صباح الحب والقلوب الصافية 💙
" أحياناً لا تود أن تعرف ، ولا أن تفهم ، تريد أن ترتاح فقط ..
نجمة : عشت بهذا البيت فترة من الرعب من ورى ابنهم نهاد جان مصدر رعب بالنسبة الية
كل ماايشوفني لازم يتحارش بية لو يباوعلي بنظرات ياكلني بيها
واني صغيرة جنت عمري 13 سنه
واخاف اكول الامي عليه لان تكتلني
او تنفذ تهديدها وتحركني واني عايشه
مرة جنت امشي بالبستان ويا بنتهم نهى ونسولف ونضحك وشوفني الزرع مالتهم
اجه شخص جان شكله طويل وحلو وعندة شارب وماعندة لحيه
عيونه سود وكف يمنا
السلام عليكم
نجمة : وعليكم السلام
انتي بنت ابراهيم
نجمة : يي
اشرفت بمعرفتج
نجمة : هذا الشخص
جان المنقذ الوحيد الية ( علاء ) ابنهم الاكبر
علاء جان الاخ الاكبر الية
هو الي جان يحميني من نظرات نهاد
جنت احسه يعرف بسوالف نهاد اتجاهي
علمود هيج كل ماا ننجمع او نطلع للبستان ويحاول نهاد
يتحارش بية يجي علاء وماايخلي فرصه النهاد يضوجني
والمميز ب علاء
الكل تحبه وتود خاطرة
ويتفدوا بعمرهم
لكن مثل كل مرة الحظ ميحالفني
ودائماً الشخص الزين يروح وتبقى بس ذكرى بگلوبنا
علاء شغله ضابط بالستخبارات
وخوفاً علية من داعش جان من ينزل للبيت يجي مدني ملابسه العادية
ومن يلتحق هم يروح بملابسه المدنية
ووالدة يكول الاهل المنطقه من يريد يلتحق
كللهم راح البغداد يم خواله يخاف عليه من داعش
جانوا كلش حريصين على حياه علاء
وحتى هو جان حريص على حياته
لكن الاقدار اكتشفت ماتتغير
بيوم كاعدين كلنا نتعشى ونسولف ونضحك علمود نخفف علينه خوف داعش وقربهم للسيطرة على المنطقه الكاعدين بيها
ماانسمع غير ركع مال باب
وصوت عالي مال اطلاق نار
مااكو اقل الدقايق دخلوا اشخاص اقل ماايذكر عنهم رجال
واقل ماايقال عنهم قذرين
البيت كله انترس عناصر داعش
ويذكرون اسم علاء
يريدون يااخذون علاء
واخذوا علاء من نص بيته وسط اعياط اهله وحرگه گلب ابو وامه
امة بجت حتى الصخر علية
وراح علاء مثل مراح كل غالي علينا
راح وحرگ گلبا علية
والسبب الي مات بي علاء
انت مرتد تشتغل ويا الجيش العراقي
ورى مصار حادث علاء مااكدرنا نبقى يمهم
خابرنا على خالي جاسم الي جان طالب بالكلية العسكرية بغداد
ازوج هناك وصار عنده تؤام بنات
خابر جدي عليه
وحجاله وضعنا وخالي جاسم دبر خروجنا من الرمادي تاركين كلشي ورانا
متجهين البغداد
بس جان خروجنا من الرمادي باعجوبه
لان لازم نعبر البغداد عن طريق جسر
وهذا الجسر اشبة بجسر الموت
يخوف ومبين عليه اثار الحرب والقصف
واطلاق النار
جنت اضم راسي بعباية امي
لكن امي مثل كل مرة تخذلني وتدفعني
وتخلي راس حسن بعبايتها
اني اطر اخلي راسي تحت ايد نورس اختي
علمود مااشوف المنظر الي يخوف
وصلنا البغداد العاصمة الجميلة
خالي استقبلنا يم بوابة بغداد
اول مادخلنا البيت خالي جان استقبال مرته النا
من ورى خشمها وكارهه جيتنه
بس اساري خالي جاسم
والي عرفته بعدين مرت خالي جاسم تقوى هي الي تمشي خالي جاسم
اذا كالتله المي احمر يكللها خلص احمر
ميصدك غير كلامها
وهنا تبدي معاناتي ويا مرت خالي ( تقوى )
من ثاني يوم النا بيت خالي
تقوى : اسمعي عمة اني مو خدامة الج والبنتج وجهالها
اني مفاتحه بيتي روضه
ام مهدي : يمة تحملينا بس هاي الفترة بالكي الله وترجع الفلوجه مثل قبل ونروح
تقوى : ييي موت يحمار لحد ميجيك الربيع
اني مااتحمل
خلي بنتج الي كاعدة رجل على رجل وتتأمر تكوم اشوف جهالها وتخدمهم
ام مهدي : هسه مو اني كاعده اساعدج بعد شكو
تقوى : خلي بنتج تبطل تتأمر وتكوم اساعدنا
