ကျွန်​တော့်ရဲ့ ​နွေအိပ်မက်​လေး

အပိုင်း-(၇)

Unicode

​နွေအိပ်မက် အိမ်သို့ပြန်​ရောက်လာခဲ့သည်။ ​ဒေါ်စံပယ်ဦး မှာ​​နေ့လည်စာအတွက်ပြင်ဆင်​နေရင်းက ​​​ပြောလာသည်။
​ဒေါ်စံပယ်ဦး: သမီး ဆရာဝန် ကဘာတဲ့လဲ
​နွေအိပ်မက် မှာသူမအ​မေအားအကြာကြီးကြည့်လို့​နေသည်။ ​ဒေါ်စံပယ်ဦး မှာ​တော့ စကားပြန်မရသဖြင့် ​နွေအိပ်မက် နားသွားလိုက်ကာ၊
​ဒေါ်စံပယ်ဦး: သမီးဘာဖြစ်လို့လဲ
ထိုအခါမှသာ ​နွေအိပ်မက် မှာတိုးလျစွာပြန်​ဖြေလာ​တော့သည်။
​နွေအိပ်မက်: အ​မေ...ဆရာဝန် က​ပြောတယ်၊ သမီးက အသည်းကင်ဆာဖြစ်​နေတာတဲ့
​ဒေါ်စံပယ်ဦး မှာအံ့ဩဆွံ့အသွားရသည်။ အရမ်းလဲစိတ်ပူသွားရသည်။ သို့​သော်လဲ သူမမှာစိတ်မာသူ ၁ ဦးဖြစ်ရာ အရမ်း​တော့ ​ရှော့မရသွားပါ​ချေ။
​ဒေါ်စံပယ်ဦး: သမီးရယ် ​သေချာရဲ့လား
​နွေအိပ်မက်: ဟုတ်...ဒါ​ပေမဲ့...အ​မေ အရမ်းကြီးစိတ်မပူပါနဲ့ ဆရာဝန်က​ပြောတယ်...​သမီး အ​ခြေ​နေကအရမ်းမဆိုး​သေး​တော့ ပျောက်​အောင်ကုလို့ရပါတယ်တဲ့
​ဒေါ်စံပယ်ဦး မှာစဉ်းစားချင့်ချိန်ကာ​ပြောလာသည်။
​ဒေါ်စံပယ်ဦး: သမီး ဒါမှမဟုတ်လဲ သမီး​အ​ဖေက အ​မေရိကားမှာရှိ​နေတာပဲ အဲ့မှာသွားကုရင်​ရော
​နွေအိပ်မက်: သမီး နိုင်ငံခြားကိုမသွားချင်ဘူး အ​မေ အရမ်းစိတ်ရှုပ်ရလိမ့်မယ်...ဒီမှာပဲ အရင်ကုကြရ​အောင်ပါ ​နော်
​ဒေါ်စံပယ်ဦး မှာသက်ပြင်း ၁ ချက်ချလိုက်ပီး​နောက်၊
​ဒေါ်စံပယ်ဦး: အဲ့တာဆိုလဲ အရင်ဆုံးဒီမှာကုပီး အ​ခြေ​နေ​စောင့်ကြည့်ကြတာ​ပေါ့....ပီး​တော့ သမီးအလုပ်​တွေကိုအမြန် တခြားလူကိုလွှဲ​ပေးလိုက်​တော့ ​ဆေးကုဖို့ပဲအရင်လုပ်ရ​အောင်
​နွေအိပ်မက်: ဟုတ်
​ဒေါ်စံပယ်ဦး မှာ​ နွေအိပ်မက် ၏​ကျော​လေးကိုပုတ်ကာနှစ်သိမ့်လိုက်သည်။
​ဒေါ်စံပယ်ဦး: သမီး ဘာမှမပူနဲ့ သမီး လုံးဝ​နေပြန်​​ကောင်း​စေရမယ်
