صباح العسل والورد
نجمة : على عياطي وتكسيري صعدت عمتي ام محمد
ام محمد : خيرج حبيبتي شبيج
نجمة :كعدت بالكاع وكمت ابجي بقهر
وصوت البجي مسموع
ام محمد : احجيلي بنتي اعتبريني امج
نجمة : يكلي سامحيني
يكلي الخاطر حبنا
يريدني انسى كل شي
يريدني ارجع مثل قبل ويا واحبه
ام محمد : كل علاقه لازم يصير بيها خلاف
سواء خلاقه حب
علاقه صداقه
علاقه زوجيه
حتى الاخوان الي اجوي من نفس البطن ونفس الدم
هم اصير بيناتهم خلاف
بس تعرفين بنتي شنو الي يحدد استمرار هاي العلاقات
نجمة : مسحت تموعي واباوع عليها
كاعدة على الجرباية وتحجي
شنو الي يحدد استمرار هاي العلاقات
ام محمد : الحب
اسمعيني زين
داخل كل انسان كميه حب مقسمة على الاشخاص
بيهم الي يحبون اهلهم
وبيهم الي يحبون اخوانهن
وبيهم الي يحبون اصدقائهم ويفضلوهم على اخوانهم
الحب هو الي يخلينا نتفادة الاغلاط
ويخلينا انسامح ونبرر وننطي الف عذر مو بس عذر واحد
نجمة : هو اذاني
ام محمد : وانتي هم اذي
نجمة : بس هو اذاني بطريقه بشعه
ام محمد : مثل شنو هاي الطريقه البشعه الضرب
نجمة : عمه انتو ماتدرون محمد شلون جان يعاقبني
ام محمد : سولفيلي
نجمة : والله جان يجويني بالجكارة شووفي ايدي
طلعتلها ايدي ونزلت مقدمه الدشداشه
وشوفتها صدري
ورفعت الدشداشه شوفتها رجليه
شووفي الجوي جسمي كله اشووه
ومااكتفه بهيج
جان يغتصبني باابشع طريقه
يخلي روحي تطلع للسما وترجع تنركع بالكاع
تريديني اجوي لو اغتصبه لو اضربه
ام محمد : ههههه والله ضحكتيني
لاا ماكلتلج هيج عاقبي
هو عاقبج جسدياً
انتي عاقبي نفسياً
نجمة : يعني شلون
ام محمد : جااافي خلي يتمنى يشوف خيالج
ترى محمد يحبج
ابني واعرفه يموت عليج
نجمة : يحبني وهيج سوى بيه
لعد لو يكرهني جان شسوى
ام محمد : جان شمرج على امج وطلكج
هو ماملزم بيج
اسمعي يمه واخذيها مني
انتي مااعندج اهل خلي زوجج يصير اهلج
نجمة : واني اكرهه اموت منه
والله حتى نفسي تلعب من عندة
ام محمد : لان مجروحة من عندة هيج تحجين
البني ادم من ينجرح ويتأذة يخلي كبال عينه بس الاذيه
باعي النبي يوسف عليه السلام
جان طفل وابو النبي يعقوب عليه السلام يحبه
وجان شايف بي الولد الصالح البار
اخوانه اكبر من عنده واكثر من عنده بالعدد
قرروا يبعدون يوسف عن يعقوب
واخذوا وهو طفل وشمروا بالبير
تحمل انواع العذاب
عذاب الفراق عن الاب والاخ
وعذاب الاتهام بالخيانه
وعذاب السجن
وبالاخير من صار شاف اخوانه
گلبه ماانطى يأذيهم
واكتفه بس بالمسامحة
نجمة : بس هذا نبي اني مو نبيه
وهذولي اخوانه
ومحمد مو اخويه
ام محمد : كلامج صح
انتي مو نبيه بس احنا مسلمين ناخذ الاحكام ونعتبر الانبياء قدوة النا
وهما اخوانه ومحمد مو اخوج هم صح
بس محمد زوجج ويربطج بي رابط مقدس وجميل مثل العلاقه الزوجيه
ورب العالمين جمل العلاقه الزوجيه
وجعل بينج وبين محمد المودة والرحمة
اني مكاعدة احجي وياج على اساس ابني مو غلطان
لااا ابني غلطان والغلط راكبه من ساسه الراسه
ولو شسوين بي مراح افتح حلكي والومج
لو اوكف ويا ضدج
هو ابني وانتي الله شاهد من يوم الي صرتي جنتي
