صباح التفائل والحب 💗
أرقى أنواع عزّة النفس
أن تمثّل دور المُكتفي من كلّ شيء
وأنت بأمسِّ الحاجةِ لكل شيء
وأن لا تطلبَ الشيء مرتين
إلّا من الله وحده
ولا تطرق باباً أُغلِق في وجهك يوماً ما
فـ بابٌ غيرُ باب ربك
لا يستحقُّ أن يُطْرَق أكثرَ من مرّة.. 🖤🥀
———————————————
نجمة : سنين تروح من ايام عمري واني اخدم
واذا غلطت اتعاقب
وعقابي يكون جداً قاسي
ضرب حرك شلع شعر عض راشديات
هاي ماعدى الغلط والسب
جنت اتحمل كل هذا واكول امي
لكن جانت سالفه وحده تأذيني بيها
من اسب ابويه
اتكطع تكطع من اجيب طاري ابويه وتغلط عليه اسبه بابشع انواع السب والغلط
جنت اعرف ابوية مسافر وين مسافر مسافر بعيد
لحد ماايوم اندكت باب البيت
وطلع عمي حارث
بشرى :خير شرايد
حارث : مجاي عليج ولا على خلقتج
بشرى : عجل على شنو
حارث : جاي على اولاد اخوي اريد اخذهم للزيارة
بشرى : احترك اخوك بكبرة
حارث : مااريد اتمادة عليج مو خوفاً منج لاا احتراماً الاولاد اخوي
بشرى : اخذهم شسويلك بس حسن ميروح اخاف عليه منكم
حارث : استغفر الله تعالي ويانه وجيبي امج هم ومرت اخوج
بشرى : يي عود نجي
نجمة : سدت امي الباب بوجه عمي حارث
ودخلت للبيت
كالت البيبي وزوجه خالي وخالي وكالوا نروح
وسمعتهم راح يروحون الابويه
طرت من الفرح
يعني اخيراً راح اشوف بابا وابوسه واحضنه ياالله شكد فرحانه
نورس : شبيج تضحكين
نجمة : نورس راح نروح نشوف بابا
نورس : انتي تعرفين بابا وين
نجمة : ييي جان مسافر وهسه رجع يعني راح اشوفه
جنت اباوع على نورس الدمعه صارت بعينها
عبالي لان راح انشوف بابا
كعدنا ثاني يوم واجه علينا عمو حارث
واني الفرحه ماانطيها الاحد
رحنا زرنا الامام علي عليه السلام
اول مرة بحياتي ادخل المرقد الامام
صابني راحه مو طبيعيه نفسيتي ارتاحت
حسيت بحساس الامان
صلينا وخلصنا
وكالوا يلاا نروح للمقبرة
سألت مرت خالي عهد
عمه احنا شنسوي هناا
نهى : جاين نشوف ابوج
نجمة : شيسوي هناا بابا
نهى : حبيبتي هو هنا عايش
نجمة : لزمت ايدي عمة نهى ومشينا
لحد مااشفت صورة ابويه
هذا اليوم بعمري كله مراح انسى
ركضت عليه وشفت قبرة
وعرفت بيومها ابويه ميت
مكتوب على قبرة الشهيد الضابط ابراهيم
ومخلين. صورته
ذبيت روحي على قبرة وصرت افرفح تفرفح بالكاع
مثل المذبوح
اعيط بكل صوت بيه
باااباااا وينككك كااعدين يعذبوني
باباااا وينك كووم اكعد وشوفني حرموني من كل شي
بااابااا يسبووك واني مااقبل
بابا كووووم اجيتك تحضنيي
بابا هذا حسوني انت مووو تحبه كووم علموده
اكعد والله مشتاقتلك
صغيرة ومذبوحة صغيرة ومضلومة
صغيرة ومهضومة صغيرة ومجروحة
عمي حارث جاب ملا وكعد يقرأ يم قبر بابا
وينعي على الاخ والاب
اجت عمة نهى خلتني بحضنها وكمت ابجي واشهك
ضلينا كم ساعه وامي سحلتني علمود نرجع للبيت
تكول اختنكت من المقبرة
صعدنا بالسيارة واني افرفح اريد ابقى يم ابويه
