وجهك غيث ارتوى فيه سماء قلبي

P : 37 و الاخير

« بعد يومين بمكتب خِالد »
وتين : صباحو خلود
خِالد أخذ نفس : صباح النور يا عقوبه خِالد والله
وتين : لو سمحت نحتاج نتكلم شوي
خِالد : شنو
وتين مدت له القهوة : ممكن تفهمني ليه ما تحبني ؟
خِالد : ما تذكرين الي سويتيه ؟
وتين بـ براءه : شسويت بالضبط ؟
خِالد بحده : وتين !
وتين : تمام صح اعترف ان البدايه ما كانت كويسه بس تَرا منتشره قصص الي يسافرون و ينخطفون و ما يرجعون و بعدين أنا وحيده نفسي صح محد بيسأل عني بس معليش ما ودي اموت وانا ما سويت شي مفيد بحياتي
خِالد : أهلك ؟
وتين : مجهولين
خِالد : ميتم ؟
وتين : لما صار عمري 18 طلعوني
خِالد : صحباتك
وتين : ما اعرف وين راحو
خِالد مسح وجهه : تدرين أحس ودي اسمع قصتك كامله
وتين : حاليا احس ما ابي مو من اول يوم بضيق خلقي
خِالد : زين تبين قهوة شاي عصير شي ؟
وتين : تعرف مطعم شاورما حلو ؟
خِالد : إي في
وتين : يوصلون ولا اروح مشي ؟
خِالد : لا اتصل عليهم انا شنو طلبك
وتين : مدري شاورما و بس
خِالد رفع حاجبه بأستغراب : تمام
« بالقصر »
رُدين : فيفو يا حشرة اجلسي جتني دوخه منك
أريف جلست : بنات الحين كيف بتخطى نظرات 200 شخص انا لو احد طالع فيني تلعثمت اخاف اطيح على وجهي
ديالا : شدعوه 200 تراهم بس 50
أريف طيرت عيونها : لا كذا خففتي علي برضو الوضع يوتر
رُدين : اذا بس الملكة كذا كيف العرس
أريف حطت يدها على وجهها : افف وين طِيف تأخرت ببكي
رزان : أريف اوڤر يا ماما
ديالا : بنات جد الشعور يجيب الخوف مو كذب
أريف : احس تراجعت مابي اتزوج
رُدين بعصبيه : هبله انتي ؟ قولي هالكلام لـ عزيّز والله اذا ما أخذك قدام الكل و خلاك بغرفته ما يكون ولد مِشعل
رزان وقفت و سحبت أريف : أغسلي وجهك و تعالي
أريف : طيب شوفو طِيف لا جد أغيري رأيي
رُدين : معليك منها تجي مع رائد انتي اخلصي بس
ديالا : انا بنزل و بأخذ معاي فستان الهَانم تمام
رزان : يلا بنزل معاك
رُدين : لا حبيبي انا بنزل خذي معاك هالمعتوهه قبل ارتكب فيها جريمة
أريف بُوزت : ياربي يا رودي
رُدين : ياربي منك بس
« بقاعة الرجال »
خِالد بضحك : شنو الاوضاع سمعت انها بكت عليهم
عزيّز : هي بس تحب الكلام ولما تنحط بالأمر الواقع تخاف مدري شلون نصارحها ان وراها زواج و عيال
يَوسف : لا بس تتدلع ولا سوا وِجود أصغر منها ولا سوت هالدراما
رَيان : لا البنت معها حق تخيل اكبر همومي اني بكره اطلع الكوفي بكرا و فجاءه تصير همومي اني انتبه لزوجي و ولدي و اطبخ لهم و انظف البيت
عزيّز : لا حبيبي زوجتي بتكون زي الملكة انا اسوي لها كلشي ولا تزعل
رائد : بعيد عن كلشي عماني وين ؟
خِالد : يقولون بيجون سوا و يتركون السايق لـ خالاتي
يَوسف : وش له السايق انت و رَيان موجودين
رَيان : ولا تفكرون بس انا جاي بدون سيارة عشان محد يزعجني خذ فلان و علان
عزيّز : حمدلله الحين بتزوج محد بينكرف غيركم
