ᴄʜᴇᴀᴛɪɴɢ ᴏɴ ʏᴏᴜ ❬ᴄᴏᴍᴘʟᴇᴛᴇᴅ❭

COY - 33

♡︎Unicode♡︎

တောင်ကုန်းမြင့်မြင့်လေးကနေ ကားကလေးက လျောဆင်းလာတိုင်း ဝမ်ရိပေါ် တို့က အဖိုးဖွင့်ကားမှာ မတ်တပ်ကလေးရပ်လို့ တဝိုးဝိုး နှင့် အသံပြုကာ ပျော်ရွှင်နေလေသည်။ ဆောင်းလေအေးအေးကလည်း မြူခိုးမြူဆိုင်းများကြားကနေ တိုးဝှေ့လို့ တိုက်ခိုက်ပါတယ်။

❝ ချစ်သည်း အအေးပက်မယ်...ကားထဲဝင်တော့... နှင်းကျတော့မယ် ❞

❝ မောင်ကို ဘယ်သူက ပြောလဲ ❞

ရိပေါ် နှာတံလေးက အေးစက်ပြီး စတော်ဘယ်ရီ လေးအလား နီရဲနေသည်။ ကားအတွင်းခန်းထဲ ဝုန်းခနဲ ထိုင်ချပြီး သွက်လက်စွာ မေးမြန်းလာပါသည်။ ရှောင်းကျန့် လက်တစ်ဖက်နှင့် စတီယာရင်ကို ထိန်းကိုင်ပြီး ကျန်တစ်ဖက်နှင့်ပင် ခလုတ်နှိပ်ကာ ကားအမိုးကို ပိတ်လိုက်ပြီး ကားအပူပေးစက်ကို အရှိန်တင်လိုက်တယ်။

❝ မိုးလေဝသ က ကြေညာ သွားတယ်လေ ချစ်သည်း ❞

❝ အလကား ရမ်းသမ်း ခန့်မှန်းကြတာချည်းပဲ... မောင်က အရူးလား... ချစ်သည်း ကတော့ ယုံပေါင်ဘူး ❞

ရှောင်းကျန့် ကတော့ ဟက်ခနဲရယ်ချလိုက်ပါတယ်။ စကားနိုင်လုရင်လည်း မနိုင်တာ သိနေတာမို့ လက်လျော့ကာ စကားမပြိုင်ရဲပါ။

❝ လောင်းကြေး ထပ်ကြမလား ... ❞

❝ စိန်လိုက်လေ မောင် ❞

❝ အဟွန်း... မောင်ကတော့ ဒီနေ့ နှင်းကျမှာပဲ... မောင်က Yes ဆို ချစ်သည်း က No ဟုတ်တယ်ဟုတ် ❞

❝ ကဲပါ... လိုရင်းပြော... လောင်းကြေးက ဘာလဲ မောင် ❞

ရှောင်းကျန့် က နှုတ်ခမ်းလေး ကွေးညွတ် လိုက်ပြီး နှစ်လိုဖွယ် ပြုံးလာပါတယ်။ မျက်ဝန်းတွေက စူးရှနေပြီး ကြယ်ကလေးသဖွယ် တလက်လက် တောက်ပနေသည့် မျက်ဆံကလေးက လှုပ်ရှားနေကာ မောင့် မျက်ဝန်းလှလှလေးကို ဝန်းရံနေတဲ့ မျဥ်းကြောင်းလေးတွေက လှိုင်းတွန့် သဏ္ဌာန် လေး အတိုင်းပါပဲလား။

❝ မောင် နိုင်ရင် ဘာယူရမလဲ မသိသေးဘူး...ချစ်သည်း နိုင်ရင် မောင့်ကို ဘာလုပ်လုပ် ရတယ် ❞

❝ ကောင်းပါပြီ မောင်ရယ်... သဘောရှိပါ ❞

ရိပေါ် တကယ်ပဲ မောင် ဘာပြောပြော တအင်းအင်း နှင့်သာ ထောက်ခံမိတော့သည်။အများအမြင်မှာ သူက တုံးတုံးအအ ဟု ထင်ကောင်းထင်နိုင်ပေမဲ့ ရိပေါ် ဘက်ကတော့ ဂရုမစိုက်ချင်ပါ။ လက်ရှိ အချိန်ကလေးမှာ မောင်နဲ့ နှစ်ကိုယ်တူ အကြင်နာ ကမ္ဘာ ကလေး တည်ဆောက်နေရတာမို့ ရူးမတတ် ပျော်ပါတယ်။