وجهك غيث ارتوى فيه سماء قلبي

P : 25

وِجود فزت : يمه سحر شنو و مين مسحور
ضحى : شفت فيه صوّره و أسم بدر او بدران
وِجود : تاكدي تكفين بدر ولا بدران
ضحى : ما ادري بس باخذه لـ شيخ يفكه
وِجود بخوف : شلون بقول لـ يَوسف
ضحى : ما اعرف حاولي تمهدين له الموضوع
وِجود بتوتر : طيب مين حط له السحر ؟
ضحى : ما ادري واّلله
وِجود : افف ببالي الف سوال
ضحى : اشربي عصيرك ما ودي يتضرر الجنين و انتي لسى ببدايه حملك
وِجود اخذت نفس : معليه بحاول انسى
« بغُرفه خِالد و عزيّز »
عزيّز : خَلود
خِالد و عينه على جواله : همم ؟
عزيّز : طفشان
خِالد : و المطلوب مني ؟
عزيّز قام : فيفا ؟
خِالد : فكرتك سخيفه
عزيّز : طيب اتصل على العيال الي صاحي يجي نلعب بلوت و اذا كلكم نايمين مالي الا فيفو
خِالد : الله يغثك انت و فيفو
عزيّز : يليل العذال
يَوسف دخل : شعندكم صاحين ؟
خِالد : حنا لا شغل ولا مشغله انت شعندك صاحي ؟
عزيّز : ما يعرف ينام و الحب مو موجوده
يَوسف : قالت بتنام عند امها و قلت اشوف شنو تسوون قبل انام
عزيّز : ما بتنام سهرتنا اليوم صباحي
خِالد قام : بشوف رَيان و رائد اذا صاحين خليتهم يجون
يَوسف : رائد اتركه اكيد تعبان من السفر
عزيّز : معليك منه اذا صاحي خليه يجي و اذا نايم اتركه
خِالد : و رَيان حتى اذا كان نايم بسحبه ،" طلع "،
يَوسف : يساتر انتو دايم كذا ؟
عزيّز : لانك دايم بالدوام ما تدري ان كذا طبيعي جداً
يَوسف : طلعتو فله بجلس معكم دايم
رَيان دخل : ما ندخل معنا متزوجين
رائد : الحين انا انطردت ؟
خِالد : انت الحين متزوج ؟
رائد ميل راسه : مدري
يَوسف : يا غباء أسالتكم
رائد : معليه تمونون
عزيّز : ملوكه وينها ؟
رائد : تركتها عند طِيف و أريف
رَيان شغل السوني : الشبابات يبون يروحون المول
عزيّز : انا و خِالد نوصلهم
رائد : مين الي بيروح ؟
خِالد : أريف و ديالا و جـيّهان
رَيان : التشكيله غريبه
عزيّز : كلنا مستغربين بس يلا ما ورانا شي
خِالد : بس هم وراهم بلاء
يَوسف : بيني و بينكم مو متطمن لذي الطلعه
رَيان : خِالد تبي اروح بدالك ؟
خِالد : اجلس بس
رائد : هات اليد خلني اكسر راسك
رَيان ضحك : بدري عليك
« بالمول »
جـيّهان : يوه نسيت بوكي بالسياره
خِالد : تبين اجي معك ؟
ديالا : ابي اسرع محل عبايات نقابي خرب
عزيّز : طيب امشي قدامي
أريف : تعالي جيجي اجي ادور معك
خِالد : زين بربط جزمتي و اجيكم ،" نزل رأسه لـ يربطها ولكن اول ما رفع لاحظ سياره سوداء تفتح بابها و تدخل جـيّهان و أريف حاول يلحقهم ولكن استوقف وهو يشوف سياره متوجهه نحوه و بداخلها رجال فتحو الباب و انسحب داخلها ، أغُلقت عيناه و استغرب وهو يسمع صوت آمرأه "،
: ولد ؟ جيبوه لـ المستودع رقم واحد أبي اشوفه
خِالد بحده : وين البنات ؟
: قفل فمه لا يسمعكم احد
خِالد بصراخ : علموني بالاول
مَجهول : كلمه ثانيه بنزلك
خِالد ضحك : انا ابي انزل
" وصل و نزلوه و خلوه ينثني على ركبته "
