Unicode
'အင်း' ဆိုတဲ့စကားလေး ၁ လုံးက ခန့်သစ်လွင် ကို ဒီလောက်ထိရင်ခုန်အောင်လုပ်နိုင်လိမ့်မယ့်လို့ ၁ ခါမှထင်မထားခဲ့မိတာဖြစ်သည်။ နောက်ဆုံးတော့ နွေအိပ်မက် ကသူ့ကိုလက်ခံခဲ့ပီဖြစ်သည်။ သူအရမ်းပျော်နေမိတာကြောင့် နှစ်နှစ်ခြိုက်ခြိုက်ပြုံးလိုက်မိသည်။
ခန့်သစ်လွင်: ကိုယ့်ကိုလက်ခံပေးတာ တကယ်ကျေးဇူးတင်ပါတယ် နွေ
ခန့်သစ်လွင် ထိုမျှလောက်ထိ နှစ်နှစ်ခြိုက်ခြိုက်ပြုံးကာ ပျော်နေပုံကို နွေအိပ်မက် ပထမဆုံးမြင်ဖူးခြင်းဖြစ်လေသည်။ နွေအိပ်မက် သူ့ကိုသာကြည့်နေမိတော့သည်။ ခန့်သစ်လွင် ကရယ်လိုက်ရင် တကယ်ကိုဆွဲဆောင်မှုရှိသည်။ ပြုံးလိုက်တိုင်းလူကို ငေးခနဲ ဖြစ်သွားစေနိုင်သည်။
နွေအိပ်မက်: တခြားလူနာတွေသွားကြည့်တော့လေ
နွေအိပ်မက် လဲရှက်နေတာနဲ့ ခန့်သစ်လွင် ကိုနှင်လွှတ်ဖို့ကြိုးစားမိတော့သည်။
ခန့်သစ်လွင်: အင်းပါ အဲ့တာဆိုကိုယ်သွားပီနော်
ပြောပီး နွေအိပ်မက် ခေါင်းလေးကို ၁ ချက်ဖွလိုက်ကာ ထွက်သွားလေတော့သည်။ ခန့်သစ်လွင် အပြင်ထွက်သွားကြောင်းသေချာမှာ နွေအိပ်မက် မှာအိပ်ရာပေါ်လှဲချလိုက်ပီး ခေါင်းမြီးခြုံလိုက်ကာ၊
နွေအိပ်မက်: အရမ်းချောတာပဲ၊ ခုချိန်ထိရင်တွေခုန်နေတုန်းပဲ
_______
ခန့်သစ်လွင် ကတော့ အခန်းတံခါးရှေ့မှာရပ်မိလျက်ပြုံးမိသည်။
'ချစ်စရာလေးကွာ'
ပီးမှသာ ထိုနေရာမှထွက်လာခဲ့တော့သည်။
_______
ညနေလောက်ရောက်တော့ မေအိမ့်မှူး ကအချိန်မှန်ကိုသူ့အားလာခေါ်လေတော့သည်။
မေအိမ့်မှူး: ခန့်သစ် အိမ့်မှူး တို့သွားရအောင်လေ
ခန့်သစ်လွင်: အင်း
ခန့်သစ်လွင် မှာတော့ မေအိမ့်မှူး စိတ်ချမ်းသာအောင် လိုက်လာခြင်းသာဖြစ်လေသည်။ မဟုတ်ရင် သူ့ကိုနှောက်ယှက်နေမှာသူသိသည်။ သူတို့ထွက်လာချိန်တွင် ရဲရင့်သွေး နှင့်တွေ့မိသဖြင့် ခန့်သစ်လွင် ၁ ယောက် ပြိုကျနေသောအဆောက်ဦးအောက်ပိတ်မိနေချိန် ကယ်ဆယ်ရေးကိုတွေ့လိုက်ရသလိုခံစားလိုက်ရသည်။ ရဲရင့်သွေး ကလဲ သူ့သူငယ်ချင်းအားတွေ့လိုက်သည်နှင့် ထိုခံစားချက်ကိုရိပ်မိပုံပေါ်လေသည်။ ချက်ချင်း သူတို့ဆီလျှောက်လာလျက်၊
