشهد لا تدخلين بكل شي
لان جنت اعرف ورى هذا الضرب مصيبه
ورى تبارك وعمتي ام تبارك مصايب
ومن اول مرة ضرب محمد نجمة لزمت محمد وكلتله
تذكر لو لا
محمد : ايي اذكر
•••نرجع شويه بالاحداث •••
مراد : محمد اريد احجي وياك بموضوع
محمد : احجي
مراد : انت اليوم ضربت نجمة بدون سبب
محمد : مراد لاتدخل
مراد :ماامدخل بس كاعد انصحك
لاتسمع كلام احد ولا تمشي ورى احد وانت مثل الاعمة
محمد : شنو قصدك
مراد : الي اقصدة لا تأذي نجمة وهي بعدها طفله وصغيرة وبريئه بسبب تبارك وامها كلنا نعرف هذني حيايه وسمهن يكتل
ومرتك فقيرة ومن اهل الله ويتيمة
ترى حوبتها تحرك
محمد : بس هي غلطت
مراد : حتى لو غلطت عاقبها بيناتكم
لا تخليهم يشمتن بيها حرام عليك
وعلمها على اطباعك ومراح تغلط
ترى واضح على نجمة خامة بيضه
واذا كتلها اسود راح تكلك يي اسود
•••نرجع للاحداث •••
مراد : كل كلمة كلتلك يااها بهذاك اليوم جانت من باب النصيحة
ولان خاايف عليك من عدهم
بس انت مااخذت بنصيحتي
وكمت تقسي عليها
ولا عبالك اذا منسمع صوتها وانت تكتلها
معناها منعرف لااا كلنا نعرف
محمد : هسه هذا الكلام ليش كاعد تحجي بي
مراد : لان اليوم جااي اكشفلكم هواي اشياء
من صار موضوع ياسين العار الي حرام يسمى ابن عمنه
واني عرفت هذا ملعوب من ايادي نكسه وخبيثه
ومااكتفيت بس بمحمد ضرب ياسين وكسرة لاا
سحبت كلام من شهد وخليتها تحجيلي
الموضوع شلون صار
نجمة منوو الي كلج ابقي
نجمة : خفت احجي ضليت بس اباوع بالوجوه
مراد: لاتخاافين واحجي
نجمة : والله تبارك كالتلي الزمي عباتي ادخل للحمام واني لزمتها
تبارك : حقيررة لاااا جذبين الله ينتقم منج
نجمة : رادت تبارك تكتلني بس مراد دفعها قوي و وكعها بالكاع
ام تبارك : كسر بيدك حقير
جاايين تتهمون بنتي يااا حقراء ياا انذال
مراد : ممتهمين بنتج ليش كاعدة تكولين متهميها
نجمة لزمت العباية وضلت واكفه واجه العار وحضنها
بس منووو الي صورها
محمد :منوو
مراد :ليش مسألت نفسك منو صورها
محمد :مراد احجي بروح جدي
مراد:الي صورها هااي العار الي حرامات اسمت على اسمي
محمد :شهد
مراد :اييي شهد
وهذا الشي اتفاق بينها وبين تبارك
علمود يخلوك اشك بمرتك
وهااي انت شكيك ورحت جربت كل وسائل التعذيب بهاي المسكينه
الي لاحوله الها ولا قوة
وسكتت وتحملت وماافتحت حلكها وكالت ضربني لو عذبتي
وانت مثل المطي مشيت وراهن وشكيت بيها
محمد : سالفه ياسين عرفت نجمة مالها ذنب
بس والبقايه
مراد : ليش متكول وسالفه الصور
نجمة :كمت ابجي واشهك من اذكرت سالفه الصور
وصوت البجي والشهكات جانت مسموعه
مراد : نجمة لا تبجين انت يتيمة وحقج لو بعد حين يجي
واني اخاف رب العالمين لان وصى باليتيم
محمد : احجي مراد
مراد : الصور كلها مفبركه
محمد : شنوووو شنوو مفبركة
مراد : ييي يااذكي مفبركه وكلها فوتو
ماا كلت النفسك خلي اروح اتأكد من صحة الصور
مااكلت قبل ماا اضربها واعاقبها اسألها
لاااا انت مثل المطي صدكت الصور
ونزلت عليها دك كتل ودك افشار
مااخليت شي مااسويته
وانت من الاساس مسائلها ماا كايللها على موضوع الصور
محمد : شتريد اروح الابو الفوتو واكله هاك شوف صور مرتي حقيقيه لو لا
مراد : لااا يامطي مو هيج
تكدر باالف طريقه تخليك تتأكد
مثل ماااني سويت
محمد : شسويت لا تكلي خليت ابو الفوتو يشوف صور مرتي
مراد : هي شايفني بلا غيرة ومااعندي عرض وشرف
