صباح الورد جوري 🌹🌹
أحد التناقضات الجميلة في الانسان هي أن قدرته على الاعتراف بضعفه يتطلب الكثير من القوة!
نورس : يوم من ايام حياتي
رحت للمدرسه من الصبح واكو ولد دائماً يسمعني كلام
ويتغزل بية وبتفاصيل جسمي
كل يوم يسمعني كلام معسول وحب ويدز عليه بنات
علمود يقنعني احجي ويا
بس اني بهاي الفترة مااجنت اهتم الهيج شباب
لان الي عندي كلهم شخصيات وهيبه
واحدهم بركبه هذا
الايام تروح وهو واكف وماتغيرت محاولاته بامتلاكي
لحد مايوم اجتي ويايه للمدرسه امي
لان الادارة طلبت ولي الامر
ومن كاعدين نمشي اني وماما الولد مثل عادته
كام يتغزل بيه
اني سكتت بس امي مستحيل تسكت
بشرى : لك حقير شلون تتغزل ابنتي
الولد : خاله احبها والله احبها
بشرى: وخلخلله الي تخلخل مصارينك وكلبك
نورس : ماما خلي نروح عيب العالم كامت تباوع
بشرى : وميباوعون شمسوين باايكين ناهبين
اليوم الااا اسجن هذا الحقير
نورس : يمة شتسجني دعوفي
الولد : تسجنيني لان حبيت بنتج
بشرى: شكد صلف وسا..ط
اني الك اذا انت رجال ابقى بمكانك
نورس : الولد بقى واكف وامي طلعت تلفونها وماادري على منو خابرت وتحجي كله
بشرى : يي عيني
ييي لحد الان واكف
بنتي حتموت من الخوف
جسمها يرجف من ورى
اني بشاربك واعرفك ماتقصر
فدوة العينك
يي راح انتظرك
نورس :سدت ام الخط وتأشر للولد بحركه اني اللك
يمه شسويتي
ومنو خابرتي
ومنو راح يجي
بشرى : هسه شووفين اني اعلمة
نورس : اجاهلت امي وردت اروح للمدرسه
بس مااخلتني
بشرى :وين رايحه
نورس : يعني وين اريد اولي للمدرسه
بشرى : بنت القند..رة ماتتحركين منا
نورس : والمدرسه شلون عندي امتحان
بشرى : انعل ابوج لابو الامتحان
نورس : ضلت لازمتني مااتخليتي اروح للمدرسه
ونص ساعه و وكفت يمنه سيارة مال شرطه
وامي تغيرت عليه تبوس وتحضن بيه
بشرى : لاااتخافين ماما هسه ياخذون حقج
سودة عليه بنتي باع شلون ترجف
نورس : اني ضليت مصدومة من كلام امي وتصرفاتها اخذوا الولد وخلوا بالسيارة ونزل من السيارة شرطي
الشرطي : ام حسن الضابط منذر يريدج انتي وبنتج
بشرى : يي نروح عيني مادام الضابط منذر يريدنا
نورس : وين تروحين
بشرى : انجبي ومعليج
نورس : يي روحي انتي للمركز اني مااروح
بشرى : مو اشعله الي نايم بالمكبرة
نورس : اخذتني امي سحل وصعدنا بالسيارة
رحنا للمركز
من دخلنا للمركز كلها ضباط وجنود والكل تباوع علينا
واني جنت لابسه ملابس المدرسه والصدريه بيها جاكات وكصيفه
وكلهم فصلوني من فوك ليجوة
وكفنه يم باب مكتوب عليها ضابط خفر
دخل الشرطي دقايق وطلع
سمحلنا ندخل للغرفه
من دخلت للغرفه شفت بيها ضابط كاعد ورى الميز ويحجي بالتلفون
والغرفه باردة وريحتها كلش طيبه
من شافنه اشرلنا نكعد
كعدنا على الكراسي الي يم الميز
وامي تباوع عليه والضحكه ماخذه كل وجهه
دقايق وسد الخط
الضابط منذر : شلونج ام حسن
بشرى : بخير دامك انت بخير
نورس : نظرات الضابط عليه جانت ابداً مو مريحه
الضابط منذر :هاي بنتج
بشرى : ييي هاي بنتي الجبيرة نورس
سودة عليه ماما ماتت خوف من الولد
الضابط منذر : على شنو تخاف واني وراها هسه اخذلها حقها مربع
بشرى : الله يحفظك يابعد العيون
منذر : هسه يدخلوا ونشوف شراح نسوي بي
واذا الحلوة طلبت نسجنه راح اسجنه وانعل اهله
نورس : ماكو داعي عوفه يروح
بشرى : معليك بيها عيني الي انت اشوفه سوي
هاي طفله ماتفهم
نورس : ضجت من الوضع كله من امي وكلماته وحنانها المزيف ومن الضابط الي نظراته تاكل وتشرب بجسمي
حسيت نظراته مثل السونار ويخترق جسمي
كرهت امي بهذا اليوم اكثر مااني كارهتها
دخل شرطي وطلب من عنده يدخل الولد