رانيّا شالت اللقص عن فمه : ذا خِالد اتركوه
خِالد : الموضوع فيه واسطه ؟
رانيّا قربت من وجهه : يمديك تقول
خِالد إبتسم : زين علميني وين البنات و احبك
رانيّا رفعت حاجبها : بخصوص الثقه
خِالد ميل شفته : ما يحق لي أتباهى ؟
رانيّا طالعته بأعجاب : بجمالك ذا إي
خِالد : طيب افتحي عيني خليني اشوف اذا الوجهه حلو زي الصوت ولا
رانيّا وهي تلعب بشعره : ماله داعي
خِالد بصوت واطي : الله ياخذك
رانيّا : قلت شي ؟
خِالد : لا حشا بس جد علميني وينهم
رانيّا : انت بكفالتي بتروح و ما سمعت ولا شي فاهم ؟
خِالد : زين يا آنسه ؟
رانيّا : رنو
خِالد : تشرفنا
رانيّا : الشرف لي ،" و بصراخ "، تعالو خذوه
خِالد بصوت عالي : بشتاق لك
مجهول : نفتح عيونه ؟
رانيّا : دامنا بمكان بعيد عن الانظار افتح
مجهول : تمام أوامر ثانيه ؟
رانيّا : ابقى على اتصال مع استاذ يزيد
خِالد بصوت واطي : كذا نظامكم
مجهول : امش قدامي
خِالد : زين يلا ،" اخذوه بنفس السياره و رموه بالطريق و فكو عقد يده و عيناه و تركوه ، ضل ساعه يحاول يدور إي سياره تمشي ولكن بعد مده مرت سياره و حاول يأشر لهم "
الشخص : انت أنس ولا جن ؟
خِالد : انا مثلي مثلك
الشخص : شتسوي هنا الطريق مقطوع و محد يمر به الا نادر
خِالد : انا مخطوف تكفى ساعدني
الشخص : اركب و احكي كلشي
« بالمستودع »
جـيّهان : أريف فكري انتي شنو متورطه فيه و وصلتينا لذي الداهيه
أريف : وجع شسويت لهالدرجه انا راعيه مصايب ؟
محمد : لا بس تعبثين مع الناس الغلط
أريف : يا اكثر صوت اكرهه
محمد : ما حنيتي ؟
أريف : ولا فكرت
محمد : شعورنا غير متبادل حبيبتي
أريف : ممكن افهم ليه خاطفنا ؟
محمد : تحسبين قلوب الناس لعبه ؟
جـيّهان : أريف منو ذا
أريف : جوني اش مو وقته
محمد : لا احكي
أريف : نرجع لموضوعنا كسرت قلب رُدين و كانت بتىْتحر بسببك بس انا اترك قبل ما اعترف لا ؟
محمد شال الغطا من عيونها : قوليها بعيني انك ما تحبيني
أريف إبتسمت : احب عزيّز و بس
محمد فك حزامه و ضرب فخذ جـيّهان : إي قلتي تقولين لي تحبين مين ؟
أريف بققت عيونها : محمد تستهبل ؟
جـيّهان بألم : أريف
أريف : تعرف شنو بيصير لو الشرطه مسكتك ؟
محمد : ابوي مطلوب من سنتين و لو جبتي ولده الي هو انا يمكن يكرمونك بس عقلك غبي ما يفهم انه يتعامل مع الاشخاص الغلط
أريف : شنو المطلوب اسوي
محمد : الامر صغير جداً عندنا طلبين الي بتسويه بتتحرر و الي ما بتسويه عاد يزيد يتفاهم معها ؟
جـيّهان : ذا مو مسجون ؟
أريف : شنو طلباتك
« بالقصر »
يَوسف أستغرب وهو يرى رقم غريب رد و إبعد الجوال عن اذنه من الصراخ : يا بابا لا تصارخ شفيك ؟
خِالد : يَوسف انا خِالد الحق
يَوسف : شفيك شصاير و وينكم بيظلم الليل و عزيّز و ديالا يقولون ما شافوكم
خِالد : يَوسف انا و أريف و جـيّهان انخطفنا و تركوني و هم اخذوهم ساعدني
يَوسف قام : طيب انت وينك الحين ارسل اللوكيشن
خِالد : كلم الشرطه و عماني
