بحر الفيروز

سباك

*_____________________*    

ليكن أمرك بالمعروفِ بالمعروفْ ، ونهيك عن المنكَرِ بغير المنكَرْ ..💛✨

_ ابن تيمية

*_____________________*

لو صحَّ مِنكَ الهوى أُرشِدتَ للحِيَلِ! 🦋

- السهيلي

*_____________________*

بعد مرور ثلاثة ايام
* في شركة ديري للطباعة والنشر *

_ يعني ايه بقولك الشركة بتقع مني ؟؟
= انا اسف بس انا حقيقي مش عارف اعمل ايه الأمر خرج من ايدي والكاتبة خلاص اتفقت مع دار نشر تانية
_ ازاي تعمل كدة ديه معانا من سنين .. يعني عشان خلاف زي ده تسيبنا وتمشي واحنا في ظل الظروف الوحشة ديه ؟
= مش عارف بقى .. انا كان نفسي اساعد حضرتك والله انا بعتذر
تنهدت الأخرى بأسىً مردفة : لا ولا يهمك حضرتك ذنبك ايه
= اتمنى تقدروا تتصرفوا وتلاقوا حل .. سلام عليكم
أومأت الأخرى مردفة : إن شاء الله .. وعليكم السلام اتفضل
خرج الرجل من المكتب لتستند الأخرى بظهرها على الكرسي مغمضة عينيها وتدعوا الله في داخلها أن تجد حلاً في اقرب وقت حتى لا يضيع تعب والدها طوال تلك السنين هباءاً ويتحول إلى حزمة قش تأكلها النيران

*في الخارج*
دلفت إلى الشركة بخطواتها الهادئة وابتسامتها الصغيرة التي غالبا ما تزين وجهها لتخطف انظار الجميع دون قصد او حتى انتباه .. تلك التي تبدو كالطفلة البريئة بصوتها الملائكي ذي النبرة الهادئة اللطيفة وملامح وجهها التي رغم بساطتها فهي لا تملك شيئاً مميزاً كالعيون الملونة أو البياض الناصع إلا انها تخطف قلوب الناس إليها فسبحان من وضع حبها في قلب كل من يراها دون حتى التعامل معها فيكفي نظرتها البريئة وملامحها الهادئة وصوتها الملائكي ليحبها أي كان رغماً عنه
دلفت بخطوات هادئة متجهة نحو مكتب صديقتها .. طرق خفيف على الباب .. إذن بالدخول .. إلقاء السلام والسؤال عن الأحوال .. جلوس
_ مالك يا دارين شكلك زعلان .. ولا يكونش ..
دارين مقاطعة وقد فهمت ما تقصده ميرا : ايوة يا ميرا يكونش
* ستوووب يابني 😂❤️ دول دارين وميرا اللي كانت جميلة بتكلم كرم عنها ..دارين عندها 24 سنة وميرا عندها 21 .. بما اننا تقريباً خلاص اتعرفنا على بعض ما يخص ميرا ومعتش غير اننا نقول انها بتشتغل هنا مع دارين كمحررة يبقى نتعرف على دارين بقى .. دارين رضوان مديرة شركة ديري للطباعة والنشر الشركة اللي والدها اتوفى وسابها ليها هي واخوها يديروها بعد مكبرها ولإن اخوها مش بيهتم بالحاجات ديه وبيفضل كل اللي بيخص الطب على عكس اخته ونفسه يبني مستشفى فباع اسهمه في الشركة لاخته دارين عشان تبقى هي المسؤولة الأولى عن الشركة وكل حاجة تخصها .. دارين جميلة اوي وذكية جدا ومجتهدة جدا جدا بس للأسف حصلتلهم أزمة في الفترة الأخيرة ولذلك بتحاول على قد ما تقدر توقف الشركة على رجليها تاني .. نرجع 🏃🏃❤️ *
ميرا : كنت حاسة .. يعني اتفقوا مع دار نشر تانية زي ما قولتلك .. عرفتي منين ؟
دارين : جاسر لسة ماشي من عندي من شوية وقالي
ميرا : طب وبعدين هنعمل ايه ؟
دارين : مش عارفة .. بس لازم نتصرف .. انا مش هسيب تعب بابا الله يرحمه يروح هدر واكسر ثقته فيا
ميرا : لازم نبدأ شغل في كتب جديدة تبقى واو وتلفت نظر الناس .. بس نجيبها منين الكتب ديه واحنا حتى اهم واشطر كاتبة كنا شغالين معاها سابتنا ومشيت .. ده غير كُتّاب تانيين سابونا بعد المشكلة اللي حصلت
دارين : مش عارفة يا ميرا انا متلخبطة اوي .. يا رب حلها من عندك