اعتبرتج حالج حال بناتي
نجمة : لعد ليش كاعدة تحجين هيج
ام محمد : لان مااريد بنتي ادمر حياتها
اسمعيني نجمة عاقبي محمد وشتريدين اسوين سوي بي
محد راح يوكف ضدج
بس لا تهجمين بيتج بيدج
امج سمعتيها شكالت صح لو غلط
نجمة : نزلت راسي وحجيت يي سمعتها
ام محمد : واني وياج نعرف امج شنو وشنو الي يهمها بهاي الدنيا
تريدين ترجعين يم امج وانتي مكسورة ومطلقه
علمود تحير شسوي بيج
نجمة : كمت ابجي من حجت هيج
جنت بنيه ومااسلمت منها عاد ارجعلها مطلكها
ضليت اشهك من البجي
بس اني اكره اذاني
ام محمد : امشي ورايه ومعليج
والله الا اخلي يبوس الايادي
نجمة : مااريده
ام محمد : ييي لا تريدي خلي يولي
المهم انتي ترتاح نفسيتج
ادخلي اسبحي وغيري ملابسج
واني راح اخلي بنين تجي اساعدني انظف هاي الكارثه الي مسويتها
نجمة : عوفيها عمه اني انظف
ام محمد : معليج انتي ادخلي اسبحي واني احلها
نجمة : دخلت للحمام سبحت واني تفكيري كله بكلام عمتي
صح كلامها وين اروح
ارجع يم امي الي ماصدكت اخلص منها
لو يم خوالي لو عمامي
لو خواتي الي من ازوجت لليوم ولا وحده خابرت بيهم
وسألت عليه
لو حسين اخويه الي ماايفكر عنده اخت
وين اروح ضليت ابجي
واذكر اسوالف محمد شلون جان يعاقبني
تكوم نفسي تلعب من عنده
طلعت من الحمام
شفت الغرفه نظيفه
نزلت اخذت اكل وصعدت
قفلت الباب علمود محمد ميدخل للغرفه
وحتى عمتي كالتلي احبسي نفسج بالغرفه
لحد متروح تبارك وامها
ضليت يومين بالغرفه مااشوف احد ولا احجي ويا احد
تجي بنين تنطيني وجبات الاكل وتنزل
واني ارجع اقفل الباب
ومن اصير دنيا ليل والكل ينامون
يصعد محمد ايدك الباب ويبدي يحجي
محمد : سامحيني نجمة حموت
والله ندمان
نجمة احبج والله
لاصيرين قاسيه مثلي
اني اسف والله اسف
سامحيني الخاطر كل ضحكه ضحكناها
احبج ومشتاقلج
اعذريني على السويته بيج
والله الشيطان لعب بعقلي
اسف حبيبتي
نجمة : هذا حزء صغير من كلماته المعتادة
يصعد يوكف ساعه يم الباب
يعتذر ويتأسف ويضل يحاول يفتح بالباب
واني اطفي ضوة الغرفه واروح لفراشي وانام
واليوم صاادف زواج تبارك
قرروا يسولها حفله بسيطه
على كد يلبسوها فستان بسيط ابيض
ويجي الشايب وياخذها ويروح
عمتي طلبت مني انزل لان النسوان كلها جايه ومرادت احد يسأل عليه
نزلت العصر
شفت تبارك كاعدة وتبجي
ملبسيها فستان ابيض ومكياج مبين مو مال صالون
وامها لازمة ايديها وتبجي وياها
وللاسف گلبي انقهر عليهم
رغم من يباوعن عليه يخزرني
بس انقهرت عليها
لان تبارك بينه وبعدها شابه صغيرة راحت ضحيه الحقد والكره والانانيه وحب المال الرجال بكبر جدها
وبعرس اشبه ماايقال عليه عرس لكبار بالعمر
نص ساعه ودخل الشايب علمود ياخذ تبارك
والكل انصدم من شكله
جان رجال كلش كلش جبير
والي فهمته عمرة نهايه الستينات
مهما يكون غلط تبارك بس عقابها جداً صعب
اخذها على سكوت تام وصدمة
حتى مااعرفن النسوان شيكولن لو شيحجن
من راحت تبارك
صار اجتماع للعمام
وكلنا انصدمنا بسبب هذا الاجتماع
ابو محمد : الكل يسمع
تبارك وراحت بحال سبيلها وصارت مسؤوله من رجال
