လေးပင်နေတဲ့မျက်ခွံတွေကိုအားယူဖွင့်လိုက်ရင်း ပါတ်ဝန်းကျင်ကိုသတိထားကြည့်မိလိုက်တော့ ရပ်ဝန်း အခန်းထဲပြန်ရောက်နေတာကိုသိလိုက်ရသည်။
လက်ဖဝါးထဲကခပ်နွေးနွေးအသိကြောင့်
ငုံ့ကြည့်မိတော့ ရပ်ဝန်း လက်ဖဝါးထဲကိုလက်ချောင်းလေးတွေထည့်ကာခပ်တင်းတင်းဆုပ်ကိုင်ထားတဲ့သားသားရဲ့လက်သေးသေးကလေး
မျက်ရည်စတွေစိုလူးပြီးနှစ်ခြိုက်စွာအိပ်ပျော်နေတဲ့သားငယ်ကိုကြည့်ရင်း ရပ်ဝန်း ရင်ဘတ်ထဲမှာ ဆို့နင့်နေတဲ့တစ်စုံတစ်ခုကိုလွင့်ပါးသွားအောင် ဟူး ကနဲသက်ပြင်းမောက်ိုမှုတ်ထုတ်လိုက်သည်။
ဒါပေမယ့်လဲ ရင်ထဲမှာပေါ့ပါးသွားခြင်းမရှိပဲလေးကန်နေဆဲ
သားသားပါးပြင်ပေါ်က ခြောက်လုလုမျက်ရည်စီးကြောင်းတွေကိုခပ်ဖွဖွသုတ်ပေးရင်း လက်ခုံလေးကိုအမြတ်တန်ိုးနမ်းရှိုက်လိုက်ကာ ခပ်တိုးတိုးလေးရေရွတ်မိသည်။
" သားက မေမေ့ရဲ့ အရာရာပါပဲ သားရယ် "
ခပ်ကွေးကွေးအိပ်ပျော်နေတဲ့သားငယ်ရဲ့ ခန္ဓာကိုယ်ပေါ်ကို စောင်အပါးလေးလွှမ်းခြုံပေးခဲ့ပြီး ရပ်ဝန်း အိပ်ခန်းထဲကထွက်ခဲ့လိုက်သည်။
ဆိုင်ပိတ်ရဦးမည်လေ....
ရပ်ဝန်း အောက်ထပ်ရောက်တော့ ဆိုင်တံခါးကိုပိတ်ထားပြီးနှင့်နေပြီမို့ တစ်ချက်သွားစစ်လိုက်ပြီး ကောင်တာအနောက်ကမီးလင်းနေတဲ့အခန်းကိုတစ်ချက်လှမ်းကြည့်လိုက်မ်ိသည်။
လှုပ်ရှားမှုမရှိငြိမ်သက်နေတဲ့ထိုအခန်းကို အတန်ကြာတွေဝေတုံ့ဆိုင်းစွာကြည့်နေမိပြီးမှ
အပေါ်ထပ်ကိုသာပြန်တက်သွားလိုက်တော့သည်။
ရပ်ဝန်း အပေါ်ကိုပြန်တက်သွားမှ စာအုပ်စင်တွေကြားက ထွက်လာတဲ့အရိပ်က စာအုပ်၂
အုပ်ကိုကိုင်ရင်း ထိုနေရာကိုရောက်လာခဲ့သည်။
သူ့အခန်းကိုတစ်လှည့် ရပ်ဝန်း ပြန်တက်သွားတဲ့လှေကားဆီကိုတစ်လှည့်ကြည့်ရင်း မသက်မသာပြုံးလိုက်မိသည်
" တကယ်လဲစိတ်ပျော့တဲ့မိန်းကလေးပဲ "
***********************************
ESTÁS LEYENDO
အချစ်ရိပ် ရပ်ဝန်းငယ် ( Complete )
Romanceအချစ်ဆိုတဲ့အရာက ချိုသလား ခါးသလား ပျော်ရွှင်ရသလား နာကျင်သလားဆိုတာတောင် မသိခဲ့ဘူး ( ရပ်ဝန်းငယ် ) မင်းနဲ့အတူရှိရမယ့်အနာဂါတ်မှာ မင်းအတွက်အရာအားလုံးကို ငါပေးမှာ ( အချစ်ရိပ် ) Zawgyi အခ်စ္ဆိုတဲ့အရာက ခ်ိဳသလား ခါးသလား ေပ်ာ္ရႊင္ရသလား နာက်င္သလားဆိုတာေတာင္...
