~~၉~~
''မီးလေးရေ...''
အခန်းရှေ့က မတိုးမကျယ် ထွက်လာတဲ့ ခေါ်သံ။
''ဟုတ်ကဲ့ တီဇော်...''
စာကြည့်စားပွဲမှာ ထိုင်နေရာက အသံပြုလိုက်သည်။
''မအိပ်သေးရင် တီဇော်ခဏလာလို့ ရမလား...''
''ဟုတ်ကဲ့ တီဇော်...''
စားပွဲပေါ်မှာ ပြန့်ကျဲနေတဲ့ ပစ္စည်းတွေကို တစ်ချက်ငုံ့ကြည့်ပြီးမှ အခန်းတံခါးဆီကိုပြေးပြီး တံခါးဖွင့်ကြိုလိုက်သည် ။
'' ကောင်မလေး...စာဖတ်နေတာလား...အိပ်ငိုက်နေတာလား...''
''ဟုတ်ဘူးတီဇော်...''
မရေမရာ ပြန်ဖြေရင်း တီဇော့်နောက်ကနေ အခန်းထဲ ပြန်ဝင်ခဲ့လိုက်သည် ။ စာကြည့်စားပွဲဆီကို လှမ်းကြည့်နေတဲ့ တီဇော့်ကို မလိမ်ချင်ပါ။
''မီး ဓာတ်ပုံတွေ ကြည့်နေတာ...''
''ဘာပုံတွေလဲမီးလေး...တီဇော်ကော ကြည့်လို့ရလား...''
''ဟုတ် ဟုတ်...ရပါတယ်...''
ကာကာ့ဆီက ခွင့်ပြုချက်ရတာနဲ့ စာကြည့်စားပွဲဆီ လှမ်းသွားတဲ့ တီဇော့်နောက်ကနေ ကပ်လိုက်သွားမိသည် ။ စာအုပ်တွေပေါ်မှာ ပြန့်ကြဲနေတဲ့ ဓာတ်ပုံတွေထဲက အပေါ်ဆုံးက တစ်ပုံကို ကောက်ယူသည် ။
''ပိုးပိုးပုံတွေလား...''
''ဟုတ် တီဇော်...တီဇော်ပြောသလို အတိတ်က အမှတ်တရတွေကို မီးဆီပြန်ခေါ်နေတာ...မီး မေမေ့ကို လွမ်းလို့...''
''မေမေ့ကိုလွမ်းတိုင်း ပုံတွေထုတ်ကြည့်နေတာလား မီးလေး...''
''ဟင့်အင်း...ဒီအိမ်ရောက်ပြီးကတည်းက မေမေ့ပုံတွေ ထုတ်ကြည့်တာ ဒါ ပထမဆုံးပါတီဇော်...''
တီဇော်က ကာကာ ရှိနေတာကို သတိမထားမိတော့တဲ့ဟန်နဲ့ စားပွဲပေါ်က ပုံတွေကို တစ်ပုံခြင်း ကောက်ယူသည် ။ ဓာတ်ပုံတွေထဲက မေမေ့မျက်နှာပေါ်ကို လက်ဖျားထိပ်လေးတွေနဲ့ တယုတယ ပွတ်သပ်သည် ။
''ပိုးပိုး ပျော်နေတဲ့ပုံလေးတွေ...''
တစ်ယောက်တည်း ပြောနေသလို တိုးတိုးလေးရွတ်သည် ။ မျက်နှာကလည်း ပြုံးလို့။ တီဇော်ကြည့်နေတဲ့ ဓာတ်ပုံထဲမှာ မေမေက ကာကာ့ကို ပွေ့ချီထားပြီး ရယ်မောနေသည်။ ကာကာကလည်း ကင်မရာကိုကြည့်ပြီး ရယ်လို့။ လူတွေအကြောင်းကို နားမလည်သေးတဲ့ ၊မေမေ့ ခံစားချက်တွေကို မသိသေးတဲ့ ၊ဖေဖေ့ဒေါသကို ရင်မဆိုင်ဖူးသေးတဲ့ တစ်နှစ်ကျော်အရွယ် ကာကာကလေးက မေမေနဲ့အတူတူ ရယ်မောလို့ ။
YOU ARE READING
မီးအိမ်ငယ်ရဲ့ အလင်းရှင်
Romanceမှောင်နေတဲ့ မီးအိမ်ကလေးကို သူမက အလင်းတွေ ထွန်းညှိပေးခဲ့တာ မီးအိမ်ရှင်ကလေး အမှောင်ထဲရောက်နေတဲ့အခါ မီးအိမ်ကလေးက လမ်းပြခေါ်ဆောင်ခွင့်ပြုပါ အလင်းမရှိတဲ့ မီးအိမ်နဲ့ မီးအိမ်မရှိတဲ့ အလင်းဟာ သီးခြားစီ ရပ်တည်ဖို့ ခက်ပါတယ် ခင်ဇော်ပျို သွန်းအလင်္က...