يَوسف : زين قفل و ارسل لي بسرعه ،" وقفل "،
ديالا : راحو الملاهي صح ؟
طِيف ضحكت : كلن على همه سرا
يَوسف وهو يقرا بجواله : انخطفو من قدام المول
راشَد فز : مين خطفهم و كيف
يَوسف : ما اعرف بس تعالو نروح لـ الشرطه و نشوف
رَيان : نتوزع ناس تاخذ خِالد و ناس تشوف تسجيلات المول و ناس تروح لـ الشرطه كذا بنخلص اسرع
مشاري : زين رائد روح انت و ريان لـ المول لانه اقل خطر عليكم و و يَوسف و راشَد و بدران روحو لـ الشرطه و انا و عزيّز  بنروح ناخذ خِالد و نلحقكم
بدر : بنات اركبو معي بوديكم لبيت خالاتكم
رائد : لا تنسون ملك و اغراضها
«جِده »
" عِند إيثار كامله الاناقه بـ ثوبها الازرق الماسك لـ جسمها و عقد الماس مُجمل عنقها و شعرها الأسود الويفي و الميك أب الناعم و الروج الاحمر الجريئ كانت كـ عادتها قمه بالجمال و النعومة خرجت من الغرفه و بيدها المبخره أتجهت لـ تِركي و بدت تبخر غترته طالعها بإعجاب و جلس يتأمل أدق تفاصيلها حكى لها بحُب "
: ما تعبتي و انتي جميله كذا ؟
إيثار طالعت بعيونه : كيف بتعب و انا اسمع هالحكي الحلو ؟
تِركي : ما ينلام الواحد عنده هالجمال ولا يقول له حكي حلو ولا غلطان
إيثار إبتسمت : أحبك
تِركي باس يدها : اعشقك
إيثار : بجيب عبايتي و أجي عشان نمشي زين ؟
تِركي : تمام يَاروحي،" بعد ما دخلت الغرفه أخذ جواله و فتح المذكرات و بدأ في كتابه « ‏يا ليتَ قاسيةَ الفؤادِ ترفقَتْ،بمُتيَّمٍ لَمَحَ الجمالَ فذابا. » قفل جواله لما شافها قربت له و نزلو لـ السيارة سوا "،
« بمنطقه قريبه من الرياض »
أريف : شنو طلباتك
مِحمد : طلبي بالنسبه لِك أستاذه أريف ابيك تتزوجيني و بنسافر اليابان
أريف ضحكت : تدري أن طلبك سخييف
مِحمد لمس شعرها : بس انا طالبك بالحلال و بتصيرين زوجتي و ولي لحالي
أريف بصراخ : لا تلمسني أبعد
مِحمد رجع على ورا : المهم عرفتي شنو ابي منك
أريف : ثقتك اني وافق ؟
مِحمد : مو ضروريه موافقتك
جـيّهان : طيب شتبي مني ؟
دخل يزيد : بيت امي و اختي
جـيّهان : ما اعرفه
يزيد : و ذا المطلوب ابي تعرفينه
جـيّهان : كيف اعرفه و انا هنا ؟
يزيد : بخليك تروحين يوم و ترجعين بس صدقيني لو ادري انك مكلمه احد او مخبره الشرطه بتودعين بنت عمك لـ الأبد
أريف : شتبون منا ؟ يمديكم تحلون مشاكلكم بعيد عنا
مِحمد : و اذا صرتو انتو مشكلتنا ؟
يزيد : انا مشكلتي مع يوسف و هو مو راضي يخلينا نتفاهم فـ اعتقد بذا الحل نقدر نوصل لـ شي
جـيّهان : طيب متى تفكوني
مِحمد : أريف وافقي ؟
أريف اخذت نفس : احتاج وقت افكر فيه
مِحمد ضحك : منو قال لك انه زواج برضاك لا هالشي غصب عنك بتوافقين
أريف بصراخ : لا تضغط علي
مِحمد مسك شعرها و بحده : لا تنسين نفسك يحلوه وصوتك لا يعلى فاهمه ؟
يزيد : رانيا وين ؟
مِحمد : نتفاهم مع مخطوفها
جـيّهان : خِالد ؟
أريف : يارب نرجع سالمين
جـيّهان : خِالد قوي و بيسوي كلشي عشاننا
مِحمد ضحك : نكته حلوه
أريف بهمس : مستفز وع