Parallel Season 2(Completed)

Facts and Thanks Letter

(Unicode)

ပထမဦးဆုံးအနေနဲ့ plotlineထဲမှာ ထည့်မရေးထားတဲ့ အကြောင်းအရာတချို့ကို ဖော်ပြချင်ပါတယ်။

- ခြွေခရဲ့ ကိုရီးယားနာမည်ဖြစ်တဲ့ 'နိုရယ်(노래)' ရဲ့ အဓိပ္ပာယ်က မြန်မာလိုဆို 'သီချင်း'ပါ။ ဒီနာမည်ကို ခြွေခရဲ့အမေက ခြွေခကို ကိုယ်ဝန်ဆောင်ထားတဲ့အချိန် မက်တဲ့အိပ်မက်အရပေးထားတာပါ။ ခြွေခရဲ့အမေက အိပ်မက်ထဲမှာ သီချင်းအေးအေးလေးကို သီဆိုနေတဲ့ကလေးတစ်ယောက်ကို မြင်ခဲ့ပါတယ်။ အဲ့လိုမျိုး အိပ်မက်ကလည်းမက်ထား၊ တကယ့်တကယ် ခြွေခကို မွေးပြီးတဲ့အချိန် ခြွေခငယ်ငယ်လေးတုန်းက ရွေးလိုက်တဲ့ပစ္စည်းက မိုက်ခ်ဖြစ်နေတာကြောင့်ပဲ ခြွေခကို နိုရယ်ဆိုပြီး ပေးဖြစ်သွားကြတယ်ပေါ့( ကလေးတွေ ပစ္စည်းရွေးတာကို K drama‌ တွေထဲမှာ မြင်ဖူးကြမယ်ထင်ပါတယ်၊ အဲ့ပွဲကို ဘယ်လိုခေါ်မှန်း ကိုယ်မသိလို့ပါ) ။

- နွေလရဲ့ နာမည်ဖြစ်တဲ့ 'မီရယ်(미래)' သူ့အဓိပ္ပာယ်ကတော့ မြန်မာလို 'အနာဂတ်'ပါ။ နွေလရဲ့နာမည်ကို ပေးဖြစ်တဲ့ အကြောင်းအရင်းကတော့ ခြွေခနဲ့ ကွဲပြားပါတယ်။ နွေလကို ကိုယ်ဝန်ရှိတဲ့အချိန်မှာ သူတို့အဖေရဲ့ကုမ္ပဏီက အောင်မြင်တဲ့လမ်းစပေါ်ကို စရောက်သွားပြီး အရင်ကထက် စီးပွားပိုတက်လာခဲ့ပါတယ်။ အဲ့အချိန်ကစပြီး သူတို့အဖေက နွေလက သူတို့အနာဂတ်ကို ပိုမိုတောက်ပအောင်လုပ်ပေးတဲ့ကလေးဆိုပြီး ကုမ္ပဏီကိုတောင် ‌ညီအစ်ကိုနှစ်ယောက်စလုံးနာမည်ပါအောင် Future's Songလို့ပြောင်းခဲ့ဖြစ်ပါတယ်။ နွေလက တစ်နည်းအားဖြင့် သူတို့မိသားစုရဲ့ လာဘ်ကောင်လေးလို့ဆိုရမယ်ထင်တယ်။

- မိုးခန့်ညားက ခြွေခမို့လို့သာ မင်းနဲ့ငါ ပြောတာကို ဘာမှမဖြစ်တာပါ။ ခြွေခမဟုတ်တဲ့တခြားအငယ်တစ်ယောက်ကများ သူ့ကို အဲ့လိုမျိုး သုံးနှုန်းမယ်ဆို ကျိန်းသေပေါက် ဒေါသထွက်ပြီး ပြဿနာရှာမှာပါ။

- အနန္တက နွေလွင်ပြင့်ကို စိတ်မချပြီး သူတို့ တစ်အိမ်တည်းမှာ အတူနေဖို့ပြောတာက လရိပ်ပြာနဲ့ အရင်လို ဆက်ဆံရေးမျိုး ပြန်ဖြစ်သွားမှာကို သူ့ဘာသူတွေးပြီး စိတ်ပူနေတာနဲဲ့ သူ့ကိုယ်သူ မဖြစ်တော့မှန်းသိလို့ဖြစ်ပါတယ်။ စိတ်ပူတာ နွေလွင်ပြင်ကို မယုံလို့မဟုတ်ဘဲ တစ်ဖက်လူကို မယုံတာကြောင့်ဖြစ်ပြီး ဘာကိုသိတာလဲဆိုရင် တောင်တွေးမြောက်တွေးနဲ့ သူကြာရင် ရူးသွားတော့မှာကိုပါ။