Unicode
~~၇~~
"ကြီးမိရေ...ကာကာပြန်ရောက်ပါပြီ..."
အပြင်ကနေ ပြန်လာတိုင်း အိမ်ပေါက်ဝကနေ ကြီးမိကို လှမ်းနုတ်ဆက်ပြီးမှအိမ်ထဲဝင်နေကျ။
"မင်္ဂလာပါရှင့်...အိမ်တော်ကနေ ပြန်လည်ကြိုဆိုပါတယ် ...အထဲကိုကြွပါရှင်..."
ကြီးမိအသံမဟုတ်ပါလား ။ အသံသြသြလေးက ။ ခဏကြောင်ရပ်နေပြိီးမှ ကာကာအိမ်ထဲဝင်ပြေးလေပြီ ။
"တီဇော်...တီဇော်ရေ...တီဇော် ပြန်ရောက်နေတာလား...တီဇော်...တီဇော်တကယ်ပြန်လာပြီပေါ့..."
ဝင်ပေါက်ကို မြင်နေရတဲ့ နေရာမှာ ထိုင်နေတဲ့တီဇော်က ကာကာ့ကို အပြုံးမျက်နှာဖြင့်ကြိုသည်။
" ပြန်လာပါပြီရှင်... နေကောင်းလားမီးလေး..."
"ဟုတ် နေကောင်းပါတယ် တီဇော်...တီဇော်က မြန်မြန်ပြန်လာမယ်ဆိုပြီး တစ်လတောင်ကြာတာ...အခုပြန်လာပြီး အိမ်မှာ ကြာကြာလေးနေပါဦးနော်...တီဇော့်ကို လွမ်းနေတာ..."
ခုန်ဆွ ခုန်ဆွကလေး ပြေးဝင်လာတာ ကလေးလေးလိုပဲ ။ ဇော့်ဘေးမှာဝင်ထိုင်ပြီး လက်မောင်းကိုဖက်ကာ စကားတွေ အမောတကော ပြောနေတဲ့ ကလေးမကို ဇော် သဘောတကျကြည့်နေမိသည် ။ တွေ့စကလို ငေးငေးမှိုင်မှိုင်နဲ့ လူကြောက်တဲ့ ပုံစံလေး မဟုတ်တော့ ။
''နေမှာပါ မီးလေးရဲ့ စိတ်ချ... နောက်ဆို တီဇော်အိမ်မြဲလွန်းလို့ ခရီးပြန်ထွက်ပါဦးလို့ တောင်းပန်နေရမယ်နော်..."
"တောင်းပန်ပါဘူး...အဲ့လိုဆို ပိုတောင်ကောင်းသေး...တီဇော်က ခရီးထွက်ရတာပဲ ကြိုက်နေပြီးတော့...အိမ်မြဲမြဲလေးနေမှကောင်းတာ...ကာကာရောက်လာတာ ကြာနေပြီ...တီဇော် အိမ်မှာရှိတဲ့ရက်က ဒီလောက်တောင် မပြည့်သေးဘူး..."
လက်တစ်ဖက်ကို လက်ချောင်းကလေးတွေချဲပြီး ထောင်ပြသည် ။ ဟုတ်သား ။ ဇော်ဟိုတစ်ခါက သုံးရက်တည်းနေပြီး ပြန်သွားတာကို ။
"အိမ်မှာ မရှိပေမဲ့ မီးလေးကို တီဇော် ခဏခဏ ဖုန်းဆက်သားပဲမီးလေးရဲ့...ပြီးတော့ တီဇော်အိမ်မှာ မရှိလည်း ကြီးမိတို့ ရှိတယ်လေ...ဘာလဲ ကြီးမိတို့နဲ့ နေရတာ မပျော်ဘူးလား..."
ESTÁS LEYENDO
မီးအိမ်ငယ်ရဲ့ အလင်းရှင်
Romanceမှောင်နေတဲ့ မီးအိမ်ကလေးကို သူမက အလင်းတွေ ထွန်းညှိပေးခဲ့တာ မီးအိမ်ရှင်ကလေး အမှောင်ထဲရောက်နေတဲ့အခါ မီးအိမ်ကလေးက လမ်းပြခေါ်ဆောင်ခွင့်ပြုပါ အလင်းမရှိတဲ့ မီးအိမ်နဲ့ မီးအိမ်မရှိတဲ့ အလင်းဟာ သီးခြားစီ ရပ်တည်ဖို့ ခက်ပါတယ် ခင်ဇော်ပျို သွန်းအလင်္က...
