" ရိပ်.... "
တိုးဖျော့ဖျော့အသံနဲ့ ခပ်ဖွဖွသူမခေါ်လာတော့ သူမလက်ဖဝါးလေးကိုဆုပ်ကိုင်ကာ နဖူးနဲ့အပ်ပြီး မျက်လုံးတွေမှိတ်ထားမိတဲ့ အရိပ် လှုပ်ရှားသွားရသည်။
မျက်နှာတစ်ပြင်လုံးသာမက နှုတ်ခမ်းတွေပါ
ဖြူလျော်နေတဲ့သူမက အရိပ် ကို အားတုံ့
အားနာကြည့်ရင်း ပြုံးပြတော့ သူ ဟန်မဆောင်နိုင်ပဲ သူမလက်ကလေးကို နှုတ်ခမ်းမှာအပ်ကာ အသံတိတ်မျက်ရည်ကျမိသည်။
" ကိုယ် မင်းကို ဆုံးရှုံးလိုက်ရပြီလို့ ထင်နေတာ "
" မ ငိုပါနဲ့ ရိပ်.. ရပ်ဝန်း တောင်းပန်ပါတယ် "
မျက်နှာအောက်ချပြီး တောင်းပန်စကားဆိုလာတဲ့သူမကို အရိပ် ခေါင်းခါပြရင်း သူမနဖူးထက်ကဆံနွယ်တွေကို တယုတယသပ်တင်ပေးလိုက်ကာ...
" မင်းကို ကိုယ် အပြစ်မတင်ပါဘူး ရပ်ဝန်းငယ်... မင်းမှာ နာကျင်စရာတွေရှိတာကို ကိုယ်သိပါတယ် ကိုယ် မင်းကို ဘာဖိအားမှမပေးချင်ဘူး မပေးရက်ဘူး... ဒါ ပေမယ့်လေ.... "
အရိပ်က ခြောက်သွေ့နေတဲ့ သူ့နှုတ်ခမ်းတွေကို လျှာနဲ့တစ်ချက်သပ်ပြီး ရပ်ဝန်းငယ် လက်ကောက်ဝတ်ပေါ်က ပတ်တီးဖြူဖြူလေးကို ခပ်ဖွဖွထိတွေ့ရင်း....
" မင်းမှာ အခက်အခဲတွေရှိတဲ့အခါ ကိုယ့်ကိုမျှဝေပေးပါ ရပ်ဝန်းငယ်..... မင်းမှာ ပြဿနာတွေကြုံလာတဲ့အခါ ကိုယ့်ကို အတူ ဖြေရှင်း
ခွင့်ပေးပါ... မင်းကို ကာကွယ်ခွင့် ပေးပါ ရပ်ဝန်းငယ် နောက်တစ်ခါ ဒီလို အန္တရာယ်များတဲ့ လုပ်ရပ်မျိုးကို စိတ်ကူးနဲ့တောင်မလုပ်ပါနဲ့ နော်.... "
" ..... "
" ကိုယ့်ကို ကတိပေးနိုင်မလား ရပ်ဝန်းငယ် "
" မင်းကို ဆုံးရှုံးလိုက်ရရင် ကိုယ်ဘယ်လိုဆက်ပြီး ရှင်သန်ရမလဲ ရပ်ဝန်းငယ်.... သားသား ရော.... ကိုယ်တို့သားကို မင်း မတွေးတော့ဘူးလား.... "
" ကိုယ်တို့သား... ? "
ငြိမ်သက်တွေဝေနေရာမှ လှုပ်လှုပ်ရှားရှား
ဖြစ်သွားခဲ့ရသူက ရပ်ဝန်းငယ်.....
နာကျင်ကြေကွဲစွာပြောနေတဲ့ အရိပ် ရဲ့စကားတွေက သူမကိုလဲ ထပ်တူနာကျင်ရစေပါသည်။ သူမရဲ့ ရုတ်တရက် ရူးမိုက်မှုတွေရဲ့
နောက်မှာ သူမကိုယ်တိုင်သာမက ချစ်ရတဲ့သားဖြစ်သူရော ရိပ်ကိုယ်တိုင်ကိုပါ နာကျင်ရစေမိသည့်အတွက် ပို၍ နာကျင်ရသည်။
DU LIEST GERADE
အချစ်ရိပ် ရပ်ဝန်းငယ် ( Complete )
Romantikအချစ်ဆိုတဲ့အရာက ချိုသလား ခါးသလား ပျော်ရွှင်ရသလား နာကျင်သလားဆိုတာတောင် မသိခဲ့ဘူး ( ရပ်ဝန်းငယ် ) မင်းနဲ့အတူရှိရမယ့်အနာဂါတ်မှာ မင်းအတွက်အရာအားလုံးကို ငါပေးမှာ ( အချစ်ရိပ် ) Zawgyi အခ်စ္ဆိုတဲ့အရာက ခ်ိဳသလား ခါးသလား ေပ်ာ္ရႊင္ရသလား နာက်င္သလားဆိုတာေတာင္...