بشرى : والله اني بكيفي اتأمر واسوي الي اريدة
وعندي الي يخدمني
تقوى : اني ماااخدم احد فهمتي لو لا اخدمي نفسج بنفسج
بشرى : ههههه غلطانه اني عندي بنات وهنا الي يخدمني
تقوى :اذا هيج لعد خلي بناتج يقومن بتنظيف البيت
بشرى : ييي هنا ينظفن يلااا ولي من وجهي
نجمة : هذا الكلام الي صار كدامنا خلى بداخل كل وحده بينه غصه
بس شنكدر نحجي
ومن ورى كلام امي خلت تقوى اسوينه خدامات الها والبناتها
ضلينا اني وخواتي نخدم بيهم
الي تنضف والي تمسح والي تطبخ
والي تتصخر
خدم بالمجان على كد الاكل
بهاي الحاله نفرت نورس
وكانت الوحيدة الي بينه شجاعة وتكدر تحجي
نورس : خالي اريد اداوم
جاسم : وين اداومين ماعندي مصاريف
نورس : هااي مو مشكلتي اخذ من امي من بيبي من جدو منك معليه المهم ارجع اداوم مدرسه لو اللعب بيكم طوبه واخزيكم
نجمة : بسبب كلام نورس رجعت هي وملاك للدوام
كامن يروحن ويرجعن سويه
واني ابقى بالبيت اخدم بتقوى وبناتها
جانوا تؤام يخبلون من الجمال كلش احبهم واللعب وياهم
وااوكلهم عبالك لعابات عندي
جنت اخذ وحدة من التؤام اصاعدها ويايه بالغرفه اللعب وياها واتونس عليها اسمها نور
انتبه خالي جاسم اني اصعد نور ويايه للغرفه او من ورى نحش تقوى وسوالفها
جاسم : شعندج ماخذة نور فوك
نجمة : خالو العب وياها
جاسم : بس تلعبين وياها
نجمة : ييي والله خالو بس اللعب وياها
جاسم : بعد مصعديها وياج ولا تلعبين وياها مفهوم
نجمة : جان كلام خالي بالنسبة اليه والعمري يقهر وحجاها بنترة
اني بس هزيت راسي
وباوعت على تقوى لكيتها تضحك علية
بسرعه صعدت ابجي واشهك وادعي عليهم
من البجي والقهر نمت
وكعدت على صوت اعياط ويصيحون بااسمي
نزلت ومااحسيت غير امي تسحلني من شعري وجر بي
واني اعيط مااعرف شنو السبب
لحد ماانصدمت بكلام خالي
جاسم : لج هاااي شلووون كاصه ارموش نوررر فهميني
نجمة : خالو والله مكاصتهن
جاسم : انجبي ياااا حقيرة هاااي حواجب نور مكصوصات
كالتلي تقوى عليج انتي مو راحه مااصدكتها
نجمة : خالوو والله ماااسويت شي
اني احب نوور وماأذيها وروح ابوية
بشرى : لاااااا تذكرين ابو ال.... على لسااانج فهمتي لو لااا
جااسم تعال اضربها عسى مااا تحركها اني معليه
جاسم : خالي جاسم جان يعرف اني احب نور ويعرف اني ماكاصه ارموشها
بس ضربني علمود يرضي مرته تقوى
لزمني خلص عليه كدام مرته وامي
ومحد مخلصني من ايدة لحد مااهو تعب وعافني واني شبة ميته
كمت على كيفي وغسلت وتوضيت وكمت اصلي
جانت صلاتي مناجى الرب العالمين ياخذلي حقي منهم
جنت ابجي واستنجد بربي واكول اني شمسويه علمود هيج اتعاقب
شنو السبب الي سويته
شنو الذنب الي ارتكبته
ضليت ابجي واحجي ويا رب العالمين على صلاتي
ورجعت غفيت
ماكعدت غير ساعة 10 الصبح
نزلت لكيت كل واحد بغرفته
طلعت للحديقه شويه اخذ نفس
شفت ملابس نور وملك بالطين
شلتهن ودخلت للبيت
نجمة : عمة تقوى هاي الملابس بالطين لكيتهن واكعات
اني كلت هيج
وجان تعيط
تقوى : جاااااسم جاااسم
تعال شوووف اني بعد ماااتحمل
جاسم : خير تقوى
تقوى : شوووف الملابس نكسر ظهري عليهن من الصبح وتالي تجي بنت اختك تنكعهن بالطين
اول مرة اشوف هيج خبيثه
نجمة : والله خالو
بعدني مامكمله كلمتي حسيت الراشدي ماخذ خدي
من قوته وكعت بالكاع
مااذاني الراشدي
بكد ماا اذاني كلام امي
بشرى : ييي جاسم اضربها ربيها لان هاي ممترباية
،،،،،،،،،..
اعتذر البارحة ماانزلت البارت
لان بس جماعه الانستا يعرفون ليش مانزلت💔
لاتنسون كيكاتي النجمة والتعليقات الحلوة 💙💙
