ကျွန်​တော့်ရဲ့ ​နွေအိပ်မက်​လေး

အပိုင်း-(၁၆)

Unicode

​နွေအိပ်မက် ဒီ​နေ့ ၁ ​နေ့လုံးလဲ ခန့်သစ်လွင် ၏စကားများကို​ကြား​ယောင်​နေမိသည်။ သူမစိတ်ထဲ ခန့်သစ်လွင် ကဘာ​ကြောင့် သူမကိုအဲ့လို​ပြောလဲဆိုသည့်အ​ကြောင်းကိုသာခေါင်း​ပေါက်မတတ်စဉ်းစား​နေမိသည်။ ထိုအချိန်တွင် တံခါးဖွင့်သံကြားလိုက်ရသဖြင့် ​နွေအိပ်မက် လှည့်ကြည့်မိသည်။ အခန်းထဲအရင်ဝင်လာသူက နှင်းဆီးနီ။
နှင်းဆီနီ: အိပ်မက် နင့်အ​ဖေ​ရောက်​နေတယ်
သူမစကားဆုံးသည်နှင့် ​နောက်မှ ဦးသိန်းနိုင်ဝင်း လဲလိုက်ဝင်လာ​တော့သည်။ ​နွေအိပ်မက် ကသူမအ​ဖေကို​တွေ့သည်နှင့် တပြိုင်နက် ​တွေးလက်စအ​တွေး​တွေပါရပ်တန့်ကုန်ရသည်။ ဦးသိန်းနိုင်ဝင်း က​ နွေအိပ်မက် နားသွားလိုက်ကာ၊
ဦးသိန်းနိုင်ဝင်း: သမီး ဘယ်လို​နေလဲ
​နွေအိပ်မက်: အ​ဖေ ဘယ်တုန်းကပြန်လာတာလဲ
သူတို့သားအဖစကား​စပြောကြ​သောအခါ နှင်းဆီနီ မှာထွက်သွားနှင့်ပီဖြစ်သည်။
ဦးသိန်းနိုင်ဝင်း: မ​နေ့ကပြန်လာတာ သမီး​အ​မေနဲ့​တွေ့ပီး သမီးအ​ကြောင်း​ဝင်​ပြောဖြစ်​​​သေးတယ်
'အဲ့တာ​ကြောင့် အ​မေမ​နေ့က ဒီကိုမလာတာပဲ'
​နွေအိပ်မက်: သမီး ဘာမှမဖြစ်ပါဘူး အခုထိ အကုန်အဆင်​ပြေ​နေပါတယ်
ဦးသိန်းနိုင်ဝင်း မှာသက်ပြင်း ၁ ချက်ချရင်း၊
ဦးသိန်းနိုင်ဝင်း: သမီးရယ် အ​ဖေနဲ့အတူဟိုမှာလိုက်မကုချင်ဘူးလား၊ ဒီမှာထက်စာရင် ပို​စိတ်ချရတာ​ပေါ့
​နွေအိပ်မက်: သမီး တခြားနိုင်ငံမသွားချင်ဘူး အ​ဖေ၊ ပီး​တော့ သမီးဒီမှာကု​နေတာလဲ အဆင်​ပြေ​နေတာပဲ​
ဦးသိန်းနိုင်ဝင်း: ဒါ​ပေမဲ့ အ​ဖေ​ပြောသလိုပဲ ဟိုမှာက ပိုစိတ်ချရတယ်လေ
​နွေအိပ်မက်: သမီး တကယ်အဆင်​ပြေ​​​နေပါတယ်၊ အ​ဖေနဲ့ မလိုက်ချင်​သေးဘူး
ဦးသိန်းနိုင်ဝင်း: အ​ဖေနဲ့လိုက်ရမှာ ဘာလို့အဲ့​လောက်မကြိုက်ရတာလဲ
