وجهك غيث ارتوى فيه سماء قلبي

P : 32

« بـ سطح القصر »
ديالا : رودي كيف سكتي على فيفو ؟
رُدين : انا سكت عشان ابي اعرف شنو بتوصل له و ليه سوت كذا
عزيّز دخل : شسالفه قلتو في مصيبه
رُدين : حبيبتك الغبيه ورطتنا كلنا
رَيان : طِيف و رائد نناديهم ولا ماله داعي؟
ديالا : شنو نناديهم انت بعد هم يرتاحون
عزيّز : دقيقه فهموني أبي ادخل معكم بالسالفه
أريف دخلت : رزان تقول انها تعبانه ما بتجي
رُدين : السالفه و ما فيها ان الاخت قالت لامك حنا نرتب و نجهز كلشي لـ ملكة طِيف و رائد
عزيّز : غبيه انتي ؟ كيف بتسوين كلشي بأسبوع
أريف : اكرمني بسكوتك انت
ديالا بهمس : فكنا شرك هي الي فيها يكفيها
خِالد : نحتاج نقسم أنفسنا كل اثنين سوا ندور قاعه صغيره و الي يجهزون الكوشه و السوالف ذي
رَيان : انا و رُدين انت و اختك و الي بقى سوا
أريف : رَيان بدخل القلم بعينك مو على كيفك
ديالا : ها يحظي تبين مع مين ؟
أريف : انا و خِالد او انا و رُدين
عزيّز : تَرا مقسمين شخص معه سياره شنو الي بتروحين مع رُدين
رُدين : اش خلاص نفس التقسيم الي قاله رَيان نمشي عليه بدون نقاشات و قدامي يلا
أريف بهمس : اصبري علي بس
رُدين : ننتظر
خِالد : اش و يلا روحو بدلو و انطلقوا
« بالأسطبل »
طِيف ركضت لـ توق : واحشتني
رائد مسح على عزام :و عزام ما وحشك ؟
طِيف توجهت لهَ : مع انه بأخر مره طيحني بس ما اقدر ازعل عليه
رائد : زين بروح اكلم هشّام و اجي و عندي لك هديه
طِيف : شنو الهديه ؟
رائد : اذا جيت قلت لك تمام
طِيف : تمام
،"وقف عند باب الأسطبل و بدأ يتأملها و طلع جواله وصورها وهو يشوفها تمسح على عزام و تبوسه و تحكي له عن يومها وقف التصوير و توجه لـ هشّام الي ينتظره "،
هشّام : هلا بالعريس
رائد إبتسم : هلا بالمسافر تو ما نورت رياضنا
هشّام : بنورك بو مَلك
رائد : اي كيف الحال ؟
هشّام : يارب لك الحمد بس واّلله الزحمه مهلكتنا
رائد : الله يعين عاد العاصمه
هشّام : انا احب الزحمه واّلله و راضي بس الخيول تنقلها صعب
رائد : و الضيف الجديد عسى ما تعبك ؟
هشّام : واّلله محد يتعبني كثر عناد هالتوق
رائد ضحك : دامها فرس خِالد بتتعب واجد
هشّام : اي واّلله
رائد ربّت على كتفه : عساك على القوه
هشّام : يلا اخليكم تأخذون راحتكم
رائد بصوت شبه عالي : طِيف تعالي هنا شوي
طِيف طلعت و بصدمه : خيل جديد ؟
رائد : الحين ذي فرسك
طِيف : غرامه
رائد بعدم فهم : عفوا ؟
طِيف : أسمها غرام و هي غرام عزام
رائد إبتسم : شلون عرفتي أن عزام طايح بغرامها ؟
طِيف : هو قال لي
رائد ضحك : حلو صرتو أصحاب علاقه موفقه
طِيف بدت تمسح عليها : كم عمرها أحسها صغيره
رائد : سبع شهور
طِيف : يعني الحين هي مهرة
رائد : بالضبط يا شطورة
طِيف : شطورة ؟ عمري خمس سنوات
رائد : على طولك ذَا إي
طِيف طالعته بزعل : جد ؟
رائد حضنها و ضحك : أسف
طِيف مشت و تركته : أسف ما ترضيني
رائد : كيف نراضي حبيبه روح رائد ؟
" طِيف رفعت كتُوفها بمعنى ما ادري "
« بسيارة عزيّز »
عزيّز : تو ما نورت السيارة
أريف : عارفة
عزيّز : شدعوه للحين زعلانه ما صار
أريف : شغل السيارة و امشي لا اعضك
عزيّز : تخيلي الله ياخذني و انتي زعلانه علي
أريف : الله يرحمك عاد قضاء الله شنسوي
عزيّز : يعني ما بترضين ؟
أريف : تحب تسولف صح ؟
عزيّز : لا أحبك انتي بس
أريف : حبك قرد و يلا شغل السيارة
عزيّز بزعل : ان شاءالله شي ثاني ؟
أريف طالعته بطرف عين : شكرا
عزيّز : عفوا