ကျွန်​တော့်ရဲ့ ​နွေအိပ်မက်​လေး

အပိုင်း-(၆)

Unicode

ခန့်သစ်လွင် မှာသူ့ရှေ့တွင်ထိုင်​နေ​​သော ​နွေအိပ်မက် အားကြည့်လိုက်လျက် သက်ပြင်း ၁ ချက်ချကာ​မေးလိုက်သည်။
ခန့်သစ်လွင်: အရင်က​ကော အဲ့လိုဗိုက်နာတာမျိုးဖြစ်ဖူးလား
​နွေအိပ်မက် မှာ​သေချာစဥ်းစားကြည့်လိုက်ပီး​နောက်မှပြန်​ဖြေလာသည်။
​နွေအိပ်မက်: ဟုတ် အရင်က ၁ ခါ ၁ ခါဖြစ်ဖူးပါတယ်၊ ဒါ​ပေမဲ့ မ​နေ့က​လောက်​တော့မပြင်းထန်ဘူး
ခန့်သစ်လွင်: ​ဆေးစစ်ချက်အ​ဖြေကထွက်လာပါပီ၊ ​ပြောရမှာ​တော့စိတ်မ​ကောင်းပါဘူး...
ခန့်သစ်လွင် မှာ​ပြောရန် ချိတုန်ချတုန် ဖြစ်လို့​နေသည်။ ​နွေအိပ်မက် ​နေရာတွင် အခြားလူနာ ၁ ​ယောက်ဖြစ်ခဲ့ပါက သူခု​လောက်ထိ ချိတုန်ချတုန် ဖြစ်​နေမှာမဟုတ်။ ​နွေအိပ်မက် ဖြစ်​နေ​တော့သူအလွယ်တကူ မ​ပြောလိုက်ရက်​ပါ။ သူက သက်ပြင်း ၁ ချက်ထပ်ချလိုက်ပီးမှ​​ပြောလာသည်။ သူ့အသံက ​ဖျော့​တော့လို့​နေသည်။
ခန့်သစ်လွင်: လူနာက အသည်းကင်ဆာဖြစ်​နေတာပါ
​နွေအိပ်မက်​ ​ကော နှင်းဆီနီ ပါလန့်ဖြန့်သွားရလျက် ၁ ပြိုင်နက်အသံပြုလိုက်မိကြသည်။
နှင်းဆီနီ၊ ​နွေအိပ်မက်: ရှင်!
​နွေအိပ်မက် မှာ​ကြောင်အလို့​နေလျက် ဘာမှထပ်မ​ပြောလာ​တော့။ နှင်းဆီနီ ကသာသူမအစားဝင်​​ပြောလာသည်။
နှင်းဆီနီ: ​ဒေါက်တာ အဲ့တာဆို ကျွန်မတို့ဘယ်လိုလုပ်ရမလဲ​ပြောပါဦး
ခန့်သစ်လွင် မှာချက်ချင်းစကားမပြန်​သေးပဲ ​နွေအိပ်မက် ကို ၁ ချက်ကြည့်လိုက်သည်။ သူမကိုကြည့်ရသည်မှာ ​ရှော့ရသွားပုံပင်။ ခုချိန်ထိ ဘာမှမတုန့်ပြန်လာ။
ခန့်သစ်လွင်: ​ရောဂါက အရမ်းအ​ခြေ​နေမဆိုး​သေး​တော့ ကုသလို့​တော့ရနိုင်ပါ​သေးတယ်၊ ကင်ဆာဆဲလ်​တွေက တခြားအစိတ်အပိုင်း​တွေကိုမပျံ့နှံ့​သေး​တော့ အသည်းအစားထိုး ကုသမယ်ဆိုရင်​တော့​ပျောက်ကင်းနိုင်ပါတယ်၊ ဒါ​ပေမဲ့...အသည်းအစားထိုးဖို့ကလဲ အလှူရှင်​စောင့်ရပါလိမ့်မယ်၊ ဒီကြားထဲမှာ​​တော့ ​ဆေးရုံတက်ပီး ကုသမှုခံယူ​နေတာပို​ကောင်းပါလိမ့်မယ်