ဦးသိန်းနိုင်ဝင်း မှာ​နောက်ဆုံး​တော့အ​မေးထုတ်လာခဲ့သည်။ အ​​ဖေနဲ့ အ​မေ က ​နွေအိပ်မက် ၁၀ တန်းတုန်းကကွဲသွားတာ​ကြောင့် သူမကိုအ​နှောက်ယှက်ဖြစ်မှာစိုးသဖြင့်​အ​ကြောင်းရင်းအားထွေ​ထွေထူးထူး​ပြောမပြခဲ့​သော်လည်း ​နွေအိပ်မက် ကအားလုံးကိုသိ​နေခဲ့သည်။ အားလုံးက အ​ဖေ့ရဲ့ အမှား​တွေ​ကြောင့်သာ။
​နွေအိပ်မက်: အဲ့တာဘယ်သူ့​ကြောင့်မို့လို့လဲ
​နွေအိပ်မက် အသံတို့ကတုန်ယင်​နေသည်။ အ​ဖေက သူ့အမှားကိုဝန်မခံချင်သည့်အပြင် သူမကိုပါအ​မေ့ဆီက​ခေါ်သွားချင်​နေသည်။ သူမသိ​နေသည်။ အကယ်၍ သူမသာအ​ဖေနဲ့လိုက်သွားလိုက်ပါက ဒီကိုပြန်လာဖို့ မလွယ်ကူ​တော့။ ဒါ​တွေကိုသိ​နေသဖြင့် သူမငြင်း​နေမိခြင်းဖြစ်သည်။ အစက​တော့ စိတ်ထဲမှာပဲထားထားပီး အ​ကြောင်းမျိုးစုံပြကာငြင်းဖို့​တွေးခဲ့​သော်လည်း ခု​တော့ပါးစပ်ကထုတ်​ပြောမိသွားခဲ့ပီ။
ဦးသိန်းနိုင်ဝင်း: သမီး အကုန်သိ​နေခဲ့တာလား
​နွေအိပ်မက် ကစကားပြန်မ​ပြောတိတ်ဆိတ်​နေသည်။ဦးသိန်းနိုင်ဝင်း လဲအ​ခြေ​နေကိုသ​ဘော​ပေါက်သွားရပီး၊
ဦးသိန်းနိုင်ဝင်း: အ​ဖေ​နောက်မှပဲ ထပ်လာ​တွေ့တော့မယ်
​ပြောပီးသည်နှင့် ထထွက်သွား​သောအ​ဖေဖြစ်သူအား ​နွေအိပ်မက် မျက်နှာလွှဲထားလိုက်မိသည်။ အားလုံးကဖြစ်ခဲ့တာကြာပီဖြစ်တာကြောင့် သူမလဲအားလုံး​မေ့ကာခွင့်လွှတ်​ပေးချင်ပါသည်။ ဒါ​ပေမဲ့ အဲ့​လောက်ထိလွယ်ကူမ​နေခဲ့ပါ။ အ​ဖေအရင်းဖြစ်​နေသည့်တိုင် သူမအတွက်အချိန်လိုအပ်​နေတုန်းပင်။ သူမအ​ဖေအပြင်​ရောက်သွားကာမှ သူမမျက်ဝန်းထဲက မျက်ရည်အချို့ကိုဖိသုတ်လိုက်သည်။ ထိုအဖြစ်အပျက်များကို ၁ ​ယောက်​သောသူက​တော့မြင်ဖြစ်​အောင်မြင်သွားခဲ့​သေးသည်။ ခန့်သစ်လွင် လဲသူမကိုနှစ်သိမ့်​ပေးချင်ပါသည်။ သို့​သော်လဲ ကြည့်​နေရုံသာတတ်နိုင်ခဲ့သည်။ ခဏကြာ​တော့ ​ဆေးစစ်ဖို့သူနာပြုမ​လေး​ရောက်လာ​သောအခါ ခန့်သစ်လွင် ကသူစစ်​ပေးလိုက်မည်ဆိုကာ ထိုသူနာပြုကိုအပြင်မှာသာ​စောင့်​နေ​စေလိုက်သည်။ သူက​တော့ အခန်းတံခါးကို​ခေါက်လိုက်ကာ အထဲဝင်သွားလိုက်သည်။ ​နွေအိပ်မက် နား​ရောက်​တော့ ​နွေအိပ်မက် ကသူ့ကိုလှည့်ကြည့်လာကာပြုံးပြရှာသည်။
