وجهك غيث ارتوى فيه سماء قلبي

P : 17

« بالأسطبل »
هشّام إبتسم وهو يشوف خِالد يدخل : تو ما نور المكان
خِالد نفث الدخان : بنورك
هشّام أستنكر الدخان : رجعت تدخن يعني ان في شي بقلبك لكن مو عارف تقول لمين
خِالد : اتركني اخلص هالبكت و خلاص
هشّام : والله غلط الي تسويه مفروض اذا حزنت او نفست تروح توضي و تتسنن تاخذ القران تتقرب من ربك مو ترجع لهالبلاء
خِالد : حياه مين ؟
هشّام : الي بيتعور قلبه عليك مين ؟
خِالد رماه و دهسه : هشّام جد احس في احد ورا هالشي مو طبيعي يصير كذا فجاءه
هشّام : اهدا و علمني كلشي
خِالد : أمس مو زواج يَوسف ؟
هشّام : تراني حاضر ولا نسيت
" حكى كلشي خِالد  "
هشّام : طيب هدي لا تتوتر و دق على عمك بس بألاول شوف توق تراها بالحيّل مشتاقه
خِالد : يبعد هالقلب والله
هشّام : الزول قالي انك جيت قبل فتره مع بنت تحب و ما تعلمني ؟
خِالد ضحك : ذي بنت خالي بس الزول يحب يكذب
هشّام غمز : علمني ترا ما بقول لأحد
خِالد : انت تعرفني عدل يا هشّام قلب ولد مروى ما يميله احد
هشّام : و النعم والله بس اصبر شوي بيميل قلبك و يروح كله بعد
خِالد وهو يمشي : محد ماخذ هالقلب غير التّوق
" هشّام ضحك و إبتعد "
« بالمستشفى »
رائد ماسك يد دِينا : شرايك تقومين احتاج اكلمك
مَرام : لو سمحت ممكن تبعد عن المريضه احتاج اعقم جرحها
رائد : فيني ولا فيها يارب
" أستغربت مَرام من حركته و بدت تنظف جرحه و لما لمح رائد عزيّز جاي توجهه نحوه "
عزيّز : شتسوي عندها ؟
رائد : ما يخصك
عزيّز : تكلم عدل اقول
رائد : شنو اقول
عزيّز : تارك زوجه عمك و جالس عند صاحبتك حمار انت ؟
رائد : عزيّز ما يخصك
خِالد دخل : عزيّز كلمت عمي ؟
عزيّز : لا
خِالد : شاطر واّلله
« بالقصر »
يَوسف بصراخ : ليزي
وِجود : منو ليزي ؟
يَوسف : الدادا حقتنا
وِجود : ايش معنى دادا
يَوسف : المساعدة نقول لها دادا
ليزي : اشفيه
يَوسف : افا شفيك منفسه ما قلتي لي مبروك
ليزي : مبروك يوفس و ان شاءالله انتا في جيب بيبي انا في ربي
يَوسف ضحك : ان شاءالله بس وين ماما شَروق ؟
ليزي : ماما شَروق ماما رهف كلو ماما مافي يجي
يَوسف بستغراب : بابا راشَد ؟
ليزي : بابا راشَد و بابا مشاري في دوام بابا بدران في غرفه و بابا بدر بالمطبخ
وِجود : للحين بالفندق ؟
يَوسف : عزيّز و رائد خِالد رَيان ما جو ؟
ليزي : كاليد جاء في غير ملابس و في ارجع اطلع
" كان بيتكلم بس استغرب نزول بدران وهو يركض "
يَوسف بإستغراب : عمي عسى ما شر
بدران : الحق يا يَوسف نادين و البنات بالمستشفى
يَوسف : عمي شقاعد تقول ؟
بدران بربكه : نادين و مدري مين من البنات
يَوسف بتفهم الوضع : تمام انت اركب سيارتي و ليزي خلي وِجود تروح جناحي
وِجود بهمس : طمني تمام؟
" يَوسف انتظر لما عمه راح و بأس جبينها و طلع "
« بالمستشفى »
عزيّز : عمي جاء
رَيان : و يَوسف معه
خِالد ضرب راسه : المصيبه صارت اكبر و اكبر
رائد : تستاهل
عزيّز : منجد تستاهل
رَيان : احسن
خِالد عض شفته السفليه : تبون اقول لهم ان كل واحد منكم يحب و مسوي بلاوي مع حبيبته
عزيّز : لا تذكرني حبيبتي طريحه الفراش
رائد : اش
بدران لف على رَيان : وين امك ؟
رَيان : بالاسعاف يعقمون جرحها
بدران بعصبيه : و تاركها هناك و جالس هنا
رزان جت و سانده نادين عليها : جينا ما يحتاج تهزيئ
بدران : انتي بخير ؟
يَوسف : عمتي شصار امس و امي و الباقي وينهم ؟
خِالد : أريف و إيثار بغرفه خاصه لانهم تتضررو و الباقي بالفندق
فهد " أبو دِينا " : سلام عليكم طالعين من شر جميعاً
رائد فز : هلا عمي
عزيّز بهمس : انعمت عينك قل امين
رائد بهمس : ما يخصك يبو رأس
تِركي جاء : سلام عليكم
بدران : تعال تِركي علمنا شفيها أريف؟
تِركي : كانت قريبه من الثريا فـ القزاز اخترق الجلد و كان وضعها جاد لكن بـ تدخلنا السريع قدرنا نساعدها
خِالد : و خطيبتك ؟
تِركي : حسب ما سمعت انهم لقوها حاظنه جُمان كانت خايفه عليها و احترق البعض من شعرها و تشوهه ظهرها لكن بنرجع لـ العلاج الطبيعي و أن شاءالله بيرجع كلشي زي ما كان
فهد : حمدلله على سلامه الجميع و انا استئذن منكم بروح آخذ دِينا
بدران : عزيّز دام ما منك فايده روح الشركه و اسحب شيك و أدفع لكل الي كانو هنا اليوم
عزيّز باستغراب: اما ما مني فايده
رزان بهمس لتِركي : الله من زود الدراهم
تِركي بنفس الهمس : بحترم انك مريضه و بعدين جزاهم الله خير
رزان : زين ابي البيت
تِركي : اجلسي بمكتبي لين يجي ياسر
يَوسف : خِالد رائد رَيان كلكم بتجون معي و رائد عط عمي سيارتك
رائد : ليه ؟
يَوسف : بفتح تحقيق
خِالد ضرب رأسه : لا واضح بيعدي هاليوم
رَيان : ابي انام
يَوسف : اخلص تحقيق و اخليك تنام على سرير النضاره
رَيان فز : لا امزح اصلا النوم لـ الرخوم