ခန့်သစ်လွင် စကားဆုံးသွား​သောအခါမှ ​နွေအိပ်မက် မှာသူ့အားကြည့်လျက် တိုးလျစွာ​ပြောလာသည်။
​နွေအိပ်မက်: ​ဒေါက်တာ ကျွန်မကိုဘာလုပ်သင့်လဲ စဉ်းစားဖို့ အချိန်နည်းနည်း​လောက်​ပေးလို့ရမလား
ခန့်သစ်လွင်: ရပါတယ်...ဒါ​ပေမဲ့ အကြာကြီး​တော့မစဉ်းစား​စေချင်ဘူး...ဘာလို့ဆို ​ရောဂါကိုအ​ခြေ​နေမဆိုးခင် ကုသသင့်တယ်
​နွေအိပ်မက်: ဟုတ်ကဲ့ပါ ​ဒေါက်တာ
​ဆွေး​နွေးပီး​နောက် ​နွေအိပ်မက် မှာထွက်လာခဲ့သည်။ သူမက ကိုယ့်ကိုကိုယ် အားတင်းလိုက်ကာ နှင်းဆီနီ အားပြုံးပြလိုက်သည်။ နှင်းဆီနီ မှာသူမနှင့်ငယ်ငယ်တည်းက​ပေါင်းလာ​သောသူငယ်ချင်းဖြစ်ရာ သူမအ​​ကြောင်းကို​ကောင်းစွာနားလည်သည်။ ခုချိန် သူမပြုံးပြ​နေတာက နှင်းဆီနီ ကိုစိတ်မပူ​စေချင်လို့ဖြစ်သည်။ ​​​နွေအိပ်မက် ကိုယ်တိုင်ကမူအဆင်​ပြေမ​နေပါ။
​နွေအိပ်မက်: ငါတို့ပြန်ရ​အောင်​လေ၊ ဘာလုပ်ရင်​ကောင်းမလဲဆိုတာ အ​မေနဲ့​ဆွေး​နွေးကြည့်တာ​ပေါ့
နှင်းဆီနီ မှာ​ခေါင်းညိတ်ပြလိုက်သည်။ ထိုအချိန်တွင် သူမဖုန်းမှာအသံမြည်လာသည်ဖြစ်ရာ နှင်းဆီနီ ကကိုင်လိုက်သည်။
နှင်းဆီနီ: ဟယ်လို
..........
နှင်းဆီနီ: ငါအခုအပြင်​ရောက်​နေတယ်​လေ
..........
နှင်းဆီနီ: နင်တို့ဒါ​လေး​​တောင် မစီစဉ်နိုင်ဘူးလား
..........
နှင်းဆီနီ: ​အေး​အေး ငါကြည့်လုပ်လိုက်မယ် ဒါပဲ
နှင်းဆီနီ ဖုန်းချလိုက်​သောအခါ ​နွေအိပ်မက် က​မေးလာသည်။
​နွေအိပ်မက်: ဘာလဲ အ​ရေးကြီးလို့လား
နှင်းဆီနီ: ရပါတယ် နင့်ကိုအရင်ပြန်လိုက်ပို့​ပေးမယ်​လေ
​နွေအိပ်မက်: ငါက ရပါတယ် နင်အ​ရေးကြီးရင် သွားလိုက်ပါ
နှင်းဆီနီ: ​သေချာလို့လား
​နွေအိပ်မက်: ရပါတယ်ဆို
နှင်းဆီနီ: အဲ့တာဆို ငါသွားပီ​နော် ဂရုစိုက်ဦး
​နွေအိပ်မက်: အင်း
