*__________________________________*
والصلاةُ عَليهِ رِزقٌ ﷺ ♥️
*__________________________________*
"لعلّك سَعَيتْ، ولعلّك دَعَيتْ، ولعلّـهُ استَجابْ، ولكنّـهُ يُهَيّئُ الأسبابْ."
*__________________________________*
-
"وكنتُ أدعوكَ يا الله في صِغري
رِزقًا من الأُنسِ أو قِطَعاً من الحَلوَى!
لمَّا كبرتُ عَرِفتُ الرِّزقَ يا ربِّي...
بأنَّه الأمنُ والإيمانُ والسَّلوَى"
💜
*__________________________________*
في بيت كمال
كان كمال يجلس بالأسفل في غرفة المعيشة يشرب كوب قهوة ويضع الحاسوب أمامه يعمل على أمور تخص الشركة
، حتى طُرِق الباب طرقات يعرفها جيداً
نهض واضعاً الحاسوب على جانب على الأريكة وكوب القهوة على الطاولة ليفتح الباب ليدخل الطارق مباشرة نحو الثلاجة
قلب كمال عينيه بابتسامة ليغلق الباب ذاهباً خلفه
ياسر وهو يفتح باب الثلاجة : ايه يسطا عندكو اكل ايه ؟
كمال بابتسامة : كنت عارف ان انت .. محدش بيخبط على الباب بالطريقة ديه غيرك ، بحس ان فيه زفة داخلة
ياسر بضحك : بفرفشكو يا كيمو
كمال بضحك : ماشي ياخويا فرفش براحتك ، وبعدين خد هنا مش قولنا 100 مرة نقول السلام الاول قبل ما ندخل ، انت عيّل صغيّر هقعد اعلم فيك ؟ .. ايه داخل ع التلاجة كدة علطول انتو معندكوش تلاجة في بيتكو ؟
ياسر : ايوة صح نسيت السلام عليكم يا كيمو
كمال : وعليكم السلام
ياسر وهو يلملم كل الطعام الموجود في الثلاجة : معلش بقى انت عارف باجي من الشركة على قسم الشرطة على هنا علطول فميّت من الجوع ، وبعدين بصراحة مش بيحلالي الاكل غير عندكم مبحبش اكل لوحدي في البيت
كمال وهو يحك رقبته بحرج ويعرف ان هذا سيحزنه : آآ ، ايوة بس للأسف انت شكلك هتضطر تاكل لوحدك ، انا اكلت خلاص مقدرتش استناك ورنيت عليك مرديتش
ياسر بتذمر : كدة يا كيمو بتاكل من غيري ؟ وبعدين كان عندي شغل كنت استنى شوية ، طب ومايا وشادي ؟ وعمي راجي فين ؟
كمال : معلش كنت جعان اوي والله .. مايا راحت مع شادي لقرايب جوزها معزومين هناك وبابا لسة في شغله
ياسر وهو يقوم بتسخين الطعام : انتو عِيلة مش جدعة ، بس ع العموم مش مشكلة هاكل واتبسط انا ، انتو الخسرانين هو انا حد يطول ياكل معايا ؟
كمال وهو يربت على كتفه : طب بطل مدح في نفسك ولما تخلص تعالى عايزك في موضوع
ياسر وهو يحمل الاطباق للخارج : يعتبر خلصت
نقل كمال وياسر الاطباق للخارج وجلس ياسر يتناول الطعام
مد كمال يده ليلتقط قطعة من الطعام بادئاً بالتحدث : بقولك يا ياسورة انا نويت أ... اااه فيه ايه ؟؟
كاد كمال يلتقط من الطعام ليقوم ياسر بضربه على ظهر يده ليتأوه كمال مفزوعاً ليجد ياسر يردف بتحذير وهو يحرك سبابته أمامه : حِسك عينك .. سامعني حِسك عينك تفكر وتُسوِّل ليك نَفْسك وتاخد من أكلي ، احنا واحد في كل حاجة اه بس إلا في الأكل هنبقى اتنين ، وبعدين عشان تبقى تاكل من غيري كويس
أنت تقرأ
بحر الفيروز
Acakللهِ ثغرٌ بَيني و بَينهُ ما بينَ البينِ بَيْنٌ ، شيءٌ مِنَ اللاشيءْ ، كقافٍ بعدَ الشينِ وماقَبلَ الشينِ عينٌ _ لقائلها تصميم الغلاف / جنة أشرف
