وجهك غيث ارتوى فيه سماء قلبي

P : 20

يَوسف تقدم لها بالورد : أعتذر عن إي شيء سيئ سويته و زعلتي مني بسببه
وِجود أخذت الباقه و حظنته : ما أزعل من حبيب الروح أبد
يَوسف : يديمك ليَ بكُل أعوامي
وِجود طالعت عيناه : و يديمك لقلبي
« اخر الليل بجلسهَ السطح بالقصر »
أريف بتفكير : الحين الشي الي سواه رائد غلط ؟
عزيّز وهو مغمض عينه و منسدح بحظنها : إي
أريف : ما احس غلط انه يحارب عشان الحب
عزيّز : فيفو لا تدافعين عنه ترا الي سواه غلط و كبير
أريف : انت اذا كنت مكانه و ابوي رفض انك تتزوجني بتحارب عشان حبك ؟
عزيّز رفع راسه : أقدر احارب بدون ما اهرب و اسوي شي اهلي مو راضين عليه
أريف : يعني شنو بتسوي ؟
عزيّز باس شفتها : اخلي أجابتي لـ المستقبل
أريف أخذت جوالها : إي صرف الموضوع
عزيّز حط رأسه بحظنها : افا ليه اصرف
أريف و بعينها البكيه : لانك ما تحبني
عزيّز ضحك : بسم الله عليك شجاب طاري ؟
أريف ضربت كتفه : لا تضحك اش
عزيّز حظنها : بتسكتين ولا اسكتك بطريقتي
أريف مسحت دمعتها : نام اشوف
عزيّز ضحك : أسف
أريف بصراخ : قلت نام
عزيّز حط يده على شفتها : أش يا مزعجه
أريف : بتنام ولا شلون ؟
" عزيّز حاوط خصرها و نّام و ظلت تتأمله و تلعب بشعره ولكن قاطع هدوءهم دخول طِيف "
أريف بخوف : كلبه خوفتيني عبالي احد ثاني
طِيف بهدوء غريب : جيت بسألك عن المقص لاني ما حصلته
أريف بأستغراب : بثالث درج ليه ؟
طِيف إبتسمت بتسليك : ولا شي ،" توجهت لـ الغرفه و شالت الكاب عن شعرها و مسكت خصله كبيره و قصتها و كملت باقي شعرها لـ حتّى وصل لـ إذنها رمت المقص على الارض و جلست على حافه السرير و بدت بالبكاء بغزاره،سمعتها جـيّهان و توجهت لها و انصدمت من منظر الغرفه و منظرها "،
جـيّهان بخوف : طِيف شفيك شصاير ؟
طِيف حظنتها و ببكاء : جوني انا غلطت والله ادري اني غلطت كنت اقهر بنات مدرستي لاني اغنى منهم كنت اتكبر على الناس عشان عائلتي ثريه كنت اسوي اغلاط كثير و ما اهتم بشنو اضر الناس بسببها بس تعلمت و تبت و اعتذرت و سويت كلشي ليه للحين حياتي كئيبه ليه الفرحه ما يمر علي ليه الكل يكرهني و قاسي علي ليه الكل عايش مع منو يحب ما عدا طِيف الوناسه محرومه منها شنو اسوي اكثر تعبت والله تعبت
جـيّهان مسحت على رأسها : ياحبيبي انتي ليه مخبيه كل هالالم جواتك
طِيف غمضت عيونها : تعرفين ما احب أفضفض لأحد
جـيّهان : طيب و شعرك ليه ليه ؟
طِيف : كان يحبه فـ ابي انساه و انسى كلشي يخصه و أولهم شعري
جـيّهان بأستغراب : منو ؟
طِيف قامت تلمّ الشعر المنثور : أنسي مافي شي
جـيّهان : طِيف لا تخبين
طِيف : جوني شرايك تطلعين عشان أخذ شور ؟
جـيّهان : زين انتبهي لنفسك
" طِيف شمقت عيونها و دخلت تتروش "
« بعد كم يّوم بـِ جده »
تِركي بهمس : كلها هالخاتّم و تصيرين ملكي و خطيبتي
إيثار بهمس : يمين ولا يسار