နှင်းဆီနီ ထွက်သွားသည်နှင့်တပြိုင်နက် ​နွေအိပ်မက် မျက်နှာ​ပေါ်မှအပြုံး ၁ စက​ပျောက်ကွယ်သွားရသည်။ သူမစိတ်ကိုသူမငြိမ်​အောင်လုပ်ရန် ၁ ​ယောက်တည်း​နေဖို့လို​အပ်​နေသည်။ ထို့​ကြောင့်သူမက ကားဆီမသွားသေးပဲ လူရှင်း​သော ၁ ​နေရာတွင်ထိုင်ကာ သူမစိတ်သူပြင်ဆင်ရန်ကြိုးစားရသည်။ ဒီတိုင်းအိမ်ပြန်သွားခဲ့လျှင် အိမ်ပြန်​ရောက်လို့အ​မေ့မျက်နှာမြင်တာနဲ့ ငိုမိမှာ​​သေချာသည်။
_______
တဖက်တွင် ခန့်သစ်လွင် မှာ​ ​နွေအိပ်မက် တို့ထွက်သွားပီး​နောက် ခဏကြာ​သောအခါ စိတ်မချသဖြင့်လိုက်လာခဲ့သည်။ ​ဆေးရုံအ​ပေါက်နားရောက်​သောအခါ သူကအပြင်ကိုလှမ်းကြည့်လိုက်လျက်၊
'ပြန်သွားကြပီထင်တယ်'
ဘယ်သူကထင်ထားမည်နည်း သူပြန်ထွက်လာခါနီးမှ ​ထောင့် ၁ ​ထောင့်တွင် ဝမ်းနည်း​နေ​သောသူမအား​တွေ့လိုက်ရသည်။ ခန့်သစ်လွင် မှာ​ နွေအိပ်မက် ဆီသို့​လျှောက်သွားလိုက်သည်။ သူမ​ဘေးနားတွင်ဝင်ထိုင်လိုက်သည်။
ခန့်သစ်လွင်: အဆင်​ပြေရဲ့လား
​နွေအိပ်မက် မှာသူ့အားလှည့်ကြည့်လာသည်။ သူမစိတ်ထဲရှိတဲ့အတိုင်းသာ​ဖြေလိုက်မိသည်။
​နွေအိပ်မက်: မ​ပြေဘူး၊ အခုအရမ်း​​ကြောက်​နေတယ်၊ ဘာလုပ်ရမလဲဆိုတာ​တောင် မစဉ်းစားတတ်​တော့ဘူး
ခန့်သစ်လွင် မှာသူမပုခုံး​လေးအားပုတ်​ပေးလိုက်မိသည်။
ခန့်သစ်လွင်: မ​ကြောက်ပါနဲ့ ကျန်​တော်တို့ အ​ကောင်းဆုံးကြိုးစား​ပေးမှာပါ၊ ​ပျောက်သွားတဲ့လူ​တွေလဲရှိကြပါတယ်
​နွေအိပ်မက်: တကယ်လား
ခန့်သစ်လွင်: တကယ်​ပေါ့
​နွေအိပ်မက် မှာသူမအားနှစ်သိမ့်​​ပေး​နေတဲ့ ထိုလူအားကြည့်​​နေရင်း မျက်ရည်များဝိုင်းလာသည်။ မျက်လုံးဝိုင်းလေးထဲ မျက်ရည်များပြည့်သွားပီး​နောက် ပါးပြင်ထက်သို့စီးကျလာကြ​တော့သည်။ သူမငို​နေတာကိုမြင်​သောအခါ ခန့်သစ်လွင် မှာသူမအား သူ့ပုခုံး​ပေါ်တွင်မှီ​စေလိုက်သည်။ ​​လက် ၁ ဖက်က​ နွေအိပ်မက် ၏​ကျော​လေးကိုပုတ်ကာ နှစ်သိမ့်​​​ပေးခဲ့သည်။ ​နွေအိပ်မက် ကရှိုက်သံဖြင့်​ပြောလာသည်။
​နွေအိပ်မက်: နှစ်သိမ့်​ပေးတာ...ကျေးဇူးတင်ပါတယ်
သူတို့ ၂ ​ယောက်ရဲ့ ၁ ​ယောက်အ​ပေါ် ၁ ​ယောက်ထားတဲ့ခံစားချက်မှာ ထိုအချိန်မှစ ပိုလို့​​လေးနက်လာခဲ့တာသည်။