၂၀၀၈၊ မေလ(၂)ရက်
အပျော်တမ်း ဆိုင်ကယ်ပြိုင်ပွဲမှာ ပထမနေရာနဲ့ ပန်းဝင်သွားတဲ့နောက် သူ့နောက်ခုံက မိန်းမလှလေးပါးကို တစ်ချက်နမ်းရင်း ဆုကြေးငွေတွေ ပေးလိုက်တယ် ။
" မင်းအိမ်က ဘိုးတော်နဲ့ ရန်ဖြစ်လာပြန်ပြီလား ။ "
" အေး ၊ သူက ဆိုင်ကယ်ပြန်သိမ်းမလို့တဲ့ မသိမ်းခင်ယူပြီး လစ်လာတာ ။ "
" ငါ့အိမ်လိုက်မလား ၊ မွေးနေ့ပါတီ ရှိတယ် ။ "
" No......ငါလစ်ပြီ ။ "
" အိုကေပါ ဘိုင့်! "
ဆိုင်ကယ် ဆီမကုန်မချင်း စိတ်လေလေနဲ့ မောင်းနေတာ ဘယ်ရောက်လို့ရောက်မှန်းတောင် သတိမထားမိ ။
ဖြူဖြူသေးသေးအရိပ်လေး ဆိုင်ကယ်ရှေ့က ဖြတ်ပြေးသွားတာမို့ ဘရိတ်ဆွဲညှစ်ရင်း ဒေါသထွက်သွားတယ် ။ သူ့ကို ပဲထမင်းကျွေးဖို့ လုပ်သွားတဲ့သကောင့်သားကတော့ ဝတ်သားတုတ်ထိုးဆိုင်မှာ တစ်ခါစားသုံးချောင်းနှုန်းနဲ့ ပါးစပ်သေးသေးလေးထဲ မဆန့်မပြဲ တွယ်နေတာ ။ သူလည်း ရပ်နေတုန်းမထူးဘူးဆိုပြီး တစ်ခါတည်းဝင်စားလိုက်တယ် ။ တစ်ဆက်တည်း ဖေဖေက သူအပြင်စာတွေစားရင် မကြိုက်မှန်းသတိရတော့ နှစ်ဆလောက်ပိုစားပေးလိုက်တယ် ။ တစ်ခါစား ခြောက်ချောင်းပူး ။
ဝက်သားတုတ်ထိုးဆိုင်မှာ အထက်တန်းကျောင်းသားအရွယ် လူငယ်နဲ့ မူလတန်းကျောင်းသားအရွယ် ကလေးလေးတို့ နှစ်ယောက်က ပါးစပ်မှာ အချဉ်ရည်တွေပေပွနေအောင် အားကြိုးမာန်တက် အပြိုင်အဆိုင်စားလိုက်ကြတာ တစ်ဗန်းလုံးမှာ လေးပုံတစ်ပုံလောက်ပဲ ကျန်တော့တဲ့အထိ ။
ကလေးလေးက သူ့လက်ဖြူဖြူလေးနဲ့ နှုတ်ခမ်းက အချဉ်ရည်တွေသုတ်ပစ်ပြီး အင်္ကျီအိတ်ကပ်ထဲက နှစ်ရာတန်တစ်ရွက်ထုတ်ကာ ဆိုင်ရှင်ကို ပေးလိုက်သည်။ ပြီးနောက် ဗိုက်ပူပူလေးကို ပွတ်သပ်လိုက်သည်။
" ဟျောင့် ဝင်းအု ၊ မင်းစားတာနှစ်ရာမကဘူးလေကွာ ။ "
" ဟာ မေကြီးက ပြောတယ် ။ ဒီပိုက်ဆံနဲ့ ကြိုက်တာသွားဝယ်စားတဲ့။ အခု ကြိုက်တာစားပြီးလို့ ဒီပိုက်ဆံပေးတာလေ သိလည်းသိပဲနဲ့ ။ "
YOU ARE READING
ပန်းသည်ယောက်ျား💜
Romanceပန်းသူခိုးရယ်... ခန္ဓာကိုယ်မှာ အဖုအထစ်လှလှနဲ့ ခြေတံရှည်ကြီးတွေရှိပြီး "သားကလေ" လို့ပြောတတ်တဲ့ ဘယ်ကရောက်လာမှန်းမသိတဲ့ ကျပ်မပြည့်ရယ်... ဇာတ်လမ်းလေးကဒီလိုစတယ်... " ကောင်းတယ် ၊ ဆက်သာအီ သား သား ငါယိုးမသားရေ။ " Pee_Thu🐣=> start~13.6.2021 ပန္းသူခိုးရယ္...