ماادري ليش حسيت بهذا الاحساس اريد ابويه وحبي واشتياقي الابويه كانما اعرفه من سنين وعايشه ويا وشبعانه من حضنه وامانه وحنانه
ورى مارجعنا ضليت يومين مريضه
مصخنه ومااكدر احرك نفسي من الفراش
ردت امي هي الي تهتم بيه
بس جنت اركض ورى سراب هو اهتمام امي بينه
تفوت من يمي وماتهتم
كله بيبي ام مهدي هي الي اهتمت بيه
وشربني دوة وسويلي كمادات
فاتت سنين الكل تغيرت الا امي بقت مثل ماهي ويمكن كامت تراهق
فلوس خالي جاسم خطيه كامت تشتري بيهن سوالف النفسها
وتعتني بروحها وبسبب تصرفاتها ضيعت نورس وضيعتنا وياها
المهم من دخلنا سنه 2014
احنا عايشين بالفلوجه
دخل داعش للرمادي ومنطقه منطقه كامت اصير تحت ايدين داعش
والناس كامت تعوف بيوتها وحلالها وتترك الفلوجه
بس احنا لان ماعدنا مكان نروح بي
ضلينا بخوف وقلق وجوع وعطش
حتى كهرباء ومي مااكو كلها كطعوها
لحد ماا سمعنا داعش ياخذ البنات لو يغتصبوهن لو يتاجرون بيهن
اهنا بيبي ام مهدي وجدو خافوا علينا لان احنا اول مابلغنا صرنا نجيب العين اني وخواتي ضخمات
الي يشوفنا ميكول اهذني بعدهن صغار لا عبالك بالعشرينات
ووحدتنا احلى من الثانيه
بس جدو جان حاير وين ياخذنا ماعدنا مكان امن نروح بي
وبيوم باالليل جنا كاعدين وماانسمع غير
صواريخ ركع واحد ورى الثاني
وبراميل توكع على البيت تهزة للبيت هز
احنا نعيط وجهال خالي يعيطون
وبهذا اليوم سقطت الفلوجة بيد الانذال والانكاس
الي استغلوا اسم الدين وتطبيق قوانين ضالمة على ناس ابرياء
اطر جدي ياخذنا الكرايبة بمنطقه الازركية
منطقه عرب كلها بساتين وناسها بسيطة جانت امنه احسن من الفلوجة وبقيه المناطق
دخلنا البيت جان كلش بسيط
وداير مدايرة بستان بي بقر ونعجات وغنم
ودجاج
بين قوسين حياة ريفيه بحتة
ام البيت استقبلتنا ورحبت بينه وجانت كلش فرحانة
وجناينها هم طلعنا يركضن علينا
ويهلنا ويمرحبا بينا
واني صافنه على المكان
حضروا الاكل وفرشوا السفرة
وكلنا كعدنا
جانت وحده من جناينهم كالبه وجهه علينا وتباوعلنا بنظرات مال وحده مزعوجه وكارهه جيتنا
بس شنو الي بيدينا
دخلوا ولدهم جانوا 8 ولد مااشاالله
و5 بنات وكلهم بنفس البيت
الولد جانوا كلهم مزوجين بس 2 ممزوجين
ناهد و علاء
خلصنا الاكل وكمت اني اغسل
جانت المغاسل مالتهم تحت الدرج
هي والحمام والمغاسل مخفية
صايرة بزاويا
كاعدة اغسل مااحسيت غير
شخص يحضني من ورى
ويكلي شهل جمال
بسرعة دفعته
ورحت اركض الامي
كعدت بصفها لزك وارجف من عندة
بشرى : شبيج ترجفين و وجهج اصفر
نجمة : هاا مابيه شي
بشرى : والله خاايفه منجن تنزلن راسي
نجمة : يمه قابل شمسويات
بشرى : دخلي اشوف وحده من عدجن تغلط
الا احركها وهي عايشة
نجمة : خفت من كلام امي وخفت من هذا الولد الي حضني
وهذا كلام امي جان سبب الي ميخلينا نحجيلها شي
ونسكت ونتحمل التعرضات الي نتعرضلها بالبيت وماانحجي ••••
~~~~~~~~~~~
حبيباتي لاتنسون النجمة وتعليقاتكم الحلوة 😌
احبكم كومات ❤️
