صباح الانتصارات والاماني المحققه 🎈💕
نجمة : بنين وداعت صحتي وعافيتي وروح ابويه مااكول الاحد بس احجي
بنين : اسمعي والله اني احبج
وحتى ميثم يعتبرج اخته
ومايهون علينه نسمع عياطج وانتي كاعدة تتعذبين
والقرآن الكريم كل ماايدخل محمد عليج للغرفه
اني وميثم نخلي ايدينه على كلبنه
واذا ماا سمعنه صوتج والله نفرح ونرتاح
نجمة : لاتفرحون
لان اذا مااسمعتوا صوتي معناها هو كاعد يكتلني ومايخليني اعيط
بنين : عزة يعني شنو
نجمة : يعني يحبسني بالحمام ويضربني واذا طلعت صوت يضربني اكثر ويعاقبني بوجع اكثر
بنين : عزة بعينك محمد
والنبي مااجان هيج
الله ينتقم من الي جان السبب
نجمة : هسه انتي خليتيني احلف على شنو
بنين : يي ذكرتيني
باعي نجمة محمد ماانطي العذر بالي كاعد يسوي
بس الي شافه مو قليل
نجمة : والله ماادري بي من حضني والنبي
بنين : اني مكاعدة اقصد على ياسين
احنا كلنا نعرف يااسين شنو
ولو ماانعرفه جان محمد ذبحج من زمان
وهو محمد اخذ حقه من ياسين
نجمة : شلون اخذ حقه مافهمت
بنين : صدك مااتعرفين
نجمة :لا والله كلشي مااعرف
اني هنا بس يضرب بيه ويعاقبني
ليش وشلون وعلى يا اساس ماادري ولا اعرف
بنين : محمد بنفس اليوم الي تبارك الحقيرة دزتله الصورة راح على بيت عمه
ولزم ياسين موته كتل
حتى ايدة ورجله تكسرت
وعمة طرد ياسين من البيت
ومحمد كاللهم وين مااشوف ياسين اذبحة
ومحد يلومني
لان اني مكتفين بضربه
وهو تعدى على عرضي
والعرض غالي ومااينظف العرض غير الدم
وهذاك هو مطرود من البيت
ومكسرة ايدة ورجله
وكاعدين يقنعوا يروح يم خواله بناحة العلم
نجمة : الله ينقم من عنده
اخذت ضرب الحيوان مايتحمله من ورى
حسبي الله ونعم الوكيل عليهم كلهم
حتى تبارك وشهد اريد ربي ياخذ حقي منهم
بنين : تبارك اكبر حاقدة وهاي شهد ماادري شجاها لو مراد يعرف بسوالفها والله يطلكها
نجمة : ليش شمسويات بعد
بنين : هناا رباط السالفه
تبارك دزت صور لمحمد
نجمة: صور شنو
بنين : باعي اني مامصدكة انتي هيج
وحتى ميثم ممصدك بس الصور مو حلوة
نجمة : بداعت ميثم كولي شنو هاي الصور
بنين : الصور انتي ويا واحد
نجمة : شنووووو منو هذا الواحد
بنين : مااعرفه والله بس لا تعلين صوتج عليج النبي
نجمة : اريد اشوف الصور
بنين : هسه ميثم يصعد للغرفه واجيبلج الصور
نجمة : ياااربي حتى ميثم شايف صوري
والله محد متقربلي غير محمد
بنين : والله محد مصدك
حتى مراد وميثم ممصدكين
نجمة : ومحمد مصدك بالصور
ليش اشاف مني علمود يصدك بصور
بنين : اعذري
نجمة : عوفج من محمد اريد اشوف الصور
بنين : راح اروح اشوف ميثم
نجمة : تمام
طلعت بنين واني القهر اخذ كلبي
وافكر شنو هاي الصور الي خلت محمد هيج يكرهني ويعاقبني
يارب رحمتك ماعندي غيرك
ضليت ادعي واناجي رب العالمين
يكشف الحقيقه
نص ساعه ودخلت بنين بيديها تلفون ميثم
وتحجي بصوت ناصي
بنين : بس نام ميثم جبت التلفون واجيت اركض
نجمة : الصور وين
بنين : يي دقيقه افتح التلفون
نجمة : هي تفتح بالتلفون واني جسمي كله يررجف
اريد اشوف شنو هذني الصور
بنين : هااي هياتهن
نجمة : لزمت التلفون وكمت اشوف الصور
ويا كل صورة شهكه اشك باب الگلب
عزة شنووو هذني الصورر
جانت الصور عبارة عن اشبه بصور العاريات
وصور واني ويا واحد حاضني بوضعيه سخيفه
كمت ادك على وجهي واللطم
والله لو غير وحده جان صدكت بهاي الصور
بس هاي موو اني مستحيل هاي مو اني
ضليت ادك على وجهي واعيط وابجي
واردد كلمه والله مووو اني
وداعت عافيتي مو اني
وروح ابويه مو اني
وتراب ابويه مو اني
بنين : لج اسكتي فضحتينه
نجمة : بنين والله هاااي مووو اني
مستحيل هاي اني
لج بنين والله هاي الاشياء استحي اسويها ويا محمد وهو زوجي
شلون اسويها ويا الغريب
والله بنين لحد الان اموت من الخجل اذا محمد يتقربلي