​နွေအိပ်မက် မှာသူမအ​မေ၏ ရင်ခွက်ထဲတွင်​ဝင်​နေလိုက်​တော့သည်။ ​ဒေါ်စံပယ်ဦး မှာ​တော့ သူမအားထွေးထားလိုက်သည်။
_______
ရုံးတွင်ဖြစ်သည်။ ​နွေအိပ်မက် မှာအလုပ်များအားလုံးကို လက်​​ထောက်အားလွှဲ​ပေး​နေသည်။
လက်​ထောက်: မ​နွေအိပ်မက် ​ဆေးရုံကဘယ်​​နေ့သွားမှာလဲ
​နွေအိပ်မက်: မနက်ဖြန်​လေ အဲ့တာ​ကြောင့် ဒီ​နေ့အလုပ်​တွေအကုန်လာ လက်စသပ်တာ
လက်​ထောက်: မ​နွေအိပ်မက် အားတင်းထား​နော် ကျွန်​တော်တို့လဲ အားရင်လာလည်ပါ့မယ်
​နွေအိပ်မက် မှာပြုံးလျက်သာပြန်​ဖြေလာသည်။ သူမ၏အခုစိတ်အ​ခြေ​နေမှာ စစချင်းကထက် အများကြီး​​ကောင်းလာသည်ဟု​ပြောလို့ရသည်။ သူမစိတ်ကိုပြင်ဆင်သွားနိုင်ခဲ့သည်။
​နွေအိပ်မက်: ​ကျေးဇူး
_______
​နွေအိပ်မက်​ အားဆေးရုံသို့ ​ဒေါ်စံပယ်ဦး နှင့် နှင်းဆီနီ တို့လိုက်ပို့​ပေးကြသည်။ သူမအတွက် VIP ခန်း ၁ ခန်းအားငှား​ပေးထားသည်။ သူမတို့​ရောက်​သောအခါ ပစ္စည်းများကိုအရင်​နေရာချကြသည်။
​ဒေါ်စံပယ်ဦး: ဒီ​နေ့ ပထမဆုံး​နေ့ဆို​တော့ အ​မေ​စောင့်​အိပ်​​ပေးရမလား
နှင်းဆီနီ: ငါ​ရော အိပ်​ပေးရမလား
​နွေအိပ်မက် မှာပြုံးလျက် လက်ရမ်းကာ​​ပြောလာသည်။
​နွေအိပ်မက်: မလိုပါဘူး ၂ ​ယောက်လုံးပြန်ပီး အနားယူကြပါ၊ ဒီမှာအိပ်ရတာ သက်​တောင့်သက်သာ ရှိမှာမဟုတ်ဘူး
​ဒေါ်စံပယ်ဦး: အဲ့တာဆိုလဲ ​ဆေးစစ်ပီးတဲ့ထိ​တော့​နေ​ပေးမယ်​လေ
နှင်းဆီနီ: ငါ​ရောပဲ
​နွေအိပ်မက် မှာငြင်းလို့မရမှန်းသိ​နေသဖြင့် လက်ခံလိုက်ရသည်။ ​ဆေးစစ်ချိန်​ရောက်​သောအခါ ဆရာဝန် ၁ ​ယောက်နှင့် သူနာပြု ၁ ​ယောက်​ရောက်လာခဲ့သည်။ ဆရာဝန်ကြီး မှာ​ နွေအိပ်မက် ၏အ​ဖေအရွယ်​လောက်​တော့ရှိသည်။ သို့​သော်လဲ ပြုံးပြုံး ပြုံးပြုံး နှင့်အလွန်သ​ဘော​ကောင်းသည်။ စစ်​ဆေးပီး​​နောက်ပြန်ထွက်သွားသည်။ နှင်းဆီနီ မှာ​နွေအိပ်မက် နားကပ်ကာ​ပြောလာသည်။
နှင်းဆီနီ: ဟို ​ဒေါက်တာ ​ချော​​ချော​လေး မကု​ပေးဘူးလား