ရဲရင်သွေး: အိမ့်မှူး နင်တကယ်ကြီး ဆေးရုံထိရောက်နေတာပဲ
မေအိမ့်မှူး: ဒါပေါ့
ရဲရင့်သွေး: ဒါနဲ့ ဘယ်သွားကြမလို့လဲ
မေအိမ့်မှူး: ခန့်သစ် နဲ့ညနေစာတူတူသွားစားမလို့လေ
ရဲရင့်သွေး: နင့်ထက်အကြီးကို အကိုဖြစ်ဖြစ် ကိုခန့်သစ် ဖြစ်ဖြစ်ခေါ်လေ ဘယ်လိုဖြစ်လို့ နာမည်ပဲခေါ်နေတာလဲ
မေအိမ့်မှူး ကသူ့အစ်ကိုအား ပွားလွန်းတယ်ဟူသောအကြည့်ဖြင့်ကြည့်လိုက်ပီးနောက်၊
မေအိမ့်မှူး: အိမ့်မှူး ဘာသာခေါ်ချင်သလိုခေါ်မှာပေါ့
ရဲရင့်သွေး: အေးပါဟာ နင်တို့အခုညနေစာသွားစားမှာမလား ငါလဲလိုက်မယ် ငါလဲမစားရသေးဘူး
မေအိမ့်မှူး ကလက်မခံချင်သလိုကြည့်လာသောအခါ ရဲရင့်သွေး က ခန့်သစ်လွင် ဆီအကြည့်ပြောင်းလိုက်လျက် အချက်ပြလိုက်သည်။
ခန့်သစ်လွင်: လိုက်ခဲ့လေ ၁ ခါတည်းတူတူသွားစားကြတာပေါ့
ခန့်သစ်လွင် ကိုယ်တိုင်က ရဲရင့်သွေး အားလိုက်ခဲ့ရန် သဘောတူနေသောအခါ မေအိမ့်မှူး ကဘာမှတော့မပြောတော့သော်လည်း သိပ်တော့ကျေနပ်ပုံမပေါ်ပါ။
ရဲရင့်သွေး ကတော့အောင်သူအပြုံးနှင့် သူ့ညီမကို ၁ ချက်ကြည့်လိုက်ရင်း၊
ရဲရင့်သွေး: အဲ့တာဆို သွားကြမယ်လေ
သူတို့ဆေးရုံရှေ့ရောက်ကာမှ မိုးကလဲမပြောမဆိုရွာကျလာတော့သည်။ လျှပ်စီးတွေလည်း ၁ ချက် ၁ ချက်လက်သေးသည်။ ထိုအချိန် ခန့်သစ်လွင် စိတ်ထဲတွေးမိတာက နွေအိပ်မက် ကိုပင်ဖြစ်လေသည်။ ထိုကောင်မလေးက ခုနောက်ပိုင်းသူ့ကိုလာစောင့်ပေးမဲ့လူမရှိလျှင် သူနာပြုကိုပင် စောင့်မအိပ်ခိုင်းတော့ပါ။ ကြည့်ရတာ နေရာနဲ့အသားကျသွားလို့ထင်သည်။ ခုလို မိုးတွေရွာ လျှပ်စီးတွေလက်နဲ့ ၁ ယောက်ထဲဘယ်လိုနေနေလဲမသိ။
ခန့်သစ်လွင်: မင်းတို့ပဲ သွားလိုက်ကြတော့ ငါခုမှလုပ်စရာလေးသတိရလာလို့