وكعد الضابط منذر يعيط ويرعد على الولد ويغلط انواع الغلط
وخلى يكتب تعهد عدم التعرض اليه
واني كل هذا الصار ماهمني
الي هامني امي منين تعرف هذا الضابط
وشتريد من عنده وهو شبسرعه دز دوريه ويحجي ويا امي عبالك يعرفها من زمان
من خلصنه طلب من الشرطي يوصلنا للبيت
اول مصعدنا بالسيارة سألتها
نورس : يمه منين تعرفين هذا الضابط
بشرى :صديق اخويه
نورس : ياا اخ منهم
بشرى : شعليج انتي بنت الكل.. انعل ابوج لابو
نورس :شنو شعليج هذا يعرفج من زمان
ومنين نزلت عليج هاي الحنيه وسوده عليه وبنتي وخافت وترجف
جنت خايفه منج مو من احد
بشرى : بس خلي ننزل اذا ماااكطع النعال على راسج اني اعلمج
نورس : سكتت لان صوتها صار عالي
بس طبكت السيارة نزلت اركض والقهر كاتلني منها ومن تصرفاتها
احسها ابداً مو ام
مرات اكول هاي اكيد ماخذتنا من ملجه من ميتم
لو لاكيتنه بالشارع
ممعقول هاي التصرفات تطلع من ام تخاف على بناتها
ورى يومين جنت كاعدة اقرأ عندي امتحان كيمياء
دخلت عليه امي وبيدها التلفون
بشرى : ييي عيني
هاي دخلت الغرفتها
والله مثل ماكلتلك سودة عليه راسها بالكتاب
ييي هاك احجي وياها
نورس : منو
بشرى : الضابط منذر يريد يسأل عليج
نورس : سألت عليه العافيه
خلي اقرأ
بشرى : اذا متحجين ويا ابطلج من المدرسه واخليج تخدميني وصيرين حالج حال نجمة
نورس : عصبت من كلامها واخذ التلفون احجي ويا منذر
الو
منذر : ياهلا بهل صوت
نورس : تفضل
منذر : شلونج نورس
نورس : زينه وعندي امتحان
منذر : اكو واحد كاعد يضوجج
نورس : ييي اكو
منذر : منو بس كوليلي عليه واحرك عشيرته
نورس : انت
منذر : افا عليج صرت اضوجج ماتوقعتج اضوجين مني
نورس : عندي امتحان اريد اروح
منذر : انطيني امج ياحلوة
نورس : انطيت التلفون الامي واخذته وطلعت من الغرفه
اقل الدقيقتين
دخلت امي موتتني كتل
بشرى : وجهه الفكر بنت الفكر
تحجي معلك وياا اسيادها
نورس : اسيادج مو اسيادي
بشرى : بنت ابراهيم المشعول اذا بعد تحجين معلك ويا منذر
حتى المدرسه ابطلج منها واخليج خدامه
وعقوبه الج هاي كتبج حشككها
نورس : لزمت امي وشككت الكتب وخلتني افرفح من البجي والقهر
ثاني يوم مداومت لان مقاريه شي وعندي امتحان
بالليل جابت امي تلفون جديد اليه
لان هي اصلاً ماتعرف عندي تلفون
بشرى : هاج هذا التلفون
نورس : شسوي بي
بشرى : الضابط منذر دزلج ياا
يريد يحجي وياج
نورس : يخابرني من تلفونج مو احسن
بشرى : معليج لج رعنه فوك مصار عندج تلفون
بس باعي هذا التلفون يسوى راسج
نورس : يي شكراً على التلفون
بشرى : اريدج تحجين ويا عدل ومثل الاوادم مو تحجين معلك وياا اذا شكى من عندج يااا نورس محد يخلصج مني
نورس : يعني كووى
بشرى : ييي كووى وخلي اشوووف
نورس : طلعت امي من الغرفه واني الاعصاب تريد تطلع من عيني
فتحت التلفون كمت اكلب بي
بعدة جديد فارغ من كل شي
بس بي رقم تلفون مسيف باسم منذر ويمه قلب حب احمر
ضليت اضحك عليه وعلى تصرفها عبالك مراهق
كمت افكر بمنذر
وجان تفكيري مثل بقيه الضباط والجنود الي متعرفه عليهم
ييي شكو بيها هذا تلفونه خاص واكدر احجي ويا بكل اريحيه ويكدر يجيبلي الهدايه والاشياء الي احبها وامي مااتحجي شي ويمكن هي بيديها تجي وتنطيني الهدايا
نفس التفكير ونفس الاغلاط
بس جان منذر يختلف عن شباب الكروب
البقيه محد جان يكدر يتقربلي بحكم بعيدين عليه بعد المحافظات
اما منذر جان قريب من ناحيه امي ويكدر كل شي يسوي
هذا غلطي الوحيد الي ماافكرت بي
وغلطه الشاطرب الف
( تسير الرياح بما لا تشتهي السفن )
______________
كيكاتي لاتنسون النجمة والتعليقات الحلوة
وتحسبوا على بشرى وياية 😢
