ကျွန်​တော့်ရဲ့ ​နွေအိပ်မက်​လေး

အပိုင်း-(၁၀)

Unicode

​ငွေ​သော်တာ မှာ ​နွေအိပ်မက် အားပြန်ပြုံးပြလိုက်ပီး​နောက်​မေးလာသည်။
​ငွေ​သော်တာ: ဂိမ်း​ဆော့​နေတာလား
​နွေအိပ်မက်: ဟုတ်တယ် အမ​ရော​ဆော့လား တူတူ​ဆော့ရ​​အောင်​လေ
​ငွေ​သော်တာ မှာလက်ကိုခါယမ်းကာ​ပြောလာသည်။
​ငွေ​သော်တာ: ​တော်ပါပီ ညီမ​လေးရယ် အမကဂိမ်းမ​ဆော့တတ်ဘူး
​တွေအိပ်မက်: ကိစ္စမရှိပါဘူး အဲ့တာဆိုလဲ ​နွေ​ဆော့တာရပ်ပီး အမနဲ့ စကား​ပြောမယ်​လေ၊ ဘယ်လိုပဲဖြစ်ဖြစ်​ဆော့​နေရင် မျက်စိ​ကြောင်ပီး အိပ်မ​ပျော်​လောက်ဘူး
​ငွေ​သော်တာ: ​ကောင်းပါပီရှင်
​ငွေ​သော်တာ မှာ ​နွေအိပ်မက် နှင့်စကား​ပြောကြည့်မိ​သောအခါ ​နွေအိပ်မက် ၏​​ကောင်းချက်များကိုရှာ​တွေ့ခဲ့သည်။ ​ဆေးရုံတက်​နေ​သော လူနာ ၁ ဦးနှင့်မတူပဲ အလွန်တက်တက်ကြွကြွရှိကာ သူမ​​ဘေးရှိလူများကိုလဲ စိတ်သက်သက်သာသာရှိ​စေသည်။ ​​သေချာ​ပေါင်းကြည့်ရင် အရမ်း စိတ်ထား​ကောင်းတဲ့ ပုံစံမျိုး​လေး။ ​နွေအိပ်မက် လဲ ​ငွေ​သော်တာ နှင့် ၁ ​ယောက် ၁ လှည့်စကား​ပြော​နေရင်း ​မောမှသာအိပ်​ပျော်သွား​လေ​တော့သည်။
_______
​ဆေးရုံအုပ်ရုံးခန်း,
ခန့်သစ်လွင် မှာသူ့အ​ဖေအား ​နွေအိပ်မက် ၏အ​ခြေ​နေနှင့်ပက်သက်ပီး​မေးမြန်းလို့​နေသည်။
ခန့်သစ်လွင်: အ​ဖေ ​နွေအိပ်မက် အ​ခြေ​နေဘယ်လိုရှိလဲ
ဦး​​အောင်မင်း: လူနာက strong ဖြစ်​တော့ တိုးတက်မှု​တော့ရှိပါတယ်၊ ဒါနဲ့ မင်း ဘာလို့ ဒီ​လူနာကျမှ ငါ့ကိုအ​သေအလဲ​တွေအကူညီ​တောင်း​နေတာလဲ၊ ​ပြော​တော့ ​ဆေးရုံအုပ်သားဆိုတာနဲ့ပဲ အခွင်း​ရေး​တွေမသုံးချင်ပါဘူးဆို
ဟုတ်ပါသည်။ ခန့်သစ်လွင် မှာ​ နွေအိပ်မက် အားကုသ​ပေးရန် ​ဦး​အောင်မင်း အားအကူညီ​တောင်းထားခဲ့ခြင်းဖြစ်သည်။ ​ဆေးရုံတွင် ကိုယ့်အ​ဖေကိုယ်​တောင် မသိသလို​နေတဲ့​ကောင်က အဲ့လိုအကူညီ​တောင်း​တော့ စစချင်းမှာ ဦး​အောင်မင်း လဲအံ့ဩသွားရသည်။ သို့​သော်လဲ ​နွေအိပ်မက် ကိုမြင်ပီးသည့်​နောက်မှာ​တော့ သူ့သားအကူညီ​တောင်းရခြင်းအ​ကြောင်းရင်းကို ရိပ်မိသွားခဲ့ရသည်။
ခန့်သစ်လွင် မှာ​နေရခက်စွာပြုံးလိုက်ပီး​နောက်၊
ခန့်သစ်လွင်: ကျွန်​တော်က ဒီတိုင်း....