ပြောပီးသည်နှင့်ထွက်သွားတာကြောင့် ရဲရင့်သွေးနှင့် မေအိမ့်မှူး တောင်ဘာမှပြန်ပြောချိန်မရလိုက်ချေ။ မောင်နှမ ၂ ယောက်အချင်းချင်းသာကြည့်နေမိတော့သည်။
_______
ခန့်သစ်လွင် ကတော့ နွေအိပ်မက် အခန်းဆီလာခဲ့သည်။ အခန်းရှေ့ရောက်တော့ မဝင်သေးဘဲ အထဲကိုအရင် ၁ ချက်ကြည့်မိတော့ ခေါင်းမြီးခြုံကာ မျက်နှာလေးတင်ဖော်ထားပီး ပြတင်းပေါက်ကိုကျောပေးအိပ်နေသော နွေအိပ်မက် ကိုတွေ့လိုက်ရသည်။ ခန့်သစ်လွင် လဲအထဲသို့အသာဝင်လာလိုက်ပီး သူမဆီလျှောက်သွားလိုက်ကာ လက်ကလေးကိုကိုင်လိုက်မိတော့ လန့်သွားလို့ထင်သည် အနည်းငယ်တုန်သွားရသည်။ ပီးမှ မျက်လုံးတွေဖွင့်လာပီး သူ့ကိုကြည့်လာသည်။
နွေအိပ်မက်: အသစ်လား
နွေအိပ်မက် အသံတိုးလျလျလေးထွက်လာသည်။
ခန့်သစ်လွင်: ကြောက်နေရင် ဘာလို့မီးထမဖွင့်တာလဲ
နွေအိပ်မက်: မီးထဖွင့်ချင်ပါတယ်၊ ဒါပေမဲ့ ခုဏကအိပ်မက်ဆိုးမက်တော့ ထဖို့မရဲဘူးဖြစ်နေတာ
ခန့်သစ်လွင် ကသက်ပြင်း ၁ ချက်ချလိုက်ရင်း ကိုယ်တိုင်မီးထဖွင့်ပေးလိုက်ရသည်။ ပီးမှ နွေအိပ်မက် နားပြန်လာထိုင်ကာ၊
ခန့်သစ်လွင်: ဘာအိပ်မက်ဆိုးမက်လို့လဲ
နွေအိပ်မက် ကခေါင်းလေးအသာရမ်းပြရင်း၊
နွေအိပ်မက်: နွေ လဲမမှတ်မိတော့ဘူး နိုးလာတော့အရမ်းကြောက်နေတာပဲသိတယ်၊ နွေ့ ဦးနှောက်ကအဲ့လိုကောင်းတာ
ပြောရင်း သူမဘာသာသူမရယ်နေလိုက်သေးသည်။ ခုဏကကြောက်နေတာ သူမ မဟုတ်သည့်အတိုင်းပင်။ ခန့်သစ်လွင် လဲအသည်းယားလာသဖြင့် သူမပါးဖောင်းဖောင်းလေးကို မနာအောင်ခပ်ဖွဖွဆွဲလိုက်သည်။
ခန့်သစ်လွင်: လူရှိနေတော့ မကြောက်တော့ဘူးလား၊ သူကရယ်တောင်နေလိုက်သေး
နွေအိပ်မက် ခေါင်းတဆက်ဆက်ညိတ်ပြနေပုံလေးကလဲ အလွန်ချစ်စရာကောင်းနေပြန်သည်။

YOU ARE READING
ကျွန်တော့်ရဲ့ နွေအိပ်မက်လေး
Romance'နာကျင်မှုတွေ အခက်အခဲတွေမရှိပဲ အချစ်စစ် ၁ ခုကိုရှာမတွေ့နိုင်ဘူး။ အချစ်စစ် ၁ ခုကိုလိုချင်ရင်တော့ နာကျင်မှုနဲ့ အခက်အခဲတွေကိုကျော်ဖြတ်ရမှာပဲ' (Unicode+Zawgyi)