( 4 )
مر يومين علي تلك المكالمة الأخيرة
أعتقد أنني تغيرت مائة وثمانين درجة في خلال أيام قليلة
هذا الشخص يحارب نفسيتي ويدمرها ، يعرف خبايا عقلي وما يدور في رأسي
لذلك يجب علي أن أقاتل لنهاية المعركة ، يجب أن أكون أكثر تركيزا .. أكثر وعيا .. أكثر صمودا
يجب أن أكون ند عنيد له ولا اتراجع ، فمعركتي معه ليست ضمن أي معركة منطقية وجدت
معركتي معه أصبحت أسطورية وابدية ، لأنها وبوضوح ليست أمام بشري مثلي ، إنني الآن أواجه الشيطان !!!
ففي آخر مكالمة له منذ يومين طلب مني ...
- إنت نجحت في استفزازي في الحلم وعلشان كده أنا هخليك تشوفني بس لازم تعرف إنك انت إلي اخترت ولازم تكون مدرك عواقب اختيارك دا ، لو عايزني اظهرلك لازم تعمل إلي بقولك عليه بالحرف الواحد من غير ما تنسي حاجه أو تعمل حاجه غلط لأن ساعتها هتكون حكمت علي نفسك بالموت
رددت عليه وقتها وقلت : من غير كلام كتير قولي أشوفك ازاي وإلا كده تكون خايف من مواجهتي فعلاً
- جرأتك واستفزازك أمر ممتع جدا يا دكتور أنور ، إنت بتتمتع بشجاعة مشوفتهاش في إنسان قبل كده ، الظهور هيبقي بعد يومين من دلوقتي عند منتصف الليل لازم قبلها تجيب ورقة وتكتب عليها اسمك لحد سابع جد ليك بس متكتبش الإسم بقلم عادي ، هتكتبه بدمك الأحمر وتحط الورقة عند عتبة شقتك اودام الباب بالضبط وتحط عليها شمعه تثبتها فوق اسمك وتنورها وتقفل الباب وبعد كده اطفي أنوار الشقة كلها ونور شمعة تانية معاك وقبل ما الساعة تدق منتصف الليل خبط 13 خبطة علي الباب آخر خبطة لازم تكون مع دقة الساعة وبعدها افتح الباب بسرعة ...
لحظة صمت طويلة أحلت بي حين سمعت تلك الكلمات منه ، كل ما يقوله يدل علي أنه ...
- عارف إلي بتفكر فيه يا دكتور أنور ، عارف إنك قريت كتب كتير في السحر السفلي وإن إلي بقولك عليه دا مش بيدل غير علي استدعائك لكيان مجهول يدخل في شقتك وعارف كمان مدي الصدمة إلي إنت فيها ، علشان كده أنا هسيبلك الإختيار تاني بالرغم من إن اصرارك لمقابلتي هو إلي خلاني اكشفلك ورقي والعب معاك علي المكشوف لكن ليك الحق تختار إما إنك تكمل اللعبة وتستدعيني ، أو لو خايف من ظهوري ليك ساعتها ليك الحق بالتراجع ودا مش هيقلل شجاعتك في نظري ، علشان كده أديتك فرصة يومين ، فكر وقرر ...
أنت تقرأ
حكايات أنور مختار
Horrorدكتور أنور مختار ، باحث في تراث الرعب القديم مثله الاعلي دكتور رفعت اسماعيل وعشقه أن يصبح مثله وفي سن الأربعين تتحول حياته رأساً علي عقب فيتوعد له الشيطان يونليس بأربعين لعنة ليواجه أشياء كثيرة بين الواقع والخيال ** أحداث الرواية متسلسلة **