لااا ضللت الوجوه وسألته
وكاال الصور مفبركة
وبحداثيات جداً دقيقه
ومن سألته شلون بحداثيان دقيقه
كال هاي الاحداثيات مو يم ياهو الجان يسويها
لان يطلبون اسعار غاليه ومو بالف والفين
محمد : ومنو الحقير الي سوى هاي الصور
مراد : ومنو دزلك يااهن
محمد : تبارك
مراد : بعد خلص عرفت الحقير الي سواهن
ابو محمد : بس منيلها تبارك فلوس
مراد : ههههههه والله ضحكتني يابه
ليش متدري بنت اخوك تشتغل كله مشفر
ابو محمد : يعني شنو
مراد : يعني حالها حال بنات الليل
بس بااخلاقها
مخليه مطي جوه ايديها بكبر جدها هم مو بكبر عمي الله يرحمه همزين ماات وخلص منها ومن عارها
مصادقه رجال جبير يصرف عليها
تبارك :انجب ياااحقير يااا واطي لااااا تحجي عليه اني عرضك
مراد : خرب عرضي وخرب شرفي اذا انتي منهم
لج انتي بنات الشوارع ميسون سوالفج
على الاقل هذني يشتغلن بالعلن ومايأذن غير نفسهن
بس الدور والباقي عليج انتي تمشين وذبين سمج على العالم حيه عكربه
ابو محمد : مراد عندك دليل لو بس كلام
مراد : شلون مااعندي دليل
بس اذا انطيك الدليل لازم تستر على عرضك يابه
ابو محمد : يعني شلون
مراد : يعني بنت اخوك لاعبه شلم بلم ويا الرجال الشايب
ابو محمد : الله اكبر عليج تبارك
تبارك :وين دليلك لااا تتهمني
مراد : وين تلفونج
تبارك : فوك بالغرفه
نجمة : مد مراد ايدة بجيبه وطلع تلفون هو طلعه وكامت تبارك تكمز تريد تاخذ التلفون من مراد وتعيط
مراد : هذا تلفون تبارك
تبارك :جيبه ياا حقير
مراد : وخري لج كح...
نجمة : مراد دفع تبارك قوي وكعها بالكاع
وضربها برجليه على بطنها خلاها تبجي من الوجع
اباوع شهد وتبارك ثنيناتهن يبجن بالكاع
مراد : هااك يابه شوف الصور الي بنت اخوك ادزهن للشايب
نجمة : عمي من لزم التلفون وشاف الصور كام يضرب على راسه
ويعيط بكل صوت
ابو محمد : تعاااال يااخوي شووف بنتك شمسويه
تعال يابه شوف حفيدتك نزلت راسنه بالكاااع
فضحتنة فضيحة
ميثم : لج مااخفتي هذا الشايب ينشر هاي الصور
مراد : هااي شبيك ميثم هو رجله بالكبر شمعرفه بالنشر
واصلاً هو مكيف عليها
اذا اسويله اشياء مشاايفهن بكل حياته
ميثم : بنت عمنه طلعت خبرة
مراد : ياا خبرة اضرب من الخبرة
محمد : منو اتفق ويا ابو الفوتو على الصور
مراد : مرتي الغاليه طبعاً
محمد : شلون مرتك وشلون تبارك
مراد : تبقة غبي
تبارك عليها اجيب الفلوس
وشهد تنفذ
تبارك انطت الفلوس الشهد وشهد طلعت من البيت على اساس رايحه للسوك
وهي كذابه
راحت لابو الفوتو واتفقت ويا على المبلغ والصور
محمد : مراد خاف الفلوس من شهد هم وتبارك مالها علاقه
مراد : راح اضل بدون عقل
وراح اضل سوالف تبارك وامها مأثرة بيك
الكل الي بالبيت وانت من ضمنهم تعرف اني مااا اخلي فلوس يم شهد لان اعرفها شنو هي
والصور تكلفتهن بالدولار تعرف يعني شنو بالدولار
منين اجيب شهد هذا المبلغ
واكو محادثات بين تبارك والشايب
طالبه من عنده فلوس
وهذني الفلوس اكثر من تكلفه الصور
على اساس تاخذ من الشايب وضبط وضعها علمود تمتعه
وهذا الغبي مصدك نفسه ودفع
محمد :ليش هيج سوت تبارك وشهد
مراد : هااي هياتهن كدامك واسألهن
اني الي عليه بريت ذمتي كدام رب العالمين
وجبت حق وحده يتيمة ومظلومة
وهاي كدامكم كلكم
شهد بااعي عليه
نجمة : شهد رفعت راسها على مراد وهي وجهه خريطه والدموع تنزل وتشهك
وكال مراد كلمه خلانه كلنه نعيط من وراها