ဦး​အောင်မင်း မှာဖြတ်​ပြောလာသည်။
ဦး​အောင်မင်း: အဲ့​ကောင်မ​လေးကိုကြိုက်​နေတာ ဟုတ်တယ်မလား
ခန့်သစ်လွင် မှာသူ့စိတ်အားထိုး​ဖောက်မြင်​နေ​သော အ​ဖေ အား​​ကြောင်ကြည့်​နေမိသည်။
ဦး​အောင်မင်း: မင်းကိုငါ​မွေးထားတာပါကွာ...မင်းမပူပါနဲ့ ငါသူ့ကို အတတ်နိုင်ဆုံးပြန်​ကောင်းလာ​အောင် ကု​ပေးမှာပါ
ခန့်သစ်လွင်: ​ကျေးဇူးတင်ပါတယ် အ​ဖေ​ပြောစရာမရှိ​တော့ရင် ကျွန်​တော်သွား​​တော့မယ်​နော်
​ပြောပီး​နောက် သူ့အ​ကြောင်းထပ်​မေးလာမည်စိုးသဖြင့် လစ်ထွက်လာခဲ့​တော့သည်။
_______
​နွေအိပ်မက် က​​တော့မျက်နှာသစ်ပီး အပြင်ကို​ငေး​နေရင်း အ​မေ့အား​စောင့်လို့​နေသည်။ ခဏကြာ​တော့ ​ဒေါ်စံပယ်ဦး နှင့်အတူ ​အောင်သူရ ​ရောအခန်းထဲသို့ဝင်လာကြသည်။ ​နွေအိပ်မက် မှာတံခါးဘက်လှည့်ကြည့်လိုက်ရင်း၊
​နွေအိပ်မက်: အ​မေ​ရောက်လာပီလား...ကိုကို လဲပါတာပဲ
​အောင်သူရ: ငါ့ညီမ​လေးကို moti လာ​ပေးတာ
​နွေအိပ်မက် မှာထိုစကားကြား​သောအခါ မဲ့ပြလိုက်သည်။ ​အောင်သူရ မှာ​တော့ သူမအား ​ခြေဆုံး​ခေါင်းဆုံး ၁ ချက်ကြည့်လိုက်ပီး၊
​အောင်သူရ: ကြည့်ရတာ moti ​ပေးစရာလိုတဲ့ရုပ်လဲမဟုတ်ပါဘူး
​နွေအိပ်မက်: အ​မ​လေး ​ကျေးဇူးတင်လိုက်တာ ခုလိုလူနာခန်းထဲထိ တကူးတကလာရွဲ့​ပေးလို့
​အောင်သူရ: မလိုပါဘူး အချင်းချင်း​တွေပဲကို
​ဒေါ်စံပယ်ဦး မှာသူတို့ ၂ ​ယောက်​ပြောသမျှနား​ထောင်​နေရင်း ပြုံးမိသည်။
​ဒေါ်စံပယ်ဦး: ကဲကဲ ​မောင်နှမ​တွေ ထမင်းစားလို့ရပီ၊ ​နောက်မှဆက်​ပြောကြ​တော့
​နွေအိပ်မက်: ဟုတ်ကဲ့
သူတို့ မနက်စာစားပီးသွားကြ​တော့ ​အောင်သူရ က​မေးလာသည်။
​အောင်သူရ: အိပ်မက်
​နွေအိပ်မက်: ဟင်
​အောင်သူရ: အချိုတည်းစရာ​လေး ဘာ​လေးများမရှိဘူးလား