​နွေအိပ်မက် မှာ နှင်းဆီနီ အားတွန်းလိုက်လျက်​ပြောလာသည်။
​နွေအိပ်မက်: နင်ဘယ်လိုဖြစ်
ည​နေ​လောက်​ရောက်​တော့ နှင်းဆီနီ​ ​ရော ​ဒေါ်စံပယ်ဦး ပါပြန်သွားကြသည်။ ​နွေအိပ်မက် မှာ​နေရာစိမ်း​နေသဖြင့် ၁ မျိုးကြီးခံစားရသည်။ ထို့အပြင် သူမ​ရောက်​နေတာက ​ဆေးရုံဖြစ်​နေ​တော့ပိုဆိုးသည်။ သူမမှာ ပြတင်း​ပေါက်အပြင်ဘက်ကို​ငေးကြည့်​နေရင်း ​တွေးမိ​တွေးရာ​တွေး​နေခဲ့မိသည်။ သူမဘဝကလဲ တကယ်ကို'ကံဆိုးမသွားရာ မိုးလိုက်လို့ရွာ'ဆိုသလိုပဲ။ တိုက်တိုက်ဆိုင်ဆိုင် ၁၀ တန်း နှစ်​ရောက်မှ အ​ဖေနဲ့ အ​မေ ကကွဲသွားသည်။ သူမမှာ သူမ၏စိတ်အဆင်မ​ပြေမှုများကို လျစ်လျူရှုရန် အ​တော်ကြိုးစားခဲ့ရသည်။ အခု အရာအားလုံး​မေ့​မေ့​​ပျောက်​ပျောက် ဖြစ်ပီး အဆင်​ပြေခါနီးကာမှ ဒီ​ရောဂါက ထဖြစ်ပြန်သည်။ တကယ်ကို ကံဆိုးလွန်းသည်။ ထိုအချိန်တွင် သူမအခန်းတံခါး​အား ၁ ​ယောက်​ယောက်ကခေါက်လာသည်။ ထိုအခါမှသာ သူမအ​တွေးများပြတ်​တောက်သွားရသည်။ အထဲသို့ ဆရာဝန် ၁ ​ယောက်နှင့် သူနာပြု ၁ ​ယောက်ဝင်လာပြန်သည်။ ဆရာဝန်မှာ ခန့်သစ်လွင် ဖြစ်သည်။
ခန့်သစ်လွင်: ကျွန်​တော် ည​နေဘက် round လှည့်တာပါ၊ လူနာ အဆင်မ​ပြောတာ​တွေ ဘာ​တွေများရှိလား
​နွေအိပ်မက် မှာပြုံးပြလိုက်လျက်၊
​နွေအိပ်မက်: အကုန်​ပြေပါတယ်၊ ၁ ခုပဲ
ခန့်သစ်လွင်: ဘာဖြစ်လို့လဲ
​နွေအိပ်မက်: ကျွန်မ သရဲ​ကြောက်တယ်
လုန်ပြန်ပီ။ ထို​ကောင်မ​လေး၏ရုတ်တရက်စကား ၁ ခွန်းမှာ ခန့်သစ်လွင် အားအမြဲ ပြုံးသွား​အောင်လုပ်နိုင်သည်။
ခန့်သစ်လွင်: သရဲမရှိပါဘူး
​နွေအိပ်မက်: ​ဒါပေမဲ့ ​​ကြောက်တာပဲ​လေ
ခန့်သစ်လွင်: အဲ့တာဆို ဘာလို့ အိမ်ကလူ​တွေကိုပြန်လွှတ်လိုက်တာလဲ
​နွေအိပ်မက် မှာခုမှ​နောင်တရ​သောပုံ​လေးဖြင့်၊
​နွေအိပ်မက်: အဲ့တုန်းကလင်း​နေ​သေးတယ်​လေ ​ကြောက်ရ​ကောင်းမှန်းမှမသိတာ