وجهك غيث ارتوى فيه سماء قلبي

P : 31

« بمعرض الكتاب الدولي »
يَوسف : متوتر ولا ؟
تِركي : بيني و بينك ميت خوف بعد
خِالد : افا يبو كادي ما هقيتك تخاف
تِركي : ماني خايف ولا شوي بس اخاف اتلخبط و اتلعثم بالكلام
يَوسف : حبيبي انت حافظ الي بتقوله و عدته لي سبع مرات بالسياره هالربكه ليه ؟
تِركي : اكبر عدد شفتها بحياتي طلاب المدرسه و الطوارى حقت المستشفى غير كذا ما شفت
خِالد ربّت على ظهره : حنا معك قلبًا و قالبًا
فتاة : سلام عليكم أستاذ تِركي ممكن أتصور معاك ؟
تِركي إبتسم : طبعا حياك
فتاة بـ أعجاب : شكرا و عادي توقع على الكتاب ؟
تِركي  : إي عادي
يَوسف بهمس : بنروح نجيب قهوة و نجيك ،" و أنسحب هو و خِالد بهدوء "،
تِركي : شنو أسمك ؟
فتاة : أبيار
تِركي بصوت جهوري : إلى الغاليه أبيار نُقطه
أبيار بحماس : شكرا
« بالقصّر »
رُدين : ابي اروح المول
ديالا : انتي كل ما طفشتي قلتي المول
رُدين : شنو تبين أجلس قدام جدار قصركم
أريف : عندنا حفلتين لازم نروح نشتري ملابس
ديالا : يليل نسيت
طِيف :  أتصلو على رزان تروح معكم
أريف : جايه هي و خالتي أهداب و إيثار و جُمان
طِيف وهي ماشيه : حلو تأخذ مكاني
رُدين بصراخ : تعالي وين رايحه ؟
طِيف : بروح أسال رائد اذا عادي نأخذ جُمان معنا
رُدين بأستغراب : تستأذنين منه ؟ نزل عليك الادب
أريف : يختي خليها مالك دخل هي و زوجها يتفاهمون
طِيف : المهم اذا جات عطوني رنّه زين ؟،" و نزلت "
ديالا : هي و رائد من لما ميشو قال لها الموضوع مو طبيعين صايرين محترمين حيّل
رُدين : ذي الي ينقال لها صدق تزوجي و تعقلين
أريف بضحك : انتي شفيك من خطبها استلمتيهم طقطقه
ديالا : خليها مو مصدقه ان اخوها بيتزوج صديقتها
رُدين : معليش بس اخوي الوحيد و ما حضرت زواجه ولا ولاده بنته حاليا ابيه يكون قدام عيني
ديالا : الا صح أبوك وينه له اسبوعين مختفي؟
رُدين : ما ادري بس اهم شي يفكنا شره
أريف : بالنهايه ترا أبوك
رُدين : معليش فيفو بس انتي اخر وحده تتكلمين أبوك يحط اللوم عليك بموضوع انتي مالك علاقه فيه و للحين تعتبرينه أبو
ديالا بحُزن : راضيه أبوي يحرقني و انا حيه بس اهم شي يرجع لـ ذي الحياة
أريف ضربت كتف رُدين و بهمس : شاطره
رُدين : شوفي لولي مو كل الأباء زي بعض انتي حمدلله أبوك يحبك و ما يقصر معك حتى ولو انه كان بالسجن أو متوفي الله يرحمه ولكن على الاقل انتي متأكده من هالشي بس انا معتبرني غلطه عمره
أريف : بس للاسف أنك احلا غلطه
رُدين حضنتها : مُتناقضه
ديالا إبتسمت : شرايكم نقفل على الموضوع أنا عندي موضوع مهم
أريف : احكي
ديالا ميّلت رأسها : عندي مشاعر غريبه تجاه ياسر
أريف أنسدحت على بطنها : مثل شنو ؟
ديالا وهي تلعب بشعرها : يعني مثـ ..