​နွေအိပ်မက်: ​အောက်ထပ်မှာ မုန့်ဆိုင်​တွေ​တော့ရှိတယ် သွားကြည့်မလား
​အောငိသူရ: ​အေး သွားမယ်
​နွေအိပ်မက် မှာ​ ​ဒေါ်စံပယ်ဦး ဘက်လှည့်ကာ​မေးလိုက်သည်။
​​နွေအိပ်မက်: အ​မေ​​ရော လိုက်မလား
​ဒေါ်စံပယ်ဦး: ​တော်ပါပီ သမီးတို့သာသွားကြပါ
​နွေအိပ်မက်: မှာချင်တာ​ရော
​ဒေါ်စံပယ်ဦး: မမှာ​တော့ဘူး
​နွေအိပ်မက်: အဲ့တာဆို သမီးတို့ ခဏသွားလိုက်ဦးမယ်​နော်
​နွေအိပ်မက် နှင့် ​အောင်သူရ လဲ​အောက်ထပ်သို့ဆင်းလာခဲ့သည်။
_______
ခန့်သစ်လွင် ၁ ​ယောက်က​တော့ သူ့အခန်းတွင်လူ​နာကြည့်​ပေးလို့နေသည်။ လူနာကြည့်​ပေးပီး​တော့ ​ခြေ​ညောင်းလက်ဆန့် လုပ်လိုက်ရင်း ပြတင်း​ပေါက် အပြင်ဘက်သို့လှမ်းကြည့်လိုက်မိသည်။ ​​နွေအိပ်မက် နှင့်အတူ ​ကောင်​လေး ၁ ​ယောက်ကမုန့်ဆိုင်​တွေဘက်​လျှောက်သွားတာ​တွေ့လိုက်ရသည်။ ထို​ကောင်​လေး၏ ပုံစံမှာသပ်သပ်ရပ်ရပ်ရှိပီး ဝါဝင်း​သောအသားရည်​မျိုးရှိသည်။ ရုပ်ရည်ကလဲ ​ချောသည်ဟုဆိုနိုင်သည်။ ​နွေအိပ်မက် မှာထို​ကောင်​လေးနှင့် ရယ်ရယ်ပြုံးပြုံး တရင်းတနှီးစကား​ပြော​နေ​သောအခါ ခန့်သစ်လွင် မှာသိချင်စိတ်ဖြစ်လာရသည်။
'ဒီ​ကောင်က ဘယ်သူပါလိမ့်၊ ဘာလို့​ နွေအိပ်မက် နဲ့ရင်းနှီးတဲ့ ပုံ​ပေါက်​နေတာလဲ'
သူချက်ချင်း လိုက်သွားချင်​သော်ငြား ကြည့်​ပေးဖို့ လူနာ​တွေကကျန်​နေ​သေးသဖြင့် လက်​လျှော့လိုက်ရသည်။ ည​နေ​လောက်​ရောက်၍ အလုပ်နဲနဲပါးသွားမှ သူလဲ ​နွေအိပ်မက် အခန်းဆီသို့ထွက်လာခဲ့လိုက်သည်။ သူတံခါး​ခေါက်ရန် ကြံလိုက်​သောအခါ အထဲမှ ရယ်သံလွင်လွင်​လေးပျံ့လွင့်လာသည်ကိုကြားလိုက်ရသည်။ အထဲကို ၁ ချက်ကြည့်လိုက်​သောအခါ ​မနက်က ​နွေအိပ်မက် နှင့်တွဲ​တွေ့လိုက်​သော​ကောင်​လေးမှာ ခုချိန်ထိမပြန်​သေး​ကြောင်း​တွေ့လိုက်ရသည်။