تِركي : لو تبينه بخشمي راضي
إيثار ضحكت : يخّي أحبك
تِركي قرب : عادي ألعب بروجك شوي ؟
إيثار بقتت عيونها : بعضك
تِركي ضحك : أسف
" إيثار أخذت يده اليُسرى و حطت الخاتم و سوا نفس الشيء بيدها اليميّن "
أهداب : الف مبروك ياعيّن أبوي
تِركي بأس رأسها : الله يبارك فيك يَابعد روحي و عقبال رزان
رزان : بسم الله علي
تِركي ضحك : مو على كيفك بتتزوجين غصب
رزان : مالك دخل بتزوج اذا شفت أحفادك
إيثار : أن شاءلله تشوفينهم
تِركي : يمه انا طالع أشوف العيال
أهداب : زين يَاروحي ،" طلع لـ المجلس و كانو العيال بوجهه "،
يَوسف : واّلله و كبرنا يَا تروك
خِالد : ولدك الاول أن شاءلله اسمه خالد
ياسر : لا اسمه على اسم عمه
تِركي : انقلعو بس بسم الله على عيالي منكم
يَوسف : بنتك الاولى كادي و نقطه
تِركي : يالطيب توني ملكت مو تزوجت ليه مستعجل
خِالد : لازم نسبق الاحداث
يَوسف : المهم يبو قلب حنا نستئذن بروح اجهز اغراضي لان رحلتنا الفجر
تِركي : اذنك معك و توصلون بالسلامه أن شاءالله
خِالد مسح على شعر ياسر : انتبه لنفسك يَا بطل
ياسر : ان شاء الله اذا جينا الرياض بكسر راسك بفيفا
خِالد : والله مستواك احسن من اخوك
تِركي ضحك : انا ما اعرف الا بالحقيقه
يَوسف : انا و انت دايم ننجلد من خِالد و عزيز
تِركي ضحك : حنا بس فالحين بدوامنا اما الالعاب حقت اطفال
خِالد: إي صح يا شايب
« الظهر بالريّاض »
مشاري : حمدلله على سلامتكم
يَوسف : الله يسلمك ميشو
خِالد : و انا ولد البطه السوداء ؟
عزيّز : والله قال سلامتكم بس انت ما دلوع
رَيان : خِالد جيت و جابك الله أبي اشتري لي سماعه عازله
خِالد : اصرف عليك انا ؟
رَيان : ما منك فايده
أريف : وين جودي؟
يَوسف : بشقه أمها
راشَد : المهم الجميع يستعد بكره بنطلع شاليّه
بدر : بمناسبه وش ؟
أريف : لازم مناسبه ؟
راشَد : بمناسبه أجتماعنا
رَيان : ما عدا اثنين
رُدين : بيصيرون ثلاثه
بدر : على وين يا حظي ؟
عزيّز : انا قلت لها بوديها لـ خالتي
بدر بحده : مين سمح لك ؟
شَروق : انا
بدر نزل راسه : الله يهديك يا أم يَوسف ماله داعي تروح مالها يومين شافتها
شَروق : بكل الاحوال تبقى امها و مالك احقيه تحرمها منها و دامها مو قاصره يمديها تروح زي ما تبي بس احترام لك استئذنت منك
بدر : زين روحي بس الساعه تسع ترجعين
رُدين بعناد : بنام عندها
بدر : لا
رُدين : ارجع متى ما ابي بيت امي و حلالي
بدر بصراخ : تعاندين منو انتي ؟
ريان سحبها ورا ظهره : عمي اتركها انا برجعها بس اتركها تروح
" طلعت رُدين و لحقها عزيّز "
« بالسجّن »
العسكري : يزيد غازي عندك زياره ،" مشَى يزيد وهو مستغرب و دخل الغرفه وهو مو عارف الشهي الي قدامه "،
: سلام عليكم
يزيد : وعليكم السلام
: أنت يزيد غازي أخو وِجود مدري نجود
يزيد : منو انت ؟
: تبي تعرف امك و اختك وين راحو ؟
يزيد : إي ؟