" قاطعها دخول رزان و إيثار "
رزان : سلام عليكم
أريف عدلت جلستها : وعليكم السلام
إيثار : وين وِجود على أساس نطلع كوفي انا وياها
وِجود بتعب من وراها : هنا جيت
ديالا : تعبانه فيك شي ؟ نتصل على يَوسف ؟
وِجود : لا ياعيوني ذا تعب الحمل طبيعي
إيثار : تقدرين تمشين ولا نأجله ؟
وِجود : لا شدعوه اقدر بس خلينا نجلس نسولف و نريح شوي
رُدين : قهوه ولا شاي ؟
رزان : لا حبيبي تسلمين
إيثار : لا طالعين نتقهوى يعيوني ليه الكلافه
رُدين تخصرت : معليش تعبت و أنا اسويها اخلصو مابي أنزلها
رزان : هاتي شاهي
إيثار : قهوه عربيه صح ؟
رُدين : إي ما احب اسوي غيرها الا اذا احد طلب
إيثار : زين عطيني قهوه
« بالمعرض »
" بدأُ و الناس يتجمعون عليه و توتر و ما عرف يتصرف ولكن إبتسم وهو يشوف خِالد و يَوسف ينظمون الناس "
خِالد : لو سمحتو طابورين الي يبي يتصور طابور و الي يبي توقيع طابور
تِركي بهمس : انقذتوني على أخر لحظه
خِالد غمز : افا عليك يبو كادي
يَوسف : انتظر اجيب لك كرسي
تِركي : انا مدري شنو سويت بحياتي عشان الله يعطيني نعمه زي كذا
خِالد : حافظ عليها لان غيرك يتمناها
" تِركي ضحك و لكن شتت أنتباهه الفتاه الي أمامه وهي تسأله "
: الكتاب كله عن الحُب و عن وحده سمرا انت بالحلا و الزين كله تحب وحده سمرا ؟ ما يندرى عن اصلها
تِركي : تدرين أنقال هالحكي لـ أبو العتاهيه بس تدرين شنو رد ؟
الفتاة  بأستغراب : شنو ؟
تِركي ميّل رأسه : الناسُ تعشقُ مِن خِال بـ وجنتيهِ ، فَكيف بِي و حبيبي كُله خُال ؟
الفتاة : ذَا حكي فاضي تدري ؟
تِركي بحّده : محد فاضي غيرك جايه و معطله الناس عشاني و بعد تشكين بـ أصل زوجتي قدامي ؟ زوجتي أصيله و ما أسمح لِك ولا لـ إي أحد يتكلم عليها قدامي و اتمنى ما أشوفك
الفتاة بأحراج : شكرا
خِالد ضحك : و تقول شكرا بتحسسك بـ تأنيب الضمير بس كفو
تِركي إبتسم : افا عليك يبو خلود
« بعد يومين ، بشقة البنات »
شَروق : بناتي تعرفون أن بعد كم يوم عندنا مناسبة مُهمه صح ما حضرنا ملكة يَوسف بسبب مرض عمكم الله يرحمه و عرسه صار فيه انفجار ولكن ان شاءالله هالمرة كلشي يتم على خير و تعرفون أنكم بنات ألـناصر لازم تكونون
قاطعتها رُدين : بأحسن مظهر و رزه و هيبة و رؤسكم مرفوعه و برضو ما تتكبرون على أحد والله حفظناه
أبرار قرصتها : ولا كلمة
أريف بدرعمة : خالتي شَروق شرايكم هالمره ترتاحين و حنا نسوي كلشي
شَروق باستغراب : تسوون شنو ؟
أريف : تجهيزات و ترتيبات الحفلة انا و البنات بنسويها
رُدين بهمس : على كيفك
أريف : انتي و خالاتي بتكونون زي الضيوف اتركو الموضوع علينا
شَروق : طول هالسنين و انا ارتب كل المناسبات و ما فرحت بـ ملكة ولدي ولا رتبتها و العرس ما انتهى على خير
أريف : شدعوه ما تثقين فينا ؟
شَروق : اثق بس يعيوني
أريف قاطعتها : مدامك تثقين خلاص اتركي الموضوع علينا و حنا قبل ما نجهز بنوريك و نعلمك و اذا ما عجبك شي نوقف شغلنا
شَروق حطت يدها على كتفها : يابعد قليبي انتي
أريف : مو مسويه لأحد غريب طِيف أختي و رائد أخوي ،" و لفت على رهف "، ماما رهف برجع القصر انا و البنات
رهف وهي تلعب بشعرها : مين بيأخذكم ؟
ديالا : خِالد
رهف : تمام انتبهوا على انفسكم و اذا بغيتو شي كلمو عمكم
رُدين : برور تبين شي ؟
أبرار مسكت خدها : سلامتك يا مامتي
« بشقة ضحى »
يَوسف : قلتي بتكلميني بشي ضروري وِجود فيها شي ؟ الي ببطنها صار فيه شي ؟
ضحى : عايشه معك بنفس البيت ولا تدري عنها ؟
يَوسف : ليه ما ادري عنها طول الوقت قدام عيني بس قلت يمكن في شي قالت لك عنه ولا علمتني
ضحى : لا بس أبيك تسافر معي بعد يومين لـ جِده
يَوسف : وِجود معنا ؟
ضحى : لا بس انا و انت نجلس يومين او ثلاث و نرجع
يَوسف : طيب متى ؟
ضحى: بعد بكرا
يَوسف : خالتي ملكة ولد عمي بعد اسبوع مافي وقت
ضحى : تبي نمسك خط اليوم و نرجع قبل الملكة بيومين ؟ ولكن ما نأجل الموضوع لان المسأله فيها حياة او موت
يَوسف : يزيد له دخل ؟
ضحى : لا بس في شخص مهم له دخل و انا ابي أنقذه
يَوسف بأستغراب : عساه خير ان شاءالله