12 காதலன்!
அடுத்த நாள் அழகாக விடிந்தது… கிருஷ்ணாவின் முக்கியமான கிளையண்ட் இவனை பார்க்க சேலம் வருவதாக திடீர் செய்தி வர.
‘என்ன செய்யலாம், ராதாவையும் கூட்டிட்டு போலாமா’ கிருஷ்ணாவின் இன்னொரு மனம்.
‘அவ வந்து கிழிச்சிட்டு தான் மறு வேலை பார்ப்பா”
“டேய் கிருஷ்ணா கண்ணு கூசுது, லைட் ஆப் செய்யி நடுராத்திரியில் பேயிக்கா பேனு பார்க்கர”
‘தூக்கத்தில் கூட பாரு பக்கி பய புள்ள.. பேனு ஈருன்னு கடுப்பை கிளப்பிட்டு. எங்கு இவளை கூட்டிட்டு போகவும் முடியலை விட்டுட்டு போகவும் முடியலை. நானே குழம்பி போய் இருக்கேன், இந்த நேரத்தில் புலம்ப விட்டுட்டா’
“டேய் சொல்லிட்டே இருக்கேன் தூங்காம என்ன செஞ்சிட்டு இருக்க” எழுந்து உட்கார்ந்தாள் ராதா.
“எனக்கு மீட்டிங் இருக்கு வர சொல்லி இருக்காங்க”
“சரி பத்திரமா போயிட்டு வா போகும் போது அந்த லைட்டை அனைச்சிட்டு போ” அமர்ந்து இருந்தவள் மெத்தையில் சரிய.
“எனக்கு உன்னை தனியா விடுறது சரியா படலை”
“என்ன கிருஷ்ணா என் மேல நம்பிக்கை இல்லையா?”
“நம்பிக்கை இருக்கறதாலதான் விட முடியலை”
“லாஜிக்கே இல்லை டா, நீ சொல்லுவது”
“உன் மர மண்டைக்கு அந்த லாஜிக் தெரியாது”
‘உன்னை திரும்ப அவன் ஹர்ட் செஞ்சிட்டா நீ தாங்கிக்க மாட்ட டி இதை சொன்னா, கொடி பிடிச்சிட்டு வருவா… நான் வீரி சூரின்னு’
“டேய் மனசுல பேசுரதை விடுடா, எனக்கு மைன்ட் ரீடிங் தெரியாது”
“எனக்கு உன்னை பிரிந்து இருக்க முடியலை, அதால நீயும் என் கூட வந்திடு”
“கிருஷ்ணா இன்னும் கொஞ்ச நாள் தானே”
“சரி… தனியா உன்னை பாத்துப்ப இல்லை”
“ம்ம்ம்…”
“ராதா என்ன சோகமா ஆகிட்ட”
