وجهك غيث ارتوى فيه سماء قلبي

P : 30

« بعد أسبوع،بالمطار »
أريف : خِالد بروح الحمام و انت بكرامه روح المقاعد و بلحقك
خِالد : تمام لا تتأخرين
أريف : زيّن
" جِلس خِالد و طالع الي جالسه جنب الشباك لمّا لفت لاحظ ان الملامح مالوفه عليه حكى بصوت واطي "
: ذي انتي ؟
الفتاة لفت عليه : عفوا اخوي كلمتني
خِالد ضحك : الصوت نفسه بعد و جمعتني فيك الدنيا بسرعه
الفتاة بتوتر : شتبي طيب ؟
خِالد : شنو اسمك ؟
الفتاة : مالك صلاح
خِالد : و النعم والله
الفتاة : لا تزعجني طول الرحله ماني فاضيه لك أبد
خِالد : على حسب النفسيه اذا كنت مروق ازعجتك و ذَا منفس بنام انتي و حظك
الفتاة : اترك تقلباتك المزاجية لنفسك
خِالد ضحك : نشوف
أريف جت : ليكون تأخرت ولا شي
خِالد : لا اجلسي
المُضيفه : Excuse me, are you Miss Wateen?  Son put your bag | عفوا هل انتي الانسه وتيّن ؟ إبن اضع حقائبك
أريف : No, it's not me | لا ليست انا
الفتاة اخذت نفس : I'll put it on top, please | انا انا ضعيها بالاعلى رجاء
خِالد بهمس : تشرفنا أنسه وتيّن معك خِالد
وتيّن طيرت عيونها : اوك عرفت اسمي انقلع عني
خِالد إبتسم : ورانا ست ساعات سفر و كلها قبال وجهي
وتيّن : وع ترا الثقه العمياء شينه لو ما تدري
خِالد : شي راجع لي
وتيّن : مستفز كريهه
« بالريّاض »
عزيّز : دودي
ديالا : شنو
عزيّز : وجع قولي لبيه
ديالا : اخلص احكي بس
عزيّز : شرايك نروح المول
ديالا : ليه ؟
عزيّز : مالك دخل تروحين معي ولا لا
طِيف : انا بروح
ديالا : جت الملقوفه ذي
طِيف : انتي شفيك صايره تكرهيني ؟
ديالا : اذا عدلتي اسلوبك ارجع احبك
طِيف : على اساس ميته على حبك
ديالا : زين دامك ما تحبيني فكيني شرك و ابعدي عني لا اشوتك
عزيّز : اتركي العنف شوي و وش قلتي تروحين معي ولا لا
ديالا : زين بلبس عبايتي و اجي
عزيّز : محزم مليان اخت خِالد فديته
طِيف : اقول عزيزان وش رايحين تشترون
عزيّز : نشتري لك اشياء تنشغلين فيها بدل ما تنشغلين بحياه غيرك
طِيف كشرت : يع اكرهك
عزيّز : شكرا على المشاعر الصادقه
« بالمول »
ديالا : إي احكي ليه جايبني
عزيّز : حسيت بغلطي تجاه أريف و ابي اشتري لها هديه
ديالا : و انت تحسب انها بتغفر غلطك بهديه ؟ انت تعرف شسويت فيها
عزيّز : انا جايبك عشان تساعديني ولا تاخذين مكان ضميري
ديالا : و انا صادقه متسبب بدخولها اكتئاب و متوقع بترضى
عزيّز : ديالا اخوك مو موجود وربي لا اخليك ترجعين البيت مشي
ديالا : اخلص شنو بتشتري
عزيّز : بشتري بوكس كبير و احط فيه بدي لاني احب شكلها فيه و بشتري لها بلوفر و كم شي من الاكسسوارات بس ما اعرف اساميها و عطر و مدري
ديالا : رومانسي ولدنا
عزيّز : و في سلسال شفته بالانستا و طلبته و بيوصل اليوم المهم لازم نخلص بسرعه عشان لا تستلمه طِيف و تستقعد لنا
ديالا : زين تعال الدور الثاني في محل حلو
عزيّز : ياخي انتي قولي لي بس مين باقي ما افتخر فيك ؟