ومانكول غير بس الله يوفقها
تجي على ام تبارك
اني كدام الكل اكول
ام تبارك بيتي يتعذرج
ام تبارك : شنوووو تطردني من بيتك
ابو محمد : مثل ماافهمتي
اني بعد مااريدج ابيتي
الي جان مصبرني عليج بنتج
وجنت اكول بنت اخويه ولحم اخويه ماينشمر بالشارع
وهسه لحم اخويه ازوجت
بعد شكو متحملج
ام تبارك : بس اني وين اروح
نجمة : كامت تبجي ام تبارك وتلطم على وجهه وتردد ام تبارك :خليني يمة واصير خدامة
والله اصير خدامة الك والجهالك
بس خليني يمك
ابو محمد : رجاءاً لاسوين هاي السوالف
روحي الاهلج اني بعد مااتحمل مسؤوليه
انوب تروحين اجيبيلي مصيبه من ورى كرهج وحقدج
ام تبارك : اهلي ناس على كد حالهم بالكوة مدبرين لكمتهم
ابو محمد: واني مملزوم بيج
رجاءاً اصعدي لمي اغراضج وخلي واحد من الولد يوصلج البيت اهلج
يلاا كوموا يا زلم خلي نروح للديوان
نجمة : طلعوا الزلم وبقينا احنا
وام تبارك كامت تبوس بالايادي علمود يبقوها
ومحد حن كلبه عليها غيري
هي تبجي وتتوسل واني ابجي وياها
وردت تحجي بس عمتي سكتتني
ام محمد : ديري بالج انتي مااتعرفين هاي شنو
هاي حربايه كل يوم بلون شكل
نجمة : من شافت محد ساعدها او حجه حرف وياه
والكل يباوعلها بنظرة الحقد والاشمئزاز
صعدت الغرفتها لمت غراضها ونزلت
وصدك طلعت حربايه
طلعت من البيت وهي تدعي علينا كلنا
وتغلط وتفشر
اكتفت عمتي تأشر الميثم
وميثم اخذها ويا وصلها البيت اهلها
ورى مراحت ام تبارك
بدت العالم تروح والبيت يفرغ
نظفنا البيت وصعدت الغرفتي
دقايق ينعداً على الاصابع
ومحمد دخل ورايه للغرفه
محمد : نجمة ساامحيني
نجمة : من شفته كرهته
واذكرت الي سوى بيه
صار مثل الشريط كدام عيني
صرت اعيط
اطلع برى ماااريدك
اكرهك
محمد : بس اني احبج
نجمة اني محمد سامحيني
نجمة : عمه عمة وينج
ضليت اعيط اريد عمة تصعد
ثواني وصعدت عمه
ام محمد : خير بنتي شبيج
نجمة : خلي يطلع كوليله يطلع عليج الله
اني اموت منه مااحبه
خلي يروح
محمد : نجمة والله ندمان سامحيني عليك الله
نجمة : ماااريدك وخررر مني لااا تتقربلي
روحي تلعب منك
محمد نجمة اني محمد بااعي عليه
نجمة : ماااااريد اباووع عليك
اكرهك اكرررهك
ماااريدك
عمه احجي وياااا
خلي يطلع
ام محمد : محمد اطلع من الغرفه
محمد : يمة هاي غرفتي وهاي مرتي
ام محمد : وهي متريدك
واذا على غرفتك خلص اشبع بيها
نجمة جيبي افراشج وتعالي يمي
محمد : وين يمج يمه رحمه للنبي
ام محمد : بسسس اسكت البنيه تعبانه اعصابها منك ومااتريدك
شنوو نجبرها عليك
يلااا نجمة امشي كدامي
نجمة : اخذت اقراشي وملابسي ونزلت
واسمع تكسير بالغرفه ومحمد يعيط
محمد : يااااااااارب سااااااعدني
نجمة : دخلت الغرفه عمتي واني ابجي
عمي شافني كمز من مكانه بسرعة
ابو محمد : شبيها
ام محمد: تعبانه تريد ترتاح
ابو محمد : اهلا بيها
اني طالع انام بالديوان
وخليها هي تاخذ راحتها
طلع عمي واني فرشت فراشي
ونمت بالكاع
وعمتي ضلت تقرأ قرآن
وعلى الايات الكريمة عمضت عيني براحة وهدوء
نمت مااحسيت بشي
______________
هلاو كيكاتي
لاتنسون النجمة والتعليقات الحلوة
احبكم كومات ❤️
