ဧည့်ခန်းရဲ့ဟိုဘက်သည်ဘက်လျှောက်ရင်း TV ကြည့်နေတဲ့ကိုကြီးကို လှမ်းကြည့်ကာ ....
" အမေ..... သားပန်းရောင်းသွားတော့မယ်နော် ။ "
" ငါကနင့်အနားလေးတင်လေ ဘယ်လိုကြောင့် အသားကုန်အော်နေရတာလဲ? "
အနောက်မှာရောက်နေတဲ့အမေက ဆူပေမယ့် ကိုကြီးကတော့လှည့်တောင်မကြည့်....
" အဖေ့ သားပန်းရောင်းသွားတော့မယ်!!!"
ဒေါက်*
" အ့ အမေ! "
" နင့်အဖေ အလုပ်သွားတာသိတယ်မလား ၊ နင်ဖင်ကွဲအောင်အော်နေလည်း ကောင်လေးကို နင်နဲ့မထည့်ပေးဘူး ။ သွား သွား သွားစရာရှိတာသွား! "
" ဟိုကောင်လေး ပြူးကြည့်မနေနဲ့ TV ဆက်ကြည့် ၊ ဒင်းလိုအနိုင်ကျင့်တဲ့သူကို ဘာမှလိုက်ကူညီစရာမလိုဘူး ..... "
အမာန်ခံလိုက်ရတဲ့ ကိုကြီးက နှုတ်ခမ်းဆူပြီးပြန်လှည့်သွားတယ်....
" အနိုင်မကျင့်ပါဘူးဆို အမေကလဲ ၊ အခု ဘယ်သူကရောခေါ်နေလို့လဲ အမေမကြားမှာဆိုးလို့ နှစ်ထပ်သိမှမှတ်မိအောင်ပြောပေးတာ.... သွားပြီ! "
မနေ့ကဆောင်းတဲ့ ခဲရောင်လေးကိုပဲ သစ္စာရှိရှိ ဒီနေ့လည်းဆက်ဆောင်းမယ် ။
ဦးထုပ်ကိုခပ်မြန်မြန်ဆောင်းပြီး အိမ်ထဲကဆောင့်အောင့်ကာတစ်လှမ်းခြင်း ထွက်သွားသည် ။ ပါးစပ်ကလည်း....
" ဘာမှလည်းမဆိုင်ဘူး! ဘယ်သူက ကိုကြီးကိုခေါ်နေလို့လည်း ၊ အသံကျယ်ကျယ်ပြောမိတာနဲ့ လှမ်းခေါ်တာလို့ ဘယ်လိုများတွေးတာလဲ? အရင်ကလည်းတစ်ယောက်တည်း အခုလည်းတစ်ယောက်တည်း ဝင်းအုတို့ကဝမ်းနည်းမနေဘူး ။ "
နောက်ဆုံးတော့လဲ ဒီစက်ဘီးအဖိုးကြီးနဲ့ညားတာပဲ!!
ဂျောက်* ဂျောက်*
အမေတို့ကလေ အဲ့ဒီနေ့ကသူတို့ကိုတွေပြီး လှိုင်ဝင်းအုက ကိုကြီးကို လှည်းတွန်းခိုင်းတာ အနိုင်ကျင့်တာပါဆိုပြီး ဆူတော့တာပဲ ။ ကိုကြီးက တအားဆော့ထားတော့ ချွေးတွေထွက်နေတာက ပြောစရာပိုဖြစ်သွားတယ်လေ ။ နှစ်ယောက်လုံးဘယ်လောက်ငြင်းငြင်း အဖတ်လုပ်မခံရဘဲ သူတို့ဆူသမျှပဲခံလိုက်ရတယ် ။
YOU ARE READING
ပန်းသည်ယောက်ျား💜
Romanceပန်းသူခိုးရယ်... ခန္ဓာကိုယ်မှာ အဖုအထစ်လှလှနဲ့ ခြေတံရှည်ကြီးတွေရှိပြီး "သားကလေ" လို့ပြောတတ်တဲ့ ဘယ်ကရောက်လာမှန်းမသိတဲ့ ကျပ်မပြည့်ရယ်... ဇာတ်လမ်းလေးကဒီလိုစတယ်... " ကောင်းတယ် ၊ ဆက်သာအီ သား သား ငါယိုးမသားရေ။ " Pee_Thu🐣=> start~13.6.2021 ပန္းသူခိုးရယ္...