والنبي يعذب بيه واني خجلانه لان عاريه كدامة وبدون ملابس
شلووون محمد يصدك اني هيج
بنين : مو كلتلج هوو حقه
نجمة : لااااا مو حقه جان اول مدزوله الصور يجي ويكلي
هااي انتي لو لا يفهمني ليش كاعد يضربني
ليش كاعد يحركني
موو يعاقبني واني كل شي ماعرف
بنين : والله بهاي حقج
نجمة : زين هاي الصور شوكت عرف بيهن محمد
بنين : من يوم الي ضربج وخابر على امج
نجمة : هو قبل يااسين وهاي الصور يضربني
ليش جان يضربني
بنين : من حش تبارك وامها الله ينتقم منهن
نجمة : رجعت باوعت بالصور وضليت ادك واللطم
واصفك بوجهي واضرب صدري قوي
جسمي كله يرجف من الصور
ربي اني شمسويه علمود هيج تعاقبني
حتى شعري كطعته بيدي من قهري
صعبه كلش على الانسان يتعاقب بابشع الطريق
وهو مظلوم
واني مظلومة وتعاقبت عقاب جداً شديد
من كثر ما لطمت وبجيت
رجعت القوقعتي
نمت وحضنت نفسي
حتى بنين مااحجيت وياها ولا عرفت شوكت طلعت
ضليت حاضنه نفسي وابجي بصمت
ساعه ساعتين
الى متى اضل ابجي
غفيت من البجي
وحلمت حلم عجيب
هذا الحلم تقشعر له الابدان
حلمت اني بحديقه بيته القديم
واني مهضومة وابجي واعيط وكاعدة جوة الشجرة
رفعت راسي اباوع ابويه كاعد على الكرسي يم باب البيت
رحت اركض عليه وابجي
جان ابويه جداً جميل
ولابس دشداشه بيضه
اول مرة اشوفه بالدشداشه
لان كل الصور الموجودات هو لو بالملابس العسكريه لو بالملابس المدنيه
ابداً ماعندة صورة بالدشداشه
رحت عليه وكعدت يم رجله ابجي خليت راسي على رجله واحجي ويا
بابا اتهموني بشرفي
بابا يضربوني ويقسون عليه واني ممسويه شي
بابا انت تعرف اني شلون طاهرة وبريئه من كلامهم
بابا الصور الموجودة والله مو اني
شفت شلون يكسرون بيه
هاي لان مااعندي سند
لو انت موجود وعايش
جان كلهم حاسبتهم
بابا اني بنتك الي انت تحبها
تعال واحجي وياهم وكوللهم اني موجود ومااسمحلكم تحجون على بنتي
ابراهيم : صلاتج نجمة صلاتج
نجمة : رفعت راسي شنو بابا
ابراهيم : صلاتج وهاج هاي
نجمة : فتحت ايدي وانطاني 7 هيلات
ابراهيم : صلاتج نجمة
نجمة : فزيت مخروعة ودموعي تنزل من الحلم
كعدت واني كلمة صلاتج على اللساني
كمت اباوع على ايدي ماكو الهيلات
جانن 7 هيلات
كمت من فراشي بسرعة
توضيت و لبست ازار الصلاة
وكمت اصلي
مااعرف كم ركعه لو شنو هاي الصلاة
جنت اصلي بخشوع
وكل ماا اتعب اذكر كلمة ابوية وارجع اصلي
صلاتي صارت راحتي واماني
كل ماايصير عندي فراغ اصلي
وبااي وقت حتى لو مكمله الفروض الخمسه هم اصلي
انظف البيت واصعد اركض اتوضه واصلي
حتى من يغلطون عليه ويرزلوني لو يضحكون عليه
ماا افكر بيهم اريدهم يكملون علمود اصلي
وفات اليوم الاول
واليوم الثاني
واليوم الثالث
واني نفس حالتي صلاتي هي راحتي
اليوم الرابع
واليوم الخامس
واليوم السادس
واجه اليوم السابع
الهيلات ال 7
كااعدة بغرفتي اصلي باليوم السابع
وكمت مخروعه على عياط وصياح
طبكت سجادتي وكمت اركض اشوف شكو
طلعت واشوف مراد كاعد يسحل بشهد
وينزلها من على الدرج
وتبارك واكفه يم غرفتها هي وامها
ويتراجفن
والخوف مالي عيونهن
نزلت اركض اشوف شهد شبيها
وليش هيج مراد يضربها
دخلت للاستقبال
واشوف مراد يضرب بشهد ضرب مال كفار
بكل قوته يضربها
حتى دم كام يطلع منها
وميثم ومحمد يلزموا بس يدفعهم ويرجع يضربها
ابو محمد : لك عوووفها كو... حتموت بيدك
مراد : وموووتتهم
ابو محمد : شمسويه علمود هيج تضربها
مراد : تريدون تعرفون
ابو محمد : ييي احجي
نجمة : مراد ضرب شهد برجليه على خااصرتها خلاها تعيط
وكعد هو على القنفه وصاح على تبارك وامها
كلنا التمينه
والكل جان موجود مثل حالتي من ضربتي محمد
وكام يحجي مراد
مراد :•••••••
——————————-
هلاو كيكاتي
هذا البارت لان حلفتوني بالباشا قائد
وبعد لا تحلفوني بي عليكم الله 😭
احبكم كوومات ❤️
