بحر الفيروز

خزنة حل الألغاز

إن مُحمَّداً له في القلبِ حُباً
‏ فصلّوا عليه كي يزيد الحُبّ حباً .♥️🥀

*______________________________*

لا تنس أن تُلح بـ "اللهم اهدِ لي قلبي" ..
فإنه والله لو هُدِي هان عليك كل شيء ♥️

*______________________________*

كلمتين بس ع السريع قبل ما تبدؤوا انا كتبت البارت وكنت قربت اخلصه من فترة طويلة وخرجت من الابلكيشن من غير ما اعمل حفظ على نية اكمل كمان شوية .. الموبايل هنج ودخلت الواتباد بعدها لقيت اللي كتبته اتمسح
وده سبب تأخيري

+ حاجة كمان معلش .. انا تعبانة بقالي فترة وبلف على الدكاترة وكدة فاعذروني لو اتأخرت وكمان بقولكم كدة عشان تفتكروني في دعاؤكم ♥️
بس كدة دول كانوا نقطتين مهمين عاوزة اقولهم قبل ما نبدأ رحلتنا في البارت سوا ♥️♥️
يا رب ينال إعجابكم ♥️♥️♥️ يلا صلوا على النبي وادخلوا برجلكم اليمين وقراءة ممتعة يا رب 😂♥️😍

رفع كمال حاجبيه بصدمة سيطرت على عقله وكل جوارحه ولا يستوعب ما هو مقبلٌ اخوه وابن عمه على فعله بنفسه وبه وبآية .. نهض كمال فجأة وقد استسلم لإعصاره ليشد ياسر من ياقة قميصه بكلتا يديه منهضاً إياه من على الكرسيّ ويحدثه عقله بصفعه على وجهه الآن لعله يعود لصوابه : انت بتقول ايه ؟؟ ياسر انت اكيد اتـجـننـت !! انت سامع نفسك ؟؟؟ مستوعب اللي انت قــولـتـه ؟؟!!

ياسر : اه يا كمال سامع نفسي وفي كامل قواي العقلية وعارف بعمل ايه ، انت ايه اللي مضايقك اوي كدة ؟ مانت خطبت آية خلاص وقريب إن شاء الله هتتجوزوا تهمك رندة في ايه ؟!!

نظر كمال إليه بصدمة أكبر من ما يتفوّه به هذا الأحمق !! لقد كان طوال الوقت يحذره من اتخاذ فتاة كرندة زوجة له !! كان يخبره أنه لو مكانه لن يختارها ! وفوق كل هذا كان يعلم من قبله بأمر حبها لـ علي ومطاردتها له ! رأى بنفسه طوال سنوات وخاصة هذه الأيام جشع والدها وغرور ابنته وتسلطهما على من حولهما ! كان اول شخص سعد بتركه لرندة وتقدمه لخطبة آية وأخبره بأن هذا عين العقل ! ورأى مدى خبث رندة معه ورأى خيانتها له قبل خطبتهما بيوم ! وفوق كل هذا حدثه من قبل بأمر نهى وأنه ينتظر الوقت المناسب ليقدم على اول خطوة حقيقية تجمعها به !! والآن بكل بساطة يسأله ما الذي يضايقه في الأمر ؟!!! هل هو مختل ؟؟!

ترك كمال ياسر من قبضته مبتعداً عنه خطوتين مطالعاً إياه وقد عُقد لسانه .. من كثرة الكلام الذي يريد قوله لم يسعفه لسانه بالنطق بأي شئ .. إنه يسأله ما الذي يضايقه !! ما الذي يضايقه ؟؟!! يقسم بأن كل الموقف في كفة وسؤاله المستنكر بكل بساطة عما يضايقه في كفة أخرى ، هذا السؤال وحده كفيل بأن يصيبه بنوبة قلبية !!

كمال هامساً بدهشة : ياسر انت بتسألني بجد ده مضايقني في ايه ؟ انا لحد دلوقتي حاطط احتمال انك بتهزر