مراد : شهد انتي طالك طالك طالك
وهاي طلكتج بالثلاثه علمود ماايحقلي ارجعج
شهد: لاااا مراد عليك الله لااسويها اني اسفه بعد مااسويها
عليك النبي لااا طلكني
بروح جدك اني مااعندي غيرك
مراد اني احبك لااسوي هيج
مراد : انتي غبيه لو تستغبين
هااي طلكتج شنو لا سويها
وهاي علمود ابرد كلبي بعد
شهد انتي طالك طالك طالك
هاي ست مرات تريدين بعد
نجمة : شهد كامت ادك على راسها
وتملخ بشعرها وتعيط
وتدعي على تبارك وامها مااخلت كلمة مااكالتها
مراد : يابه اني رايح العمامي علمود سالفه تبارك
تبارك : مراد لاااا عليك الله لاتروح
مراد : دنجبي مااروح
لعد اخليج هيج بدون عقاب
تبارك : اضربني وموتني من الكتل بس لاا تروح العمامي
مراد : الحيوان يتمتع بالضرب وانتي تروحين فدوة للحيوان
نجمة : اباوع على مراد كمل كلامة وطلع من البيت
وخلى تبارك وامها وشهد يتباجن
اللحضه اسنخطيتهن وانقهرت عليهن
اباوع عليهن شلون كاعدات بالكاع ويبجن
ومااحسينه غير محمد
كام من مكانة وسحل تبارك من شعرها
ويضرب بيها ضرب بخبل
عبالك رجال كدامه ويضرب بي ولا عبالك الي كدامه بنيه وتتأذة
اباوع شلون يضربها
وهي تعيط وصيح جوة ايدة
وهو مامهتم
حتى حزامه نزعه وكام يضرب بيها
من اباوع عليه شلون يضرب بيها ويفشر عليها
اذكرت نفسي شلون يضربني ويفشر عليه
تخيلت نفسي بمكانها وهو يضرب بيه
هيج جان شكله وهو يضرب
وهيج جان شكلي واني اتأذه
هم جنت الوب بالكاع مثل تبارك
وهم جنت اعيط واني اريد واحد يساعدني
مثل مااهي تعيط وتريد واحد يساعدها
كامت دموعي تزل ماادري شنو جان سبب دموعي
دموع فرح لان رب العالمين جاب حقي
لو دموع حزن لان زوجي جان شاك بيه
ونبنه بيناتنه الف حاجز وحاجز
واني مدنكه راسي وابجي واشهك
حسيت واحد باسني من راسي
رفعت راسي وشفت عمي
ابو محمد : سامحيني بنتي ضلمتج
وانتي يتيمة اعذريني
عبالي حالج حال امج
هذا راسج ابوسه بس سامحيني
نجمة : عمي يبجي ويحجي
عمو انت بمقام ابويه
والبنيه مااتزعل من ابوها
والاب ماايطلب السماح من بنته
ابو محمد : الله يحفظج ويحميج بنتي
نجمة : تسلم عمي
ابو محمد : ميثم اخذ شهد البيت اهلها وفهمهم السالفه
علمود ماايجونه ولا يحجون ويانه
حرامات جنت مربي بيتي حيه طول هاي الفترة
وانت محمد اخذ شهد واحبسها بغرفتها
لحد ميجون عمامك ونفهم شراح نسوي
نجمة : ميثم اخذ شهد و وداها البيت اهلها
وصعدت عمتي والبنات الغرفه شهد يلمن غراضها وملابسها
ومحمد سحل تبارك يصعدها فوك للغرفه
وام تبارك لمت العالم علينه بالعياط
وهي اشوف بنتها كاعدة تنسحل كدامها
وكل هاي الاثباتات والكلام والادله
وبعدها مصدكه بنتها بريئه واحنا الناس الي منخاف الله الظالمين
اشكال الدعاوي والغلط والفشار سمعناها من ام تبارك
ماااخلت كلمه مكالتها ومااخلت شي مااسوته
اني صعدت اركض الغرفتي
اتوضيت ووكفت على سجادة الصلاة
صليت ركعتين شكر الرب العالمين
واذكرت كلام بابا وضليت اضحك بفرح
(صلاتج نجمة )
وانطاني 7 هيلات
وهاي اليوم السابع
اشكرك ربي واثني الك
احمدك واشكر فضلك
لان جبتلي حقي
ونصفتني على اعدائي
بابا اني احبك وراح اضل ملتزمه بصلاتي وراح اضل اقرأ قرآن واهدي الك
لان حتى وانت بعيد عني بس قريب مني
______________
هلاوو كيكاتي الحلوات
شكراً على التعليقات الحلوة
لاتنسون النجمة والتعليقات
وعووووفوا قائد 🔪
احبكم كوومات ❤️