خِالد : تراك معنا بنفس القصر هدي
عزيّز : شدراك يمكن تطق برأسي و اسكن لوحدي
رائد : دقيقه خِالد الحين تِركي بالرياض ولا رجع جِده
خِالد : لا رجع يقول بيقدم إجازه لانها بتولد هالفترة و تبي تولد عند صديقتها
« عِند البنات »
أريف : بنات كلشي تمام ؟
طِيف : كلشي تمام بس لا تبكين تعبت و انا اعدل لك
رُدين : بنات بطلب من المطعم أحد يبي شي
طِيف ضربت كتفها : وين هالكلام بزواجي ؟
رُدين : بزواجك كنّا مروقين لدرجه افطرنا و تغدينا و خذينا سناك بس اليوم عندنا مصيبه ما خلتنا نسوي شي
دخلت رهف و حكت : بتنزلون ؟ بدو الناس يكثرون
أريف : دقيقه قبل تنزلون بوريكم السبب الي خلاني أبكي ،" و فتحت كفر جوالها و أخرجت صوره قديمه تُعود لـ أمها بيوم زواجها "، ما توقعت أن هاليوم بيمر وهي مو موجوده تمنيتها واقفه قدامي و تمسكني و كل ما توترت طالعتها و نسيت كِل همي
رهف حضنتها : أنا أمك الثانيه يَاروحي و انتي بقلبي قبل روحي و غلاتك من غلاه طيفه
أريف إبتسمت : الله يخليك لنا ماما رهف
رهف : يا حبيبي إبتسمي و انتو انزلو اتركو عزيّز يدخل يشوفها
رُدين : خالتو الساعه توها 10 لاحق
رزان غطت فمها : حاضر خالتو الحين ننزل
ديالا : رُدين اطلبي لي معاك بموت من الجوع والله
رزان : اطلبي لنا كلنا جوعانين
طِيف : لا تحسبيني انا مأكله مع رائد
ديالا مدت مَلك : حلو امسكي بنتك و انزلي انتي وياها
طِيف : اهخ مدري كيف انتي اخت خِالد
رُدين حضنتها من على جنب : تربيتي حبيبتي
« بعد ساعه »
عزيّز بهمس : قالو لي بكيتي صح ؟
أريف : لا
عزيّز بضحك : إي صح المهم يلا وقعي و صيري ملكي أبي أفتك من هالعذاب
أريف وهي توقع : إي عذاب ؟
" مسك يدها لـ توقف و ثم وقف أمامها و بأس شفتها بعُمق و إبتعد و حكى « ما قدرت أصبر أكثر » و إبتسم وهو يسمع أصوات التصفيق و الصراخ من حولهم "
تقدمت رُدين بهمس : هالمره صورت زين
أريف بحياء : القاها منك ولا منه
عزيّز بضحك : فخري رودي والله
رزان : ذَا وهي الملكة بس كيف العرس
ديالا : هو يستنى هاللحظه من أشهر لا تلومينه
شَروق : فضحتنا قدام الناس
عزيّز :  بالعكس بيقولون رومنسي واضح متزوجين عن حب
شَروق : دامك وقعت يلا أطلع خلنا نأخذ راحتنا
عزيّز بأس خد أريف : انتبهو لـ أم عيالي طيب ؟
ديالا : يع ابي احب
رزان : و ياسر وين راح؟
ديالا بخوف : ياسر مين ؟
رزان ضحكت : تَرا ادري انكم تحبون بعض قال لي
ديالا إبتسمت : اي شقال بعد ؟
رزان رفعت عيونها : بعدين اقولك
« بعد مُرور خمس سنين ، بمُكالمة خِالد و وتين »
خِالد : يلا يا عيوني نامي زين بكرا ورانا يوم حلو
وتين : شكثر متحمسه خلاص اخيرا بيجمعنا بيت
خِالد : و بيجمعنا بنت ولا ولد صغير
وتين : بيصيرون لطيفين زيك 
خِالد : و عيونهم حلوه مثلك و يحبون الدراسة مثلي
وتين : و مستحيل يخالفون أوامر الي اكبر منهم مثلك و يحبون يتدلعون على أبوهم مثلي
خِالد : يفدا روحك أبوهم والله