ديالا ضحكت : شكرا بس بتشتري لي قهوة و تغطي علي اذا طلعت مع ياسر
عزيّز ضرب كتفها بخفه : اشوف طلعاتكم كاثره الاختبارات باقي لها يومين و تخلص شنو تذاكرون ولا ليكون تحبينه ؟
ديالا بحياء : ها حب شنو انا ما احب احد
عزيّز : النقاب مو مخليني اشوف خدودك و اعرف اذا مستحيه ولا لا بس من الكلام واضح انك كذابه
ديالا بتصريف : امش قدامي بس
عزيّز ضحك : تمام قدامي
« بالقصر »
رائد : عمي ميشو فاضي ؟
مشاري : افضى لك تعال
رائد جلس و اخذ نفس و حكى بهدوء : عمي تعرف انا غلطت بزواجي الاول و كان غلط لا يغفر له ولكني انسان و حنا مو معصومين عن الغلط
مشاري : دامك معترف بغلطك فـ ذا يغنيني عن كلشي
رائد إبتسم : عمي انا جايك اطلب يد بنتك طِيف على سنه الله و رسوله
مشاري بصدمه : واّلله لخمتني ولا واحد بالميه توقعت انك بتقول هالكلام بيّوم
رائد : شوف ميشو تقول لي ولد خالتها حاجزها عادي اروح اقتله
مشاري ضحك : لا شدعوه دامك جيت عندي و طلبت يدها خلاص تَم بس الشور لـ البنت اذا وافقت كلم أبوك و نملك
رائد باس راسه : الله يخليك لنا ولا يحرمنا منك
« اخر الليل »
" شافها تمشي بـ إتجاه الحديقة سحبها و ثبتها على الجدار إبتسم وهو يشوفها خايفه "
: اسويها ؟
أريف بخوف : تسوي ايش سلامات ما خلصنا من حركاتك بجده لحقتنا لـ الرياض؟
عزيّز : سمعت شخص يقول اذا شفت شي في طريقك و اعجبك شيله
أريف ضربته : الله يشيل مخك المضروب و يعطيك مخ صاحي
عزيّز قرب لها : اشتقتي ؟
أريف بتوتر : لا
عزيّز : طيب اسف
أريف ضحكت : الحين مفروض اقول لك سامحتك و تبوسني و نرجع و كأن شي ما صار صح ؟
عزيّز ميّل رأسه : صح
أريف مسكت بلوزته بحده : انا مو لعبه عندك ترميني و تاخذني متى ما تبي فاهمه
" بحركه سريعه طلع السلسال من جيبه و لبسها و طلع السلسال حقه من تحت تيشيرته "
: لما اقرب يتشابكون ببعض و حنا كذا لازم نبقى سوا العمر كله و حنا مكتوبين لبعض
أريف بعدت و فصخت السلسال : شنو اشياء الاطفال ذي انا اكبر من انك تراضيني كذا
عزيّز : زين روحي غرفتك و شوفي كيف راضيتك و بعدها ارجعي لي بجلس اشرب شاي
" دخلت و مشاعرها متلخبطه ، مشتاقه له ولكنه جرحها بأصعب اوقاتها ، حس بغلطه ولكن غلطه لا يغفر ، اخذت تتأمل السلسال و لما شافت حرفه محفور فيه لبسته و خبئته تحت البدي حقها "
« بمُكالمه يَوسف و تِركي  »
يَوسف : هلا أبو كادي
تِركي : هلابك يالي لك فقده
يَوسف : تعرف الدنيا أشغال و ودي بعد كم يوم بجيه لـ جِده و المقصد شوفتك طبعا
تِركي : لا خلك انا صرت احسن منك و جاي الرياض
يَوسف : تعرف انك مو بس بتنور الرياض بتنور نجّد كلها
تِركي : منوره بوجودك يبوقليبي
يَوسف : الله يسلمك
تِركي : تذكر لما قلت لك ودي اجي الرياض عشان اروح معرض الكتاب
يَوسف : اي و زعلت لانك ما رحت السنه الي راحت
تِركي : توفرت لي هالسنه فرصه اني اروح و بعد اشارك و أبشرك بصدر كتابي هناك
يَوسف بأستغراب : سويت الي براسك و خلصت الكتاب؟
تِركي : إي
يَوسف بحماس : اول توقيع لي و نقطه .
