11 காதலன்!
மட்டன் சூப் குடித்து முடித்ததும் தலை வலி முழுவதுமாக விட்டிருந்தது கிருஷ்ணாவுக்கு “மாமா இப்போ பரவாயில்லையா”
“பரவாயில்லை ராதா சிக்கன் நல்லா இருக்கு இன்னும் வாங்கிட்டு வரேன் இரு”
“கிருஷ்ணா போதும் எனக்கு வயிறு புல் ஆகிடுச்சி”
“சும்மா இரு இப்ப வேணாம்’ன்னு சொல்லுவ அப்புறம் வந்து என் உயிரை வாங்குவ வீட்டுக்கு போனதும். கிருஷ்ணா சிக்கன் வேணும் மட்டன் வேணும்’ன்னு கேட்ப இரு வாங்கிட்டு வரேன் வயிறு முட்ட சாப்பிடு, வெயிட் வேற குறஞ்சிட்டே போற”
அனுக்கு கிருஷ்ணா மேல் மதிப்பு கூடிக்கொண்டே போனது அதே சமயம் தன் தோழி ராதாவை வெறுத்தாள்.
‘இவ பெண்ணே இல்லை, பாஸ் எவ்வளவு அழகா பாத்துக்கிறார் இவ எதுக்கு தேவை இல்லாம பாஸையும் கஷ்டப்படுத்திட்டு மாதவனையும் கஷ்டப்படுத்திட்டு இருக்கா’ன்னு தெரியலை’ மனதில் இயல்பாக நினைத்த அவளால் தோழி செய்யும் தவறை தட்டிக் கேட்கும் அளவுக்கு தைரியமில்லை அவளை துன்புறுத்தும் விருப்பமும் இல்லை.
‘ஒரு மாசம் தானே பாத்துக்கலாம் இன்னொரு முறை இதை பத்தி எதாவது அவள் பேசட்டும் இருக்கு அவளுக்கு’
கிருஷ்ணா சிக்கன் இரண்டு பிளேட் வாங்கி வந்து இவர்கள் அருகில் நின்றவன்.
“அனு சூப் போதுமா? இல்லை இன்னும் வாங்கிட்டு வரட்டுமா”
“இன்னொன்னு வாங்கி தந்தா நல்லா தான் இருக்கும்”
“சேட்டை..“ அவளது தலையில் வைத்து ஒரு அமுக்கு அமுக்கி விட்டு.
“இரு வாங்கிட்டு வரேன்”
“பாஸ் நீங்க அமுக்கி அமுக்கியே நான் இன்னும் குள்ளையா ஆகிட்டேன்”
“இல்லைனா மட்டும் நீ ரொம்ப உசரம் பாரு, காமெடி பண்ணாத அனு”
“போங்க பாஸ் என் உசரம் வச்சி கிண்டல் செய்யாதிங்க எனக்கு பீலிங்கா இருக்கு”