وتين إبتسمت : يصير انام على صوتك ؟
خِالد أنسدح : بتكون اخر مره بكرا ببنام سوا
وتين : زين أحبك
خِالد بأس المايك : اعشقك والله
« بـ جِده »
إيثار : كادي يا ماما يلا ألبسي لا تتعبيني أكثر
كادي : مابي yellow بابا يحب الـ blue
إيثار بعصبيه : لا ازعل منك يلا
كادي تكتفت و جلست : مابي مابي
ليّار : ماما لبسي حلو ؟
نزلت إيثار لـ مستواها : أنتي كلك حلوه يامامي مو زي بنت تِركي ذي
تِركي دخل و حظن كادي : حدك على صغيرتي
إيثار تخصرت : صغيرتك اجل ؟
تِركي : معليك منها يا دودي ماما تغار منا
إيثار : حلو اجلس انت و دوري انا بروح اجهز ملابس كاسر
تِركي : ليّار جهزتي ؟
ليّار : إي بابا جاهزه حتى شنطتي جاهزه
تِركي : و كادي ؟
كادي : لا ما سويت شي
تِركي : ليه تتعبين ماما ؟
كادي : انت تحب الـ blue و انا ابي البس blue
تِركي : و ماما تبي تلبسين الاصفر صح ؟
كادي : إي بس انا ما احب الـ yellow
تِركي نزل لمستواها : نلبس اليوم بالمطار أصفر و لما نوصل عند ماما أهداب نلبس فستان ازرق شرايك ؟
كادي بتفكير : امم اوكيه
تِركي أخذ نفس : حمدلله يلا نجهز ملابسنا سوا و بعدين نشوف ماما و كوكي
« بالرياض »
رُدين نزلت : تعالي يا ام كشه وين امك
ميّلاد : مالك دخل
رُدين كشرت : تربيه عزيّز ما اشره عليك
عزيّز شالها : وبنتي صادقه مالك دخل
تُلى : عمو عزوز
عزيّز لف عليها : لبيه يبابا
بدر : عادي نلعب مع ميلو ؟
عزيّز نزلها : روحو العبو بس بدوري لو تضربهم بعلم رائد تمام ؟
بدر مّيل رأسه و قال : تمام
عزيّز : تعالي تولي وين تيّم ؟
تُلى : ماما عاقبته لأنه ضربني
رُدين : كفو عليها مو زي هالحمير بدل ما يهاوشونهم يشجعونهم
عزيّز : ميلو الي يتدخل بحياتنا شنو نقول له ؟
ميّلاد : مالك دخل
رُدين وهي تمشي : انا اكلم مين اصلا 
« أليّوم التَالي »
أريف : جوجو بنروح تجين ؟
وِجود وقفت : مين بيأخذكم ؟
أريف : البنات قالو بيروحون مع السواق انا بروح مع عزيّز تجين معاي ؟
وِجود بتفكير : لا شكلي بجي مع يَوسف
أريف : يَوسف راح تعالي معنا
وِجود : زين خذي الصغار معاك و أنا بنزل ،" و طلعو من الجناح "
تُلى : خاله فيفو وين ميلو ؟
أريف : ميلو ذابحها حب هالقطوه تعالي نقول لها انزلي
تيّم : عادي العب مع القطوه اذا رجعنا ؟
أريف مسكت خده : عادي يبابا
راشَد : ها يبه بتروحون ؟
أريف : بروح اخذ ميّلاد من الغرفه و اروح غريبه انت ما رحت
راشَد : لا بس كنت مصدع و قلت أريح شوي
أريف : سلامتك يالغالي ما تشوف شر
راشَد : الشر ما يجيك يروحي
« بالقاعة »
شَروق : حمدلله الله بلغني و حضرت زواجاتكم كلكم
أبرار : بس في عله مهي راضيه تتزوج
رُدين ميلت رأسه : افا انا عله ؟
أهداب : باقي لنا رزان و رُدين ان شاءالله بليلة وحده و اخوان بعد
رُدين : بس ما عنده اخوان
رزان تنحنحت بترقيع : يمه اتصلي على إيثار تأخرت
ديالا : ترا عندها ثلاثه أطفال مو واحد