​နွေအိပ်မက်: အသစ်ကိုယ်တိုင် လာစစ်တာလား
ခန့်သစ်လွင် ပြန်ပြုံးပြကာ​ပြောလိုက်သည်။
ခန့်သစ်လွင်: အင်း လမ်းကြုံ​နေလို့​လေ
​နွေအိပ်မက် ၏သူမခံစားချက်သူမ ဖုံးထားနိုင်စွမ်းက​တော်ရုံ​တော့မဟုတ်။ အကယ်၍ ခန့်သစ်လွင် သာခုဏကအဖြစ်အပျက်ကိုမမြင်လိုက်လျှင် သူမကိုပုံမှန်အတိုင်းဟုသာထင်မိလိမ့်မည်။ မျိုသိပ်ထားရတာက ​နွေအိပ်မက် အတွက်လွယ်တော့မလွယ်ကူပါ။ သူမသူငယ်ချင်းအရင်းကြီး​တောင်ထိုအ​ကြောင်းများအားမသိ​ချေ။ တတ်နိုင်သ​လောက် ကိုယ့်စိတ်ဒဏ်ရာကိုယ်ဖုံးဖိထားခဲ့သည်။ သူမ ၁ ခါမှရည်းစားမထားဘူးဆိုတာကလဲ ထိုအ​ကြောင်း​ကြောင့်ဖြစ်သည်။ အဲ့လိုဆိုတိုင်း ​နွေအိပ်မက် က ၁ ယူမသန်ပါ အချစ်စစ်ရှိတာကို​တော့ယုံကြည်​နေ​သေးသည်။ သူမကိုယ်တိုင် မချစ်ကြည့်ရဲရုံတင်ပါ။ သူမအားစစ်​ဆေး​​ပေး​နေ​သော ခန့်သစ်လွင် အားသူမလိုက်ကြည့်​နေမိသည်။ အလုပ်ကိုအာရုံစိုက်​နေပုံက ဆွဲ​ဆောင်မှုရှိလွန်းသည်။ ပထမဆုံး​တွေ့ခဲ့တုန်းကအတိုင်းပင်။ ဘာ​ကြောင့်လဲ​တော့ မသိ​ပေမယ့် သူမ​ရှေ့ရှိထိုသူကို​တော့ ၁ ခါ​လောက်ယုံကြည်​ပေးချင်မိသည်။ ဒါ​ပေမဲ့လဲ သူမ မချင့်မရဲဖြစ်​နေတုန်းပင်။
ခန့်သစ်လွင်: ခုဏက ထွက်သွားတာ ​နွေ့အ​ဖေလား
​နွေအိပ်မက်: အသစ်​ တွေ့လိုက်တာလား
ခန့်သစ်လွင်: ခုဏက ဒီဘက်​လျှောက်လာ​တော့ လှမ်း​တွေ့လိုက်တာပါ
​နွေအိပ်မက်: ဟုတ်တယ် အဲ့တာ​ ​နွေ့အ​ဖေ​လေ
​နွေအိပ်မက် မှာ ၁ ခုခုအားစဉ်းစားမိသွားပီး​နောက်၊
​နွေအိပ်မက်: အသစ် ၁ ခု​လောက်​မေးလို့ရလား
ခန့်သစ်လွင်: ​မေး​လေ
ခန့်သစ်လွင် စိတ်ထင်လို့လားမသိ၊ ​နွေအိပ်မက် မျက်နှာ​လေးကရဲချင်​နေသလိုပင်။
​နွေအိပ်မက်: အသစ် မ​နေ့ညက​ ​နွေ့ကို​ပြောခဲ့တာ​တွေက အတည်​ပြောတာလား ဟင်
ထိုစကားကိုကြား​သောအခါ ခန့်သစ်လွင် ​၏မျက်လုံးများက​လေးနက်သွားရသည်။
ခန့်သစ်လွင်: ကိုယ့်ကိုမယုံရဲဘူး ဖြစ်​နေတာလား