Unicode
~~ ၁၄~~
ကာကာ ကားရပ်ပြီးတာနဲ့ သင်တန်းခန်းရှိရာသို့ ခပ်သွက်သွက် ပြေးတက်ခဲ့သည် ။ ကားပေါ်က ဆင်းတဲ့အချိန် သူငယ်ချင်းတွေနဲ့ ဆုံမှာကို မသိစိတ်က ကြောက်နေမိသည် ။ မီးလေးကိုကြိုပို့ မလုပ်ရတော့ရင် မမရတီ အလုပ်လုပ်ချိန် ပိုရပြီး ကြီးမိတို့လည်း မပင်ပန်းတော့ဘူးပေါ့ ဆိုတဲ့တီဇော် စကားကြောင့် ကာကာ သင်တန်းကို ကားယူလာတာ ။ ဖြစ်နိုင်ရင် လိုင်းကားသာ စီးချင်သည် ။
''လင်္ကာ...နင့်ကိုငါ စောင့်နေကျ နေရာမှာ စောင့်နေတာ...နင်ကဒီရောက်နေပြီ...´´
ကာကာ့ဘေးမှာ ဝင်ထိုင်ရင်း ပြောလိုက်တဲ့ ဖိုးခေါင်ကြောင့် ကာကာ ကိုယ်လေးကို မသိမသာ ကြုံ့လိုက်မိသည် ။
''ဟုတ်တယ် ဖိုးခေါင်...´´
မရေမရာဖြေရင်း စာအုပ်ကိုသာ ငုံ့ကြည့်နေလိုက်သည် ။
''ငါ့ကိုဘာလို့မစောင့်တာလဲ...ကြီးကြီးမိတို့ လိုက်ပို့ရင် ငါစောင့်နေတဲ့ နေရာမှာ ရပ်ပေးနေကျပါ...ဘာလဲ နင့်တီဇော် လိုက်ပို့တာလား...´´
''မဟုတ်ပါဘူး...´´
''ဒါဆို လိုင်းကားနဲ့ လာတာလား...´´
''မဟုတ်ဘူး...´´
ကာကာကိုယ်တိုင် ကားမောင်းပြီး လာတာလို့ ပြောဖို့ ဝန်လေးနေသည် ။ ကံကောင်းထောက်မစွာပင် တီချယ်ဝင်လာလို့ စကားသံတွေ တိတ်ကျသွားသည် ။
''လင်္ကာ.. ငါတို့ပြောလို့ မပြီးသေးဘူးနော်...အတန်းပြီးရင် ဆက်ပြောကြမယ်...´´
ဖိုးခေါင်ကို ကြည့်ရတာ သူ့ကို ကာကာ စောင့်မနေတာကို နည်းနည်းမှကျေနပ်ပုံမရ ။ အေးလေ ။ သူက ကာကာ့ကို အမြဲစောင့်ပြီးမှ အတန်းထဲဝင်နေကျ ။ ခုသူ့ကိုမစောင့်ပဲ ကာကာ ကြိုရောက်နေတော့ သူ စိတ်မကောင်း ဖြစ်နေတာထင်တယ် ။ ကာကာစိတ်ရှုပ်သွားသည် ။ ဒီကိစ္စကိုသူနဲ့ ဆက်မပြောချင် ။ သင်တန်းပြီးတာနဲ့ အတန်းထဲက ချက်ခြင်းထွက်ဖို့ ဖိုးခေါင်ကို ရှောင်နိုင်သမျှရှောင်ဖို့ တွေးရင်း တီချယ် ဘာတွေသင်သွားမှန်းတောင် မသိလိုက်။ ခါတိုင်းနေ့တွေမှာ မကုန်နိုင်ဘူး ထင်ရတဲ့ အတန်းချိန်က ဒီနေ့ကျတော့ အမြန်ပြီးသွားသလိုပင် ။ အရွှေတို့ကို လှမ်းကြည့်တော့ ထွက်သွားနှင့်ကြပြီ ။
VOUS LISEZ
မီးအိမ်ငယ်ရဲ့ အလင်းရှင်
Roman d'amourမှောင်နေတဲ့ မီးအိမ်ကလေးကို သူမက အလင်းတွေ ထွန်းညှိပေးခဲ့တာ မီးအိမ်ရှင်ကလေး အမှောင်ထဲရောက်နေတဲ့အခါ မီးအိမ်ကလေးက လမ်းပြခေါ်ဆောင်ခွင့်ပြုပါ အလင်းမရှိတဲ့ မီးအိမ်နဲ့ မီးအိမ်မရှိတဲ့ အလင်းဟာ သီးခြားစီ ရပ်တည်ဖို့ ခက်ပါတယ် ခင်ဇော်ပျို သွန်းအလင်္က...