تِركي ضحك : أبشر من هالعين
يَوسف : تسلم لي انت و عينك و اذا جيت بتاخذ فندق ؟
تِركي : لا ناسي ان امي عندكم بالرياض بنجلس عندها
يَوسف : حسافه كنت بسوي اني المحزم و اقولك تجي عندنا
تِركي ضحك : ما تقصر يبو مشعل
« بعد أسبوع »
طِيف : ليه ما صارحتني انك تحبني قبل ما تخطبني؟
رائد : شي طفولي صراحه حبيت اخطبك و العب بمشاعرك شوي و لإنك هالفتره مو طبيعيه قلت ارجعك لـ الامر الواقع شوي
طِيف : ليه تغيرت كذا ؟ انت مو رائد الي اعرفه 
رائد : بالاصح انتي مو طِيف الي حبيتها و عشقتها طول حياتك عينك على شخص مو معطيك وجه ولا اهتمام ولا انتبهتي لـ الي يحبك من كنا صغار
طِيف نزلت رأسها : تعرف اني احب عزيّز و للحين تحبني ؟
رائد : ما احبك ولكن ما اسمح لك تكونين طرف ثالث بحياه إي شخص
طِيف بعصبيه : دامك ما تحبني ليه خاطبني؟
رائد وقف : الجواب بتلقينه بعدين و الحين قومي نروح السوق نشتري اغراض الملكه
طِيف : ما يحتاج بنسويها بالبيت
رائد : احس يحتاج ،" و بصراخ "، ليزي هاتي مَلك
طِيف : ادري آنك اناني ؟
رائد ضحك : أناني ؟ و انا تاركّ 20 سنه عشان تعيشين الحياة الي تبغينها و لما خطبتك عشان تخربين حياة بنت عمك صرت اناني ؟
طِيف : طيب اطلع برا ابي ارتاح
رائد : اوامر ثاني يا حرّم رائد ؟
طِيف طيرت عيونها : لا اطلع
« بالسطح »
رزان إبتسمت : يعني طيفه بتتزوج ؟
أريف : تخيلي وهي اكثر وحده تكره الزواج بتتزوج
رُدين : يارب تعقل عاد
أريف : ما ظنتي والله
رزان : المهم ببدأ اختبارات الاسبوع الجاي و إيثار عندنا و احس طفش
رُدين : احسها تونس
رزان : لكنها نظاميه بشكل مو طبيعي عندنا حنا انا او امي نغسل المواعين عادي بس هي لا كل شخص يغسل من بعده و ينشفه و يرجعه مكانه و الصبح من الساعه سبع و نص كلنا نصحى و نجلس مع امي و نفطر و الساعه ١١ الكل نايم
أريف : الله ياليت تجي عندنا و ترتب حياتنا
رُدين : صح وناسه و ترتيب بس احس تراه بيت ماله داعي هالنظاميه الزايده
رزان : بس احلا شي فيها انها تتوسط لي عند امي و تخليني اروح المكان الي ابيه و تعطيني فلوس
طِيف دخلت و معها قهوة : والله ذي احتاجها بحياتي
رُدين : معليه رائد يعطيك فلوس
طِيف : تكفين اش احس بصفقه
رزان : الناس بعد ما يشوفون الي يحبونه يحكون عن النظرات الي صارت ولا ملامحه و إبتسامته و ذي تقول بصفقه
أريف : ذَا الحُب يا جاهلينه
رُدين : على طاري الحُب شصار على زيزو
أريف : يبي يراضيني و حركاته حركات اطفال جايب بلوفر و كم شي سخيف
طِيف : يكفي انه جاك و اعتذر لك
أريف : شنو ينفع الاعتذار ؟ لما تكسرين جدار و تحطين لصقه جروح بيرجع كلشي ؟
رُدين : فخري لا ترضين بسرعه عشان لا يقول خفيفه
رزان : انتبهي عليه لا ياخذونه أشباه انوار
أريف وهي تشرب قهوتها : بالعافيه عليهم