*_______________________*
إلى الحبيب المصطفى 💛
"صَلّت عليك قلوبٌ أنتَ تسكنها
وسلّمَ الناسُ قاصيها ودانيها" 🦋💛
*_______________________*
يَقولونَ لَيلى عَذَّبَتكَ بِحُبِّها
أَلا حَبَّذا ذاكَ الحَبيبُ المُعَذِّبُ ..✨🦋
_قَيس بن الملوّح
*_______________________*
في ڤلة جميلة وحسن
كرم وهو يدلف المطبخ لوالدته : جمولة قلبي
عانق كرم والدته بسعادة فضحكت جميلة وأردفت : حبيبي خير شكلك فرحان ما شاء الله
كرم : اوي يا ماما .. الحمد لله علي راح للهاكر ياا رب الموضوع ده يخلص بقى
جميلة : بجد اخيرا طب ازاي ؟
اخبرها كرم بما حدث فأردفت جميلة بدهشة : سبحان الله .. يوضع سره في اضعف خلقه فعلاً .. شوف انتو دايخين ازاي على الموضوع وفي الاخر ليلى اللي طلعت عارفة مكانه
كرم : ايوة انا استغربت بردو فعلاً .. سبحان الله
جميلة : طيب بالمناسبة السعيدة ديه بقى انا عندي طلب منك
كرم وهو يقرص وجنتها بمرح وهو يتوقع طلبها : انت تؤمر يا جميل
جميلة : تريح قلبي وتروح تشوف موضوع ميرا
تنهد كرم بضيق فأردفت جميلة سريعاً : صدقني مش هتندم .. انا بس عاوزاك تشوفها ديه زي القمر ومحترمة جدا وهادية وبنت ناس انا بصراحة كأم اتمنى واحدة زي ديه تبقى مرات ابني
كرم : يا ماما قولتلك قبل كدة نقفل ع الموضوع ده
جميلة : طب ميرا ايه عيبها
كرم : مفيهاش عيب هي انسانة ممتازة فعلاً وأي حد يتمنى تبقى مراته .. بس يا ماما انا مش حاسسها .. يعني مش حاسس ان ديه ينفع تبقى في يوم من الايام مراتي واكمل حياتي الباقية كلها معاها وتبقى ام لولادي .. مش من حيث انها مش كويسة لا ابدا بس انا اللي قلبي مش قابل فكرة جوازي منها
جميلة : طيب مهو علشان انت ما تعاملتش معاها .. جايز لما تتعامل معاها بعد الخطوبة تحبها
كرم: يا ماما انا مبعرفش ارفضلك طلب بس الموضوع ده بالذات بلاش منه .. انا عارف والله انك مش هتختاريلي واحدة مش كويسة بس انا حابب تسيبيني انا اختار شريكة حياتي
جميلة : مانا سايباك تختار انت ما بتختارش فقولت اختارلك انا واحركك شوية
كرم بضحك: انتي مستعجلة على ايه انا مش فاهم
جميلة : عايزة افرح بابني .. ايه مش من حقي ؟
كرم وهو يمسك وجهها بحنان بين يديه : لا يا ست الكل حقك طبعاً .. بس سيبيني على راحتي اختار انا لنفسي ولو ملقتش اوعدك هفكر في ميرا واخطبها لإني ساعتها مش هلاقي احسن منها
تنهدت جميلة ببعض الاحباط ولكن اسعدها امر انه سيفكر في ميرا اذا لم يجد عروساً بنفسه : طيب يا كرم براحتك .. مبعرفش اخد منك حق ولا باطل في الموضوع ده
ضحك كرم وقبل رأسها وأردف : اوعدك اني هختار واحدة بنت حلال وانتي بنفسك اللي هتقوليلي اتجوزها
جميلة بتفحص : انت واثق كدة ليه هو فيه واحدة عاوز تتقدملها وانت مخبي عليا ؟
كرم : والله ابداً .. ثم أردف بغمزة مشاغبة : انا بس واثق في ذوقي .. واوعدك يا ستي لو لقيت واحدة هقولك انتي اول حد
ابتسمت جميلة مردفة : ماشي يا حبيبي ربنا يسعدك
قبل كرم رأس والدته ثم خرج من المطبخ
جميلة بدعوة صادقة نابعة من القلب في سرها : يا رب ارزقه ببنت الحلال اللي تسعده وفرحني بيه عاجل غير آجل
أنت تقرأ
بحر الفيروز
Randomللهِ ثغرٌ بَيني و بَينهُ ما بينَ البينِ بَيْنٌ ، شيءٌ مِنَ اللاشيءْ ، كقافٍ بعدَ الشينِ وماقَبلَ الشينِ عينٌ _ لقائلها تصميم الغلاف / جنة أشرف