: بساعدك و بعلمك بشرط واحد وحيد
يزيد : قول شعندك
أعطاه ورقه : أبي تخرب حياه هالاثنين مابي يعيشون بفرح
يزيد : و ذولا البزران شدخلهم بموضوعي ؟
: هالاثنين يمديهم يوصلونك لـ اختك الي تزوجت و انت ما تدري
يزيد فز : إيش ؟ تزوجت مين تسمع شتقول
: أش لا يعلى حسك تزوجت الشخص الي تسبب بدخولك هنا
يزيد : من وين تعرف هالمعلومات و ليه تبي تساعدني
: أسالتك واجد تدري ؟ المهم انت معي ولا
يزيد : معك إي
إبتسم : زين باقي لك شهرين و تطلع برجع لك بعد فتره و بلقاك لا تدورني
يزيد بأستغراب : حلو
« اليوم التالي »
أريف : عزو يخي
عزيّز : قلت لك ما بتلبسين شورت
أريف : بس بصور اف
خِالد : شصاير ؟
جـيّهان : سوالف ناس يحبون بعض
طِيف : عصافير الحُب مو موجودين وينهم ؟
خِالد : صايرين كثير عصافير منو تقصدين بالضبط
طِيف : الاصل طبعا رَيان و رودي
جـيّهان : الحمار ما جابها امس و سوا انفسهم انهم موجودين من زمان بس جالسين بالحديقه
عزيّز : رَيان عليه تفكير بيتعدا رائد فيه
خِالد : رائد محد يوصل لجرائته
أريف : الا انا طبعا
خِالد : انتي مو صاحيه والله
عزيّز : حدك بس
طِيف : اقول عزيّز تراها بتلبسه الشورت
جـيّهان سدت اذنها : و رجعنا لـ طاري ياللي
وِجود دخلت : هاي يحلوين
أريف : يا احلا هاي بالدنيا
وِجود مسكت خدها : وه بقلبي والله
طِيف : جودي تبين شي ناقصك شي ترانا فاتحين مول بغرفتنا
وِجود : لا يعيوني تسلمون
جـيّهان رمت عليها المخده : و انا يكلبه بس اقولك ابي مسكره شوي و تروحين الاخباريه و تقولين لهم
طِيف : حبيبتي هذي vip شعرفك
أريف : استاذ عزيّز و خِالد شرايكم تنقلعون تحت نبي نسولف سوالف بنات
عزيّز بهمس : ما بتلبسينه
أريف ضربت كتفه : أنطم
خِالد : دنا استئذن يسطا
جـيّهان : تعال بعطيك شناطي تنزلها
خِالد و عينه على طِيف : زين يلا
« بالشاليهَ »
عزيّز : وربي بعضك
أريف : عزو بتعقل ولا شلون ؟
عزيّز : شلون ؟
أريف بصراخ : بابا
عزيّز بهمس : اش لا تفضحينا مو فاضي مشاكل
راشَد لف : عيوني؟
أريف : عادي اليوم نشوي ؟
راشَد : عادي يعيون بابا
مشاري : طيف ليه سويتي كذا شعرك كان حلو
طِيف : أترك رقبتي تتحرر
رهف : الطويل كان حلو عليك بس طالعه على ابوك بكل حالاتك حلوه
طِيف لفت على ابوها : من قدك يا ميشو رهوفه تغازلك
مشاري : ماخذه الحلا منك
طِيف قامت : انا اروح اشوف لي حياه مو طبيعي كل الاماكن الي انا اتواجد فيها يحبون بعض ،" طلعت و جلست عند المسبح و دخلت رجلها فيه و جلست تتأمل المكان و فزت لما حست بشخص يجلس جنبها "، خِالد يا كلب اقل شي تنحنح ما تخوفني كذا
خِالد : اسف آنسه طِيف
طِيف : إي وش حدتك الدنيا عشان تجلس معي هنا ؟
خِالد : ولا شي بس ما ابيك تجلسين لوحدك
طِيف : منبوذ زيي كفو
" أكتفى خِالد بإبتسامه و رن جواله وأستغرب الرقم "
خِالد : ألو ؟
: خِالد ألخاطر ؟
خِالد : إي منو معي