رهف : هو حتى البلاء بـ أريف الي عندها وحده و تتأخر
طِيف : ماما أريف من قبل لا تتزوج و هي تتأخر مافي شي جديد
نادين : الطيب عند ذكره جو
إيثار : ليكون تحشون فيني عاد ؟
رزان أخذت كاسر : وشو هالأسمر المملوح
أهداب : وشو هالفستان الازرق الحلو كدوش ؟
كادي دارت حول نفسها : بابا أختاره
ليّار ناظرت طِيف : العب مع مين ؟
طِيف وهي تأشر لـ بدر : بدوري بابا
بدر ميّل رأسه : نعم يا طِيف 
طِيف : حبيبي روح العب مع ليّار و اذا جت تيمو و تولي علمني و بدون ضرب طيب ؟
بدر : طيب بدون ضرب
طِيف مسحت على رأسه : أبوي انت
« بُوقت الزفة »
نُزلو الاطفال حامليّن سلات مليئه بالورد و وقفو بـ أماكن مُختلفه بالدرج و أنفتح الباب و خرجت وتين بـ إبتسامتها و نظرتها الغارمة لـ خِالد و بدأت تنزل من الدرج و الورد يتناثر من حُولها ليّن وصلت نُصف الممر و أمسكت بيد خِالد و كملت طريقها لـ الكُوشة و جلست و بدؤ الناس يسلمون عليها و خِالد يعرفها عليهم "
خِالد : وذولا بنات عمي ذي طِيف ام بدر بنت عمي مشاري
طِيف إبتسمت : الف مبروك حبيبتي
وتين : يبارك بعمرك يروحي
خِالد : وذي أريف أم ميّلاد بنت عمي راشَد
إريف : ما ودي اتعرف هنا تعالي القصر و نسهر لـ الفجر و نسحب على أزواجنا 
وتين ضحكت : ان شاءالله
خِالد : وذي رُدين الي لسى ما تزوجت بنت عمي بدر
رُدين : ان شاءالله اذا تزوجو عيالك تزوجت
خِالد نزل رأسه : وذي وِجود أم تيّم و تُلى زوجه يَوسف
وِجود : اهلا بالسلفة الجديده
وتين : يا هلا فيك
خِالد : و ذي رزان اخت صديقي تِركي بس بتلاقينها عندنا بالقصر طول الوقت
رزان : نستناك بجلسه السطح عاد
وتين : ما طلبتو شي
ديالا : و المعروفه لا تعرف عاد
وتين مسكت خدودها : يزينك يختي
رزان بهمس : بروح أشيك على صالة الطعام زين
ديالا : اتصلي يمكن في احد من العيال هناك
رزان : الساعه وحده مين بيكون هناك يعني ؟ ،" و نزلت وهي متوجهة لـ صالة الطعام ضلت تمشي وهي تتأمل الاكل وتشوف اذا في نقص او لا و استوقفها أصطدامها بجسّم كبير و ضخم مما أوقعها
: بسم الله عليك جاك شي ؟
رزان وهي تنفض فستانها : لا انا بخير
مّد يده : اسف ما انتبهت
أمسكت رزان بيده و وقفت : انا الي أسفه ما كنت اشوف قدامي
: إي دامك موجوده هنا بهالوقت اكيد لك صله
رزان : انا أخت تِركي صاحب خِالد
: و أنا هشّام إذا تعرفيني
رزان بصدمة : صاحب الخيول ؟
هشّام إبتسمت : إي ما توقعتك تعرفيني
رزان وهي تطالعه من فوق لـ تحت : لا بس ما توقعت اني بصادفك
هشّام : الدنيا صغيرة عاد
رزان : المهم فرصه سعيدة
هشّام : بس جد جاك شي ؟
رزان ضحكت : لا لا شدعوه مو لهالدرجة ،"و طلعت وهي تركض و وقفت خلف الباب و وضعت يدها على قلبها لـ تنظم نفسها و تقدر تحدد شعورها و حكت بهمس بـ نفسها « رزان الفرصه جت لين عندك استغليها » إبتسمت بحُب و مشت لـ البنات لـ تحكي الي حدث
-
« الحمدلله انتهى 💙 . »
•آراكم بالرواية بشكل عام•